ଜନ୍ମବେଦିରେ ପହଞ୍ଚିଲେ ଶ୍ରୀଜୀଉ

ଖୋର୍ଦ୍ଧା ଅଫିସ,୫।୭: ଖୋର୍ଦ୍ଧା ନିକଟସ୍ଥ ଗୁରୁଜଙ୍ଗ, ମକୁନ୍ଦପ୍ରସାଦ, ଉଇଲକିଶନନଗର ଓ ଦଧିମାଛଗାଡିଆଠାରେ ରଥଯାତ୍ରା ଅନୁରୂପ ଭାବେ ଅନୁଷ୍ଠିତ ହୋଇଯାଇଛି। ଗୁରୁଜଙ୍ଗର ବିଶ୍ୱନାଥ ମନ୍ଦିରରୁ ଏକକ ଜଗନ୍ନାଥ ରଥାରୂଢ ହୋଇ ଟାଙ୍ଗିସାହିସ୍ଥିତ ମାଉସୀ ମା’ ମନ୍ଦିରକୁ ଯାଇଥିଲେ। ଧର୍ମ ପ୍ରକାଶ ମହାନ୍ତି ଛେରା ପହଁରା କରିଥିଲେ। ପ୍ରାଣନାଥ ସ୍ବୟଂଶାସିତ ମହାବିଦ୍ୟାଳୟର ରୋଭର ରେଞ୍ଜର ଓ ମକୁନ୍ଦପ୍ରସାଦ ଗ୍ରାମବାସୀଙ୍କ ପକ୍ଷରୁ ଦଧିବାମନ ମନ୍ଦିରରୁ ଏକକ ଜଗନ୍ନାଥ ରଥାରୂଢ ହୋଇ ମେଳଣ ପଡିଆ ନିକଟସ୍ଥ ଗୁଣ୍ଡିଚା ମନ୍ଦିରରେ ପହଞ୍ଚତ୍ଛନ୍ତି। ହୁଲାସ ସାମନ୍ତରାୟ ଏଠାରେ ଛେରାପହଁରା କରିଥିଲେ। ରଥଯାତ୍ରା କମିଟିର ଆବାହକ ଅଧ୍ୟାପକ ଗୋପାଳକୃଷ୍ଣ ଦାସ ଏହାର ପରିଚାଳନା କରିଥିଲେ। ଦଧିମାଛଗାଡିଆରେ ଏକକ ଜଗନ୍ନାଥଙ୍କୁ ଭକ୍ତମାନେ ସନ୍ଧ୍ୟା ସୁନ୍ଧା ମହାବୀର ମନ୍ଦିର ନିକଟସ୍ଥ ଗୁଣ୍ଡିଚା ମନ୍ଦିରରେ ପହଞ୍ଚାଇଥିଲେ। ଏଠାରେ ମାନସ ପଟ୍ଟନାୟକ ଛେରା ପହଁରା କରିଥିଲେ। ଉଲକିଶନନଗରର ମଠାଧୀଶ ଜଗନ୍ନାଥ, ବଳଭଦ୍ର, ସୁଭଦ୍ରା ଠାକୁର ରଥାରୂଢ ହୋଇ ଅଁଳେଇ ମନ୍ଦିରସ୍ଥିତ ମାଉସୀ ମା’ ମନ୍ଦିରରେ ସନ୍ଧ୍ୟା ସୁଦ୍ଧା ପହଞ୍ଚତ୍ ଯାଇଛନ୍ତି। ସୁଦର୍ଶନ ବଳିଆଳସିଂ ଛେରାପହଁରା କରିଥିଲେ। ଓଳସିଂହରେ ପତିତପାବନ ଦେବଙ୍କ ପୀଠରେ ବ୍ରହ୍ମାନନ୍ଦ ମହାନ୍ତ, ଛଣଗିରିରେ ପତିତପାବନଦେବଙ୍କ ପୀଠରେ ଅଜୟ କୁମାର ମହାନ୍ତି ଓ କୁମାରବସ୍ତ ବରାଳସାହି ପତିତପାବନ ଦେବଙ୍କ ପୀଠରେ ଦିବ୍ୟସିଂହ ବରାଡ ଛେରା ପହଁରା କରିଥିଲେ। ବାଣପୁର ସହରାଞ୍ଚଳର ପଲଟନ ପଡିଆସ୍ଥିତ ବଡହନ୍ତୁଆଡର ଚରଣ ଚକାଦେବଙ୍କ ରଥଯାତ୍ରା ସହ ସାନ ହନ୍ତୁଆଡ ରଙ୍କନାଥ ଦେବଙ୍କର ରଥଯାତ୍ରା ଅନୁଷ୍ଠିତ ହୋଇଯାଇଛି।
