ଛାତ୍ରୀ ନିଖୋଜ ଘଟଣା:ବିବାହ ପାଇଁ ମନା କରିବାରୁ ତଣ୍ଟି ଚିପି ହତ୍ୟା

ବସ୍ତା, ୧୧।୬(ସ୍ବ.ପ୍ର.)-ବାଲେଶ୍ୱର ଜିଲା ସିଂଲା ଥାନା ଅନ୍ତର୍ଗତ ଜାମଶୁଳୀ ଗ୍ରାମର ଜଣେ କଲେଜ ଛାତ୍ରୀ ୪ ମାସ ଧରି ନିଖୋଜ ହେବା ଘଟଣାର ସୋମବାର ଗୁମର ଖୋଲିଛି। ସମ୍ପୃକ୍ତ ଛାତ୍ରୀଙ୍କୁ ତଣ୍ଟି ଚିପି ହତ୍ୟା କରାଯାଇଛି। ସେ ବିବାହ କରିବାକୁ ରାଜି ନ ହେବାରୁ ଏକତରଫା ପ୍ରେମ କରୁଥିବା ଯୁବକଜଣକ ପ୍ରତିଶୋଧପରାୟଣ ହୋଇ ଏପରି କାଣ୍ଡ ଘଟାଇଥିବା ପୋଲିସ ଆଗରେ ସ୍ବୀକାର କରିଛନ୍ତି। ଏ ସମ୍ପର୍କରେ ସୋମବାର ବସ୍ତା ଏସ୍‌ଡିପିଓ ରଣଜିତ କୁମାର ପୃଷ୍ଟି ଓ ସିଂଲା ଥାନା ଆଇଆଇସି ସୁବ୍ରତ କୁମାର ବେହେରା ବାହାର୍ଦ୍ଦାସ୍ଥିତ ଏସ୍‌ଡିପିଓଙ୍କ କାର୍ଯ୍ୟାଳୟରେ ଆୟୋଜିତ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି।
ଏସ୍‌ଡିପିଓ ରଣଜିତ ପୃଷ୍ଟିଙ୍କ ସୂଚନା ଅନୁଯାୟୀ, ଗତ ଫେବୃୟାରୀ ୧୬ ତାରିଖରେ ଏହି ଗ୍ରାମର ଲୋପାମୁଦ୍ରା ମହାନ୍ତି (୧୯) ନିଖୋଜ ହୋଇଯାଇଥିଲେ। ତାଙ୍କ ପରିବାର ପକ୍ଷରୁ ନିଖୋଜ ହେବା ନେଇ ଫେବୃୟାରୀ ୧୮ରେ ସିଂଲା ଥାନାରେ ଅଭିଯୋଗ କରାଯାଇଥିଲା। ଅଭିଯୋଗକୁ ଭିତ୍ତି କରି ପୋଲିସ ଏକ ଷ୍ଟେଶନ ଡାଏରୀ (ନଂ.୩/୧୯) କରି ତଦନ୍ତ ଜାରି ରଖିଥିଲେ ା ଦୀର୍ଘ ଦିନ ଧରି ପୋଲିସକୁ ଏହି ଘଟଣାରେ କୌଣସି ସୁରାକ ମିଳି ନ ଥିଲା ା ଗତ ଜୁନ ୫ ତାରିଖରେ ଲୋପାମୁଦ୍ରାଙ୍କ ନିଖୋଜ ଘଟଣାରେ ବାଲିଆପାଳ ଥାନା ଅଞ୍ଚଳର ଗିରିଜା ଶଙ୍କରଙ୍କ ସମ୍ପୃକ୍ତି ଥିବା ନେଇ ପୁଣି ଅଭିଯୋଗ ହେବା ପରେ ପୋଲିସ ଏକ ମାମଲା (ନଂ.୮୮/୧୯) ରୁଜୁ କରି ତଦନ୍ତକୁ ଆଗକୁ ବଢାଇଥିଲା। ପୋଲିସ ପ୍ରାଥମିକ ତଦନ୍ତରୁ ଲୋପାମୁଦ୍ରା ଓ ଗିରିଜାଙ୍କ ମୋବାଇଲ ଲୋକେଶନକୁ ଟ୍ରାକ କରି ମୟୂରଭଞ୍ଜ ଜିଲା ବାରିପଦା ସଦର ଥାନା ଗୁଞ୍ଜୁସାହି ଜଙ୍ଗଲ ମଧ୍ୟରେ ନିଖୋଜ ହେବା ଦିନ ସମାନ ଜାଗାରେ ଏହି ଦୁଇଜଣ ଥିବା ଜାଣିବାକୁ ପାଇଥିଲା। ଏନେଇ ସିଂଲା ପୋଲିସ ବାରିପଦା ସଦର ଥାନା ଅଧିକାରୀଙ୍କ ସହ ଯୋଗାଯୋଗ କରିବା ପରେ ମାର୍ଚ୍ଚ ୨ ତାରିଖରେ ସେହି ଜଙ୍ଗଲରୁ ଏକ ଯୁବତୀଙ୍କ ଗଳିତ ମୃତଦେହ ଉଦ୍ଧାର ହୋଇଥିବା ଜାଣିବାକୁ ପାଇଥିଲେ। ଏହାପରେ ଲୋପାମୁଦ୍ରାଙ୍କ ମା’ ବାପାଙ୍କୁ ନେଇ ପୋଲିସ ଜବତ ହୋଇଥିବା ଝିଅର ପୋଷାକ, ଜୋତା ଓ ଅନ୍ୟାନ୍ୟ ସାମଗ୍ରୀ ଚିହ୍ନଟ କରିଥିଲେ। ଏସବୁ ଲୋପାମୁଦ୍ରାଙ୍କ ଜାଣିବାପରେ ପୋଲିସ ଅଭିଯୁକ୍ତ ଗିରିଜାଙ୍କୁ ଅଟକ ରଖି ତଦନ୍ତ ଆରମ୍ଭ କରିଥିଲେ ା ୪ ଦିନ ଧରି ପଚରାଉଚୁରା ପରେ ଗିରିଜା