ଘରୁ ଗୋଡ କାଢିଲେ, କାର୍ଯ୍ୟାନୁଷ୍ଠାନ

ଖୋର୍ଦ୍ଧା ଅଫିସ,୪ ।୪ : ରାଜ୍ୟରେ କୋଭିଡ19 ଆକ୍ରାନ୍ତଙ୍କ ସଂଖ୍ଯା 20ରେ ପହଞ୍ଚିଛି। ସରକାର ଟୁଇନ ସିଟି ସମେତ ଭଦ୍ରକକୁ 48ଘଣ୍ଟା ଲାଗି ସମ୍ପଣ୍ଣ ସଟଡାଉନ କରିଛନ୍ତି। ଏନେଇ ଖୋର୍ଦ୍ଧା ଜିଲା ପ୍ରଶାସନ ପକ୍ଷରୁ ତତ୍ପରତା ପ୍ରକାଶ ପାଇଛି । ଜିଲାପାଳ ଶିତାଂଶୁ ରାଉତ କୁହନ୍ତି କରୋନା ଭୁତାଣୁ ସଂକ୍ରମଣ ମୁକାବିଲା ଲାଗି ଜିଲା ପ୍ରଶାସନ ପକ୍ଷରୁ ବହୁବିଧ ସତର୍କତା ଅବଲମ୍ବନ କରାଯାଇଛି । ନିଜାମୁଦ୍ଦିନ ଧର୍ମମହାସଭାରେ ଖୋର୍ଦ୍ଧାରୁ 13 ଯୋଗଦାନ କରିଥିବା ଜଣାପଡିବା ପରେ ପ୍ରଶାସନ ପକ୍ଷରୁ ସେମାନଙ୍କୁ ଯୋଗାଯୋଗ କରାଯାଇଥିଲା। ସେମାନଙ୍କ ମଧ୍ୟରୁ 9 ନିଜାମୁଦ୍ଦିନ ଓ ଜଣେ ବିହାର କିଶନଗଞ୍ଜରେ କ୍ବାରାଣ୍ଟାଇନ(ସଂଘରୋଧ)ରେ ଅଛନ୍ତି । ଖୋର୍ଦ୍ଧା ବ୍ଲକ ଅଞ୍ଚଳର 3ଜଣଙ୍କୁ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ସେମାନଙ୍କ ସ୍ବାବ ପରୀକ୍ଷା ଲାଗି ପଠାଯାଇଛି ବୋଲି ଜିଲାପାଳ ରାଉତ କହିଛନ୍ତି।

