ଚେଇଁ ଶୋଇଛନ୍ତି ବିଏମ୍‌ସି ଡ୍ରେନେଜ ବିଭାଗ ଅଧିକାରୀ: ସହରର ୪୦% ଡ୍ରେନ୍‌ରେ ଢାଙ୍କୁଣି ନାହିଁ

ଭୁବନେଶ୍ୱର, ୨୭ା୭(ବ୍ୟୁରୋ): ଭୁବନେଶ୍ୱର ମହାନଗର ନିଗମ(ବିଏମ୍‌ସି) ଅଧୀନ ୬୭ଟି ଓ୍ବାର୍ଡରେ ମୋଟ ୬୫୦କିମିର ଆଭ୍ୟନ୍ତରୀଣ ଡ୍ରେନ ଓ ୬୦ କିମିର ୧୦ଟି ମୁଖ୍ୟ ଡ୍ରେନ୍‌ ରହିଛି। ତନ୍ମଧ୍ୟରୁ ପୂର୍ତ୍ତ ବିଭାଗର କେତୋଟି ଡ୍ରେନକୁ ବାଦ୍‌ ଦେଲେ ବାକି ସବୁ ବିଏମ୍‌ସି ଦ୍ୱାରା ରକ୍ଷଣାବେକ୍ଷଣ ହୋଇଥାଏ। ୬୭ଟି ଓ୍ବାର୍ଡ ମଧ୍ୟରୁ ୩୦ରୁ ୩୫ଟି ଓ୍ବାର୍ଡରେ ଡ୍ରେନେଜ୍‌ ପୁନରୁଦ୍ଧାର, ସଫେଇ ଓ ନୂଆ ଡ୍ରେନ ନିର୍ମାଣ କାମ ସରିଥିବା ଜଣାପଡ଼ିଛି। ଅନ୍ୟ ୩୨ଟି ଓ୍ବାର୍ଡରେ ସ୍ଥିତି ନ କହିବା ଭଲ। କେଉଁଠି କାର୍ଯ୍ୟ ମନ୍ଥର ତ କେଉଁଠି ଆରମ୍ଭ ହୋଇନାହିଁ। ମୁଖ୍ୟ ଡ୍ରେନ ବ୍ୟତୀତ ଅନ୍ୟ ସମସ୍ତ ଡ୍ରେନରେ ଢାଙ୍କୁଣି ପକାଇବା ଲାଗି ବିଏମ୍‌ସିକୁ ନିର୍ଦ୍ଦେଶ ରହିଛି। ହେଲେ କର୍ତ୍ତୃପକ୍ଷଙ୍କ ଅବହେଳା ଓ ମନମୁଖି ଯୋଗୁ ଏବେ ବି ରାଜଧାନୀର ୩୦ରୁ ୪୦ ପ୍ରତିଶତ ଡ୍ରେନରେ ଢାଙ୍କୁଣି ପଡି ପାରିନାହିଁ। ମୁକୁଳା ପଡ଼ିଥିବା ଡ୍ରେନ୍‌ଗୁଡ଼ିକରେ ପିଲା, ବୃଦ୍ଧାବୃଦ୍ଧ ଖସିପଡ଼ି ଆଘାତପ୍ରାପ୍ତ ହେଉଛନ୍ତି। ଏପରି କି ଅନେକ ସମୟରେ ଲୋକଙ୍କ ଜୀବନ ଯାଉଛି। ଗୁରୁବାର ସନ୍ଧ୍ୟାରେ ଜୟଦେବ ବିହାର ଭିଲ୍ଲା ଛକ ନିକଟ ଡ୍ରେନ୍‌ରେ ସାଲିଆସାହି ଆଦିବାସୀ ଗଁ।ର ବୃଦ୍ଧା ଟି.ଆକାମ୍ମା ଖସିପଡ଼ିଥିଲେ। ଫଳରେ ପାଣି ସ୍ରୋତରେ ସେ ଭାସିଯାଇ ପ୍ରାଣ ହରାଇଥିଲେ। ଏହି ଘଟଣାର ୨୪ ଘଣ୍ଟା ପରେ ବି ଉକ୍ତ ଡ୍ରେନ୍‌ରେ ଢାଙ୍କୁଣି ପକାଯାଇନାହିଁ। ଏଥିଯୋଗୁ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଅନ୍ୟପକ୍ଷେ ଏ ନେଇ ଲୋକେ ସଚେତନ ହେଉନାହାନ୍ତି। ଡ୍ରେନ ଉପରେ ଯାତାୟାତ କରୁଛନ୍ତି। ବେପରୁଆ ଭାବେ ଯାତାୟାତ କରିବା ଦ୍ୱାରା ଏଭଳି ଦୁର୍ଘଟଣା ଘଟୁଛି ବୋଲି ସ୍ଥାନୀୟ ଅଞ୍ଚଳର କେତେଜଣ ବୁଦ୍ଧିଜୀବୀ ମତବ୍ୟକ୍ତ କରିଛନ୍ତି। ସୂଚନାଯୋଗ୍ୟ ମୃତ ବୃଦ୍ଧା ଟି ଆକ୍କାମ୍ମାଙ୍କ ସ୍ବାମୀ ଟି ମଧାୟାଙ୍କୁ ବିଏମ୍‌ସି ପକ୍ଷରୁ ୨ ଲକ୍ଷ ଟଙ୍କା ସହାୟତା ଓ ଉତ୍ତର ବିଧାୟକ ସୁଶାନ୍ତ ରାଉତଙ୍କ ପକ୍ଷରୁ ୧ ଲକ୍ଷ ୧୦ ହଜାର ଟଙ୍କା ସହାୟତା ପ୍ରଦାନ କରାଯାଇଛି।

