ଭୁବନେଶ୍ୱର, ୨୪।୧ (ସ୍ପୋଟର୍ସ ବ୍ୟୁରୋ)- ଆନ୍ଧ୍ର ପ୍ରଦେଶର ଓ୍ବାଇଏସ୍ଆର୍ କଡପ୍ପା ଜିଲାସ୍ଥିତ ରାଜାମପେଟ୍ଠାରେ ଆସନ୍ତା ୨୬ରୁ ୩୧ ତାରିଖ ପର୍ଯ୍ୟନ୍ତ ଜାତୀୟ ଜୁନିୟର ଭଲିବଲ୍ (ବାଳକ/ବାଳିକା) ଚାମ୍ପିୟନଶିପ୍ର ୪୬ତମ ସଂସ୍କରଣ ଅନୁଷ୍ଠିତ ହେବ। ଏଥିଲାଗି ଓଡ଼ିଶା ବାଳିକା ଓ ବାଳକ ଦଳ ଘୋଷଣା କରାଯାଇଛି। କିଟ୍ ବିଶ୍ୱବିଦ୍ୟାଳୟ କ୍ୟାମ୍ପସ-୮ରେ ଥିବା ଭଲିବଲ୍ କ୍ୟାମ୍ପସରେ ଓଡ଼ିଶା ଦଳ ଚୟନ ପ୍ରକ୍ରିୟା ଅନୁଷ୍ଠିତ ହୋଇଯାଇଛି। ଏଥିରେ ସମୀର ରଞ୍ଜନ ପାଲ୍ ଓ ପାର୍ବତୀ ଗଡ଼ବାଙ୍କୁ ଯଥାକ୍ରମେ ଓଡ଼ିଶା ବାଳକ ଓ ବାଳିକା ଦଳର ନେତୃତ୍ୱ ପ୍ରଦାନ କରାଯାଇଛି। ଏହି ଚୟନ ପ୍ରକ୍ରିୟା ଅବସରରେ ଓଡ଼ିଶା ଭଲିବଲ୍ ଆସୋସିଏଶନ (ଓଭା)ର ସମ୍ପାଦକ ଡ. ଗଗନେନ୍ଦୁ ଦାସ, ସଭାପତି ସୁବୋଧ କୁମାର ରାଉରରାୟ, କାର୍ଯ୍ୟକାରୀ ସଭାପତି ସଞ୍ଜୟ କୁମାର ଦାସ ପ୍ରମୁଖ ଉପସ୍ଥିତ ରହିଥିଲେ। ଓଡ଼ିଶା ଦଳ ଶୁକ୍ରବାର ଆନ୍ଧ୍ର ପ୍ରଦେଶ ଅଭିମୁଖେ ଗସ୍ତ କରିଛି।
ଓଡ଼ିଶା ବାଳକ ଦଳ: ସମୀର ରଞ୍ଜନ ପାଲ୍ (ଅଧିନାୟକ), ବିଶ୍ୱଜିତ୍ ମଣ୍ଡଳ, ଦୀନବନ୍ଧୁ ନାହକ, ସୂରଜ କରୁଆନ, ନିଶିକାନ୍ତ ପରିଡ଼ା, ରାଜୁ ପଟ୍ଟନାୟକ, ସୁଶାନ୍ତ ସିଂ, ଅମିତ୍ କୁମାର ହରିଜନ, ଓ୍ବାସିଉଜ ଜମାନ ଖଁା, ଟି. ଧନରାଜ, ବିବେକ ସାହୁ, ରମେଶ କୁଡୁକୁ (ଲିବେରୋ), ରଶ୍ମିରଞ୍ଜନ ନନ୍ଦ (କୋଚ୍), ଆଶିଷ କୁମାର ବିହାରୀ (ମ୍ୟାନେଜର)।
ଓଡ଼ିଶା ବାଳିକା ଦଳ: ପାର୍ବତୀ ଗଡ଼ବା (ଅଧିନାୟିକା), ଆଶା ମୁଣ୍ଡାରୀ, ଦୀପ୍ତିମୟୀ କବାସି, କୌଣଲ୍ୟା ମାଝି, ସରସ୍ବତୀ ଝୋଡ଼ିଆ, ମାମାଲି ନାଗ୍, ବି. ଅନିଶା, ପାୟଲ କାଣ୍ଡି, ରୋଜାଲିନ ଆଣ୍ଡିଆ, ଆରତୀ ହେର୍ପିକା, ସଞ୍ଜନା ସାହୁ, ଲିପ୍ସାରାଣୀ ମିଶ୍ର (ଲିବେରୋ), ଗୋବିନ୍ଦ ଚନ୍ଦ୍ର ସାହୁ (କୋଚ୍) ଓ ଜୟଶ୍ରୀ ପଲାଇ (ସହାୟକ କୋଚ୍)।
