ଚାଷୀ ସମସ୍ୟା ଓ ସରକାରଙ୍କ ଆନ୍ତରିକତା

କୃଷ୍ଣଚନ୍ଦ୍ର ସୁଆଁସିଆ

ଭାରତବର୍ଷ ହେଉଛି ସମଗ୍ର ଭୂଖଣ୍ତରେ ଏକ କୃଷିପ୍ରଧାନ ଦେଶ। ଦେଶର ଜନସଂଖ୍ୟାର ପ୍ରାୟ ୬୦ ଭାଗ ଜନତା କୃଷି ଉପରେ ନିର୍ଭର କରି ଜୀବିକା ନିର୍ବାହ କରୁଛନ୍ତିି। ଯାହା ସିଧାସଳଖ ଦେଶର ଅର୍ଥନୀତି ନିୟନ୍ତ୍ରଣ ଉପରେ ପ୍ରଭାବ ପକାଇବା ସହିତ ଜନସାଧାରଣଙ୍କ ପେଟକୁ ମୁଠାଏ ଦାନା ପହଞ୍ଚାଇବାର ଗୁରୁ ଦାୟିତ୍ୱ ଚାଷୀ ସମାଜ ଉପରେ ନ୍ୟସ୍ତ ରହିଛିି। ତେଣୁ ଭାରତର ଭୂତପୂର୍ବ ପ୍ରଧାନମନ୍ତ୍ରୀ ଲାଲବାହାଦୁର ଶାସ୍ତ୍ରୀ ଷାଠିଏ ଦଶକରେ ସ୍ଲୋଗାନ୍‌ ଦେଇଥିଲେ ‘ଜୟ ଯବାନ ଜୟ କିଷାନ’। ବିଡମ୍ବନାର ବିଷୟ ଶାସ୍ତ୍ରୀଙ୍କ ସ୍ଲୋଗାନ କେବଳ ପାଠ୍ୟପୁସ୍ତକ ଓ ସଭାସମିତିରେ ସୀମିତ ରହିଯାଇଛିି। ପ୍ରତି ରାଜ୍ୟରେ ଦୁର୍ଦ୍ଦିନ, ଅନାହାର, ଅଭାବରେ ଦେଶର ମେରୁଦଣ୍ଡ କୁହାଯାଉଥିବା କୃଷକ ନିଜର କୁଳବେଉସାକୁ ଦୁଃଖ, ଯନ୍ତ୍ରଣା ସହ୍ୟ କରି ଜୀବିତ ରଖିଛନ୍ତିି। ନିଜକୁ ପଥର କରି ସରକାରଙ୍କଠାରୁ ଚାଷୀ ଉପଯୋଗୀ ସୁବିଧାସୁଯୋଗକୁ ସର୍ବଦା ଚାହିଁ ରହିଥାନ୍ତିି। କିନ୍ତୁ ସରକାର ଦୁଃଖ ଶୁଣିବା ଦୂରର କଥା ପ୍ରକୃତିର କରାଳ ବିଭୀଷିକା, ଦୁର୍ବିପାକ ଭଳି ଅଧୁନା ସମଗ୍ର ବିଶ୍ବରେ କରୋନା ମହାମାରୀ ଚାଷୀ ସମାଜର ବିକାଶକୁ ସଂପୂର୍ଣ୍ଣ ଦୋହଲାଇ ଦେଇଛିି। ନିଜର ଝାଳବୁହା ପରିଶ୍ରମରେ ଜମିରେ ଉତ୍ପାଦନ କରିଥିବା ସୁନାର ଫସଲକୁ ଅଭାବୀ ବିକ୍ରି ଯୋଗୁଁ ଉଚିତ ପ୍ରାପ୍ୟ ପାଇବା ଆଶାହୀନ। ତଥାପି ନିଜ ମୁଣ୍ଡର ଝାଳ ତୁଣ୍ଡରେ ମାରି ପରିଶ୍ରମ କରି ପାଇଥିବା ସୁନାର ଫସଲକୁ କିପରି ଅବା ହତାଦର କରିପାରିବି। ତେଣୁ ବିଶ୍ବକୁ ଯେତେବେଳେ କରୋନା ମହାମାରୀର ଭୟ ଘାରିଛି ସେତେବେଳେ ଚାଷୀ ସମାଜ ପାଇଁ ନିଜ କ୍ଷେତର ଚିନ୍ତା ବେଶ୍‌ ଗୁରୁତ୍ତ୍ୱ ବହନ କରୁଛିି। କାରଣ ବହୁଦିନର ପରିଶ୍ରମର ଫଳ ଓ ନିଜ ପରିବାରର ପେଟପାଟଣାର ସ୍ବପ୍ନ ସେଇଠି ସାଇତି ହୋଇ ରହିଛିି।