ଜଟଣୀ,(ଡି.ଏନ.ଏ.): ଜଟଣୀର ବିଭିନ୍ନ ସ୍ଥାନରେ ଗୁରୁବାର ରଥଯାତ୍ରା ଅନୁଷ୍ଠିତ ହୋଇଥିଲା। ସ୍ଥାନୀୟ କୁଦିଆରୀ ଗ୍ରାମରେ ଶତାଧିକ ଭକ୍ତ ଶ୍ରୀଜୀଉଙ୍କ ରଥ ଟାଣିଥିଲେ। ସେହିପରି ବାଛରାପାଟଣା, କୁଶମାଟି ଆଦି ସ୍ଥାନରେ ଆନନ୍ଦଉଲ୍ଲାସ ସହିତ ରଥଟଣା ଅନୁଷ୍ଠିତ ହୋଇଥିଲା।
ବୋଲଗଡ,(ଡି.ଏନ.ଏ.) : ବୋଲଗଡ ତୃତୀୟାଦେବଙ୍କ ପୀଠରେ ରଥଯାତ୍ରା ଅନୁଷ୍ଠିତ ହୋଇଯାଇଛି। ଏଥିରେ ରଣପୁର ମଠ ମହନ୍ତ ପର୍ଶୁରାମ ଦାସ ଛେରାପହଁରା କରିଥିଲେ। ଗୋଟିଏ ରଥରେ ତିନିଠାକୁର ମାଉସୀ ମା’ ମନ୍ଦିର ନନ୍ଦିଘୋଷ ଭବନରେ ପହଞ୍ଚତ୍ବା ପରେ ନୀଳାଦ୍ରିବିଜେ ହୋଇଛନ୍ତି। ସେହିଭଳି ରାଜସୁନାଖଳା, ସାଗର ଗାଁ , ବେଣାଗାଡିଆ, ଚମ୍ପାଇଲୋ ଓ ସାନକୁମାରୀରେ ଅନୁରୂପ ଭାବେ ରଥଯାତ୍ରା ଅନୁଷ୍ଠିତ ହୋଇଯାଇଛି।
କୃଷ୍ଣପ୍ରସାଦ,(ଡି.ଏନ୍‌.ଏ.): ରଥଯାତ୍ରା ଅବସରରେ ଗୁରୁବାର ପୁରୀ ଜିଲା କୃଷ୍ଣପ୍ରସାଦ ବ୍ଲକ ଅନ୍ତର୍ଗତ ଶିଆଳଗାଁରେ ଏକ ନିଆରା ଢଙ୍ଗରେ ପିଲା ରଥଯାତ୍ରା ଆୟୋଜିତ ହେଉଛି। ଉଲ୍ଲେଖଯୋଗ୍ୟ, ୨୨ ବର୍ଷ ପୂର୍ବେ ଅନିରୁଦ୍ଧ ପଣ୍ଡା ନାମକ ଶ୍ରଦ୍ଧାଳୁ ପିଲାଟିଏ ନଡିଆ ଖଡ଼ିିକାରେ ରଥ ଓ ନଡ଼ିଆରେ ଅଙ୍କିତ ୩ ମୂର୍ତ୍ତି ସ୍ଥାପନ କରି ଗାଁ ଦାଣ୍ଡରେ ଟାଣିଥିଲେ। ପିଲା, ମହିଳାମାନେ ଏହା ଟାଣିଥିଲେ। ନଗେନ୍ଦ୍ର ଜଗଦେବ ନାୟକ ଛେରାପହଁରା କରିଥିଲେ। ସେହିଭଳି ପାରିକୁଦଗଡ଼ରେ ପାରିକୁଦ ରାଜ ପୁରୋହିତ, ତିତିପ ଗାଁରେ ଭଗବାନ ପଣ୍ଡା ଛେରାପହଁରା କରିଥିଲେ। ଗୁରୁବାଈ, ଗୋରାପୁର, ମାଲୁଦର ଦଧିବାମନ ଦେବ, ବଜ୍ରକୋଟସ୍ଥିତ ଜଗନ୍ନାଥ ମନ୍ଦିରରେ ମଧ୍ୟ ଘୋଷଯାତ୍ରା ଅନୁଷ୍ଠିତ ହୋଇଥିଲା।
ଟାଙ୍ଗୀ(ଖୋର୍ଦ୍ଧା),(ଡି.ଏନ୍‌.ଏ.)-ଚିଲିକା ଉପକୂଳସ୍ଥିତ ଭୁଷଣ୍ଡପୁର ଓ କୁହୁଡ଼ିଠାରେ ଅନୁଷ୍ଠିତ ରଥଯାତ୍ରାରେ ଛେରାପହଁରା କାର୍ଯ୍ୟ ସମ୍ପାଦନ କରିଥିଲେ ପାରିକୁଦ ରାଜା ସନ୍ତୋଷ ସିଂହ ମର୍ଦ୍ଦରାଜ ଭ୍ରମରବର ରାୟବାହାଦୁର। ରଥଯାତ୍ରା କମିଟି ତରଫରୁ ରାଜାଙ୍କୁ ବାଲିପାଟପୁର ପଞ୍ଚାୟତ କାର୍ଯ୍ୟାଳୟଠାରୁ ରାଜାଙ୍କୁ ପାଛୋଟି ନିଆଯାଇଥିଲା  ଡିଏସ୍‌ପି ସତୀଶ ପାଢ଼ୀ, ଟାଙ୍ଗୀ ଥାନାଧିକାରୀ ସରୋଜ କୁମାର ଉପାଧ୍ୟାୟ ଓ ଭୁଷଣ୍ଡପୁର ଫାଣ୍ଡି ଅଧିକାରୀ ହରିବନ୍ଧୁ ଦାସଙ୍କ ନେତୃତ୍ୱରେ ୧ ପ୍ଲାଟୁନ ଫୋର୍ସ ପୋଲିସ ନିୟୋଜିତ ହୋଇଥିଲେ। ଶ୍ରୀଗୁଣ୍ଡିଚାଠାରୁ ବାହୁଡ଼ା ଯାତ୍ରା ପର୍ଯ୍ୟନ୍ତ ପ୍ରତି ସନ୍ଧ୍ୟାରେ ଦୋଳପଡିଆଠାରେ ରାଜ୍ୟ ସଂସ୍କୃତି ବିଭାଗ ତରଫରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବ। ବାଘେଇ ମନ୍ଦିରଠାରୁ ହାଟନୂଆସାହି ମନ୍ଦିର ପର୍ଯ୍ୟନ୍ତ ରଥଟଣା କାର୍ଯ୍ୟକ୍ରମରେ ବାଘନାଚ, ଘୋଡାନାଚ, ଡିଜେ, କରତାଳ, ଘଣ୍ଟଘଣ୍ଟି, କାହାଳି ଓ ମୁଦଙ୍ଗ ବାଜି ଉଠିଥିଲା। ଚଣ୍ଡେଶ୍ୱର, ସୋରଣ, ରତନପୁର, ହାଟବରଡିହ ଆଦି ଅଞ୍ଚଳର ଶ୍ରଦ୍ଧାଳୁମାନେ ରଥ ଟାଣିଥିଲେ। ଏହି କାର୍ଯ୍ୟକ୍ରମରେ ଟାଙ୍ଗୀ ବ୍ଲକ ଅଧ୍ୟକ୍ଷ ବିଜୟ କୁମାର ଜେନା, କୁହୁଡ଼ି ସରପଞ୍ଚ ବିପିନ ଉଦୟସିଂହ, ଡାକ୍ତର ଟୁନି ମହାରଣା ଓ ପ୍ରାକ୍ତନ ସରପଞ୍ଚ ପବିତ୍ର ହରିଚନ୍ଦନ ପ୍ରମୁଖ ସହଯୋଗ କରିଥିଲେ। ସେହିପରି ଟାଙ୍ଗୀଠାରେ ଅନୁଷ୍ଠିତ ରଥଯାତ୍ରାରେ ପ୍ରଶାସନିକ ଅଧିକାରୀ ଭାରତ ଭୂଷଣ ଜଗଦେବ ଛେରାପହଁରା କରିଥିଲେ। ଭକ୍ତମାନେ ଦୋଳପଡିଆଠାରୁ ପ୍ରାୟ ଦେଢ କିମି ଦୂର ବଳରାମଦେବ ମନ୍ଦିର ପର୍ଯ୍ୟନ୍ତ ରଥକୁ ଟାଣି ଟାଣି ଆଣିଥିଲେ।


