କେବଳ ଭଲ ଅଭିନେତ୍ରୀ ନୁହନ୍ତି, ଭଲ ଭଉଣୀ ମଧ୍ୟ

‘ବାଘାଯତୀନ ଲୋକନାଟ୍ୟ’ର ଲୋକପ୍ରିୟ ନାଟକ ଅରୁଣ ନାୟକଙ୍କ ରଚିତ ତଥା ମହେଶ ହାଜରାଙ୍କ ନିର୍ଦ୍ଦେଶିତ ‘ମୃତ୍ୟୁଦଣ୍ଡ’ ତଥା ‘ତୋ ନଁାକୁ ମୋ ନଁାରେ ଦେଇଛି ଯୋଡ଼ି’ ଦେଖିଥିବା ଦର୍ଶକମାନେ ନିଶ୍ଚୟ ମନେପକେଇ ପାରିବେ ପିଙ୍କିଙ୍କୁ। ଦୁଇଟି ନାଟକରେ ତାଙ୍କର ଥିଲା ଭଉଣୀର ଭୂମିକା। ମଞ୍ଚ ଉପରେ ସେ ଲାଗୁଥିଲେ ସତସତିକା ଭଉଣୀଟେ ପରି। ଭାଇର ଦୁଃଖରେ ଯାହାଙ୍କ ଆଖିରୁ ସତସତିକା ଲୁହ ଝରୁଥିଲା। ଭାଇକୁ କିଛି କହିଲେ ସେହି କଥାଗୁଡ଼ାକ ତାଙ୍କ ଛାତିକୁ ଆସି ଚିରି ଦେଇ ଯାଉଥିଲା। ଭଉଣୀ ଚରିତ୍ରରେ ଅଭିନୟ କରି ପିଙ୍କି କେବଳ ଦର୍ଶକଙ୍କୁ ବିମୋହିତ କରୁ ନ ଥିଲେ; ଅଧିକନ୍ତୁ ନାଟକ ଭିତରେ ମଜ୍ଜି ଯାଇଥିବା ଦର୍ଶକଙ୍କ ପାଇଁ ସେ ପାଲଟି ଯାଉଥିଲେ ଜଣେ ସତସତିକା ଭଉଣୀ।
ତେବେ ଏକଥା ଯଦି କୁହାଯାଏ, ପିଙ୍କି ଓରଫ୍‌ ସାଗରିକା ବିଶୋୟୀ କେବଳ ମଞ୍ଚରେ ଜଣେ ଭଲ ଭଉଣୀ ନୁହନ୍ତି; ସେ ସତସତିକା ଜୀବନରେ ମଧ୍ୟ ଜଣେ ଖୁବ୍‌ ସ୍ନେହୀ ତଥା ଦାୟିତ୍ୱସମ୍ପନ୍ନା ଭଉଣୀ – ତା’ହେଲେ ହୁଏତ ଆପଣମାନଙ୍କର ବିଶ୍ୱାସ ହୋଇ ନ ପାରେ। ମାତ୍ର କଥାଟି ସତ। ଘରେ ସେ ତାଙ୍କ ଭାଇ ଭଉଣୀଙ୍କ ପାଇଁ କେବଳ ଜଣେ ଭଉଣୀ ନୁହନ୍ତି; ସେ ସେମାନଙ୍କ ପାଇଁ ଏକାଧାରରେ ଭାଇ, ଭଉଣୀ, ବାପା, ମା’ ସବୁକିଛି। ଆଉ କୌଣସି ଗପର କାହାଣୀଠାରୁ କିଛି କମ୍‌ ଦୁଃଖଦାୟକ ନୁହେଁ ତାଙ୍କ ଜୀବନର କାହାଣୀ।
କଟକର ପଦ୍ମପୁର ହେଉଛି ପିଙ୍କିଙ୍କ ଗଁ।। ଭାଇ ଭଉଣୀ ତିନିଜଣ ବେଶ୍‌ ହସଖୁସିରେ ଜୀବନ କାଟୁଥିଲେ। ଅଚାନକ ଗ୍ରହଣ ଲାଗିଗଲା ତାଙ୍କ ହସଖୁସିର ସଂସାରରେ। ପିଙ୍କିଙ୍କୁ ମାତ୍ର ୭ବର୍ଷ ବୟସ। ଅନ୍ୟ ଭାଇଭଉଣୀ ଦୁଇଜଣ ଛୋଟ ପିଲା। ବାପା ଚାଲିଗଲେ। ସେତିକିରେ ଶେଷ ହେଲାନି ଦୁଃଖ। ଏହାର ଠିକ୍‌ ପାଞ୍ଚବର୍ଷ ପରେ ଅର୍ଥାତ୍‌ ପିଙ୍କିଙ୍କୁ ଯେତେବେଳ ୧୨ବର୍ଷ ସେତେବେଳେ ମା’ଙ୍କର ବିୟୋଗ ହେଲା। ପିଙ୍କି ଏ ଦୁନିଆରେ ଏକୁଟିଆ ହୋଇଗଲେ। ପୁଣି ତାଙ୍କ କୋଳରେ ଦୁଇଜଣ ସାନ ଭାଇଭଉଣୀ। ତାଙ୍କୁ କେବଳ ନିଜ ପାଇଁ ବଞ୍ଚତ୍ବାକୁ ପଡ଼ିବନି। ସାନ ଭାଇଭଉଣୀଙ୍କୁ ମଣିଷ କରିବାକୁ ହେବ। ସେମାନଙ୍କ ପାଇଁ ଖାଲି ବଡ଼ ଭଉଣୀ ନୁହେଁ; ମା’ବାପା ହେବାକୁ ପଡ଼ିବ। ତେବେ ହାର ମାନି ନ ଥିଲେ ପିଙ୍କି। କମର କଷି ଭାଇଭଉଣୀଙ୍କୁ ମଣିଷ କରିବାକୁ ଶପଥ ନେଇଥିଲେ।
