Posted inଜାତୀୟ

ଦୁର୍ଗ ଭେଦିବାକୁ ଭାଜପାର କସରତ

ପରଜଙ୍ଗ, ୨୧।୪(ଡି.ଏନ.ଏ.) ରାଜ୍ୟ ରାଜନୀତିର ଅନ୍ୟତମ ଚର୍ଚ୍ଚିତ ଲୋକ ସଭା କ୍ଷେତ୍ର ଢେଙ୍କାନାଳରେ ତୃତୀୟ ପର୍ଯ୍ୟାୟ ନିର୍ବାଚନ ଏପ୍ରିଲ ୨୩ରେ ଅନୁଷ୍ଠିତ ହେଉଛି। ପ୍ରଚାର ସରିବାକୁ ପ୍ରାର୍ଥୀଙ୍କ ହାତରେ ମାତ୍ର କେଇଘଣ୍ଟା ଥିବାବେଳେ ଭୋଟରଙ୍କ ମୁଡ୍‌ ପରଖୁଛନ୍ତି ରାଜନୈତିକ ଦଳ। ମଇଦାନରେ କସରତ କରୁଥିବା ପ୍ରାର୍ଥୀ ଜନସାଧାରଣଙ୍କୁ ଅଜାଡୁଛନ୍ତି ଅଜସ୍ର ପ୍ରତିଶ୍ରୁତି। ଏସବୁ ଭିତରେ ବିଜେଡିର ଅଭେଦ୍ୟ ଦୁର୍ଗ କୁହାଯାଉଥିବା ପରଜଙ୍ଗ ନିର୍ବାଚନମଣ୍ଡଳୀ (୫୮) ଉପରେ ଅଟକିଛି ସମସ୍ତଙ୍କ ନଜର। ଏଠାରୁ କ୍ରମାଗତ ୨ଥର ବିଜୟୀ ହୋଇ ମନ୍ତ୍ରିମଣ୍ଡଳରେ ଗୁରୁତ୍ୱପୂର୍ଣ୍ଣ ସ୍ଥାନ ପାଇଥିବା ଡା. ନୃସିଂହ ଚରଣ ସାହୁଙ୍କ  ପାଇଁ ଚଳିତ ନିର୍ବାଚନ ମର୍ଯ୍ୟାଦାର ପ୍ରଶ୍ନ ହୋଇଛି। ସେହିପରି ଲଗାତାର ୨ଥର ପରାଜିତ ହୋଇଥିବା ଭାଜପା ପ୍ରାର୍ଥୀ ବିଭୂତି ଭୂଷଣ ପ୍ରଧାନ ବିଜେଡି ଦୁର୍ଗ ଭେଦିବାକୁ ଦିନରାତି ଏକ୍‌ କରିଦେଇଛନ୍ତି। ଅପରପକ୍ଷେ ମତଦାନକୁ ମାତ୍ର ଦିନ କେଇଟା ଥିବାବେଳେ କଂଗ୍ରେସରେ କିନ୍ତୁ ଗୋଷ୍ଠୀ କନ୍ଦଳ ଥମିବାର ନଁା ଧରୁନି। ଚଳିତ ନିର୍ବାଚନରେ ମହିଳା କାର୍ଡ ଖେଳି ନିର୍ବାଚନ ବୈତରଣୀ ପାରହେବାକୁ ଆଶା ରଖିଥିବା କଂଗ୍ରେସ ପାଇଁ ଏବେ ଦଳୀୟ ବିଦ୍ରୋହୀ ହିଁ କଣ୍ଟା ସାଜିଛନ୍ତି, ଯାହା ପ୍ରାର୍ଥୀଙ୍କ ପାଇଁ ଚିନ୍ତା ବଢ଼ାଇଛି।

