ଜମା ସଂଗ୍ରହକୁ ଗୁରୁତ୍ୱ, ଋଣ ପ୍ରଦାନ ନୈରାଶ୍ୟଜନକ

ବ୍ରହ୍ମପୁର ଅଫିସ,୯ା୭-ଗଞ୍ଜାମ ଜିଲାରେ ୨୦ ରାଷ୍ଟ୍ରାୟତ୍ତ ବ୍ୟାଙ୍କର ୨୬୨ ଶାଖାରେ କାରବାର ହେଉଛି । କେବଳ ଗ୍ରାହକଙ୍କଠାରୁ ଜମା (ଡିପୋଜିଟ) ସଂଗ୍ରହକୁ ସର୍ବାଧିକ ଗୁରୁତ୍ୱ ଦିଆଯାଉଥିବା ବେଳେ ଋଣ ପ୍ରଦାନ ପ୍ରତି କର୍ତ୍ତୃପକ୍ଷ ଆଗ୍ରହ ଦେଖାଉ ନାହାନ୍ତି ା
୨୦୧୮-୧୯ ଆର୍ଥିକ ବର୍ଷରେ ସବୁ ବ୍ୟାଙ୍କ ୧୪୫୭୯ କୋଟି ୭୭ ଲକ୍ଷ ୪୨ ହଜାର ଟଙ୍କା ଜମା ସଂଗ୍ରହ କରିଥିବା ବେଳେ ମାତ୍ର ୪୬୪୦ କୋଟି ୦୨ ଲକ୍ଷ ୫୮ ହଜାର ଟଙ୍କା ଋଣ ଦେଇଛନ୍ତି। ନିୟମାନୁସାରେ ସମୁଦାୟ ଜମା ସଂଗ୍ରହର ୬୦% ଋଣ ଦେବାର ବ୍ୟବସ୍ଥା ରହିଛି ।
ତେବେ ଏହା ମାତ୍ର ୩୨% ହୋଇଛି ।
ଅପରପକ୍ଷରେ ଫସଲ ଉପତ୍ାଦନ ବୃଦ୍ଧି ନିମନ୍ତେ ଚାଷୀଙ୍କୁ ପର୍ଯ୍ୟାପ୍ତ କୃଷି ଋଣ ଦେବା ଉପରେ ସରକାର ଗୁରୁତ୍ୱ ଦେଉଥିବା ସତ୍ତ୍ବେ ଗତ ଆର୍ଥିକ ବର୍ଷରେ ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକ ପକ୍ଷରୁ ୬୯ ହଜାର ୯୮୭ ଚାଷୀଙ୍କୁ ମାତ୍ର ୩୭୦ କୋଟି ୩୯ ଲକ୍ଷ ୬୮ ହଜାର ଟଙ୍କା ଋଣ ଦିଆଯାଇଛି। ଅନୁଷ୍ଠିତ ଜିଲାସ୍ତରୀୟ ବ୍ୟାଙ୍କ ସମୂହ ପରାମର୍ଶଦାତା ସମୀକ୍ଷା ବୈଠକରୁ ଏହି ତଥ୍ୟ ପ୍ରକାଶ ପାଇଛି । ତେଣୁ ବୈଠକରେ ଅଧ୍ୟକ୍ଷତା କରିଥିବା ଜିଲାପାଳ ବ୍ୟାଙ୍କ ଅଧିକାରୀମାନଙ୍କ ଉପରେ ବିରକ୍ତି ହୋଇଥିଲେ ।
ଜାତୀୟକରଣ ବ୍ୟାଙ୍କଗୁଡ଼ିକ ମଧ୍ୟରେ ଷ୍ଟେଟ ବ୍ୟାଙ୍କ ଅଫ ଇଣ୍ଡିଆର ଜିଲାରେ ଥିବା ସର୍ବାଧିକ ୭୮ ଶାଖାରେ ୭୬୫୮.୭୭ କୋଟି ଜମା ସଂଗ୍ରହ ସ୍ଥଳେ ୨୧୩୫ କୋଟି ୮୦ ଲକ୍ଷ ୬୭ ହଜାର ଟଙ୍କା ଋଣ ଦିଆଯାଇଛି । ଅଗ୍ରଣୀ ବ୍ୟାଙ୍କ ମାନ୍ୟତା ପାଇଥିବା ଆନ୍ଧ୍ରବ୍ୟାଙ୍କର ୩୬ ଶାଖାରେ ୧୯୯୪.୬୩ କୋଟିରୁ ଅଧିକ ଟଙ୍କା ଡିପୋଜିଟ ସଂଗ୍ରହ କରାଯାଇ ୬୮୪.୫୨ କୋଟି ଋଣ ଲଗାଣ କରାଯାଇଛି। ବ୍ୟାଙ୍କ ଅଫ ଇଣ୍ଡିଆର ୧୯ ଶାଖାରେ ୪୮୦.୬୬ କୋଟି ଜମା ସଂଗ୍ରହ କରାଯାଇଥିବା ସ୍ଥଳେ ଋଣ ଦିଆଯାଇଛି ୧୪୬୧୦୦୦ ଟଙ୍କା।