ୟେ ତ ଗଲା ପିଙ୍କିଙ୍କ ବାସ୍ତବ ଜୀବନର କଥା। ପିଙ୍କିଙ୍କ ଯାତ୍ରାକୁ ଆସିବା ଘଟଣାଟି ମଧ୍ୟ ବେଶ୍‌ ନାଟକୀୟ। କଟକ ନିକଟସ୍ଥ ଗୋପାଳପୁରଠାରେ ‘ତ୍ରିରଙ୍ଗା’ ଯାତ୍ରାନୁଷ୍ଠାନର ଆଖଡ଼ା ଚାଲିଥାଏ। ପିଙ୍କିଙ୍କର ଜଣେ ସାଙ୍ଗ ଯାତ୍ରାରେ ଇଣ୍ଟରଭ୍ୟୁ ଦେବାକୁ ଆସିଥିଲେ। ପିଙ୍କି ତାଙ୍କ ସାଥିରେ ଆସିଥିଲେ ଆଖଡ଼ା ଦେଖିବା ପାଇଁ। ତେବେ ସାଙ୍ଗଙ୍କ ସହିତ ସେ ବି ଇଣ୍ଟରଭ୍ୟୁ ଦେଲେ। ପିଙ୍କିଙ୍କ ସାଙ୍ଗ ଉତ୍ତୀର୍ଣ୍ଣ ହୋଇପାରିଲେନି। ମାତ୍ର ପିଙ୍କି ସିଲେକ୍ଟ ହୋଇଗଲେ। ଯାତ୍ରାକୁ ଆସିଲେ ପିଙ୍କି। ପ୍ରଥମ ନାଟକ ଥିଲା ‘ତ୍ରାହି ଲକ୍ଷ୍ମଣ’। ପିଙ୍କି ଯାହା ବି କରୁଥିଲେ ହୃଦୟର ସହ କରୁଥିଲେ। କାରଣ ତାଙ୍କୁ ତାଙ୍କର ଭାଇଭଉଣୀ ଦୁହିଙ୍କୁ ମଣିଷ କରିବାର ଥିଲା।
ଏବେ ଯାତ୍ରାଜଗତର ଜଣେ ଲୋକପ୍ରିୟ ଅଭିନେତ୍ରୀ ପିଙ୍କି। ‘ତ୍ରିରଙ୍ଗା’ ପରେ ପରେ ‘ନିୟତି’, ‘ଟାଇଗର ତାରିଣୀ’, ‘ସଚ୍ଚିଦାନନ୍ଦମ୍‌’, ‘ତ୍ରିନାଥ’ ଆଦି ଅନୁଷ୍ଠାନରେ କାମ କରି ଏବେ ଆସି ପହଞ୍ଚତ୍ଛନ୍ତି ବାଘାଯତୀନ ଲୋକନାଟ୍ୟରେ। ସେ ଅଭିନୟ କରିଥିବା ନାଟକଗୁଡ଼ିକ ମଧ୍ୟରୁ କେତୋଟି ହେଉଛି ‘ଏମିତି ନାରୀକୁ ଦୂରୁ ଜୁହାର’, ‘ସୁନା କଣ୍ଢେଇ’, ‘ଝରଣା ଖୋଜୁଛି ନିଜ ଠିକଣା’, ‘ତୋ ନଁାରେ ମୋ ନଁ।କୁ ଦେଇଛି ଯୋଡ଼ି’, ‘ମୃତ୍ୟୁଦଣ୍ଡ’। ଚଳିତବର୍ଷ ତାଙ୍କ ହାତରେ ରହିଛି ‘ସୀତାର ଜଳୁଛି ଚିତା’, ‘ତମ ସିନ୍ଦୂର କୋଉ ସ୍ବାମୀ’ର ଏବଂ ‘ସତ ସିନ୍ଦୂରକୁ ମିଛ କନିଅଁା’ ଭଳି ନାଟକ।
ପିଙ୍କି କେବଳ ଯାତ୍ରା ଜଗତରେ ନିଜକୁ ପ୍ରତିଷ୍ଠିତ କରିନାହାନ୍ତି। ଭାଇ ଭଉଣୀଙ୍କୁ ମଧ୍ୟ ମଣିଷ କରିଛନ୍ତି। ଭାଇ ଭଉଣୀଙ୍କୁ ବାହା ଦେଇଛନ୍ତି। ଏବେ ମଧ୍ୟ ପିଙ୍କି ସେମାନଙ୍କ ପାଇଁ ଭଉଣୀ ନୁହେଁ; ମା’। ତେବେ ଏତେ ସବୁ ଦାୟିତ୍ୱ ମଧ୍ୟରେ ନିଜ କଥା ଭୁଲି ଯାଇଛନ୍ତି ପିଙ୍କି। ”ମୁଁ ମୋ କଥା ଚିନ୍ତା କରିନି। ଚିନ୍ତା କରିବାକୁ ସମୟ ପାଇନି। ଭଗବାନ ମୋ ଭାଇଭଉଣୀଙ୍କୁ ମଣିଷ କରିବା ପାଇଁ ମୋତେ ଯେଉଁ ଦାୟିତ୍ୱ ଦେଇଥିଲେ ତାହାକୁ ମୁଁ ମୋ କର୍ତ୍ତବ୍ୟ ବୋଲି ମାନିନେଇଛି। ମୋ ଭାଇ ଭଉଣୀଙ୍କ ସଂସାର ମୋ ସଂସାର। ସେମାନଙ୍କ ଖୁସି ହେଉଛି ମୋ ଖୁସି“ ବୋଲି କହନ୍ତି ଏହି ଅଭିନେତ୍ରୀ।


