ପାଟନା,୩୦।୮: ରାଜ୍ୟ ସଚିବାଳୟରେ ସରକାରୀ କର୍ମଚାରୀମାନେ ପିନ୍ଧୁଥିବା ଜିନ୍ସ ଓ ଟି-ଶାର୍ଟ ଉପରେ ବିହାର ସରକାର କଟକଣା ଲଗାଇଛନ୍ତି। ଯେଉଁ ସରକାରୀ କର୍ମଚାରୀ ପୋଷାକରେ ଶାଳୀନତା ରଖିବେ ନାହିଁ ସେମାନଙ୍କୁ ସଚିବାଳୟରେ ପ୍ରବେଶ କରିବାକୁ ଦିଆଯିବ ନାହିଁ। ଏନେଇ ବିହାର ସରକାରଙ୍କ ଉଚ୍ଚସ୍ତରୀୟ ସଚିବ ଶିବ ମହାଦେବ ପ୍ରସାଦଙ୍କ ପକ୍ଷରୁ ଏକ ନୋଟିସ ଜାରି କରାଯାଇଛି। ସୂଚନାଯୋଗ୍ୟ, କାର୍ଯ୍ୟାଳୟର ବିଭିନ୍ନ ବିଭାଗରେ କାର୍ଯ୍ୟରତ ଥିବା ଅଧିକାରୀ ଓ କର୍ମଚାରୀ ସଂସ୍କୃତି ବିରୋଧୀ ଅନୌପଚାରିକ ପୋଷାକ ପିନ୍ଧି ଆସୁଥିବା ଦେଖିବାକୁ ମିଳିଛି। ଏଭଳି ପୋଷାକ କାର୍ଯ୍ୟାଳୟର ମର୍ଯ୍ୟାଦାରେ ଆଞ୍ଚ ଆଣୁଛି। ତେଣୁ ରାଜ୍ୟ ସଚିବାଳୟରେ କାର୍ଯ୍ୟରତ ଥିବା ସମସ୍ତ କର୍ମଚାରୀ କାର୍ଯ୍ୟାଳୟକୁ ଫର୍ମାଲ ଡ୍ରେସ୍ ବା ଔପଚାରିକ ପୋଷାକ ପିନ୍ଧି ଆସିବାକୁ ଶିବ ପ୍ରସାଦ ପରାମର୍ଶ ଦେଇଛନ୍ତି।