ଲୋପାମୁଦ୍ରାଙ୍କୁ ହତ୍ୟା କରିଥିବା ମାନିଥିଲେ। ଗିରିଜା ପୋଲିସ ଆଗରେ ବୟାନ ଦେଇଛନ୍ତି ଯେ, ପାଉଁଶକୁଲି ପୋଷ୍ଟଅଫିସରେ ପୋଷ୍ଟମାଷ୍ଟର ଭାବେ ସେ କାର୍ଯ୍ୟ କରୁଥିଲେ। ମଝିରେ ମଝିରେ ଡେପୁଟେଶନରେ ଜାମଶୁଳି ପୋଷ୍ଟଅଫିସକୁ ମଧ୍ୟ ଡ୍ୟୁଟିରେ ଆସନ୍ତି ା ଏହି ପୋଷ୍ଟ ଅଫିସରେ ଟଙ୍କା ରଖିବାକୁ ଲୋପାମୁଦ୍ରାଙ୍କ ମା’ କବିତା ମହାନ୍ତି ଆସନ୍ତି ା ସେହି ଯୋଗାଯୋଗରୁ ଗିରିଜାଙ୍କ ସହ ଲୋପାମୁଦ୍ରା ପରିବାର ସହ ସମ୍ପର୍କ ଗଢି ଉଠିଥିଲା। ଗିରିଜା ମଧ୍ୟ ଲୋପାମୁଦ୍ରାଙ୍କୁ ଭଲପାଇ ବିବାହ କରିବାକୁ ଇଛା କରିଥିଲେ। ମାତ୍ର ଗିରିଜା ଅତ୍ୟଧିକ ଋଣଭାରରେ ବୁଡି ରହିବା ସହିତ ଦୁହିଁଙ୍କର ଜାତି ଅଲଗା ହୋଇଥିବାରୁ ଲୋପାମୁଦ୍ରାଙ୍କ ପରିବାର ଲୋକେ ଏହି ବିବାହ ପ୍ରସ୍ତାବରେ ରାଜି ହୋଇ ନ ଥିଲେ। ଝିଅକୁ ଗିରଜା ସହିତ ସମ୍ପର୍କ ନ ରଖିବାକୁ ମଧ୍ୟ ପରାମର୍ଶ ଦେଇଥିଲେ ା ଘରଲୋକଙ୍କ କଥା ଅନୁଯାୟୀ ଲୋପାମୁଦ୍ରା ବି ଏହି ପ୍ରସ୍ତାବକୁ ବିରୋଧ କରିଥିଲେ। ଏଥିରେ ପ୍ରତିଶୋଧ ପରାୟଣ ହୋଇ ଗିରିଜା ଗତ ଫେବୃୟାରୀ ୧୬ରେ ନିରୋଳାରେ କଥା ହେବା ପାଇଁ ଲୋପାମୁଦ୍ରାଙ୍କୁ ବାଇକରେ ନେଇ ଗୁଞ୍ଜୁସାହି ଜଙ୍ଗଲକୁ ଯାଇଥିଲେ। ସେଠାରେ ଗିରିଜା ଅସଦାଚରଣ କରିବାକୁ ଉଦ୍ୟମ କରୁଥିବା ବେଳେ ଲୋପାମୁଦ୍ରା ବିରୋଧ କରିଥିଲେ। ଏଥିରେ ଉତ୍ତ୍ୟକ୍ତ ହୋଇ ଗିରଜା ତାଙ୍କ ତଣ୍ଟିକୁ ଚିପି ମାରିଦେଇ ବଣ ମଝିରେ ଫୋପାଡି ଦେଇ ସେଠାରୁ ପଳାଇଥିଲେ। ହତ୍ୟା ପରେ ସେ ବାରିପଦାକୁ ବାଇକ ଯୋଗେ ଯାଇ ସେଠାରୁ ପୁଣି ବାଲେଶ୍ୱର ଯିବା ବାଟରେ ୧୬ ନଂ. ଜାତୀୟ ରାଜପଥର କଳମା ପୋଲ ତଳେ ପାଣିରେ ଲୋପାମୁଦ୍ରାର ହାର, ମୁଦି, ପାଉଁଜି ଫୋପାଡି ଦେଇଥିଲେ। ଲୋପାମୁଦ୍ରା ପରିବାର ଯେପରି ତାଙ୍କ ଉପରେ ସନ୍ଦେହ ନ କରିବେ ସେଥିପାଇଁ ସେ ତାଙ୍କ ଘରକୁ ପୂର୍ବଭଳି ଯାଉଥିଲା ଓ ଯୋଗାଯୋଗ ରଖିଥିଲା। ମଝିରେ ଥରେ ଗିରିଜା ହତ୍ୟା କରିଥିବା ସ୍ଥାନ ଗୁଞ୍ଜୁସାହି ଜଙ୍ଗଲକୁ ଯାଇ ଲୋପାମୁଦ୍ରା ମୃତଦେହର ସ୍ଥିତି ପରିଖିଥିଲା। ସେଠାରେ ଏକ ଯୁବତୀଙ୍କ ଗଳିତ ଶବ ପୋଲିସ ଉଦ୍ଧାର କରିଥିବା ଲୋକଙ୍କଠାରୁ ବୁଝି ପଳାଇଆସିଥିଲେ ବୋଲି ଏସ୍‌ଡିପିଓ ପୃଷ୍ଟି ପ୍ରକାଶ କରିଛନ୍ତି। ପୋଲିସ ଅଭିଯୁକ୍ତ ଗିରିଜାଙ୍କୁ ଗିରଫ କରିବା ସହ ଡାକ୍ତରୀମାଇନା କରି ସୋମବାର କୋର୍ଟଚାଲାଣ କରିଛି। ତାଙ୍କ ବ୍ୟାଗରୁ ମୃତ ଲୋପାମୁଦ୍ରାଙ୍କ କଲେଜ ନୋଟ ଓ ମୋବାଇଲ ଜବତ କରାଯାଇଛି। ଗିରିଜାଙ୍କ ବାଇକ୍‌(ନଂ. ଓଡି-୦୧-ଏଫ-୩୯୩୮) କୁ ମଧ୍ୟ ପୋଲିସ ଜବତ କରିଛି ା