Enter your email to get our daily news in your inbox.

All Right Reserved By Dharitri.Com

IPL ଇତିହାସରେ ହେବାକୁ ଯାଉଛି ସବୁଠାରୁ ବଡ଼ ପରିବର୍ତ୍ତନ! ICC ପ୍ରସ୍ତୁତ କରିଛି ବିଶାଳ ଯୋଜନା

ନୂଆଦିଲ୍ଲୀ,୧୭।୧୧: ଆଇପିଏଲ (IPL) ସମ୍ବନ୍ଧୀୟ ଏକ ବଡ଼ ଖବର ସାମ୍ନାକୁ ଆସିଛି, ଯାହା ନିଶ୍ଚିତ ଭାବରେ କ୍ରିକେଟ ପ୍ରଶଂସକମାନଙ୍କୁ ଖୁସି କରିବ। ବିଶ୍ୱର ସବୁଠାରୁ ବଡ଼ ଟି-୨୦…

ହର୍ମୁଜ ପ୍ରଣାଳୀରେ ବାରୁଦ ସୁଡ଼ଙ୍ଗ ସହ ଧକ୍କା ହେଲା ତୈଳ ଟ୍ୟାଙ୍କ; ଇଞ୍ଜିନ ରୁମରେ ଲାଗିଲା ନିଆଁ

ତେହରାନ,୧୭।୧୧: ପଶ୍ଚିମ ଏସିଆରେ ଚାଲିଥିବା ସଂଘର୍ଷଯେଉଁଥିରେ ଆମେରିକା, ଇସ୍ରାଏଲ ଏବଂ ଇରାନ ସାମିଲ ଅଛନ୍ତିତାହା ବର୍ତ୍ତମାନ ସାମୁଦ୍ରିକ ବାଣିଜ୍ୟ ପଥ ଉପରେ ପ୍ରଭାବ ପକାଉଛି। ଓମାନ ନିକଟସ୍ଥ…