କ୍ଷତିପୂରଣ, ତଦନ୍ତ ନିର୍ଦ୍ଦେଶ ପାଇଁ ଓଏଚ୍‌ଆରସିରେ ଅଭିଯୋଗ
ଭୁବନେଶ୍ୱର, ୨୬ା୭(ବ୍ୟୁରୋ): ବିଏମ୍‌ସିର ବେପରୁଆ ମନୋଭାବ ଯୋଗୁ ମୁକୁଳା ଡ୍ରେନରେ ବୃଦ୍ଧା ଭାସିଯାଇ ମୃତ୍ୟୁ ବରଣ କଲେ। ତେଣୁ ମୃତକଙ୍କ ପରିବାରକୁ ୫ଲକ୍ଷ ଟଙ୍କା କ୍ଷତିପୂରଣ ପ୍ରଦାନ ସହ ତଦନ୍ତ ନିର୍ଦ୍ଦେଶ ଦାବିରେ ଓଡ଼ିିଶା ବିକାଶ ପରିଷଦ ପକ୍ଷରୁ ରାଜ୍ୟ ମାନବାଧିକାର କମିଶନ (ଓଏଚ୍‌ଆର୍‌ସି)ଙ୍କ ନିକଟରେ ଅଭିଯୋଗ ହୋଇଛି। ଓଡ଼ିଶା ବିକାଶ ପରିଷଦର ସଭାପତି ସୁଶାନ୍ତ କୁମାର ପାଢୀ ଏହି ପିଟିଶନ ଦାଖଲ କରିଛନ୍ତି। ରାଜ୍ୟ ସରକାର କ୍ଷତିପୂରଣ ଦେବା ସହ ଘଟଣାର ତଦନ୍ତ କରିବାକୁ ସେ ତାଙ୍କ ପିଟିଶନରେ ମାନବାଧିକାର କମିଶନଙ୍କୁ ନିବେଦନ ଜଣାଇଛନ୍ତି।

