କୂଳ ଖାଉଛି ଦୁଇମୁହାଣୀ

କୁଆମରା,୧୧।୮(ଡି.ଏନ୍‌.ଏ.)-ମୟୂରଭଞ୍ଜ ଜିଲା ଗୋପବନ୍ଧୁ ନଗର ବ୍ଲକ ଦେଇ ନାହ୍ଲୁଆ ଓ ଗଙ୍ଗାହାର ନାମରେ ଦୁଇଟି ନଦୀ ପ୍ରବାହିତ ହୋଇଛି। ଉକ୍ତ ଦୁଇ ନଦୀ ଖଡ଼ିକାପଦାଠାରେ ମିଶ୍ରଣ ହୋଇ ଗୋଟିଏ ନଦୀରେ ପରିଣତ ହୋଇଥିବାରୁ ତାହା ଦୁଇମୁହାଣୀ ନାମରେ ନାମିତ ହୋଇଛି। ଉକ୍ତ ନଦୀର ୫ଶହ ମିଟର ଦୂର ପଶ୍ଚିମକୁ ଦୁଇଟି ଗ୍ରାମ ରହିଛି। ଦକ୍ଷିଣ ପାର୍ଶ୍ୱରେ କୁଆମରା ପଞ୍ଚାୟତର କସିବଣୀ ଗାଁ ଓ ଉତ୍ତର ପାର୍ଶ୍ୱରେ ପଶୁଦା ପଞ୍ଚାୟତର ଭୋଳପଦା ଗ୍ରାମ। ବାରମ୍ବାର ଏଠାରେ ନଦୀକୂଳ ଖାଉଥିବାରୁ ଆଖପାଖରେ ଥିବା ଗ୍ର୍ରାମ ପ୍ରତି ବିପଦ ଆଶଙ୍କା ଦେଖାଦେଇଛି। ଦୀର୍ଘ ବର୍ଷ ଧରି ଏପରି ସମସ୍ୟା ଲାଗି ରହିଥିଲେ ମଧ୍ୟ ଏଥିପ୍ରତି ଗୁରୁତ୍ୱ ଦିଆଯାଉନାହିଁ।
ଗତ ଫାଇଲିନ୍‌ ସମୟରେ ପ୍ରଳୟଙ୍କରୀ ବନ୍ୟା ଯୋଗୁ ପାଖାପାଖି ୨ଶହ ମିଟର ନଦୀକୂଳ ଅତଡ଼ା ଧସି କସିବଣି ଗ୍ରାମର ୩ଟି ଓ ଭୋଳପଦା ଗ୍ରାମର ୫ଟି ପରିବାରର ଘର ନଦୀଗର୍ଭରେ ଲୀନ ହୋଇଯାଇଥିଲା। ନଦୀକୁ ଲାଗିଥିବା ଚାଷଜମିଗୁଡିକ ନଦୀଗର୍ଭକୁ ଯିବା ସହ ତଳ ପାର୍ଶ୍ୱ ଜମି ବାଲିଚର ହୋଇ ପଡ଼ିଛି। ଫଳରେ ସେହି ସ୍ଥାନ ଆଉ ଚାଷ ଉପଯୋଗୀ ହୋଇପାରୁନାହିଁ। ବନ୍ୟା କଥା ଶୁଣିଲେ ଲୋକେ ଭୟରେ କାଳାତିପାତ କରୁଛନ୍ତି। ବନ୍ୟା ଆସିଲେ ପ୍ରତି ବର୍ଷ କିଛି ନା କିଛି କ୍ଷୟକ୍ଷତି ଘଟିବା ସହ ଚାଷ ଜମି ଓ ଘର ସମ୍ପୂର୍ଣ୍ଣ ନଦୀଗର୍ଭକୁ ଚାଲିଯାଉଛି। ଫାଇଲିନ୍‌ ପରଠାରୁ ବଡ଼ ବର୍ଷା କିମ୍ବା ବନ୍ୟା ହେଲେ ଲୋକେ ଗାଁଗଣ୍ଡା ଛାଡ଼ି ଉପରମୁଣ୍ଡକୁ ପଳାଇଯାଆନ୍ତି। ନଦୀକୂଳ କ୍ଷୟ ହେବାର ମୁଖ୍ୟ କାରଣ ହେଉଛି ନଦୀ ଦୁଇ ପାର୍ଶ୍ୱରେ ବେଆଇନ ଇଟାଭାଟି। ପ୍ରତିବର୍ଷ ଇଟାଭାଟି ମାଲିକମାନେ ନଦୀ କୂଳରେ ମାଟି ତାଡ଼ି ଇଟା ଭାଟି କରିବା ଫଳରେ ମୃତ୍ତିକା କ୍ଷୟ ହେବା ସହ ସହଜରେ ନଦୀକୂଳ ଖାଉଛି। ଗ୍ରାମ ଓ ଚାଷ ଜମିର ସୁରକ୍ଷା ନିମନ୍ତେ ଗ୍ରାମବାସୀଙ୍କ ପକ୍ଷରୁ ନଦୀର ଦୁଇ ପାର୍ଶ୍ୱରେ ପଥର ପ୍ୟାକିଂ ଓ ଆଡ଼ିବନ୍ଧ ନିର୍ମାଣ ଦାବି କରି ଆସୁଥିଲେ ମଧ୍ୟ ଏ ଦିଗରେ ପ୍ରଶାସନ ଦୃଷ୍ଟି ଦେଉନାହିଁ। ପ୍ରତିବର୍ଷ ବନ୍ୟାରେ ଯେପରି କ୍ଷତି ଘଟୁଛି, ତାହାକୁ ଲକ୍ଷ୍ୟ କଲେ ଆଗାମୀ ୧୦ବର୍ଷ ମଧ୍ୟରେ ଦୁଇଟି ଯାକ ଗ୍ରାମ ସମ୍ପୂର୍ଣ୍ଣ ନଦୀଗର୍ଭରେ ଲୀନ ହୋଇଯିବା ଆଶଙ୍କାକୁ ଏଡ଼ାଇ ଦେଇ ହେବ ନାହିଁ। ଦୁଇଟି ଗାଁର ମୋଟ ୪୬ ପରିବାର ଆଦିବାସୀ ସମ୍ପ୍ରଦାୟର ଓ ଗରିବ ଶ୍ରେଣୀର ହୋଇଥିବାରୁ ନବେ ପ୍ରତିଶତ ବାସଗୃହ ଝାଟିମାଟିରେ ତିଆରି। ତେଣୁ ଧନଜୀବନ ସୁରକ୍ଷା ନିମନ୍ତେ ସମସ୍ତ ପରିବାରକୁ ସରକାରଙ୍କ ଆବାସ ଯୋଜନାରେ ଗୃହ ଯୋଗାଇ ଦେବାକୁ ଦାବି ହେଉଛି। ଏହାସହିତ ନଦୀର ଦୁଇ ପାର୍ଶ୍ୱ ପଥର ପ୍ୟାକିଂ ପାଇଁ ମଧ୍ୟ ଦାବି କରାଯାଇଛି। ଏନେଇ ସ୍ଥାନୀୟ କୁଆମରା ସରପଞ୍ଚ କୁହନ୍ତି ପଥର ପ୍ୟାକିଂ ଓ ଆଡ଼ିବନ୍ଧ ନିର୍ମାଣ ପାଇଁ ଜଳସମ୍ପଦ ବିଭାଗକୁ ଚିଠି ଲେଖାଯାଇଛି। ପଞ୍ଚାୟତ ସମିତି ବୈଠକରେ ମଧ୍ୟ ପ୍ରସ୍ତାବ ଦିଆଯାଇଛି। ଜଳସମ୍ପଦ ବିଭାଗ ବାରିପଦା ସେକ୍ସନର କନିଷ୍ଠ ଯନ୍ତ୍ରୀ ବିଜୟ କୁମାର ସିଂଙ୍କୁ ଏସଂକ୍ରାନ୍ତରେ ପଚାରିବାରୁ ପଥର ପ୍ୟାକିଂ ପାଇଁ ଟେଣ୍ଡର ହୋଇସାରିଛି। ବର୍ତ୍ତମାନ ବର୍ଷା ଦିନ ଯୋଗୁ ରାସ୍ତା ଖରାପ ପାଇଁ ସେଠାକୁ ଗାଡ଼ି ଯାଇ ପାରୁନାହିଁ। ଖୁବ୍‌ ଶୀଘ୍ର ଏହି କାମ ଆରମ୍ଭ ହେବ ବୋଲି ସେ କହିଥିଲେ।