ଦୀର୍ଘ ୧୦ବର୍ଷ ହେଲା ବିଜେଡି କବ୍‌ଜାରେ ରହିଛି ପରଜଙ୍ଗ ବିଧାନସଭା ଆସନ। ୨୦୦୯ରୁ ବିଭୂତିଙ୍କୁ ଭାଜପା ପ୍ରାର୍ଥୀ କରି ଆସୁଥିଲେ ମଧ୍ୟ ତାଙ୍କୁ ବିଜୟ ସୁଯୋଗ ଜୁଟିନାହିଁ। ନୃସିଂହ ଏଠାରୁ କ୍ରମାଗତ ବିଜୟ ହେବା ସହ ନବୀନ ସରକାରଙ୍କ ମନ୍ତ୍ରିମଣ୍ଡଳରେ ସ୍ଥାନ ମଧ୍ୟ ପାଇଛନ୍ତି। ତାଙ୍କ ଉପରେ ପୁଣି ଥରେ ଭରସା କରିଛି ଶାସକ ଦଳ। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ପଞ୍ଚାୟତ ନିର୍ବାଚନରେ ନିର୍ବାଚନମଣ୍ଡଳୀ ଅଧୀନ ୭ ଜିଲା ପରିଷଦ ଜୋନ୍‌ ମଧ୍ୟରୁ ୪ଟି ଛଡ଼ାଇନେଇଛି ଭାଜପା। ଗ୍ରାମାଞ୍ଚଳରେ ମଧ୍ୟ ଭାଜପାର ପତିଆରା ପୂର୍ବାପେକ୍ଷା ବଢ଼ିଛି। ତେଣୁ ୨୦୧୯ ନିର୍ବାଚନ ନୃସିଂହଙ୍କ ପାଇଁ ଚ୍ୟାଲେଞ୍ଜ ପାଲଟିଛି। ବିଜେଡି ମୁଖିଆ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବ୍ୟକ୍ତିତ୍ୱକୁ ପୁଞ୍ଜି କରି ନୃସିଂହ ଭୋଟରଙ୍କ ପାଖକୁ ଯାଉଛନ୍ତି।

ସେପଟେ ପରିବର୍ତ୍ତନ ନାରା ଦେଇ ଭାଜପା ପ୍ରଚାରକୁ ଜୋର୍‌ଦାର କରିଛି। ପ୍ରତିଦିନ ବାଇକ୍‌ ରାଲି, ରୋଡ ଶୋ କରି ବିଜେଡିର ଅଭେଦ୍ୟ ଦୁର୍ଗରେ ଗୈରିକ ପତାକା ଉଡ଼ାଇବାକୁ ଗୋଟି ଚଳାଇଛନ୍ତି ବିଭୂତି। ପୂର୍ବରୁ ଅନୁଷ୍ଠିତ ୨ଟି ନିର୍ବାଚନରେ ବିଭୂତି ଅଳ୍ପ ଭୋଟ ବ୍ୟବଧାନରେ ପରାଜିତ ହୋଇଥିଲେ। ଚଳିତ ନିର୍ବାଚନରେ ସେ ପୂର୍ବଭୁଲକୁ ନ ଦୋହରାଇ ମାପିଚୁପି ଆଗକୁ ବଢୁଛନ୍ତି। ବିଭୂତିଙ୍କ ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ଚଳଚ୍ଚିତ୍ର ତାରକା ଅନୁ ଚୌଧୁରୀ ଆସି ପ୍ରଚାର କରିଛନ୍ତି।

ଅନ୍ୟପଟେ ଚଳିତ ନିର୍ବାଚନରେ କଂଗ୍ରେସ ମହିଳା କାର୍ଡ ଖେଳିଛି। ଜିଲା ଉପସଭାପତି ସନ୍ତୋଷ ରାଉତଙ୍କ ସ୍ତ୍ରୀ ଯଶସ୍ବିନୀ ରାଉତଙ୍କୁ ଟିକେଟ ଦେଇଛି ଦଳ। ୨୦୧୪ରେ ସନ୍ତୋଷ ବିଧାୟକ ପ୍ରାର୍ଥୀ ହୋଇଥିଲେ। ସେତେବେଳେ ତାଙ୍କ ପ୍ରାର୍ଥତ୍ତ୍ୱକୁ ବିରୋଧ କରି ଅନେକେ ଦଳ ଛାଡ଼ିଥିଲେ। ହେଲେ ଏବେ ସ୍ତ୍ରୀ ଯଶସ୍ବିନୀଙ୍କୁ ଟିକେଟ ମିଳିଥିବାରୁ ସନ୍ତୋଷ ଦଳୀୟ ସଙ୍ଗଠକଙ୍କୁ ନେଇ ପ୍ରଚାର କରୁଛନ୍ତି। ତେବେ ଦଳ ପାଇଁ କଣ୍ଟା ସାଜିଛନ୍ତି ଟିକେଟ ଆଶାୟୀ। ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ ବିମଳ ବେହେରା, ଆଇନଜୀବୀ ରମେଶ ବେହେରା, ଭାଜପା ଛାଡି କଂଗ୍ରେସରେ ମିଶିଥିବା ପୂର୍ବତନ ଜିଲା ପରିଷଦ ସଭ୍ୟ ନିରାକାର ପ୍ରଧାନ ଟିକେଟ ଦୌଡ଼ରେ ଥିଲେ। ସେମାନେ ନିଜ ନିଜ ସ୍ତରରେ ସଙ୍ଗଠନ ପାଇଁ କାମ କରୁଥିଲେ। ହେଲେ ଟିକେଟରୁ ବଞ୍ଚତ୍ତ ହେବା ପରେ ନିରାକାର ବିଜେଡି ପ୍ରାର୍ଥୀ ନୃସିଂହଙ୍କ ସହ ହାତ ମିଳାଇଛନ୍ତି। ତାଙ୍କୁ ଅନେକ ସମୟରେ ବିଜେଡି ପ୍ରଚାର ଶୋଭାଯାତ୍ରାରେ ଦେଖିବାକୁ ମିଳୁଛି। ସେହିପରି ଟିକେଟ ଆଶାରେ ଥିବା ରମେଶ ନିରାଶ ହେବା ପରେ ସ୍ବାଧୀନ ପ୍ରାର୍ଥୀଭାବେ ନାମାଙ୍କନ ଦାଖଲ କରିଥିଲେ। ଯଦିଓ ସେ ପରେ ପ୍ରାର୍ଥିପତ୍ର ପ୍ରତ୍ୟାହାର କରି ନେଇଛନ୍ତି, ତଥାପି ଦଳ ପାଇଁ ପ୍ରଚାର କରୁନାହାନ୍ତି। ବିମଳଙ୍କ କ୍ଷେତ୍ରରେ ମଧ୍ୟ ସମାନ କଥା ଦେଖିବାକୁ ମିଳିଛି। ତାଙ୍କୁ କେହି ପ୍ରଚାର ପାଇଁ ଡାକୁ ନ ଥିବା କହି ସେ ନିଜକୁ ସଙ୍ଗଠନଠାରୁ ଦୂରେଇ ରଖିଛନ୍ତି। ସବୁଥର ଏପରି ଦଳୀୟ କନ୍ଦଳ ପାଇଁ କଂଗ୍ରେସକୁ ବହୁମୂଲ୍ୟ ଦେବାକୁ ପଡ଼ିଛି। ଟିକେଟ ଦୌଡ଼ରେ ଥିବା ଆଶାୟୀଙ୍କ ଏପରି ଖୋଲାଖୋଲି ବିଦ୍ରୋହ କଂଗ୍ରେସକୁ ମହଙ୍ଗା ପଡ଼ିପାରେ ବୋଲି ଆଲୋଚନା ହେଉଛି।

