ନନ୍ଦନକାନନ ପାଇଁ ଅଡ଼ୁଆ ସାଜିଛି ବାଉଁଶ ଗଛ

ବାରଙ୍ଗ,୩୧।୭(ଡି.ଏନ୍‌.ଏ.): ବାତ୍ୟା ପ୍ରକୋପରେ ଅର୍ଦ୍ଧାଧିକ ନଷ୍ଟ ହୋଇଥିବା ନନ୍ଦନକାନନ ଚତୁଃପାର୍ଶ୍ୱକୁ ଧୀରେ ଧୀରେ ସଜଡା ଯାଉଥିବାବେଳେ ଏବେ ଅଡୁଆ ସାଜିଛି ବାଉଁଶ ଗଛ। ଏହି ବାଉଁଶ ପତ୍ର ହଁି ଜୀବଜନ୍ତୁମାନଙ୍କ ପାଇଁ ବିପଦର କାରଣ ପାଲଟିଛି। ନନ୍ଦନକାନନରେ ଏତେ ପରିମାଣର ଥିବା ବାଉଁଶ ଗଛକୁ କାଟିବା ସମ୍ଭବପର ନ ଥିବାବେଳେ ଫନୀରେ ଭାଙ୍ଗି ଯାଇଥିବା ଗଛର ମୂଳ ଉପଡାଯାଉଛି। ଏହାସହ ଗଛର ତଳପାର୍ଶ୍ୱର ଡାଳଗୁଡ଼ିକକୁ କାଟି ଦିଆଯାଉଛି। ନନ୍ଦନକାନନର ପୂର୍ବାବସ୍ଥାକୁ ଫେରାଇବା ପାଇଁ ଆନ୍ଧ୍ରପ୍ରଦେଶରୁ ବିଭିନ୍ନ ଗଛ ଅଣାଯାଇ ପରିସରରେ ଲଗାଯାଉଛି। ଏହାସହ ନଷ୍ଟ ହୋଇଯାଇଥିବା ବାଉଁଶ ଗଛଗୁଡିକ ଯେଭଳି ପଶୁପକ୍ଷୀଙ୍କ ପାଇଁ କୌଣସି କ୍ଷତି ନ ହେବ ସେଥିପ୍ରତି ଧ୍ୟାନ ରଖାଯାଉଛି। କାରଣ ଏହି ବାଉଁଶଗଛର ପତ୍ରଗୁଡିକ ତଳେ ପଡିବାପରେ ବର୍ଷାକାକରରେ ପଚି ଟିଙ୍କ ସୃଷ୍ଟି ହେଉଛି ବୋଲି ଜନ୍ତୁ ବିଭାଗ ପକ୍ଷରୁ ଅନୁମାନ କରାଯାଇଛି। ତେଣୁ ଏନକ୍ଲୋଜରଗୁଡ଼ିକରେ ଥିବା ବାଉଁଶ ଗଛଗୁଡିକୁ ଉଞ୍ଛିବା କାର୍ଯ୍ୟରେ ଲାଗିପଡିଛି ଜନ୍ତୁବିଭାଗ। ଗତ ମାସରେ ଓୟୁଏଟିର କେତେକ ଅଧିକାରୀମାନେ ନନ୍ଦନକାନନ ପରିଦର୍ଶନରେ ଆସିଥିବାବେଳେ ବାଉଁଶ ଗଛ ନଷ୍ଟ ହେବା ପତ୍ରଗୁଡ଼ିକ ଝାଉଁଳି ପଡି ଦେଖି ଟିଙ୍କ ସୃଷ୍ଟି ହେବାର ଥିବାରୁ କର୍ତ୍ତୃପକ୍ଷଙ୍କୁ ଯଥାଶୀଘ୍ର ସଫାସୁତରା କରିବା ପାଇଁ ପରାମର୍ଶ ଦେଇଥିଲେ। ଅର୍ଦ୍ଧଭଗ୍ନାବସ୍ଥା ଓ ଶୋଇରହିଥିବା ବାଉଁଶଗଛଗୁଡିକୁ କାଟିବା ସହ ସମ୍ପୂର୍ଣ ଭାଙ୍ଗି ମୂଳଥିବା ଗଛଗୁଡିକୁ ମଧ୍ୟ ଉପୁଡାଯାଉଛି। ସବୁଦିନେ ଏନ୍‌କ୍ଲୋଜରଗୁଡିକ ସହ ଡିସପ୍ଲେଗୁଡିକର ଝାଡୁମରା ହେଉଥିବାବେଳେ ଏହି ଗଛଗୁଡିକର ମୂଳକୁ ଝାଡୁମାରିବାରେ ଅସୁବିଧା ସୃଷ୍ଟି ହୋଇଥାଏ। ତଳେ ପଡୁଥିତ୍ବା ପତ୍ରଗୁଡିକ ପଚି ଟିଙ୍କ ସୃଷ୍ଟି ହେବାରୁ ଏନକ୍ଲୋଜରରେ ରହୁଥିବା ପଶୁପକ୍ଷୀଙ୍କ ପାଇଁ ବିପଦର କାରଣ ସାଜିଥାଏ। କାରଣ ଏହି ପତ୍ର ସବୁ ସେମାନେ ଖାଇଦେଲେ କୌଣସି ରୋଗ ହେବାର ଆଶଙ୍କା ଥାଏ। ଏଣୁ ଏବେ ବିଭିନ୍ନ ବାଘ, ଏମୁ, ଅଷ୍ଟ୍ରିଜ ଆଦି ଏନକ୍ଲୋଜରରେ ଜନ୍ତୁ ବିଭାଗ ପକ୍ଷରୁ କର୍ମଚାରୀମାନଙ୍କୁ ଏହି କାମରେ ଲଗାଯାଇଥିବାର ଦେଖିବାକୁ ମିଳିଛି। ଏ ସର୍ମ୍ପକରେ ଜନ୍ତୁ ବିଭାଗ ଦାୟିତ୍ୱରେ ଥିବା ଏସିଏଫ ଅଶୋକ କୁମାର ଦାସ କୁହନ୍ତି, ବାଉଁଶ ଗଛ ମୂଳରେ ଝାଡୁମାରିବା କଷ୍ଟ ହେଉଛି। ମୂଳରେ ପତ୍ରପଡି ବର୍ଷା ପାଣିରେ ପଚି ଟିଙ୍କର ବାହକ ସାଜୁଛନ୍ତି। ନନ୍ଦନକାନନରେ ବହୁ ବାଉଁଶଗଛ ଥିବାରୁ ସେସବୁକୁ କାଟିବା ସମ୍ଭବପର ନୁହେଁ। ତେଣୁ ଭାଙ୍ଗିଥିବା ଗଛର ମୂଳକୁ ଉପାଡିବା ସହ ଗଛସବୁକୁ ତଳପଟୁ ଉଞ୍ଛୁଡା ଯିବ, ଯେପରି ଓଳାଇବାରେ ଅସୁବିଧା ନ ହେବ।


