ବେଙ୍ଗାଲୁରୁ,୪।୮: କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ତଥା ଜେଡି(ଏସ୍) ନେତା ଏଚ୍ଡି କୁମାରସ୍ବାମୀ ରବିବାର କହିଥିଲେ କି କର୍ନାଟକରେ ଖୁବ୍ଶୀଘ୍ର ନିର୍ବାଚନ ହେବ। କାରଣ ଏଠି ଭାଜପା ବେଶିଦିନ ଶାସନ କରିପାରିବ ନାହିଁ। ଏହାର ପ୍ରତିକ୍ରିୟା ଦେଇ ଭାଜପା ନେତା ଜଗଦିଶ ସେତ୍ତାର କହିଛନ୍ତି, କୁମାରସ୍ବାମୀଙ୍କ କଥାକୁ ଗୁରୁତ୍ୱ ଦେବା ଅନୁଚିତ। କାରଣ ଦେବଗୌଡା ଓ କୁମାରସ୍ବାମୀ ଭଲ ନାଟକ କରିପାରନ୍ତି। ଏମିତିକି ସେମାନେ ଯେତେବେଳେ ନିର୍ବାଚନରେ ହାରନ୍ତି ସେତେବେଳେ କାନ୍ଦନ୍ତି ଓ ରାଜନୀତିରୁ ଅବସର ନେବା କଥା କୁହନ୍ତି। ତେଣୁ ତାଙ୍କ କଥାରେ କୌଣସି ଗୁରୁତ୍ୱ ନାହିଁ। ସୂଚନାଯୋଗ୍ୟ, ନିକଟରେ କର୍ନାଟକର ମେଣ୍ଟ ସରକାରକୁ ବହୁମତରେ ହରାଇବା ପରେ ଏବେ ସେଠାରେ ଭାଜପା ଶାସନ ଭାର ହାତକୁ ନେଇଛି।