Enter your email to get our daily news in your inbox.

All Right Reserved By Dharitri.Com

ହାଓଡା ଢୁଲାଗଡ଼ରେ ମର୍ମନ୍ତୁଦ ଦୁର୍ଘଟଣା: ୪ ମୃତ, ଜଣେ ଗୁରୁତର

ଭଦ୍ରକ ଅଫିସ, ୧୭।୭ – କଲିକତା ହାଓଡା ଢୁଲାଗଡ ଟୋଲପ୍ଲାଜା ନିକଟରେ ବୁଧବାର ଭୋର ସମୟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ୪ ଜଣ...

ଶାରୀଶୂଆ ପାହାଡରେ ସାଇଣ୍ଟଫିକ ଟିମ

ଖଇରା, ୨୪।୨(ଡି.ଏନ.ଏ.)-ବାଲେଶ୍ୱର ଜିଲା ଖଇରା ତହସିଲ ଅଧୀନ ଶାରୀଶୂଆ ପାହାଡର ୭୭ ନମ୍ବର ତଥା ଅନ୍ୟାନ୍ୟ ଖଣି ଉପରେ କଟକ କ୍ରାଇମବ୍ରାଞ୍ଚ ଏସ୍‌ଟିଏଫ୍‌ର ଚଢାଉର ୧୨...