Enter your email to get our daily news in your inbox.

All Right Reserved By Dharitri.Com

୯ ମାସର ଶିଶୁକୁ ଚୋରିକରି ବିକ୍ରି

କାମାକ୍ଷାନଗର, ୧୪।୧୨(ଡି.ଏନ୍‌.ଏ.): ଜଣେ ମା’ ହୋଇ ବୁଝିଲେନି ଅନ୍ୟ ଜଣେ ମା’ର ମମତା। ଓଲଟି ପଡ଼ୋଶୀ ଭାବେ ଚଳୁଥିବା ମହିଳାଙ୍କ ଅସହାୟତାର ଫାଇଦା ନେଲେ। ତାଙ୍କର...

ପୁରୀକୁ ଆସୁଛନ୍ତି ୨ ହଜାରରୁ ଊର୍ଦ୍ଧ୍ୱ ନାଗା ସାଧୁ

ପୁରୀ ଅଫିସ, ୪ା୯:ମଠ ଉଚ୍ଛେଦକୁ ନେଇ ମଙ୍ଗଳବାର ସାଧୁସନ୍ଥଙ୍କ ପ୍ରତିବାଦ ଯୋଗୁ ପ୍ରଶାସନ ପକ୍ଷରୁ ବଡ ଆଖଡା ମଠ ଉଚ୍ଛେଦକୁ ସ୍ଥଗିତ ରଖିଛି। ତେବେ ସାଧୁ...

