ଗିରଫ ହେଲେ ପୂର୍ତ୍ତ ବିଭାଗ ଅଧୀକ୍ଷଣ ଯନ୍ତ୍ରୀ: ମିଳିଲା ୫ କୋଟିରୁ ଉର୍ଦ୍ଧ୍ୱ ଟଙ୍କାର ସମ୍ପତ୍ତି,  ୩ କୋଟି ୮୦ଲକ୍ଷର ହିସାବ ଦେଇ ପାରିଲେନି

ବ୍ରହ୍ମପୁର ଅଫିସ/ଗଞ୍ଜାମ,୫ା୩(ଡି.ଏନ.ଏ.)-ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବ୍ରହ୍ମପୁର ପୂର୍ତ୍ତ ବିଭାଗର ଅଧୀକ୍ଷଣ ଯନ୍ତ୍ରୀ ବିନୋଦ ଚନ୍ଦ୍ର ପାଢ଼ୀ ବୁଧବାର ଗିରଫ ହୋଇଛନ୍ତି। ଭିଜିଲାନ୍ସ ବିଭାଗ ପକ୍ଷରୁ ମଙ୍ଗଳବାର ଓ ବୁଧବାର ଅଧୀକ୍ଷଣ ଯନ୍ତ୍ରୀ ପାଢ଼ୀଙ୍କ ଗଞ୍ଜାମ ଓ ଭୁବନେଶ୍ୱରସ୍ଥିତ ଘର ସମେତ ୧୨ଟି ସ୍ଥାନରେ ଏକକାଳୀନ ଚଢାଉ କରାଯାଇଥିଲା। ତାଙ୍କ ସ୍ଥାବର ଅସ୍ଥାବର ସମ୍ପତ୍ତି ମୋଟ ୫ କୋଟି ୧୨ଲକ୍ଷ ୯୭ ହଜାର ୯୬୩ ଟଙ୍କା ଆକଳନ ହୋଇଥଲା। ସେଥିରେ ୩ କୋଟି ୮୦ଲକ୍ଷ ଟଙ୍କା ବହିର୍ଭୂତ୍ତ ସମ୍ପତ୍ତି ରହିଛି। ଯାହାର ହିସାବ ହିସାବ ଅଧୀକ୍ଷଣ ଯନ୍ତ୍ରୀ ପାଢ଼ୀ ଦେଇପାରି ନ ଥିଲେ। ଏ ନେଇ ନଂ.୫/୨୦ରେ ମାମଲା ରୁଜୁ କରାଯାଇ ପାଢ଼ୀଙ୍କୁ ଗିରଫ କରାଯାଇଥିବା ଭିଜିଲାନ୍ସ ଏସ୍‌ପି ମାୟାଧର ସ୍ବାଇଁ ସୂଚନା ଦେଇଛନ୍ତି । ଏଥିସହ ତାଙ୍କ ସ୍ତ୍ରୀ ପ୍ରଭାତୀ ପାଢ଼ୀଙ୍କ ନାଁରେ ମଧ୍ୟ ମାମଲା ରୁଜୁ ହୋଇଥିବା ଭିଜିଲାନ୍ସ ଏସ୍‌ପି ସ୍ବାଇଁ କହିଛନ୍ତି।
ଅଧୀକ୍ଷଣ ଯନ୍ତ୍ରୀ ବିନୋଦ ଓ ତାଙ୍କ ସ୍ତ୍ରୀ ପ୍ରଭାତୀଙ୍କ ନାମରେ ଥିବା ୨୬ଟି ପ୍ଲଟର ମୂଲ୍ୟ ୮୩ଲକ୍ଷ ୫୯ ହଜାର ୬୦୩ ଟଙ୍କା ଆକଳନ କରାଯାଇଛି। ଗଞ୍ଜାମ ବଜାର ସାହିରେ ୨୦୧୮ରେ ଆରମ୍ଭ ହୋଇ ଅର୍ଦ୍ଧନିର୍ମିତ ଅବସ୍ଥାରେ ଥିବା ଘରର ମୂଲ୍ୟ ୪୪ଲକ୍ଷ ୧୯ ହଜାର ୯୨୮ ଟଙ୍କା, ୨୦୧୯ରେ ଗଞ୍ଜାମ ବଜାରରେ ନିର୍ମାଣାଧୀନ ଥିବା ଏକ ବାସଗୃହର ମୂଲ୍ୟ ୨୬ ଲକ୍ଷ ୪୯ ହଜାର ୫୦୭ ଟଙ୍କା , ସେଠାରେ ଥିବା ଅନ୍ୟ ୪ଟି ଏକମହଲା ବିଶିଷ୍ଟ ଘରର ମୂଲ୍ୟ ୬ଲକ୍ଷ ୨୧ ହଜାର ୨୧୮ ଟଙ୍କା, ଆଉ ଏକ ଦୁଇମହଲା ବିଶିଷ୍ଟ ଘରର ମୂଲ୍ୟ ୨୪ ଲକ୍ଷ ୪୯ ହଜାର ୫୫୩ ଟଙ୍କା ବୋଲି ଆକଳନ ହୋଇଛି। ସେହିପରି ଖଲ୍ଲିିକୋଟ ଡିମିରିଆ ମୌଜାରେ ଥିବା ଫାର୍ମ ହାଉସର ମୂଲ୍ୟ ୫୯ ଲକ୍ଷ ୮୦ ହଜାର, ବ୍ରହ୍ମପୁର ପାନକାପଲ୍ଲୀ ମୌଜାରେ ଉଭୟ ପାଢ଼ୀ ଓ ତାଙ୍କ ସ୍ତ୍ରୀଙ୍କ ନାମରେ ଥିବା ଏକ ଅର୍ଦ୍ଧନିର୍ମିତ ବହୁପ୍ରାସାଦ ଅଟ୍ଟାଳିକାର ମୂଲ୍ୟ ୩୨ ଲକ୍ଷ ୪୦ ହଜାର ୩୧ଟଙ୍କା, ଖୋଡ଼ାସିଂ ମୌଜାରେ ଥିବା ଦୁଇମହଲା ଅଟ୍ଟାଳିକାର ମୂଲ୍ୟ ୨୪ଲକ୍ଷ ୩୩ ହଜାର ୩୦ ଟଙ୍କା, ଭୁବନେଶ୍ୱର ଗୌତମନଗର ଉତ୍କଳ କନକା ଗ୍ୟାଲେରି ନାମକ ଏକ ଦୋକାନ ଗୃହର ମୂଲ୍ୟ ୫୨ ଲକ୍ଷ ୭୫ ହଜାର ୭୪୨ଟଙ୍କା, ଭୁବନେଶ୍ୱର ନୟାପଲ୍ଲୀ ମେଟ୍ରୋ ରେସିଡ଼େନ୍ସିରେ ଥିବା ଏକ ଫ୍ଲାଟର ମୂଲ୍ୟ ୯ଲକ୍ଷ ୩୦ହଜାର ଟଙ୍କା ଆକଳନ କରାଯାଇଥିଲା ା ସେହିପରି ଘରକରଣା ସାମଗ୍ରୀର ମୂଲ୍ୟ ୬ଲକ୍ଷ ୬ ହଜାର ୫୨୭ଟଙ୍କା, ସ୍କର୍ପିଓର ମୂଲ୍ୟ ୧୪ଲକ୍ଷ, ବିଭିନ୍ନ ସରକାରୀ ଓ ବେସରକାରୀ ବ୍ୟାଙ୍କରେ ପାଢ଼ୀ, ତାଙ୍କ ସ୍ତ୍ରୀ ଓ ପୁଅଙ୍କ ନାମରେ ୯୦ଲକ୍ଷ ୧୮ହଜାର ୪୭୧ଟଙ୍କା ଜମା ରହିଛି। ଘରୁ ମିଳିଥିବା ୬୯୧ ଗ୍ରାମର ସୁନାଗହଣା, ୨୮୪ ଗ୍ରାମର ରୂପା ସାମଗ୍ରୀର ମୂଲ୍ୟ ୧୨ଲକ୍ଷ ୩୩ ହଜାର ୯୬ ଟଙ୍କା, ଏଲଆଇସି, ମ୍ୟାକ୍ସ ଲାଇଫ୍‌, ଏଚଡ଼ିଏଫସି , ଏଚଏସବିସି ପ୍ରଭୃତି ଜୀବନବୀମା ସଂସ୍ଥାରେ ଜମା ରଖିଥିବା ଟଙ୍କାର ମୂଲ୍ୟ ୨୫ ଲକ୍ଷ ୮୩ ହଜାର ୨୫୭ ଓ ଘରୁ ୯୮ ହଜାର ଟଙ୍କା ଠାବ କରାଯାଇଛି ବୋଲି ଭିଜିଲାନ୍ସ ଏସପି ସ୍ବାଇଁ ସୂଚନା ଦେଇଛନ୍ତି ା
ସୂଚନାଯୋଗ୍ୟ, ଅନୁଗୋଳରେ ପାଢ଼ୀ ସହକାରୀ ଯନ୍ତ୍ରୀ ଥିବାବେଳେ ଭିଜିଲାନ୍ସ ବିଭାଗ ୧୯୯୬ ସେପ୍ଟେମ୍ବର ୩୦ରେ ତାଙ୍କ ନାଁରେ ନଂ.୫୫/୯୬ରେ ଆୟ ବହିର୍ଭୂତ ସମ୍ପତ୍ତି ଠୁଳ ନେଇ ଏକ ମାମଲା ରୁଜୁ କରିଥିଲା। ୨୦୧୧ରେ ଏହି ମାମଲାର ବିଚାର ବେଳେ ସେ ନିର୍ଦ୍ଦୋଷ ସାବ୍ୟସ୍ତ ହୋଇଥିଲେ।


Enter your email to get our daily news in your inbox.