ସେହିପରି ବ୍ୟାଙ୍କ ଅଫ ବରୋଦାର ୮ ଶାଖାରେ ୩୭୫.୩୮ କୋଟି ଡିପୋଜିଟ ମଧ୍ୟରୁ ୧୮୧.୫୪ କୋଟି ଋଣ ଦିଆଯାଇଛି। ଆହ୍ଲାବାଦ ବ୍ୟାଙ୍କର ୩ ଶାଖାରେ ୯୮ କୋଟି ୧୮ ଲକ୍ଷ ୫୦ ହଜାର ଜମା ସଂଗ୍ରହ କରାଯାଇ ୩୦ କୋଟି ୨୭ ଲକ୍ଷ ୬୯ ହଜାର ଋଣ ଲଗାଣ ହୋଇଛି। ବ୍ୟାଙ୍କ ଅଫ ମହାରାଷ୍ଟ୍ରର ୧ ମାତ୍ର ଶାଖାରେ ୨୧.୫୪ କୋଟି ଡିପୋଜିଟ୍‌ ସଂଗ୍ରହ ସ୍ଥଳେ ୧୯.୬୦ କୋଟି ଋଣ ଦିଆଯାଇଛି।
କାନରା ବ୍ୟାଙ୍କର ୧୩ ଶାଖାରେ ୫୧୪.୮୨ କୋଟି ଡିପୋଜିଟ ସଂଗ୍ରହ କରାଯାଇଛି ଏବଂ ୨୧୦.୫୬ କୋଟି ଋଣ ପ୍ରଦାନ କରାଯାଇଛି।
ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆର ୪ ଶାଖାରେ ୨୨୧.୫୦ କୋଟି ଜମା ସଂଗ୍ରହ ସ୍ଥଳେ ମାତ୍ର ୩୫.୯୯ କୋଟି ଋଣ ଦିଆଯାଇଛି। କର୍ପୋରେଶନ ବ୍ୟାଙ୍କର ୭ ଶାଖାରେ ୧୧୮.୧୧ କୋଟି ଡିପୋଜିଟ ସଂଗ୍ରହ କରାଯାଇ ୮୩.୩୧ କୋଟି ଋଣ ପ୍ରଦାନ କରାଯାଇଛି। ଦେନା ବ୍ୟାଙ୍କର ଗୋଟିଏ ଶାଖାରେ ୨୯.୮୭ କୋଟି ଡିପୋଜିଟ ସଂଗ୍ରହ ସ୍ଥଳେ ୮.୮୪ କୋଟି ଋଣ ଦିଆଯାଇଛି । ଇଣ୍ଡିଆନ ବ୍ୟାଙ୍କର ୧୬ ଶାଖାରେ ୫୬୨.୧୫ କୋଟି ଜମା ସଂଗ୍ରହ ସ୍ଥଳେ ୧୫୬.୦୧ କୋଟି ଋଣ ପ୍ରଦାନ କରାଯାଇଛି।
ଆଇଓବିର ଜିଲାରେ ଥିବା ୨୬ ଶାଖାରେ ୧୦୪୨.୬୭ କୋଟି ଡିପୋଜିଟ ସ୍ଥଳେ ୩୭୭.୦୬ କୋଟି ଋଣ ଲଗାଣ କରାଯାଇଛି। ଓରିଏଣ୍ଟାଲ ବ୍ୟାଙ୍କ ଅଫ କମର୍ସର ଗୋଟିଏ ଶାଖାରେ ୩୫.୬୫ କୋଟି ଜମା ସଂଗ୍ରହ ସ୍ଥଳେ ୨୭.୨୦ କୋଟି ଋଣ ଦିଆଯାଇଛି। ପଞ୍ଜାବ ନ୍ୟାଶନାଲ ବ୍ୟାଙ୍କ ୧୧ ଶାଖାରୁ ୨୩୧.୫୧ କୋଟି ଜମା ସଂଗ୍ରହ କରାଯାଇ ୫୭.୯୫ କୋଟି ଋଣ ଦିଆଯାଇଛି ।
ଅପରପକ୍ଷରେ ସିଣ୍ଡିକେଟ ବ୍ୟାଙ୍କର ୧୧ ଶାଖାରେ ୨୯୪.୨୦ କୋଟି ଜମା ସଂଗ୍ରହ କରାଯାଇ ଋଣ ଦିଆଯାଇଛି ୧୧୪.୨୫ କୋଟି । ୟୁକୋ ବ୍ୟାଙ୍କର ୯ ଶାଖାରେ ୨୫୮.୧୮ କୋଟି ଜମା ସଂଗ୍ରହ ସ୍ଥଳେ ୯୨.୯୨ କୋଟି ଋଣ ଲଗାଣ ହୋଇଛି। ୟୁନିୟନ ବ୍ୟାଙ୍କର ୮ ଶାଖାରେ ୩୮୩ କୋଟି ଜମା ବେଳେ ୧୬୨.୭୨ କୋଟି ଋଣ ପ୍ରଦାନ କରାଯାଇଛି । ୟୁନାଇଟେଡ ବ୍ୟାଙ୍କ ଅଫ ଇଣ୍ଡିଆର ୮ ଶାଖାରେ ୨୪୦.୪୬ କୋଟି ଜମା ସଂଗ୍ରହ କରାଯାଇ ଋଣ ଦିଆଯାଇଛି ୯୨.୩୩ କୋଟି, ବିଜୟା ବ୍ୟାଙ୍କର ଏକମାତ୍ର ଶାଖାରେ ୧୩.୯୬ କୋଟି ଜମା ହୋଇଥିବା ବେଳେ ୨୦ କୋଟିରୁ ଅଧିକ ଟଙ୍କା ଋଣ ଲଗାଣ କରାଯାଇଛି । ଏହା ୧୪୩% ହୋଇଛି ।