ଲକଡାଉନରେ ସମସ୍ତେ ଘରେ ରହିବାକୁ ବାରମ୍ବାର ଅନୁରୋଧ ସତ୍ତ୍ବେ କେତେଜଣ ଜନସାଧାରଣ ଏହାକୁ ମାନିବାକୁ ନାରାଜ। ଶୁକ୍ରବାର ଠାରୁ ଅତ୍ଯାବଶ୍ଯକ ସାମଗ୍ରୀ ବିକ୍ରି ଦୁଇ ଓଳି ପରିବର୍ତ୍ତେ କେବଳ ସକାଳ 7ଠାରୁ 12ଟା ପର୍ଯ୍ୟନ୍ତ ଖୋଲିବାକୁ ଅନୁମତି ଦିଆଯାଇଛି। ଔଷଧ ଦୋକାନ ଓ ଦୁଗ୍ଧ ଦୁଇ ସମୟରେ ଖୋଲା ରହିବ। ବିନା ଆବଶ୍ୟକତା ରେ ଘରୁ ଗୋଡ କାଢିଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଜିଲ୍ଲାପାଳ ରାଉତ । ଜିଲା ସୀମା ସିଲ କରାଯାଇଛି। ସେ କହିଲେ ଯେ,ଜିଲ୍ଲା ର 190ପଞ୍ଚାୟତ ସମେତ ଖୋର୍ଦ୍ଧା, ଜଟଣୀ ପୌର ଏବଂ ବାଲୁଙ୍ଗା ଓ ବାଣପୁର ଏନଏସିରେ ମୋଟ 210ଟି ଅସ୍ଥାୟୀ ମେଡିକାଲ କେନ୍ଦ୍ର ଖୋଲାଯାଇଛି । ଜିଲ୍ଲାର ଜାମୁଝରି ଓ ଛତାବର ଠାରେ 2ଟି କ୍ବାରେଣ୍ଟାଇନ ସେଣ୍ଟର ରେ 250 ରୁ ଉର୍ଦ୍ଧ୍ବ ରହିବା ବ୍ଯବସ୍ଥା ରହିଛି । ହୋମ କ୍ବାରେଣ୍ଟାଇନ ରେ ରହିଥିବା ବିଦେଶୀ ଫେରନ୍ତା ଓ ବାହାର ରାଜ୍ୟ ରୁ ଆସିଥିବା ଜନସାଧାରଣଙ୍କ ଉପରେ ତୀକ୍ଷ୍ଣ ନଜର ରଖାଯାଇଛି। ବତ୍ତର୍ମାନ ସୁଦ୍ଧା ଜିଲ୍ଲା ରୁ 46ଙ୍କ ସ୍ବାବ ପରୀକ୍ଷା ଲାଗି ପଠାଯାଇଛି ବୋଲି ଜିଲ୍ଲାପାଳ ରାଉତ କହିଛନ୍ତି । ହିତାଧିକାରୀଙ୍କୁ ଆଗୁଆ ତିନି ମାସର ଭତ୍ତା ଓ ଖାଉଟି ସାମଗ୍ରୀ ବଣ୍ଟନ ଚାଲିଛି। ଜିଲାର 18,305ପରିବାର ଙ୍କୁ 12907.98କୁଇଣ୍ଟାଲ ଚାଉଳ ଏବଂ 1,59,977 ହିତାଧିକାରୀଙ୍କୁ ଭତ୍ତା ବାବଦରେ 33କୋଟି73ଲକ୍ଷ90ହଜାର8 ଶହ ଟଙ୍କା ଦିଆଯାଇଛି। ସେବାଶ୍ରମ ବିଦ୍ଯାଳୟରେ ରହୁଥିବା ସମସ୍ତ ଛାତ୍ରଛାତ୍ରୀଙ୍କୁ ହଷ୍ଟେଲ ଖାଲି କରାଯାଇଛି । ଜିଲ୍ଲା ରେ ପୋଷ୍ଟ ମାଟ୍ରିକ ଷ୍ଟାଇପେଣ୍ଡ ବାବଦରେ 81ଲକ୍ଷ49ହଜାର5ଶହ ଟଙ୍କା ଦିଆଯାଇଛି ବୋଲି ଜିଲ୍ଲାପାଳ କହିଛନ୍ତି।
କେବଳ ଅତ୍ଯାବଶ୍ଯକ ସାମଗ୍ରୀ ନେଇ ଯାତାୟାତ କରୁଥିବା ଟ୍ରାନ୍ସପୋର୍ଟ ଭେହିକିଲ କୁ ଅନୁମତି ଦିଆଯାଇଛି।

ଉପ ଜିଲ୍ଲାପାଳ ଶାନ୍ତନୁ ମହାନ୍ତି କହିଲେ ଯେ,ସହରରେ ଦୁଇ ଓ ଚାରି ଚକିଆ ଯାନ ଚଳାଚଳ ଉପରେ କଟକଣା କରାଯାଇଛି । ବାଇକରେ ଆସିଲେ ଜରିମନା ଆଦାୟ କରାଯିବ। ପନିପରିବା କିଣିବା ପାଇଁ ଚାଲି କି ଆସିବା ଲାଗି ନିର୍ଦ୍ଦେଶ ଦିଆଯାଇଛି ବୋଲି ଉପ ଜିଲ୍ଲାପାଳ ଶାନ୍ତନୁ ମହାନ୍ତି କହିଛନ୍ତି । ମଧ୍ଯାହ୍ନ ପରେ କୌଣସି ଦୋକାନ ଖୋଲା ରହିଲେ ଅଥବା ବିନା କାରଣରେ କେହି ସହରରେ ବୁଲିଲେ, କାର୍ଯ୍ୟାନୁଷ୍ଠାନ ନିଆଯିବ ।