Enter your email to get our daily news in your inbox.

All Right Reserved By Dharitri.Com

ବମିଖାଲ ଓଭରବ୍ରିଜରେ ଝୁଲୁଛି ବିପଦ

ଭୁବନେଶ୍ୱର,୨୬।୭(ବ୍ୟୁରୋ): ଅଧିକାରୀଙ୍କ ଅବହେଳା ପାଇଁ ନିର୍ମାଣ ସମୟରେ ବମିଖାଲ ଓଭରବ୍ରିଜ୍‌ ୨ ଜୀବନ ନେଇଥିଲା। ଜଣେ ଶିଶୁ ସମେତ ୧୧ରୁ ଊର୍ଦ୍ଧ୍ୱ ଆହତ ହୋଇଥିଲେ। ଏବେ...

ଦାବି ପୂରଣ ପାଇଁ ଆନ୍ଦୋଳନ, ଲୋୟର ପିଏମ୍‌ଜି ଚଳଚଞ୍ଚଳ

ଭୁବନେଶ୍ୱର, ୧୮।୨ (ବ୍ୟୁରୋ): ୩ମାସ ପରେ ପୁଣି ଚଳଚଞ୍ଚଳ ହୋଇଛି ବିଧାନସଭା ସମ୍ମୁଖ ଲୋୟର ପିଏମ୍‌ଜିଠାରୁ ମାଷ୍ଟର କ୍ୟାଣ୍ଟିନ୍‌ ଛକ। ଗାନ୍ଧୀ ମାର୍ଗରେ ପୋଲିସ ଡେରା...

ଲିଙ୍ଗରାଜ ଭଳି ଆଉ ୪ ମନ୍ଦିର ପାଇଁ ଅଧ୍ୟାଦେଶ ଅଣାଯାଉ

ଭୁବନେଶ୍ୱର,୧୫।୧୨(ବ୍ୟୁରୋ): ଲିଙ୍ଗରାଜ ମନ୍ଦିର ଭଳି ଅନ୍ୟ ୪ ମନ୍ଦିର ପାଇଁ ଅଧ୍ୟାଦେଶ ଆଣିବାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ...