Enter your email to get our daily news in your inbox.

All Right Reserved By Dharitri.Com

ଯୁବକଙ୍କୁ ଗଳାକାଟି ହତ୍ୟା: ପୂର୍ବଶତ୍ରୁତା ସନ୍ଦେହ

ବ୍ରହ୍ମପୁର ଅଫିସ,୧୭।୬: ସଦର ଥାନା ଅନ୍ତର୍ଗତ ବାସୁଦେବପୁର ପଞ୍ଚାୟତ ବୁରୁଡ଼ା ଗ୍ରାମ ନିକଟ ଏକ କେନାଲରୁ ସୋମବାର ସକାଳେ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି।...

ବେଆଇନ ବାଣ କାରଖାନାରେ ଚଢ଼ାଉ,୩ ଗିରଫ

ଆସିକା,୧୦ା୯(ଡି.ଏନ୍‌.ଏ.)- ଗଞ୍ଜାମ ଜିଲା ଆସିକା ଥାନା ନଳବଣ୍ଟା ଗ୍ରାମରେ ବେଆଇନ ଭାବେ ଚାଲିଥିବା ୭ ବାଣ କାରଖାନା ଉପରେ ପୋଲିସ ସୋମବାର ଚଢ଼ାଉ କରିଥିଲା। ସେଠାରୁ...

ଘରେ ପଶି ଟଙ୍କା,ସୁନା ଲୁଟିଲେ ଦୁର୍ବୃତ୍ତ

ଖଲ୍ଲିକୋଟ,୧୬ା୧୦(ଡି.ଏନ.ଏ.): ଖଲ୍ଲିକୋଟ ବ୍ଲକ କନ୍ଦିଗାଁ ଗ୍ରାମରେ ଟୁକୁନା ସ୍ବାଇଁଙ୍କ କବାଟ ଭାଙ୍ଗି ମଙ୍ଗଳବାର ବିଳମ୍ବିତ ରାତିରେ ଦୁର୍ବୃତ୍ତ ଟଙ୍କା ଓ ସୁନା ଲୁଟି ନେଇଛନ୍ତି। ସୂଚନା...