ଅନ୍ଯ ପଟେ ଶନିବାର ସକାଳ ସମୟରେ ଉପ ଜିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖ, କୋପରେଟିଭ ଛକ, ଟିଏଲସି ଛକ ଓ ନୂଆ ବସଷ୍ଟାଣ୍ଡ ଛକରେ ପୋଲିସ କ୍ରେନ ସାହାଯ୍ଯ ରେ ବାଇକ ଉଠାଇଛି। ଏସପି ଅଜୟ ପ୍ରତାପ ସ୍ବାଇଁ କୁହନ୍ତି ସହରକୁ ସଂଯୋଗ କରୁଥିବା ଜାତୀୟ ରାଜପଥ କୁ ସିଲ କରାଯାଇଛି। ତିରିଶି ରୁ ଉର୍ଦ୍ଧ୍ବ ଛକ,ଗଳି ରାସ୍ତାକୁ ବ୍ଯାରିକେଡ ଦେଇ ବନ୍ଦ କରାଯାଇଛି । କୋଭିଡ19 ଉଲ୍ଲଂଘନ ନେଇ ବିଭିନ୍ନ ଥାନାରେ ପ୍ରାୟ ଶହେ ରୁ ଉର୍ଦ୍ଧ୍ବ ମାମଲା ରୁଜୁ ହୋଇଛି । ସେହିପରି ସହକାରୀ ଯୋଗାଣ ଅଧିକାରୀ ଅଜୟ ରଥ କୁହନ୍ତି କଳାବଜାରି ରୋକିବା ଲାଗି ପରିବା ହାଟ, ପରିବା ମଣ୍ଡି ରେ ନିୟମିତ ଚଢାଉ ଜାରି ରହିଛି । ବଜାର ରେ ସମସ୍ତ ସାମଗ୍ରୀ ମହଜୁଦ ରହିଛି । କେହି ବି ଭୟଭିତ ନ ହୋଇ ଅଧିକ ସାମଗ୍ରୀ ନ କିଣିବାକୁ ଏସିଏସଓ ରଥ ଅନୁରୋଧ କରିଛନ୍ତି । ସରକାରୀ ଧାର୍ଯ୍ୟ ଦର ଠାରୁ ଅଧିକ ଦରରେ ବିକ୍ରି କରିଲେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଖୋର୍ଦ୍ଧା ପୌର ସଂସ୍ଥା କାର୍ଯ୍ୟ ନିର୍ବାହୀ ଅଧିକାରୀ ଶ୍ବେତପଦ୍ମା ଶତପଥୀ କୁହନ୍ତି ସହର ପରିମଳ ଓ ସ୍ବଚ୍ଛତା ଉପରେ ଗୁରୁତ୍ୱ ଦିଆଯାଉଛି। ଜନଗହଳି ସ୍ଥାନରେ ବ୍ଲିଚିଙ୍ଗ ପାଉଡର ପକାଯାଉଛି। ଅସହାୟ, ଗରିବ ବୃଦ୍ଧାଙ୍କୁ ରନ୍ଧା ଖାଦ୍ଯ, ବୁଲା ଗୋରୁଗାଈ ଙ୍କୁ ଚୋକଡ, କୁକୁର ଙ୍କୁ ଖାଇବାକୁ ଦିଆଯାଉଛି। କେତେଜଣ ସ୍ବେଚ୍ଛାସେବୀ, ସାମାଜିକ ଅନୁଷ୍ଠାନ କର୍ମୀ ମଧ୍ଯ ଲୋକ ଙ୍କୁ ରନ୍ଧା ଓ ଶୁଖିଲା ଖାଦ୍ୟ ପ୍ରଦାନ କରୁଛନ୍ତି । ସନ୍ଧ୍ୟାରେ ମେସିନ ସାହାଯ୍ଯ ରେ ଧୂଆଁ ସ୍ପ୍ରେ କରାଯାଉଛି। ପରିବା ହାଟରେ ଦୋକାନି ଙ୍କ ମଧ୍ଯରେ ଏକ ମିଟର ଦୂରତା ବ୍ଯବଧାନ ରଖାଯାଇଛି। ସେହିପରି ଔଷଧ ଦୋକାନ ଏବଂ ଗ୍ରୋସରୀ ଦୋକାନ ରେ ସମ ଦୂରତା ଲାଗି ଗୋଲେଇ ମାର୍କ କରାଯାଇଛି। ପୌର ପ୍ରଶାସନ ପକ୍ଷରୁ ସମସ୍ତ ପଦକ୍ଷେପ ଗ୍ରହଣ କରାଯାଇଛି । ଏଥିସହିତ ବିଭିନ୍ନ ଛକ ସ୍ଥାନରେ ପ୍ରାଚୀର ପତ୍ର, ହୋଡିଙ୍ଗ ଲଗା ଯାଇ କୋଭିଡ 19 ସମ୍ପର୍କରେ ଜନସଚେତନତା କରାଯାଉଛି ବୋଲି କାର୍ଯ୍ୟ ନିର୍ବାହୀ ଅଧିକାରୀ ଶ୍ବେତପଦ୍ମା ଶତପଥୀ କହିଛନ୍ତି। ସେହିପରି ଅଗ୍ନିଶମ ସେବା ସଂସ୍ଥା ପକ୍ଷରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ରାସାୟନିକ ବିଶୋଧନ କରାଯାଇଛି ବୋଲି କୁହାଯାଇଛି ।