ଡେବ୍ରିଗଡ଼ ଅଭୟାରଣ୍ୟରେ ବନ୍ୟପ୍ରାଣୀ ଶିକାର ଯୋଜନା ପଣ୍ଡ: ୪ ଅଭିଯୁକ୍ତ ଗିରଫ

ସମ୍ବଲପୁର,୧୭।୧୧(ପ୍ରମୋଦ ବହିଦାର): ଡେବ୍ରିଗଡ଼ ବନ୍ୟପ୍ରାଣୀ ଅଭୟାରଣ୍ୟରେ ବନ୍ୟଜନ୍ତୁ ଶିକାର ପାଇଁ ଫାଶ ବସାଇବା ଯୋଜନାକୁ ବନ ବିଭାଗ ପଣ୍ଡ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ…

ଏଇ ଭାରତରେ

ମହାରାଷ୍ଟ୍ରର କୋହ୍ଲାପୁର ଜିଲା କରବିର ବ୍ଲକ୍‌ର ଛୋଟ ଗାଁ ଶିଲ୍‌କଓ୍ବାଡ଼ି। ଏଠାରେ କେବଳ ଗୋଲାପି ରଙ୍ଗର ଘର ଦେଖିବାକୁ ମିଳେ। ସେଥିପାଇଁ ଏହା ପିଙ୍କ୍‌ ଭିଲେଜ ବା…

ଦାନ, ଦମ୍ଭ ଓ ଦୁର୍ଦ୍ଦିନର ଆତ୍ମସମ୍ମାନ

ଯେତେବେଳେ ଜଣେ ବ୍ୟକ୍ତି କିମ୍ବା ଗୋଷ୍ଠୀ ସାମାଜିକ ସ୍ତରରେ ନିଜକୁ ଅନ୍ୟମାନଙ୍କଠାରୁ ଶ୍ରେଷ୍ଠ ବୋଲି ପ୍ରମାଣ କରିବାକୁ ଚେଷ୍ଟା କରନ୍ତି, ସେତେବେଳେ ତାହା ଅହଂକାରରେ ପରିଣତ ହୁଏ।…

ସମବାୟରେ ମାନବ ସମ୍ବଳ ନୀତି

ନୂଆଦିଲ୍ଲୀଠାରେ ମିଳିତ ଜାତିସଂଘ ତରଫରୁ ୨୦୨୪ ନଭେମ୍ବରରେ ଯେଉଁ ଅନ୍ତର୍ଜାତୀୟ ସମବାୟ ସମ୍ମିଳନୀ କରାଯାଇଥିଲା ତାହାର ନିଷ୍କର୍ଷକୁ କାର୍ଯ୍ୟକାରୀ କରିବା ପାଇଁ କେନ୍ଦ୍ର ସମବାୟ ମନ୍ତ୍ରଣାଳୟ ଯୋଜନାମାନ…

ବଡ଼ ଗୁମର ଖୋଲିଲେ ଆର୍ଯ୍ୟବୀର ସେହ୍ବାଗ: ଯନ୍ତ୍ରଣାରେ ଛଟପଟ ହେଉଥିଲେ….

ନୂଆଦିଲ୍ଲୀ,୧୭।୧୧: କ୍ରିକେଟ ପଡ଼ିଆରେ ଲଢ଼େଇ କେବଳ ବ୍ୟାଟ ଓ ବଲ୍‌ରେ ହୁଏ ନାହିଁ, ବେଳେବେଳେ ମନୋବଳ ଓ ଈଶ୍ୱରଙ୍କ ଉପରେ ବିଶ୍ୱାସ ମଧ୍ୟ ବଡ଼ ଭୂମିକା ନିଭାଇଥାଏ।…

ଜୀବନ୍ତ ଫେରି ନ ପାରେ: ଇମ୍ରାନ୍‌ ଖାନ୍‌

ଇସ୍‌ଲାମାବାଦ,୧୭ା୧୧(ପି.ଟି.): ଜେଲରେ ଥିବା ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ୍‌ ଖାନ୍‌ ଦେଶର ପ୍ରଧାନ ବିଚାରପତି ଏବଂ ଅନ୍ୟ ମୁଖ୍ୟ ବିଚାରପତିମାନଙ୍କୁ ଏକ ଖୋଲା ଚିଠି ଲେଖି ତାଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?