ମୃତକଙ୍କ ପରିବାରକୁ ଆର୍ଥିକ ସହାୟତା

ଡ୍ରେନରେ ଭାସି ପ୍ରାଣ ହରାଇଥିବା ଟି. ଆକାମ୍ମାଙ୍କ ପରିବାରକୁ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠି ଓ ଉତ୍ତର ବିଧାୟକ ସୁଶାନ୍ତ ରାଉତ ସହାୟତା ରାଶି ପ୍ରଦାନ କରାଯାଇଛି। ବିଧାୟକ ରାଉତ ୬୦ ହଜାର ଟଙ୍କା ନଗଦ ଦେବା ସହ ୫୦ ହଜାର ଟଙ୍କା ଚେକ୍‌ ଆକାରରେ ପ୍ରଦାନ କରିଛନ୍ତି। ଏ ଅବସରରେ ସେ କହିଛନ୍ତି, ନଗଦ ଟଙ୍କାରେ ତାଙ୍କ ପରିବାର ଲୋକେ ଶୁଦ୍ଧ କର୍ମ କରିବେ। ହଠାତ୍‌ ତାଙ୍କ ପରିବାର ଉପରେ ଏପରି ଏକ ସମସ୍ୟା ଦେଖାଦେଇଛି। ଏଥିପାଇଁ କେହି ବି ପ୍ରସ୍ତୁତ ନ ଥିବେ। ସେଥିପାଇଁ ଏହି ସହାୟତା ରାଶି ଦିଆଯାଇଛି ବୋଲି ସେ କହିଥିଲେ। ଶୁକ୍ରବାର ସନ୍ଧ୍ୟାରେ ବିଧାୟକ ରାଉତ ମୃତକଙ୍କ ପରିବାରବର୍ଗଙ୍କୁ ଭେଟି ସମବେଦନା ଜଣାଇବା ସହ ସହାୟତା ରାଶି ପ୍ରଦାନ କରିଥିଲେ।
ସେହିପରି ବିଏମ୍‌ସି ପକ୍ଷରୁ ଶୁକ୍ରବାର ପୂର୍ବାହ୍ନ ସାଢେ ୧୦ଟାରେ କମିଶନରଙ୍କ ଘୋଷଣା ଅନୁଯାୟୀ ୩୦ ହଜାର ଟଙ୍କାର ସହାୟତା ପ୍ରଦାନ କରାଯାଇଥିଲା। ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ରିଲିଫ ପାଣ୍ଠିରୁ ଏହି ସହାୟତା ଦିଆଯାଇଥିଲା। ଜୋନାଲ ଗୋଷ୍ଠୀ ସଙ୍ଗଠକ ପ୍ରଶାନ୍ତ କୁମାର ରାଉତ ଓ ଗୋଷ୍ଠୀ ସଙ୍ଗଠକ ରଶ୍ମିତା ମହାନ୍ତି ଶୋକ ସନ୍ତପ୍ତ ପରିବାରବର୍ଗଙ୍କୁ ଏହି ସହାୟତା ପ୍ରଦାନ କରିଥିଲେ। ପରେ ମୁଖ୍ୟମନ୍ତ୍ରୀ ଆଉ ୧ ଲକ୍ଷ ୭୦ ହଜାର ଟଙ୍କା ସହାୟତା ଦେବାକୁ ଘୋଷଣା କରିଥିଲେ। ଯାହାକୁ ବିଧାୟକ ଓ ମନ୍ତ୍ରୀ ଅଶୋକ ପଣ୍ଡାଙ୍କ ଉପସ୍ଥିତିରେ ବିଏମ୍‌ସି କର୍ତ୍ତୃପକ୍ଷ ପ୍ରଦାନ କରିଥିଲେ।


Enter your email to get our daily news in your inbox.

All Right Reserved By Dharitri.Com

ବାରଙ୍ଗ କାଚ କାରଖାନା ପ୍ରତିଷ୍ଠାତାଙ୍କ ପରଲୋକ

ନରାଜ, ୨୧।୧୧(ଡି.ଏନ୍‌.ଏ.): ବାରଙ୍ଗ କାଚ କାରଖାନାର ପ୍ରତିଷ୍ଠାତା ଯୁଗଳ କିଶୋର ଝୁନଝୁନୱାଲାଙ୍କ ୮୯ ବର୍ଷରେ ପରଲୋକ ଘଟିଛି। ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଅପରାହ୍ନରେ ତାଙ୍କ...

ଭୁବନେଶ୍ୱରରେ ପହଞ୍ଚିଲା ଆଉ ୧ ଲକ୍ଷ କୋଭିଶିଲ୍ଡ ଟିକା

ଭୁବନେଶ୍ୱର,୧ା୭(ବ୍ୟୁରୋ): ଭୁବନେଶ୍ୱରରେ ଗୁରୁବାର ଆଉ ୧ ଲକ୍ଷ କୋଭିଶିଲ୍ଡ ଟିକା ପହଞ୍ଚିଛି । ଆସନ୍ତାକାଲି ଆଉ ୧୦ ଲକ୍ଷ ଟିକା ଓଡ଼ିଶାରେ ପହଞ୍ଚିପାରେ। ସେରମ ଇନଷ୍ଟିଚ୍ୟୁଟ୍‌ରୁ ୮...