Enter your email to get our daily news in your inbox.

All Right Reserved By Dharitri.Com

ଚୋରା ପଥର ଚାଲାଣ, ବେଆଇନ ଅସ୍ତ୍ରଶସ୍ତ୍ର କାରବାର : ୨ ଓ୍ବାଣ୍ଟେଡ ଅଭିଯୁକ୍ତଙ୍କୁ ଗିରଫ କଲା ଏସ୍‌ଟିଏଫ୍‌

ଭୁବନେଶ୍ୱର,୧୧।୧୦(ବ୍ୟୁରୋ) : ଖୋର୍ଦ୍ଧା ତାପଙ୍ଗ ଅଞ୍ଚଳରେ ବେଆଇନ ପଥର ଉତ୍ତୋଳନଠାରୁ ଆରମ୍ଭ କରି ବେଆଇନ ଅସ୍ତ୍ରଶସ୍ତ୍ର କାରବାରରେ ସଂପୃକ୍ତ ୨ ମୋଷ୍ଟ ଓ୍ବାଣ୍ଟେଡ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ...

ମାଟ୍ରିକ ପରୀକ୍ଷା: ମିଳିଲା ଆଡ୍‌ମିଟ୍‌ କାର୍ଡ

କଟକ ଅଫିସ,୭।୨: ମାଧ୍ୟମିକ ଶିକ୍ଷା ପରିଷଦ (ବୋର୍ଡ) ଦ୍ୱାରା ପରିଚାଳିତ ମାଟ୍ରିକ ପରୀକ୍ଷା, ମଧ୍ୟମା ପରୀକ୍ଷା ଓ ରାଜ୍ୟ ମୁକ୍ତ ବିଦ୍ୟାଳୟ ସାର୍ଟିଫିକେଟ ପରୀକ୍ଷା ଆସନ୍ତା...

ମଞ୍ଚେଶ୍ୱର ଅଟାକଳର ସୁପର୍‌ ସ୍ରେଡର୍‌: ୨୬ଜଣଙ୍କୁ କଲେ ସଂକ୍ରମିତ

ଭୁବନେଶ୍ୱର,୨୨।୭(ବ୍ୟୁରୋ): ରାଜଧାନୀ ଭୁବନେଶ୍ୱରରେ ମାଡ଼ି ଚାଲିଛି କରୋନା। ଲକ୍‌ଡାଉନ ସତ୍ତ୍ୱେ ସହରରେ ଆକ୍ରାନ୍ତଙ୍କ ସଂଖ୍ୟା କମିବା ଭଳି ମନେ ହେଉନାହିଁ। ଏହି କ୍ରମରେ ବୁଧବାର ୯୧...

ମଙ୍ଗଳ ଯୋଡ଼ିରେ ବିରଳ ଆଲବିନୋ କାମ ପକ୍ଷୀ ଠାବ

ଭୁବନେଶ୍ୱର,୧।୩(ବ୍ୟୁରୋ): ପକ୍ଷୀମାନଙ୍କର ସ୍ବର୍ଗ କୁହାଯାଉଥିବା ମଙ୍ଗଳାଯୋଡିରେ ଏକ ବିରଳ ଆଲବିନୋ ପର୍ପଲ ମୁର ହେନ ପକ୍ଷୀ ଠାବ କରାଯାଇଛ। ଗୋଲାପୀ ଆଖି ଥିବା ସମ୍ପୁର୍ଣ୍ଣ ଧଳା...