ସୂଚନାଯୋଗ୍ୟ, ପରଜଙ୍ଗ ନିର୍ବାଚନମଣ୍ଡଳୀରେ ଡା. ନୃସିଂହ ଚରଣ ସାହୁ (ବିଜେଡି), ବିଭୂତି ଭୂଷଣ ପ୍ରଧାନ (ଭାଜପା), ଯଶସ୍ବିନୀ ରାଉତ (କଂଗ୍ରେସ), ଦିବ୍ୟଜ୍ୟୋତି ନାୟକ (ହିନ୍ଦୁସ୍ଥାନ ନିର୍ମାଣ ଦଳ), ନିର୍ମଳା ମିଶ୍ର  (ଆମ୍ବେଦକର ନ୍ୟାଶନାଲ କଂଗ୍ରେସ), ଲମ୍ବୋଦର ନାଏକ (ଆମ୍ବେଦକର ପାର୍ଟି ଅଫ ଇଣ୍ଡିଆ) ପ୍ରାର୍ଥୀ ହୋଇଛନ୍ତି।


Enter your email to get our daily news in your inbox.

All Right Reserved By Dharitri.Com

ହିଂସାରେ ପ୍ରଭାବିତ ଅଞ୍ଚଳର ପରିଦର୍ଶନ କଲେ ଉପରାଜ୍ୟପାଳ

ନୂଆଦିଲ୍ଲୀ,୨୮।୨: ନାଗରିକତ୍ୱ ସଂଶୋଧନ ଆଇନ (ସିଏଏ) ବିରୋଧରେ ଉତ୍ତର-ପୂର୍ବ ଦିଲ୍ଲୀରେ ହୋଇଥିବା ହିଂସା ଏବେ ଥମିଛି। ହେଲେ ଏବେ ବି ଲୋକଙ୍କ ମନରୁ ଭୟ ଦୂରେଇନାହିଁ।...

ନିର୍ବାଚନ ଆୟୋଗଙ୍କ ସ୍ବାୟତ୍ତତା ମାମଲା, କେନ୍ଦ୍ରକୁ ନୋଟିସ ଜାରି କଲେ ସୁପ୍ରିମକୋର୍ଟ…

ନୂଆଦିଲ୍ଲୀ, ୨୯।୯ : ନିର୍ବାଚନ ଆୟୋଗଙ୍କ ସ୍ବାୟତ୍ତତା ମାମଲାରେ ସୁପ୍ରିମକୋର୍ଟର ସମ୍ବିଧାନିକ ବେଞ୍ଚ କେନ୍ଦ୍ର ସରକାର, ଅର୍ଥ ମନ୍ତ୍ରଣାଳୟ, ଆଇନ ମନ୍ତ୍ରଣାଳୟକୁ ନୋଟିସ ଜାରି କରିଛନ୍ତି।...