All Right Reserved By Dharitri.Com

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସୋରଡ଼ା ବ୍ଲକରେ ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍‌ଙ୍କ ସମୂହ ଇସ୍ତଫା:ଦରମା ପାଇଁ ଲାଞ୍ଚ ମଗାଯାଉଥିବା ଅଭିଯୋଗ ଆଣିଲେ କର୍ମଚାରୀ

ଛତ୍ରପୁର, ୧୬/୧୧(ଦିଲ୍ଲୀପ ସାମଲ ): ଗଞ୍ଜାମ ଜିଲାର ସୋରଡ଼ା ବ୍ଲକରେ କାର୍ଯ୍ୟରତ ୨୬ଟି ପଞ୍ଚାୟତର ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ ସମୂହ ଇସ୍ତଫା ଦେଇଛନ୍ତି। କାର୍ଯ୍ୟକ୍ଷେତ୍ରରେ…

ବିଜେଡିର ଗଞ୍ଜାମ ସାଂଗଠନିକ ଜିଲା ପାଇଁ ନୂତନ କମିଟି ଘୋଷଣା:୪୮ ଜଣଙ୍କୁ ମିଳିଲା ସାଂଗଠନିକ ଦାୟିତ୍ୱ

ଛତ୍ରପୁର, ୧୬।୧୧(ଦଲ୍ଲୀପ ସାମଲ): ବିଜୁ ଜନତା ଦଳ (ବିଜେଡି) ପକ୍ଷରୁ ଗଞ୍ଜାମ ସାଂଗଠନିକ ଜିଲାର ନୂତନ ଜିଲା କମିଟି ଘୋଷଣା କରାଯାଇଛି। ଦଳର ସଭାପତି ତଥା ଓଡ଼ିଶାର…

ବନ୍ୟା ପରେ ଦାଉ ସାଜିଛନ୍ତି ହାତୀ: ଚିନ୍ତାରେ ଚାଷୀ

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗୋଟିଏ ପଟେ ବନ୍ୟାରେ ଫସଲ ନଷ୍ଟ, ଅନ୍ୟପଟେ ହାତୀପଲଙ୍କ ଉପଦ୍ରବ। ଏଭଳି ଦୁଇମୁହାଁ ସମସ୍ୟାରେ ଘାଣ୍ଟି ହେଉଛନ୍ତି ଘୁମୁସର ଅଞ୍ଚଳର ଚାଷୀ।…

ଜାତୀୟ ପ୍ରେସ୍ ଦିବସ : ଗଣତନ୍ତ୍ରର ସୁରକ୍ଷା ଓ ସୁଦୃଢ଼ୀକରଣରେ ଗଣମାଧ୍ୟମର ଭୂମିକା ଗୁରୁତ୍ୱପୂର୍ଣ୍ଣ

ଭଞ୍ଜନଗର, ୧୬/୧୧ (ବାବୁଲା ପ୍ରଧାନ): ଗଞ୍ଜାମ ଜିଲା ଭଞ୍ଜନଗରସ୍ଥିତ କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର ସାମ୍ବାଦିକତା ଓ ଗଣଯୋଗାଯୋଗ ବିଭାଗ ପକ୍ଷରୁ ସୋମବାର ଜାତୀୟ ପ୍ରେସ୍ ଦିବସ…

କାର୍ତ୍ତିକ ମାସର ତୃତୀୟ ସୋମବାରରେ ବଟେଶ୍ୱର ଶୈବପୀଠରେ ୫୦ ହଜାରରୁ ଊର୍ଦ୍ଧ୍ୱ ଶ୍ରଦ୍ଧାଳୁଙ୍କ ସମାଗମ: ପାଣି ପାଇଁ ଡହଳବିକଳ ହେଲେ….

ଗଞ୍ଜାମ,୧୬/୧୧ (ବିଦ୍ୟାଧର ସାହୁ): ପବିତ୍ର କାର୍ତ୍ତିକ ମାସର ତୃତୀୟ ସୋମବାର ଅବସରରେ ଗଞ୍ଜାମ ବ୍ଲକ୍‌ ଅନ୍ତର୍ଗତ ପାଳିବନ୍ଧ ପଞ୍ଚାୟତର କଣ୍ଟିଆଗଡ଼ସ୍ଥିତ ପ୍ରସିଦ୍ଧ ବଟେଶ୍ୱର ଶୈବପୀଠରେ ୫୦ ହଜାରରୁ…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?