ଚୋରି ବାଇକ ଉଦ୍ଧାର, ଦୁଇ କୋର୍ଟ ଚାଲାଣ

ବଡ଼ବିଲ,୨୬ା୬(ସ୍ବ.ପ୍ର.) : କେନ୍ଦୁଝର ଜିଲା ବଡ଼ବିଲ ଥାନା ଷ୍ଟେଶନରୋଡ୍‌ରୁ ଗତ ସୋମବାର ଚୋରି ହୋଇଥିବା ବାଇକକୁ ପୋଲିସ ଉଦ୍ଧାର କରି ଘଟଣାରେ ସଂପୃକ୍ତ ୨ ଅଭିଯୁକ୍ତଙ୍କୁ...

ଆସୁଛି ପାର୍ବଣ ଋତୁ: ଅନିଶ୍ଚିତତା ମଧ୍ୟରେ ମୂର୍ତ୍ତି କାରିଗର

ବାଲେଶ୍ୱର ଅଫିସ, ୨୬।୭: ଆସୁଛି ପାର୍ବଣ ଋତୁ। ପ୍ରଥମେ ଖୁଦୁରୁକୁଣୀ ପରେ ଗଣେଶ, ବିଶ୍ୱକର୍ମା, ଦୁର୍ଗାପୂଜା, ଗଜଲକ୍ଷ୍ମୀ, କାର୍ତ୍ତିକେଶ୍ୱର, ସରସ୍ବତୀ, ମନୀଷା ଦେବୀ, କାଳୀପୂଜା ଅନୁଷ୍ଠିତ...

ବିଦ୍ୟୁତ୍‌ ସଂସ୍ପର୍ଶରେ ଆସି ଯୁବକଙ୍କ ଜୀବନଗଲା

ବାଲେଶ୍ୱର ଅଫିସ, ୨।୨: ବାଲେଶ୍ୱର ଜିଲା ଭୋଗରାଇ ବ୍ଲକ ବାଜିତପୁର ପଞ୍ଚାୟତ ବରବରିଆ ଗ୍ରାମରେ ବିଦ୍ୟୁତ୍‌ ସଂସ୍ପର୍ଶରେ ଆସି ମଙ୍ଗଳବାର ଜଣେ ଯୁବକଙ୍କ ମୃତ୍ୟୁ ଘଟିଛି।...

ଲୁହାପଥର ଗୁଣ୍ଡରେ ହେଉଛି ରାସ୍ତା ମରାମତି : ସରକାର ହରାଉଛନ୍ତି ରାଜସ୍ବ

ଯୋଡ଼ା,୧୮।୭(ଡି.ଏନ.ଏ.)-କେନ୍ଦୁଝର ଜିଲା ଯୋଡ଼ା ଖଣିମଣ୍ଡଳରେ ରାସ୍ତାରେ ଥିବା ଖାଲଢିପକୁ ପୋତିବା ପାଇଁ ଖଣିଜ ପଦାର୍ଥ ବ୍ୟବହାର କରାଯାଉଛି। ଯୋଡ଼ା ଖଣିମଣ୍ଡଳର ଜୁରୁଡ଼ି-ବାମେବାରୀ ରାଜ୍ୟ ରାଜପଥ ନଂ...

ବାଲେଶ୍ୱରରେ ଆକ୍ରାନ୍ତଙ୍କ ସଂଖ୍ୟା ୮କୁ ବୃଦ୍ଧି

ବାଲେଶ୍ୱର ଅଫିସ୍‌:୨୧।୪: ବାଲେଶର ସହରରେ କୋଭିଡ-୧୯ ଆକ୍ରାନ୍ତ ଚିହ୍ନଟ ହେବାପରେ ଏକ ପ୍ରକାର ଆତଙ୍କ ଦେଖାଦେଇଛି। ଗତ ଶନିବାର ବାଲେଶ୍ୱରର ନେଳିବାବାଗ ଅଞ୍ଚଳର ଜଣେ ୫୮...

ବାଲେଶ୍ୱରରେ ବିଜେଡି ଆଗୁଆ

ବାଲେଶ୍ୱର ଅଫିସ, ୨୩।୫- ବାଲେଶ୍ୱର ସଦର ନିର୍ବାଚନମଣ୍ଡଳୀ ଷଷ୍ଠ ରାଉଣ୍ଡ ସୁଦ୍ଧା ବିଜେଡିର ଜୀବନପ୍ରଦୀପ ଦାଶ ୧୩୫୬୩ ଭୋଟ ପାଇଥିବାବେଳେ ଭାଜପାର ମଦନ ମୋହନ ଦତ୍ତ...

Advertisement

BGU

Archives

Model This Week

Why Dharitri