ଲାଞ୍ଚ ନେଇ ଧରାପଡ଼ିଲେ ଆଇଏଏସ୍‌ ଅଫିସର

ଭୁବନେଶ୍ୱର, ୩୦ା୧୨(ବ୍ୟୁରୋ)- ଲାଞ୍ଚ ନେଇ ଧରାପଡ଼ିଛନ୍ତି ଆଇଏଏସ୍‌ ଅଫିସର ବିଜୟ କେତନ ଉପାଧ୍ୟାୟ। ୨୦୦୯ ବ୍ୟାଚ୍‌ର ଆଇଏଏସ୍‌ ବିଜୟ କେତନ ୧ଲକ୍ଷ ଟଙ୍କା ଲାଞ୍ଚ ନେବାବେଳେ...

ଓଡ଼ିଶାରୁ ଦୁଇ ଜଣଙ୍କୁ ଜାତୀୟ ସେବା ଯୋଜନା ପୁରସ୍କାର

ଭୁବନେଶ୍ୱର,୨୪।୯(ବ୍ୟୁରୋ): ରାଷ୍ଟ୍ରପତି ରାମନାଥ କୋବିନ୍ଦ ୨୦୧୯-୨୦ ପାଇଁ ଶୁକ୍ରବାର ଜାତୀୟ ସେବା ଯୋଜନା(ଏନ୍‌ଏସ୍‌ଏସ୍‌) ପୁରସ୍କାର ପ୍ରଦାନ କରିଛନ୍ତି। ଏହା ରାଷ୍ଟ୍ରପତି ଭବନରେ ଭର୍ଚୁଆଲରେ ଆୟୋଜିତ ହୋଇଥିଲା।...

ମଙ୍ଗଳ ଯୋଡ଼ିରେ ବିରଳ ଆଲବିନୋ କାମ ପକ୍ଷୀ ଠାବ

ଭୁବନେଶ୍ୱର,୧।୩(ବ୍ୟୁରୋ): ପକ୍ଷୀମାନଙ୍କର ସ୍ବର୍ଗ କୁହାଯାଉଥିବା ମଙ୍ଗଳାଯୋଡିରେ ଏକ ବିରଳ ଆଲବିନୋ ପର୍ପଲ ମୁର ହେନ ପକ୍ଷୀ ଠାବ କରାଯାଇଛ। ଗୋଲାପୀ ଆଖି ଥିବା ସମ୍ପୁର୍ଣ୍ଣ ଧଳା...

ସଫଳ ବାତ୍ୟା ମୁକାବିଲା ନେଇ ଓଡ଼ିଶାକୁ ପ୍ରଶଂସା କଲେ ମୋଦି

ଭୁବନେଶ୍ୱର,୨୯।୫(ବ୍ୟୁରୋ): ଓଡ଼ିଶାରେ ବାତ୍ୟା ସମୀକ୍ଷା ବୈଠକକୁ ପ୍ରଶଂସା କଲେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି। ଓଡ଼ିଶାରେ ହୋଇଥିବା ସମୀକ୍ଷା ବୈଠକ ଫଳପ୍ରଦ ହୋଇଛି ବୋଲି ଟୁଇଟ...

ଆଉ ନିର୍ବାଚନ ଲଢିବେନି ଦାମ ରାଉତ: କହିଲେ, ଲୋକଙ୍କ ପାଇଁ କାମ ଜାରି ରହିବ

ଭୁବନେଶ୍ୱର,୩।୧୦(ବ୍ୟୁରୋ): ବରିଷ୍ଠ ଭାଜପା ନେତା ଦାମ ରାଉତ ରାଜନୀତିରୁ ସନ୍ୟାସ ନେଇଛନ୍ତି। ଫଳରେ ତାଙ୍କ ୪୫ ବର୍ଷ ରାଜନୀତି କ୍ୟାରିୟର ସମାପ୍ତ ହୋଇଛି। ନିର୍ବାଚନ ଲଢିବାକୁ...

Advertisement


Archives

Model This Week