Enter your email to get our daily news in your inbox.

All Right Reserved By Dharitri.Com

ପ୍ରାର୍ଥିପତ୍ର ଯାଞ୍ଚରେ ଚଞ୍ଚକତା ଅଭିଯୋଗ

ଖମାର,୨୪ା୧(ଡି.ଏନ.ଏ.): ଅନୁଗୋଳ ଜିଲା ପାଲଲହଡ଼ା ବ୍ଲକ ବଡସଡ଼ା ପଞ୍ଚାୟତର ସମିତି ସଭ୍ୟ ପଦବୀ ପାଇଁ ଦାଖଲ ହୋଇଥିବା ୮ ପ୍ରାର୍ଥିପତ୍ର ଯାଞ୍ଚ ବେଳେ ରବିବାର ଚଞ୍ଚକତା...

ଏଆଇଟିୟୁସି ପକ୍ଷରୁ ତହସିଲ କାର୍ଯ୍ୟାଳୟରେ ବିକ୍ଷୋଭ: ରାଷ୍ଟ୍ରପତି, ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ତହସିଲଦାରଙ୍କୁ ଦାବିପତ୍ର ପ୍ରଦାନ

ବଡ଼ବିଲ,୨୮।୮(ସ୍ବ.ପ୍ର.): କେନ୍ଦୁଝର ଜିଲା ବଡ଼ବିଲରେ ଏଆଇଟିୟୁସି(ଅଖିଳ ଭାରତ ଟ୍ରେଡ୍‌ ୟୁନିୟନ କଂଗ୍ରେସ) ପକ୍ଷରୁ ବୁଧବାର ତହସିଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛିି। ଶ୍ରମିକମାନେ ଏକ...