ଓଡ଼ିଶା ଜର୍ନାଲିଜମ୍‌ ଆଓ୍ବାର୍ଡ-୨୦୧୯: ଇଂଲିଶ ଖବରକାଗଜ ‘ଓଡ଼ିଶା ପୋଷ୍ଟ’, ‘ଧରିତ୍ରୀ’ର ସସ୍ମିତା ପାଇକରାୟ ସମ୍ମାନିତ

ଭୁବନେଶ୍ୱର,୧୧।୮(ବ୍ୟୁରୋ): ବିଶ୍ୱର ବଡ଼ ବଡ଼ ଦେଶ ମଧ୍ୟରେ ଭାରତର ସ୍ବାତନ୍ତ୍ର୍ୟ ରହିଛି। ଆମ ଦେଶରେ ସୁପ୍ରିମ୍‌କୋର୍ଟ ପରି ନ୍ୟାୟାଳୟ ଥିବାବେଳେ ଗଣମାଧ୍ୟମ ପରି ଜାଗ୍ରତ ପ୍ରହରୀ...

ଫନୀ ଘରଭଙ୍ଗା କ୍ଷୟକ୍ଷତି ଆକଳନ: ତାଲିକା ପ୍ରସ୍ତୁତିରେ ତ୍ରୁଟି, ଦୁର୍ନୀତି ଅଭିଯୋଗ

କୃଷ୍ଣପ୍ରସାଦ,୨୭ା୬(ଡି.ଏନ୍‌.ଏ.): ଫନୀ ବାତ୍ୟା ଦ୍ୱାରା ପୁରୀ ଜିଲା କୃଷ୍ଣପ୍ରସାଦ ଅଞ୍ଚଳର ଅନେକ କ୍ଷୟକ୍ଷତି ଘଟିଛି । ଏହି ପରିପ୍ରେକ୍ଷୀରେ ଘରଭଙ୍ଗା ସହାୟତା ରାଶିକୁ ସ୍ବଚ୍ଛ ଏବଂ...

ସେସୁ ଅଧିକାରୀଙ୍କ ଘରେ ଭିଜିଲାନ୍ସ ଯାଞ୍ଚ: ଜାତୀୟ ଷ୍ଟକ୍‌ ଏକ୍ସଚେଞ୍ଜରେ ୨ କୋଟିରୁ ଊର୍ଦ୍ଧ୍ୱ ଟଙ୍କା ଜମା

କଟକ ଅଫିସ, ୩।୭: ସେଣ୍ଟ୍ରାଲ ଇଲେକ୍ଟ୍ରିସିଟି ସପ୍ଲାଏ ୟୁଟିଲିଟି (ସେସୁ)ର ପାରାଦୀପ ଡିଭିଜନ ଦାୟିତ୍ୱରେ ଥିବା କନିଷ୍ଠ ପରିଚାଳକ (ଅର୍ଥ) ଧନେଶ୍ୱର ସାହୁଙ୍କ ଘରେ ଭିଜିଲାନ୍ସ ଯାଞ୍ଚ...

୧୯ରେ ଆଉ ଏକ ଲଘୁଚାପ: ଉପକୂଳ ଓଡ଼ିଶାରେ ପ୍ରବଳ ବର୍ଷା ସମ୍ଭାବନା

ଭୁବନେଶ୍ୱର,୧୫।୬(ବ୍ୟୁରୋ)- ଆସନ୍ତା ୧୯ ତାରିଖରେ ପଶ୍ଚିମବଙ୍ଗ ଏବଂ ଉତ୍ତର-ପୂର୍ବ ବଙ୍ଗୋପସାଗରେ ଆଉ ଏକ ଲଘୁଚାପ ସୃଷ୍ଟି ହେବା ସମ୍ଭାବନା ରହିଛି। ଏହାର ପ୍ରଭାବରେ ଉତ୍ତର ଓଡ଼ିଶାରେ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *