ଜିଲା କଂଗ୍ରେସ ନେତାଙ୍କ ଉପରେ ଦୋଷ ଲଦିଲେ ଜର୍ଜ ତିର୍କୀ

ରାଉରକେଲା ଅଫିସ/ ଭୁବନେଶ୍ୱର(ବ୍ୟୁରୋ), ୬ା୬: ନିର୍ବାଚନରେ ପରାଜୟ ପରେ ବୁଧବାର ପ୍ରଥମ ଥର ପାଇଁ ମୁହଁ ଖୋଲିଛନ୍ତି ଜର୍ଜ ତିର୍କୀ। ଏଥର କଂଗ୍ରେସ ଟିକେଟରେ ସୁନ୍ଦରଗଡ଼ ଲୋକ ସଭା ଆସନରୁ ନିର୍ବାଚନ ଲଢ଼ିଥିବା ତିର୍କୀ ରାଉରକେଲାର ଏକ ହୋଟେଲରେ ଆୟୋଜିତ ଖବରଦାତା ସମ୍ମିଳନୀରେ ନିଜ ପରାଜୟ ପାଇଁ ଜିଲା କଂଗ୍ରେସ ନେତାଙ୍କ ବିଶ୍ୱାସଘାକତାକୁ ଦାୟୀ କରିଛନ୍ତି ା ଅନ୍ୟପକ୍ଷେ ଇଭିଏମ୍‌ ଟାମ୍ପରିଂ ହୋଇଥିବା ସେ ଅଭିଯୋଗ କରିଛନ୍ତି। ସେ କହିଛନ୍ତି, ସୁନ୍ଦରଗଡ ଜିଲାରେ ଆଦୌ ନରେନ୍ଦ୍ର ମୋଦିଙ୍କ ହାୱା ନ ଥିଲା। ଭାଜପା ପ୍ରାର୍ଥୀ ଜୁଏଲ ଓରାମ ଭୋଟ ମାଗିବାକୁ ଆସି ନ ଥିବା ବେଳେ ଏତେ ସଂଖ୍ୟାରେ ଭୋଟ ହାତେଇବା ସନ୍ଦେହ ସୃଷ୍ଟି କରିଛି। ଏହାବ୍ୟତୀତ ଜିଲାବାସୀ ଭିନ୍ନ ଭିନ୍ନ ଦଳ ଓ ପ୍ରାର୍ଥୀଙ୍କୁ ଚଳିତ ନିର୍ବାଚନରେ ଭୋଟ ଦେଇଛନ୍ତି। ଏପରି ଅବସ୍ଥାରେ ଜୁଏଲ ବାବୁ ଆଶ୍ଚର୍ଯ୍ୟଜନକ ଭାବେ ଭୋଟ ପାଇବା ଚକିତ କରିଛି। ଦଳ ଭିତରୁ ଛୁରିକାଘାତ ସତ୍ତ୍ୱେ କଂଗ୍ରେସ ପାଇଥିବା ଭୋଟ ନେଇ ମୁଁ ସନ୍ତୁଷ୍ଟ। ରଘୁନାଥପାଲ୍ଲୀ କଂଗ୍ରେସ ପ୍ରାର୍ଥୀ ପ୍ରଶାନ୍ତ ସେଠୀ ୨୦ ହଜାରରୁ ଊର୍ଦ୍ଧ୍ୱ ଭୋଟ ପାଇବା କମ ବଡ କଥା ନୁହେଁ। ବିରୋଧ, ଷଡଯନ୍ତ୍ର ସତ୍ତ୍ୱେ ମତଦାନ ହାରକୁ ନେଇ ଆମେ ସନ୍ତୁଷ୍ଟ ବୋଲି ଜର୍ଜ କହିଛନ୍ତି ା
ନିର୍ବାଚନ ବେଳେ ସୋସିଆଲ ମିଡିଆରେ ନିର୍ଦ୍ଦିଷ୍ଟ କେତେଜଣ ବ୍ୟକ୍ତି ଆମକୁ ବିକାଶ ବିରୋଧୀ ଆଖ୍ୟା ଦେଇ ଅପପ୍ରଚାର କଲେ। ଅନ୍ୟ ଦ୍ୱାରା ପରିଚାଳିତ ହୋଇ ଯେଉଁମାନେ ଏପରି ସମସ୍ୟା ସୃଷ୍ଟି କଲେ ସେମାନେ ଜାଣି ରଖିବା ଉଚିତ ଯେ ଜର୍ଜ ତିର୍କୀ କେବେ ବିକାଶ ବିରୋଧୀ ନୁହେଁ। ଯେଉଁଠି ଆଦିବାସୀଙ୍କ ସ୍ବାର୍ଥ ଭୂଲୁଣ୍ଠିତ ହେବା ମୁଁ ଅନୁଭବ କରିଛି ସେଠି କେବଳ ସ୍ବର ଉତ୍ତୋଳନ କରିଛି। ସାମ୍ବିଧାନ ଓ ଆଇନକୁ ସମ୍ମାନ ଦେବାକୁ ମୁଁ ପ୍ରଶାସନର ଦୃଷ୍ଟି ଆକର୍ଷଣ କରିବା ସହ ଚାପ ସୃଷ୍ଟି କରିଛି। ଯେଉଁମାନେ ଦ୍ୱିତୀୟ ବ୍ରାହ୍ମଣୀ ସେତୁର ସ୍ଥାନ ଓ କୃଷି ବିଜ୍ଞାନ କେନ୍ଦ୍ର ନିରୂପଣ ନେଇ ନିଜ ସ୍ବାର୍ଥକୁ ଗୁରୁତ୍ୱ ଦେଲେ ମୁଁ ତାଙ୍କୁ ବିରୋଧ କରିଛି। ଯିଏ ଆଦିବାସୀଙ୍କ ଜମି ଦଖଲ କରି କାରଖାନା କଲା, ପ୍ରଦୂଷଣ ସୃଷ୍ଟି ହେଲା, କ୍ଷେତବାଡି ଉଜାଡିଲା ମୁଁ ତାଙ୍କୁ ବିରୋଧ କରିଛି। ଏହାକୁ କିପରି ବିକାଶ ବିରୋଧୀ କୁହାଯିବ ବୋଲି ଜର୍ଜ ପାଲଟା ପ୍ରଶ୍ନ କରିଥିଲେ। ଦ୍ୱିତୀୟ ବ୍ରାହ୍ମଣୀ ସେତୁ, ମେଡିକାଲ କଲେଜ, କୃଷି ବିଜ୍ଞାନ କେନ୍ଦ୍ର, ବିମାନ ବନ୍ଦର, କୋଏଲ ବ୍ୟାରେଜ, ମହାନଗର ନିର୍ବାଚନ ଆଦି କରାଇବାରେ ଯେଉଁମାନେ ବିଫଳ ହେଲେ ସେମାନଙ୍କୁ ବିକାଶ ବିରୋଧୀ କୁହା ନ ଯିବା ବିଡମ୍ବନା ବୋଲି ଜର୍ଜ କହିଥିଲେ।
ଜନମତ ଯାହା ସପକ୍ଷରେ ଯାଇଛି ସେମାନଙ୍କୁ ଆମେ ସ୍ବାଗତ କରୁଛୁ। ଜିଲାର ସାମଗ୍ରିକ ବିକାଶ ନେଇ ଆମ ସହଯୋଗ ଅତୁଟ ରହିବ। ଏଥିସହ ଜିଲାବାସୀଙ୍କ ସ୍ବାର୍ଥ ନେଇ କଂଗ୍ରେସ ଦଳ କେବେ ସାଲିସ କରିବ ନାହିଁ ବୋଲି ସେ ସ୍ପଷ୍ଟ କରିଛନ୍ତି। ଏହି ଅବସରରେ ସେ ଦଳରେ ଥାଇ ବିଶ୍ୱାସଘାତକ କାର୍ଯ୍ୟ କରିଥିବା କେତେଜଣ ବରିଷ୍ଠ ନେତାଙ୍କୁ ଇଙ୍ଗିତ କରିଥିଲେ ା ସେମାନଙ୍କୁ ଦଳରୁ ବହିଷ୍କାର କରାଯିବା ଉପରେ ସେ ଗୁରୁତ୍ୱାରୋପ କରିଥିଲେ। ଏନେଇ ସେ ପ୍ରଦେଶ କଂଗ୍ରେସ ଓ କେନ୍ଦ୍ର ପ୍ରଭାରୀଙ୍କୁ ଜଣାଇ ସାରିଥିତ୍ବା ପ୍ରକାଶ କରିଛନ୍ତି। ଉକ୍ତ ଖବରଦାତା ସମ୍ମିଳନୀରେ କଂଗ୍ରେସ ଟିକଟରୁ ପ୍ରାର୍ଥୀ ହୋଇଥିବା ରଘୁନାଥପାଲ୍ଲୀର ପ୍ରଶାନ୍ତ ସେଠୀ, ରାଉରକେଲାର ବୀରେନ ସେନାପତି ଓ ବୀରମିତ୍ରପୁର ପ୍ରାର୍ଥୀ ରୋହିତ ଯୋଶେଫ ତିର୍କୀ ମଞ୍ଚାସୀନ ଥିଲେ।
ଭାଜପା ମୁଖପାତ୍ର ଗୋଲକ ମହାପାତ୍ର କହିଛନ୍ତି, ଗତଥର ଅପେକ୍ଷା ଏଥର ଜୁଏଲ ଓରାମ ନିଜ ନିର୍ବାଚନମଣ୍ଡଳୀକୁ ଯାଇ ଲୋକମାନଙ୍କ ବହୁ କାମ କରିଛନ୍ତି। ସୁପରସ୍ପେଶିଆଲିଟି ହସ୍ପିଟାଲ କାର୍ଯ୍ୟ ଆରମ୍ଭ ହୋଇଛି। ବ୍ରାହ୍ମଣୀ ଦ୍ୱିତୀୟ ସେତୁ ଓ ଝାରସୁଗୁଡା ବିମାନବନ୍ଦର କାର୍ଯ୍ୟ ମଧ୍ୟ କରାଯାଇଛି। ପ୍ରଧାନମନ୍ତ୍ରୀ ମଧ୍ୟ ନିର୍ବାଚନ ପୂର୍ବରୁ ଗସ୍ତ କରିଥିଲେ। ଗତ ୫ବର୍ଷରେ ମୋଦିଙ୍କ ବିଭିନ୍ନ ଯୋଜନା ବଢିବା ଯୋଗୁ ଭାଜପା ଲୋକଙ୍କ ଆସ୍ଥାଭାଜନ ହୋଇପାରିଛି। ଯେତେବେଳେ କଂଗ୍ରେସ ଗୋଟିଏ ଜାଗାରେ ଜିତିବ ସେଠାରେ ଇଭିଏମ୍‌ ଟାମ୍ପରିଂ ହୁଏ ନାହିଁ। ଯେଉଁଠି କଂଗ୍ରେସ ହାରେ ସେଠାରେ ଇଭିଏମ୍‌ ଟାମ୍ପରିଂ ହୋଇଥାଏ। ଏଭଳି ଅଭିଯୋଗ କରିବା କଂଗ୍ରେସର ପୁରୁଣା ରୋଗ। ଏଭଳି ଅଭିଯୋଗର କୌଣସି ଯଥାର୍ଥତା ନ ଥିବା ଗୋଲକ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଘରେ ବସି ରଥଯାତ୍ରା ରାୟ ଶୁଣାଇବେ ପ୍ରଧାନ ବିଚାରପତି

ଭୁବନେଶ୍ୱର,୨୨।୬(ବ୍ୟୁରୋ): ପୁରୀ ରଥଯାତ୍ରା ଆୟୋଜନ ମାମଲାର ଶୁଣାଣି ସୁପ୍ରିମକୋର୍ଟ ପ୍ରଧାନ ବିଚାରପତି ଜଷ୍ଟିସ ଏସ.ଏ ବୋବଡେଙ୍କ ନେତୃତ୍ୱାଧୀନ ତିନି ଜଣିଆ ଖଣ୍ଡପୀଠ କରିବେ। ନିଜ ନାଗପୁର...

ବିଜୁ କନ୍ୟାରତ୍ନ ଯୋଜନା ବାଟବଣା; କମୁଛନ୍ତି ଶିଶୁ କନ୍ୟା

ଅନୁଗୋଳ ଅଫିସ, ୩୦।୯: ଗଞ୍ଜାମ, ନୟାଗଡ ସମେତ ଅନୁଗୋଳରେ ଶିଶୁ କନ୍ୟା ହାର କମିବାରୁ ରାଜ୍ୟ ସରକାର ୨୦୧୬ରେ ଏହି ଜିଲାରେ ଆରମ୍ଭ କରିଥିଲେ ବିଜୁ କନ୍ୟା...

ଟାଇଲ୍‌ ଲଗାଇ ପ୍ରଧାନମନ୍ତ୍ରୀ ଯୋଜନାର ନାମ ପରିବର୍ତ୍ତନ କରିବାକୁ ଚେଷ୍ଟା କରୁଛନ୍ତି ରାଜ୍ୟ ସରକାର: ଭାଜପା

ଭୁବନେଶ୍ୱର,୧୩।୧୨(ବ୍ୟୁରୋ): ପ୍ରଧାନମନ୍ତ୍ରୀ ଆବାସ ଯୋଜନାକୁ ନେଇ ପୁଣି ରାଜ୍ୟ ସରକାରଙ୍କୁ ଟାର୍ଗେଟ କରିଛି ଭାଜପା। ରାଜ୍ୟ ଭାଜପା ଉପସଭାପତି ସମୀର ମହାନ୍ତି ଶୁକ୍ରବାର ଏକ ଖବରଦାତା...

ବଲାଙ୍ଗୀରରେ ବନ୍ଦ ପାଳନ: ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା, ବିଭିନ୍ନ ସ୍ଥାନରେ ବିକ୍ଷୋଭ

ବଲାଙ୍ଗୀର ଅଫିସ, ୨୩।୨- ଏସ୍‌ସି, ଏସ୍‌ଟି, ଓବିସିମାନଙ୍କୁ ପଦୋନ୍ନତି ଆରକ୍ଷଣକୁ ନେଇ ସୁପ୍ରିମକୋର୍ଟଙ୍କ ରାୟ ବିରୋଧରେ ଦିଆଯାଇଥିବା ଭାରତ ବନ୍ଦ ଡାକରା ପରିପ୍ରେକ୍ଷୀରେ ବଲାଙ୍ଗୀରରେ ବନ୍ଦ...

ଶେଷ ପର୍ଯ୍ୟାୟରେ ସାନଛତା ମଠ ଉଚ୍ଛେଦ: ଶନିବାର ଭଙ୍ଗାଯିବ ଘରୋଇ କୋଠା

ପୁରୀ ଅଫିସ, ୧୩ା୧୨: ଶ୍ରୀମନ୍ଦିର ସୁରକ୍ଷା ଜୋନରେ ପ୍ରଶାସନ ପକ୍ଷରୁ ଉଚ୍ଛେଦ ପ୍ରକ୍ରିୟା ଜାରି ରହିଛିି। ମଙ୍ଗୁ ମଠର ବ୍ୟବସାୟିକ କୋଠା ଭାଙ୍ଗିବା ପରେ ତିନିଦିନ...

ଆନ୍ଦୋଳନକାରୀଙ୍କୁ ମନାଇ ପାରିଲାନି ପ୍ରଶାସନ: ଆଲୋଚନା ଫେଲ୍‌ ମାରିଲା

ଚମ୍ପୁଆ,୯ା୭(ଡି.ଏନ.ଏ.)- କେନ୍ଦୁଝର ଜିଲା ଖଣି ଖାଦାନଭରା ଚମ୍ପୁଆ ଅଞ୍ଚଳରେ ପାରିପାର୍ଶ୍ୱିକ ଉନ୍ନତି ଓ ସ୍ଥାନୀୟ ଲୋକଙ୍କ ନିଯୁକ୍ତି ଦାବି କରି ବଡକାଳିମାଟି ଗ୍ରାମବାସୀ ଦୀର୍ଘ ୨୨...

ସୁକତେଲ ବ୍ରିଜ୍‌ ଭୁଶୁଡ଼ିବା ଘଟଣା: କୋର୍ଟ ଚାଲାଣ ହେଲେ ପ୍ରୋଜେକ୍ଟ ଦାୟିତ୍ୱରେ ଥିବା କର୍ମଚାରୀ

ପାଟଣାଗଡ, ୬।୫(ଡି.ଏନ୍‌.ଏ.)- ବଲାଙ୍ଗିର ଜିଲା ପାଟଣାଗଡ ବ୍ଲକ ଅନ୍ତର୍ଗତ ତମିଆଁ ମୁନ୍ଦଲସର ସୁକତେଲ ନଦୀ ବ୍ରିଜ ଗତ ୨୯ ତାରିଖ ଦିନ ମରାମତି ବେଳେ ଭୁଶୁଡି...

ଓଡ଼ିଶାର ସୁନାମି ପ୍ରସ୍ତୁତିକୁ ୟୁନେସ୍କୋ ସ୍ବୀକୃତି

ଭୁବନେଶ୍ୱର,୭ା୮(ବ୍ୟୁରୋ):ପ୍ରାକୃତିକ ବିପର୍ଯ୍ୟୟ ପରିଚାଳନା କ୍ଷେତ୍ରରେ ଓଡ଼ିଶାକୁ ମିଳିଛି ଅନ୍ତର୍ଜାତୀୟ ସ୍ବୀକୃତି। ୟୁନେସ୍କୋର ଇଣ୍ଟରଗର୍ଭନମେଣ୍ଟାଲ ଓସେନୋଗ୍ରାଫିକ କମିଶନ(ଆଇଓସି) ଓଡ଼ିଶାର ଜଗତ୍‌ସିଂହପୁର ଜିଲା ନୋଳିଆ ସାହି ଏବଂ ଗଞ୍ଜାମ...

Coronavirus Update


Archives

Model This Week

Why Dharitri