ଭାରତର ଅନେକ ସ୍ଥାନରେ କୃଷକ ଆନ୍ଦୋଳନ ସଂଗଠିତ ହୋଇଛିି। ତାମିଲନାଡୁର କୃଷକମାନେ ଦୀର୍ଘଦିନ ଧରି ଦିଲ୍ଲୀର ଯନ୍ତରମନ୍ତରଠାରେ ଧାରଣା ଦେବା ହେଉ ଅବା ଗତବର୍ଷ ୧୦ ହଜାର କୃଷକ ଦିଲ୍ଲୀ ଅଭିମୁଖେ ଶୋଭାଯାତ୍ରା କରିବା ପରିଲକ୍ଷିତ ହୋଇଥିଲା। ସେହିପରି ଓଡ଼ିଶାରେ ବିଭିନ୍ନ ଚାଷୀ ସଂଗଠନ ତରଫରୁ ପ୍ରାଇସ, ପ୍ରେଷ୍ଟିଜ, ପେନ୍‌ସନ ଭଳି ଦାବି ସର୍ବଦା ଗୁଞ୍ଜରିତ ହେଉଥିବା ସତ୍ତ୍ବେ ତାହାର କୌଣସି ପ୍ରଭାବ କେନ୍ଦ୍ର ସରକାର ନା ରାଜ୍ୟ ସରକାରଙ୍କ ଉପରେ ପଡୁଛିି। କେବଳ ନିର୍ବାଚନ ସମୟରେ ଚାଷୀମାନଙ୍କୁ ମହୋରା କରି ନିର୍ବାଚନ ବୈତରଣୀ ପାର କରିବା ହିଁ ସମସ୍ତ ରାଜନୈତିକ ଦଳର ଉଦ୍ଦେଶ୍ୟ ପ୍ରମାଣିତ ହେଉଛିି। ଏହିସବୁ ଆନ୍ଦୋଳନକୁ ସହୃଦୟତାର ସହ ସମାଧାନ କରିବା ପାଇଁ ଆଗେଇ ଆସିବା ପରିବର୍ତ୍ତେ ସେଗୁଡ଼ିକୁ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ କହି ଚାଷୀ ଆନ୍ଦୋଳନକୁ ଭଣ୍ଡୁର କରିବା କିମ୍ବା ଚାଷୀ ନେତୃତ୍ୱଙ୍କୁ ନିଜର କ୍ଷମତା ବଳରେ ନିୟନ୍ତ୍ରଣ କରିବା ଛଡା ଅନ୍ୟ କୌଣସି ସକାରାତ୍ମକ ଫଳ ମିଳେନାହିଁ।
ସ୍ବାମୀନାଥନ କମିଶନକୁ ଦେଶରେ ଲାଗୁ କରିବା ପାଇଁ ବିଭିନ୍ନ ସମୟରେ ଚାଷୀ ସଂଗଠନ ଓ ରାଜନୈତିକ ଦଳ ତରଫରୁ ଦାବି ହୋଇଥାଏ। ଏମ୍‌ଏସ୍‌ ସ୍ବାମୀନାଥନ ‘ନ୍ୟାଶନାଲ କମିଶନ ଅଫ୍‌ ଫାର୍ମର୍ସ’ ନାମକ କମିଟିର ଅଧ୍ୟକ୍ଷତାରେ ୨୦୦୬ ମସିହାରେ ଏହି କମିଟି ସରକାରଙ୍କୁ ରିପୋର୍ଟ ଦେଇଥିଲା। ସେହି ରିପୋର୍ଟରେ ସରକାରଙ୍କୁ ପ୍ରସ୍ତାବ ଦିଆଯାଇଥିଲା ଯେ କୃଷିଜାତ ଦ୍ରବ୍ୟ ଉତ୍ପାଦନ ଖର୍ଚ୍ଚର ଦେଢ଼ଗୁଣ ହିସାବରେ ତାହାର ସର୍ବନିମ୍ନ ସହାୟକ ମୂଲ୍ୟ ନିର୍ଦ୍ଧାରଣ କରାଯାଉ। ଯାହା ସେହି ସମୟରେ ତତ୍କାଳୀନ କଂଗ୍ରେସ ସରକାର ଏହି ପ୍ରସ୍ତାବକୁ କାର୍ଯ୍ୟକାରୀ କରି ନ ଥିଲା। କିନ୍ତୁ ୨୦୧୪ ନିର୍ବାଚନ ପୂର୍ବରୁ ମୋଦି ପ୍ରତିଶ୍ରୁତି ଦେଇଥିଲେ ଯେ ତାଙ୍କ ସରକାର ଆସିଲେ ସେମାନେ ସ୍ବାମୀନାଥନ କମିଟିର ପ୍ରସ୍ତାବ ଅନୁଯାୟୀ କୃଷିଜାତ ଦ୍ରବ୍ୟର ସହାୟକ ମୂଲ୍ୟକୁ ଉତ୍ପାଦନ ଖର୍ଚ୍ଚର ଦେଢ଼ଗୁଣ କରିବେ। ମାତ୍ର ତାଙ୍କ ଶାସନର ପ୍ରଥମ ପାଳି ସରି ଦ୍ବିତୀୟ ପାଳି ଚାଲିଥିଲେ ମଧ୍ୟ ସ୍ବାମୀନାଥନ କମିଟିକୁ କାର୍ଯ୍ୟକାରୀ କରିବା ପ୍ରତି ଆନ୍ତରିକତା ଦେଖାଯିବା ପରିଲକ୍ଷିତ ହେଉନାହିଁ। ସରକାର କୃଷିଜାତ ଦ୍ରବ୍ୟର ସହାୟକ ମୂଲ୍ୟ ନ ବଢ଼ାଇବାର ଆଉ ଗୋଟିଏ କାରଣ ହେଉଛି ଏହାଦ୍ବାରା ମୁଦ୍ରାସ୍ଫୀତି ବିଢ଼ିଯିବ। ତେଣୁ ଦେଶର ଅଣକୃଷି ଜନସଂଖ୍ୟାକୁ ଖୁସି କରିବା ପାଇଁ ସରକାର ଦେଶର ଜନସଂଖ୍ୟାର ପ୍ରାୟ ୬୦% ଲୋକଙ୍କୁ ଏକ କ୍ଷତିକର ପରିସ୍ଥିତିକୁ ଠେଲି ଦେଉଛନ୍ତି। କେବଳ ସେହି ଅଣକୃଷି ଜନସଂଖ୍ୟାକୁ ଶସ୍ତାରେ ଖାଦ୍ୟ ଦ୍ରବ୍ୟ ଦେଇ ଖୁସି କରିବା ପାଇଁ ସରକାର ବିଭିନ୍ନ ସମୟରେ ବିଭିନ୍ନ କୃଷିଜାତ ଦ୍ରବ୍ୟର ରପ୍ତାନି ଉପରେ ନିଷେଧାଜ୍ଞା ଜାରି କରୁଛନ୍ତିି। ଏପରି କି ବିଦେଶରୁ କୃଷିଜାତ ଦ୍ରବ୍ୟ ଆମଦାନୀ ମଧ୍ୟ କରଛୁନ୍ତି। ତେଣୁ ଚାଷୀଙ୍କୁ ଏକ ସ୍ବାଭାବିକ ମୁକ୍ତବଜାର ମିଳୁନାହିଁ, ଯଦ୍ଦ୍ବାରା ଚାଷୀ ହୁଏତ ନିଜ ଉତ୍ପାଦ ପାଇଁ ଲାଭଜନକ ଦର ପାଇପାରନ୍ତା ।
ଅନେକ ସମୟରେ କେନ୍ଦ୍ର ସରକାର ଅବା ରାଜ୍ୟ ସରକାରମାନେ ଚାଷୀ ଭୋଟ ହାତେଇବା ପାଇଁ କଳବଳ କୌଶଳ ପ୍ରୟୋଗ କରିଥାନ୍ତିି। କିନ୍ତୁ ଅଧୁନା ସମାଜରେ ଚାଷୀ ମାନଙ୍କ ସମସ୍ୟା ପ୍ରତି କୌଣସି ବ୍ୟକ୍ତିବିଶେଷଙ୍କ ନଜର ନ ପଡିବା ଚିନ୍ତାଜନକ।
mail: kchandrasuansia@gmail.com