‘ମୁଁ ଜିତିଲେ ମୁସଲମାନମାନେ ତିଲକ ଲଗେଇବେ’

ଲକ୍ଷ୍ନୌ,୧୪।୨: “ମୁଁ ପୁଣି ଥରେ ନିର୍ବାଚିତ ହେଲେ ମୁସଲମାନମାନେ ତିଲକ ଲଗେଇବେ”। ଉତ୍ତରପ୍ରଦେଶ ନିର୍ବାଚନ ମଧ୍ୟରେ ଏଭଳି ବୟାନ ଦେଇଛନ୍ତି ଭାଜପାର ବିଧାୟକ ରାଘବେନ୍ଦ୍ର ସିଂ।...

ରାଗିଲେ ଦୁଷ୍ୟନ୍ତ ଚୌତାଲା

ଚଣ୍ଡିଗଡ଼,୨୯ ।୮: କରନାଲ ଏସ୍‌ଡିଏମଙ୍କ ଭାଇରାଲ ଭିଡିଓ ଦେଖିବା ପରେ ହରିୟାଣାର ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌତାଲା ତାଙ୍କର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଉକ୍ତ...

ନାମାଙ୍କନପତ୍ର ଦାଖଲ କଲେ ଶିବସେନା ପ୍ରାର୍ଥୀ

ମୁମ୍ବାଇ,୨୭।୫: ଶିବସେନା ଏମ୍‌ପି ସଞ୍ଜୟ ରାଉତ ଓ କୋଲାପୁର ଶିବସେନା ସଭାପତି ସଞ୍ଜୟ ପାୱାର ରାଜ୍ୟ ସଭା ନିର୍ବାଚନ ପାଇଁ ନାମାଙ୍କନପତ୍ର ଦାଖଲ କରିଛନ୍ତି। ମୁଖ୍ୟମନ୍ତ୍ରୀ...

ଜେଏନ୍‌ୟୁ ହିଂସା: ମୋଦିଙ୍କୁ ଟାର୍ଗେଟ କଲେ ବିରୋଧୀ

ନୂଆଦିଲ୍ଲୀ,୬।୧: ରାଜଧାନୀ ଦିଲ୍ଲୀରେ ଥିବା ଜବାହରଲାଲ ନେହେରୁ ୟୁନିଭର୍ସିଟି (ଜେଏନୟୁ)ରେ ରବିବାରଠାରୁ ଉପୁଜିଥିବା ହିଂସା ଘଟଣାକୁ ନେଇ ଏବେ କେନ୍ଦ୍ର ସରକାରଙ୍କୁ ଟାର୍ଗେଟ କରିଛି ବିରୋଧୀ।...

କରୋନା ଯୋଗୁ ଚାକିରୀ ହରାଇ ନାଳ ସଫା କରୁଛନ୍ତି ଆଇଟି ଇଞ୍ଜିନିୟର: ସୋସିଆଲ୍‌ ମିଡ଼ିଆରେ ଭାଇରାଲ…

ମମ୍ବ୍ରା,୧୩।୬: କରୋନା ମହାମାରୀ ସଂକ୍ରମଣ ଯୋଗୁ ଘୋଷଣା ହୋଇଥିବା ଲକ୍‌ଡାଉନ୍‌ ଯୋଗୁ ଚାକିରୀ ହରାଇ ବହୁ ଆଇଟି ଇଞ୍ଜିନିୟର ଏବଂ ସାଧାରଣ ଗ୍ରାଜୁଏଟ୍‌ଙ୍କ ଆର୍ଥିକ ଅବସ୍ଥା...

ବେଙ୍ଗାଲୁରୁରେ ଦ୍ୱିତୀୟ ବନ୍ୟା: ବୁଡ଼ିଲା ଆପାର୍ଟମେଣ୍ଟ, ଉଦ୍ଧାର କାର୍ଯ୍ୟ ଜାରି

ବେଙ୍ଗାଲୁରୁ,୫।୯: ରବିବାର ରାତିସାରା ପ୍ରବଳ ବର୍ଷା ଫଳରେ ବେଙ୍ଗାଲୁରୁର ଅନେକ ଅଞ୍ଚଳ ଜଳବନ୍ଦୀ ହୋଇ ରହିଛି। ରାସ୍ତା ଜଳମଗ୍ନ ହୋଇ ସହରର ଗୁରୁତ୍ୱପୂର୍ଣ୍ଣ ସ୍ଥାନରେ ଟ୍ରାଫିକ...

Advertisement
Archives

Model This Week