ଲକ୍ଷ୍ନୌ,୨୩।୭: ଦୁନିଆ କ’ଣ ଜାଣିବା ପୂର୍ବରୁ ନିଜ ମା’ ପାଇଁ ମୃତ୍ୟୁକୁ ଅପଣାଇ ନେଇଛି ଜଣେ ୩ ମାସର ଶିଶୁ। ନିଜ ୩ ମାସ ଶିଶୁ ପୁତ୍ରର ଯକୃତ ଜନିତ ସମସ୍ୟା ଓ କାମଳ ରୋଗ ଥିବାରୁ ଏହାକୁ କିଛିଦିନ ଚିକିତ୍ସା କରିବା ପରେ ଏଥିରେ ଅତିଷ୍ଠ ହୋଇ ୪ ମହଲା କୋଠାରୁ ତଳକୁ ଫୋପାଡି ଜଣେ ମା’ ତାଙ୍କ ଶିଶୁକୁ ହତ୍ୟା କରିଥିବା ଜଣାପଡିଛି। ଘଟଣାଟି ଘଟିଛି ଉତ୍ତର ପ୍ରଦେଶ ଲକ୍ଷ୍ନୌରେ ଥିବା କିଙ୍ଗ ଜର୍ଜ ମେଡିକାଲ ୟୁନିର୍ଭସିଟି(କେଜିଏମ୍ୟୁ)ଟ୍ରମା ସେଣ୍ଟରରେ। ତେବେ ଜନ୍ମରୁ ପିଲାଟି ରୋଗୀଣା ଥିବାରୁ ପିଲାଟିର ମା’ କେଜିଏମ୍ୟୁ ଟ୍ରମା ସେଣ୍ଟରର ୪ମହାଲା ଛାତରୁ ଶିଶୁଟିକୁ ତଳକୁ ଫୋପାଡି ଦେଇଥିଲେ। ଆଉ ସେହିଠାରେ ହିଁ ଶିଶୁଟିର ମୃତ୍ୟୁ ହୋଇଥିଲା ବୋଲି କହିଛନ୍ତି ଶିଶୁର ପିତା। ଏଏସ୍ପି ବିକାଶ ଚନ୍ଦ୍ର ତ୍ରିପାଠୀ ଅଭିଯୁକ୍ତଙ୍କୁ ଗିରଫ କରି ଘଟଣାର ତଦନ୍ତ ଆରମ୍ଭ କରିଥିବା ପ୍ରକାଶ କରିଛନ୍ତି।