କରୋନା ଚିନ୍ତା: ବ୍ରହ୍ମପୁରରେ ଫୁଲରେ ହୋଲି ଖେଳିଲେ ଦିବ୍ୟାଙ୍ଗ ଛାତ୍ରୀ

ବ୍ରହ୍ମପୁର ଅଫିସ,୧୦ା୩- ଭାରତରେ କରୋନା ଭୂତାଣୁ ନିଜର କାୟା ବିସ୍ତାର କରିବାରେ ଲାଗିଛି। ଏହାଠାରୁ ଦୂରେଇ ରହିବା ଓ ସଚେତନ ପାଇଁ ରାଜ୍ୟ ସରକାରଙ୍କ ନିର୍ଦ୍ଦେଶକ୍ରମେ...

ଇନ୍ସପେକ୍ଟର ସ୍ତରରେ ଅଦଳବଦଳ

ବ୍ରହ୍ମପୁର ଅଫିସ, ୨୭।୮: ବ୍ରହ୍ମପୁର ପୋଲିସ ଜିଲା ଇନ୍ସପେକ୍ଟର ସ୍ତରରେ ଅଦଳବଦଳ ହୋଇଛି । ଜିଲା ମୁଖ୍ୟାଳୟ ଚିଠି ନମ୍ବର ୧୬୯୪ ଅନୁଯାୟୀ ମୋଟ ୮ଜଣ...

୩୫ କୁଇଣ୍ଟାଲ ଗଞ୍ଜେଇ ଜବତ, ୪ ଗିରଫ

ସୋରଡା,୧୨ା୯(ଡି.ଏନ୍‌.ଏ.)- ଗଞ୍ଜାମ ଜିଲା ବଡଗଡ଼ ପୋଲିସ ଗୁରୁବାର ଏକ ବଡଧରଣର ଗଞ୍ଜେଇ ଚୋରାଚାଲାଣ ଉଦ୍ୟମ ପଣ୍ଡ କରିଛି। ଯାଞ୍ଚବେଳେ ୪୦୭ ଟ୍ରକ୍‌, ପିକ୍‌ଅପ୍‌, ବୋଲେରୋ ଓ...

ଗଞ୍ଜାମରେ ପ୍ଲାଜମା ଥେରାପି ସଫଳ, ସୁସ୍ଥ ହେଉଛନ୍ତି କରୋନା ଆକ୍ରାନ୍ତ: ଜିଲାପାଳ

ଛତ୍ରପୁର,୨୩।୭(ଡି.ଏନ୍‌.ଏ.): ଗଞ୍ଜାମ ଜିଲା ଶିତଳାପଲିସ୍ଥିତ ଟାଟା କୋଭିଡ ହସ୍ପିଟାଲରେ ପ୍ଲାଜମା ଥେରାପି ଆରମ୍ଭ ହୋଇଯାଇଛି। ଏଥିରୁ ସୁଫଳ ମିଳୁଛି। ପ୍ଲାଜମା ଥେରାପିରୁ କରୋନା ଆକ୍ରାନ୍ତ ସୁସ୍ଥ...

କ୍ରିୟାନୁଷ୍ଠାନ କମିଟି ପକ୍ଷରୁ ମଙ୍ଗଳବାର ଭଞ୍ଜନଗର ବନ୍ଦ ଡାକରା

ଭଞ୍ଜନଗର,୧୮।୫(ଡି.ଏନ.ଏ)-ଭଞ୍ଜନଗର ଓଏସ୍‌ଆରଟିସି ଜୋନରୁ ସମସ୍ତ ବସ୍‌ ଅନ୍ୟ ଜୋନକୁ ସ୍ଥାନାନ୍ତର ପାଇଁ ପ୍ରଶାସନ କଡା ଆଭିମୁଖ୍ୟ ଆପଣାଇଛି। ବସ୍‌ ସ୍ଥାନାନ୍ତର ସମୟରେ ବିବାଦ ଉପୁଜିବା ଆଶଙ୍କାରେ...

Coronavirus Update

Archives

Model This Week

Why Dharitri