ବୃଦ୍ଧାଙ୍କୁ ଦଳିଦେଲା ଦନ୍ତା

ବଇଣ୍ଡା,୫।୩(ଡି.ଏନ.ଏ.)-କିଶୋରନଗର ବ୍ଲକ ହଣ୍ଡପା ଥାନା କମରେଇ ଗ୍ରାମରେ ବୁଧବାର ବିଳମ୍ବିତ ରାତିରେ ଏକ ଦନ୍ତା ହାତୀ ତାଣ୍ଡବ କରିଛି। ଗ୍ରାମର ୩ଟି ଚାଳଘର ଭାଙ୍ଗିବାସହ ଘର...

ସୀତା ଠାକୁରାଣୀଙ୍କ ଦର୍ଶନ ଲାଗି ଭକ୍ତଙ୍କ ଭିଡ଼

ଢେଙ୍କିକୋଟ, ୧୬ା୬(ଡି.ଏନ୍‌.ଏ.)- ଓଡ଼ିଶାର ଅନ୍ୟତମ ପର୍ଯ୍ୟଟନସ୍ଥଳୀ ସୀତାବିଞ୍ଜଠାରେ ଶନିବାରଠାରୁ ଆରମ୍ଭ ହୋଇଛି ୩ ଦିନିଆ ରଜମେଳା। ପ୍ରତିବର୍ଷ ପରି ରଜମେଳାର ପ୍ରଥମ ଦିନରେ ମା’ ସୀତା...

ଖାଇବା ତେଲ: ପୋଡ଼ିଲେ ମାରାତ୍ମକ

ଭୁବନେଶ୍ୱର,୧।୮(ବ୍ୟୁରୋ): ଖାଇବା ତେଲ ବିନା ଆମର ନିତିିଦିନିଆ ରୋଷେଇ ଏକ ପ୍ରକାର ଅସମ୍ଭବ। ଅଧିକାଂଶ ଖାଦ୍ୟ ପ୍ରସ୍ତୁତି ବା ସ୍ବାଦିଷ୍ଟ ଭୋଜନ ହୋଇ ନ ଥାଏ।...

୧୯ ବର୍ଷରୁ କମ୍‌ କ୍ରିକେଟ ଦଳରେ ମାଲକାନଗିରିର ବିଟୁ ସାମିଲ

ମାଲକାନଗିରି,୨୫ା୧୨ (ସ.ପ୍ର.): ମାଲକାନଗିରି ଜିଲାର ବିଟୁ ଶାହା ଓଡିଶା କ୍ରିକେଟ ଦଳରେ ସାମିଲ ହୋଇଛନ୍ତି। ୧୯ ବର୍ଷରୁ କମ୍‌ ଓଡିଶା କ୍ରିକେଟ ଦଳରେ ସେ ସ୍ଥାନ...

ପଳାଶପଙ୍ଗା ବ୍ୟାଙ୍କ ଅଫ ଇଣ୍ଡିଆରୁ ଚୋରି

ରାଇସୁଆଁ, ୧୦ା୨ (ଡି.ଏନ.ଏ.)-କେନ୍ଦୁଝର ଜିଲା ସଦର ଥାନା ଅନ୍ତର୍ଗତ ପଳାଶପଙ୍ଗା ନିକଟ ଓସିଏଲା ବ୍ୟାଙ୍କ ଅଫ ଇଣ୍ଡିଆ ଶାଖାରୁ ରବିବାର ରାତିରେ ତାଲା ତାଡି ଲକ୍ଷାଧିକ...

ରୋଗୀଙ୍କ ସମ୍ପର୍କୀୟଙ୍କୁ ବାଉନ୍‌ସରଙ୍କ ଆକ୍ରମଣ

ଭୁବନେଶ୍ୱର,୨୧ା୧୦(ବ୍ୟୁରୋ) : ହସ୍ପିଟାଲ ପରିସରରେ ବାଉନ୍‌ସରଙ୍କ ଉପତ୍ାତ ଦିନକୁ ଦିନ ବଢ଼ିବାରେ ଲାଗିଛି। ରବିବାର ନୟାପଲ୍ଲୀ ଥାନା ଅଞ୍ଚଳରେ ଥିବା ଏକ ଘରୋଇ ହସ୍ପିଟାଲରେ ରୋଗୀଙ୍କ...

Advertisement


Archives

Model This Week