Enter your email to get our daily news in your inbox.

All Right Reserved By Dharitri.Com

ଏଇ ଭାରତରେ

ଝିଅ କି ପୁଅ ହେବ ତାହା ଜାଣିବା ଲାଗି ଅନ୍ଧବିଶ୍ୱାସର ସାହାରା ନେଉଛନ୍ତି ଝାଡ଼ଖଣ୍ଡର ବେଡ଼ୋ ବ୍ଲକର ଖୁଖରା ଗାଁ। ଏହି ଗାଁରେ ଏକ ପାହାଡ଼...

ଏଇ ଭାରତରେ

ଆଜିକାଲି ଅନେକ ଅପରାଧମୂଳକ ଘଟଣା ଘରର ଚାରିକାନ୍ଥ ଭିତରେ ଘଟୁଥଲେ ବି ଏହା ଲୋକଲୋଚନକୁ ଆସିପାରେ ନାହିଁ। ଗୋଟିଏ ପରିବାରରେ ଶାଶୁଙ୍କୁ ବୋହୂ ପିଟୁଥିବାବେଳେ ନାତୁଣୀ...

Dillip Cherian

ବାବୁଙ୍କ ଭୟ

କେନ୍ଦ୍ର ଓ ରାଜ୍ୟ ମଧ୍ୟରେ ରାଜନୈତିକ ଲଢ଼େଇ ଘଟଣା ଏବେ ବଢୁଛି ଓ ଅମଲାତନ୍ତ୍ରୀମାନେ ଏହା ମଧ୍ୟରେ ଫସୁଛନ୍ତି। ଏ ସମ୍ପର୍କରେ ଯେଉଁମାନେ ଅବଗତ ସେମାନେ...

ଯେଉଁ ଭାଇରସ୍‌ର ଟିକା ନାହିଁ

ରଞ୍ଜନ କୁମାର ଦାସ ପିଲାବେଳେ ଆମେ ବଡ଼ମାନଙ୍କ ମୁହଁରୁ ଶୁଣୁ ଯେ ଶାଗ ଖିଆକୁ ପେଯ ଖିଆ ଦେଖି ସହି ପାରେନି। ସେତେବେଳେ ଏ କଥାର...

ଏଇ ଭାରତରେ

ହେଲ୍‌ମେଟ ପିନ୍ଧି ବୁଲେଟ ଚଢି ଉଦୟପୁର ସହରରେ ସ୍ବଚ୍ଛତା ପାଇଁ ଲୋକଙ୍କୁ ସଚେତନ କରୁଥିବା ଝିଅ ଜଣଙ୍କୁ ଦେଖିଲେ ଜାଣିବେ ଯେ ସେ ହେଉଛନ୍ତି ଡ....

ପ୍ରାଣୀ ମଣିଷର ଭିନ୍ନ ରୂପ

ପରିବେଶ ପରିଚିନ୍ତା/ ମାନେକା ଗାନ୍ଧୀ ସବୁ ପ୍ରାଣୀ କ’ଣ ସମାନ? ହଁ, ମଣିଷ, ହାମରହେଡ୍‌ ପୋକ, ଶାମୁକା, କୁକୁଡ଼ା ଓ ଶାର୍କ: ସବୁ ପ୍ରାଣୀଙ୍କର ସମାନ...

ଏଇ ଭାରତରେ

ଜଣେ ଶିକ୍ଷକ ଦାୟିତ୍ୱ ତୁଲାଇବା ସହ ଚାଷରୁ ପାଖାପାଖି ୨୦ ଲକ୍ଷ ଟଙ୍କା ରୋଜଗାର କରିବା ଘଟଣା ସାମ୍‌ନାକୁ ଆସିଛି ଉତ୍ତରପ୍ରଦେଶରେ। ବାରବାଙ୍କି ଜିଲା ଦୌଲତପୁର...

ଇସ୍ତଫା ଧମକ

ତେଲଙ୍ଗାନାର ପୋଲିସ୍‌ ଏକାଡେମୀ ମୁଖ୍ୟ ତଥା ବରିଷ୍ଠ ଆଇପିଏସ୍‌ ଅଧିକାରୀ ଭି.କେ. ସିଂହ ପଦୋନ୍ନତିରୁ ବଞ୍ଚିତ ହେଲେ ଇସ୍ତଫା ଦେବେ ବୋଲି ଧମକ ଦେଇଛନ୍ତି। ସିଂ...

Advertisement
Archives

Model This Week