ମୁମ୍ବାଇ: ବଲିଉଡ୍ ଷ୍ଟାର କିଡ୍ ଜାହ୍ନବୀ କପୁର ଏବେ ବିଟାଉନ୍ରେ ନିଜ ପାଇଁ ଧୀରେ ଧୀରେ ଏକ ସ୍ବତନ୍ତ୍ର ସ୍ଥାନ ତିଆରି କରିବାରେ ଲାଗିଛନ୍ତି। ‘ଧଡକ’ ଫିଲ୍ମରେ ଡେବ୍ୟୁ କରିଥିବା ଜାହ୍ନବୀଙ୍କ ହାତରେ ଏବେ କେତେ ଗୁଡିଏ ଅଫର ରହିଛି। ବଲିଉଡ୍ ବ୍ୟତିତ ଜାହ୍ନବୀ ସୋସିଆଲ ମିଡିଆରେ ମଧ୍ୟ ବେଶ୍ ଆକ୍ଟିଭ। ନିକଟରେ ସେ ଏକ ନୂଆ ଗାଡି କିଣିଥିବା ବେଳେ ତାକୁ ନେଇ ଅଛନ୍ତି ଚର୍ଚ୍ଚାରେ। ଜାହ୍ନବୀ ଅନେକ ସମୟରେ ତାଙ୍କ ମା’ ତଥା ବଲିଉଡ୍ ଅଭିନେତ୍ରୀ ଶ୍ରୀଦେବୀଙ୍କୁ ମନେ ପକାନ୍ତି ବୋଲି କୁହନ୍ତି। ଏବେ ସେ Mercedes Maybach କିଣିଛନ୍ତି। ଯାହାର ସମ୍ପର୍କ ତାଙ୍କ ମା’ଙ୍କ ସହ ରହିଛି ବୋଲି କୁହାଯାଉଛି। କାରଣ ଶ୍ରୀଦେବୀ ସବୁବେଳେ ଧଳା ରଙ୍ଗର ଏକ Mercedes ଗାଡି ଚଢୁଥିଲେ। ସେ ସବୁବେଳେ ଏହି ଗାଡିରେ ଯାଆସ କରିବାକୁ ପସନ୍ଦ କରୁଥିଲେ। ଆଉ ଏହାର ନମ୍ବର ଥିଲା MH 02 DZ 7666। ଏବେ ଜାହ୍ନବୀ ଯେଉଁ ଗାଡିଟି କିଣିଛନ୍ତି ତା’ର ନମ୍ବର ରହିଛି MH 02 FG 7666। ଏହାର ଅର୍ଥ ଜାହ୍ନବୀ କହିଛନ୍ତି ମୋତେ ଲାଗୁଛି ମୁଁ ମୋ ମା’ଙ୍କୁ ପାଖରେ ରଖିଛି।