୨୦୨୪ ମାର୍ଚ୍ଚରୁ ମାଲକାନଗିରିରୁ ବିମାନ ଉଡ଼ାଣ

ଭୁବନେଶ୍ୱର,(ବ୍ୟୁରୋ)/ମାଲକାନଗିରି/ଜୟପୁର,୧୫ା୪(ଡି.ଏନ୍‌.ଏ./ନି.ପ୍ର.): ଆସନ୍ତା ୨୦୨୪ ମାର୍ଚ୍ଚରେ ମାଲକାନଗିରିରୁ ବିମାନ ଉଡ଼ାଣ ଆରମ୍ଭ ହେବ। ମୁଖ୍ୟ ଶାସନ ସଚିବ ସୁରେଶ ଚନ୍ଦ୍ର ମହାପାତ୍ର ଗୁରୁବାର ମାଲକାନଗିରି ଜିଲା ଗସ୍ତ...

ଡ୍ରିମ୍ସ ଇଞ୍ଜିନିୟରିଂ କଲେଜରେ ହେବ ସ୍ବତନ୍ତ୍ର କରୋନା ହସ୍ପିଟାଲ

କଟକ ଅଫିସ,୨୮ା୩: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରେ ଲାଗିଛି। ରାଜ୍ୟରେ ମଧ୍ୟ ଗୁରୁବାର ତୃତୀୟ କରୋନା ରୋଗୀ ଚିହ୍ନଟ ହୋଇଛନ୍ତି। ପରିସ୍ଥିତିକୁ ନିୟନ୍ତ୍ରଣରେ ରଖିବା...

ବରୁଣେଇ ପୀଠରେ ମିଳୁନି ମୌଳିକ ସୁବିଧା: ପାଣି ଟ୍ୟାପ୍‌ ଅଚଳ, ମନ୍ଦିର ପାହାଚ ଫାଟି ଆଁ

ଖୋର୍ଦ୍ଧା ଅଫିସ, ୨ା୧: ଖୋର୍ଦ୍ଧା ଜିଲାର ଅନ୍ୟତମ ପ୍ରମୁଖ ପର୍ଯ୍ୟଟନସ୍ଥଳୀ ହେଉଛି ବରୁଣେଇ ପୀଠ। ଶୀତଋତୁ ଆସିଗଲେ ଏଠାରେ ପର୍ଯ୍ୟଟକଙ୍କ ଭିଡ଼ ଜମେ। ପର୍ଯ୍ୟଟକମାନେ ମା’...

ଜମି ଅନୁଧ୍ୟାନ କଲେ ରାଜସ୍ବ କମିଶନର: ୯.୬୦ ଏକରରେ ହେବ ଓଡ଼ିଆ ବିଶ୍ୱବିଦ୍ୟାଳୟ

ସାକ୍ଷୀଗୋପାଳ, ୪।୧୦(ଡି.ଏନ୍‌.ଏ.): ଓଡ଼ିଆ ଭାଷା ସାହିତ୍ୟର ଉତ୍ତରୋତ୍ତର ଗବେଷଣା ଲକ୍ଷ୍ୟ ନେଇ ପୁରୀ ଜିଲା ସତ୍ୟବାଦୀର ଐତିହାସିକ ବକୁଳବନ ସଂଲଗ୍ନ ୯. ୬୦ ଏକର ଜମିରେ...

ବଡ଼ଦାଣ୍ଡକୁ ସଙ୍କୁଚିତ କରୁଛି ଜବରଦଖଲ

ପୁରୀ ଅଫିସ,୨୫।୭: ଜାତୀୟ ରାଜପଥ ପ୍ରାଧିକରଣ ଆଇନ ପୁରୀ ବଡ଼ଦାଣ୍ଡରେ ଲାଗୁ ହେଉନାହିଁ। ବଡ଼ଦାଣ୍ଡ ୩୧୬ ନମ୍ବର ଜାତୀୟ ରାଜପଥ ଭାବେ ମାନ୍ୟତାପ୍ରାପ୍ତ। ଜାତୀୟ ରାଜପଥ...

ମରୁଡି ଘୋଷଣା ଦାବି, ବୋଡେନ ବ୍ଲକ ଭାଜପାର ତହସିଲ ଅଫିସ ଘେରାଉ

ନୂଆପଡା ଅଫିସ/ବୋଡେନ,୩୦ା୭: ନୂଆପଡା ଜିଲା ପ୍ରତିବର୍ଷ ମରୁଡି କବଳିତ ହେଉଥିବାବେଳେ ଏଠାରେ ଚାଷୀଙ୍କ ଗୁହାରି ଶୁଣିବାକୁ କର୍ତ୍ତୃପକ୍ଷ ହେଳା କରୁଥିବା ଅଭିଯୋଗ କରି ବୋଡେନ ବ୍ଲକ...

Advertisement
Archives

Model This Week