ଭଞ୍ଜନଗର,୧୯।୧୦(ଡି.ଏନ.ଏ) -ଭଞ୍ଜନଗର ସହର ବଡ଼ତୋଟାସାହିର ନବବଧୂ ଆରତୀ ନାହାକ (୩୦)ଙ୍କୁ ହତ୍ୟାକରି ଶ୍ୱଶୁରଘର ଲୋକେ ବୁଧବାର ପୋଡ଼ି ଦେଇଥିବା ନେଇ ଶୁକ୍ରବାର ଥାନାରେ ଅଭିଯୋଗ ହୋଇଛି। ଅଭିଯୋଗ କରିଛନ୍ତି ଆରତୀଙ୍କ ଭାଇ। ନଂ.୩୫୧।୧୯ରେ ଏକ ଯୌତୁକ ଜନିତ ହତ୍ୟା ମାମଲା ରୁଜୁକରି ଘଟଣାର ଅଧିକ ତଦନ୍ତ ଚଳାଇଛି ପୋଲିସ। ଏଥିସହ ଛତ୍ରପୁରରୁ ଆସିଥିବା ସାଇଣ୍ଟିଫିକ୍ ଟିମ୍ ଶୁକ୍ରବାର ଘଟଣାର ତଦନ୍ତ କରି ଫେରିଯାଇଛି। ପୋଲିସ ଶ୍ମଶାନଘାଟରୁ ହାଡ଼ ପାଉଁଶ ଜବତ କରିଛି। ଏହି ମାମଲାରେ ପୋଲିସ ୩ଜଣଙ୍କୁ ଥାନାରେ ଅଟକ ରଖି ପଚରାଉଚରା ଚଳାଇଛି।
ପୋଲସରାର ଆରତୀ କିଛିବର୍ଷ ପୂର୍ବେ ତୋଟାସାହିର ରଞ୍ଜିତ ନାହାକଙ୍କୁ ବିବାହ କରିଥିଲେ। ଗତ ବୁଧବାର ପ୍ରତ୍ୟୁଷରେ ଆରତୀ ମୃତ୍ୟୁବରଣ କରିଥିବା ନେଇ ପ୍ରାୟ ସାଢ଼େ ୭ଟାରେ ଶ୍ୱଶୁରଘର ଲୋକେ ଆରତୀଙ୍କ ଭାଇ ଗୌତମଙ୍କୁ ଖବର ଦେଇଥିଲେ। ଗୌତମଙ୍କ ପରିବାର ଲୋକେ ଅପରାହ୍ନରେ ଭଞ୍ଜନଗରରେ ପହଞ୍ଚତ୍ ଦେଖିବାବେଳକୁ ଆରତୀଙ୍କୁ ପୋଡ଼ି ଦିଆଯାଇଛି। ତେଣୁ ଗୌତମଙ୍କ ସନ୍ଦେହ ବଢ଼ିଥିଲା। ଏହାପରେ ଗୌତମ ଓ ସାଥିରେ ଆସିଥିବା ଅନ୍ୟମାନେ ଫେରିଯାଇଥିଲେ। ଆରତୀଙ୍କୁ ଯୋଜନାବଦ୍ଧ ଭାବେ ହତ୍ୟା କରାଯାଇଥିବା ଗୌତମ ଶୁକ୍ରବାର ଭଞ୍ଜନଗରରେ ଥାନାରେ ଅଭିଯୋଗ କରିବା ପରେ ଏସ୍.ଆଇ. ନିରଞ୍ଜନ ଦାସ ଘଟଣାର ତଦନ୍ତ କରୁଛନ୍ତି।