ଓୟୁଜେର ୪୮ତମ ପ୍ରତିଷ୍ଠା ଦିବସ ସମାରୋହ: ସାମ୍ବାଦିକଙ୍କ ସୁରକ୍ଷା ଲାଗି ସମ୍ମିଳିତ ପ୍ରୟାସ ହେବ

ଭୁବନେଶ୍ୱର,୨୩ା୧୨ (ବ୍ୟୁରୋ): ରାଜ୍ୟରେ କାର୍ଯ୍ୟରତ ସାମ୍ବାଦିକଙ୍କ ସୁରକ୍ଷା ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ। ଏଥିଲାଗି ସମ୍ମିଳିତ ପ୍ରୟାସ ହେବ। ସମ୍ପୃକ୍ତ ବିଭାଗଗୁଡ଼ିକ ମଧ୍ୟରେ ଉପଯୁକ୍ତ ସମନ୍ବୟ ରକ୍ଷା...

ଜଳିଗଲା ବାଇକ୍‌ ଶୋ’ ରୁମ୍‌

ବାଙ୍କୀ,୧୧ା୩(ଡି.ଏନ୍‌.ଏ.): ବାଙ୍କୀ ବଜାରସ୍ଥିତ ଏକ ବାଇକ ଶୋ’ରୁମ୍‌ରେ ଭୟଙ୍କର ଅଗ୍ନିକାଣ୍ଡ ଘଟିଛି। ଫଳରେ ଶୋ’ରୁମ୍‌ରେ ଥିବା ବାଇକ୍‌ ସମେତ ସମସ୍ତ କମ୍ପ୍ୟୁଟର ଓ ଆସବାବପତ୍ର ଜଳିପୋଡ଼ି...

ଦୁଇଦିନ ବନ୍ଦ ରହିବ ଏମ୍‌ସ ଓପିଡି

ଭୁବନେଶ୍ୱର,୧୩।୪(ବ୍ୟୁରୋ) : ଭୁବନେଶ୍ୱର ଏମ୍‌ସର ଓପିଡି ଆସନ୍ତା ୧୪ ଓ ୧୫ ଦୁଇଦିନ ଧରି ବନ୍ଦ ରହିବ। ମହାବୀର ଜୟନ୍ତୀ ଓ ଗୁଡ୍‌ ଫ୍ରାଇଡେ ପଡୁଥିବାରୁ...

କେ-ପପ୍‌ ଗ୍ରୁପ୍‌ରେ ଓଡ଼ିଆ ଝିଅ ଶ୍ରେୟା

ଭୁବନେଶ୍ୱର,୨୮।୫(ବ୍ୟୁରୋ): କେ-ପପ୍‌ ବା କୋରିଆନ ପପ୍‌ ସଙ୍ଗୀତକୁ ନେଇ ବିଶ୍ୱ ଯୁବପିଢିଙ୍କ ମଧ୍ୟରେ ଭିନ୍ନ କ୍ରେଜ୍‌ ରହିଛି। ସାରା ବିଶ୍ୱରେ ପପ୍‌ ସଙ୍ଗୀତପ୍ରେମୀଙ୍କ ସଂଖ୍ୟା ବଢ଼ି...

ଗଞ୍ଜାମ ଲୋକକଳା ଓ ସଂସ୍କୃତିର ଭୂମି: ମୁଖ୍ୟମନ୍ତ୍ରୀ

ବ୍ରହ୍ମପୁର ଅଫିସ, ୨୫ା୧୨:ଗଞ୍ଜାମ ଜିଲା ଗୋପାଳପୁର ବେଳାଭୂମିରେ ଆୟୋଜିତ ଗୋପାଳପୁର ବେଳାଭୂମି ମହୋତ୍ସବ ମଙ୍ଗଳବାର ଉଦ୍‌ଘାଟିତ ହୋଇଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟଅତିଥି ଭାବେ ଯୋଗଦେଇ...

ହିନ୍ଦୀ ଫିଲ୍ମ ଟ୍ରେଲର ଦେଖି ରାଗିଗଲେ ସାଗରିକା

ଭୁବନେଶ୍ୱର,୫ା୩(ବ୍ୟୁରୋ): ରାଜ୍ୟରେ ନୂଆ ମୋଟର ଯାନ ଆଇନକୁ ଲାଗୁ କରାଯିବା ସହ ମାର୍ଚ୍ଚ ୧ରୁ କଡ଼ାକଡ଼ି କରାଯାଇଛି। ଏହା ଲାଗୁ ହେବା ପରେ ରାଜ୍ୟରେ ଟ୍ରାଫିକ୍‌...

Advertisement
Archives

Model This Week