କାହିଁକି ଏତେ ଦାୟିତ୍ୱହୀନତା? ଜୀବନ ନେଇଯିବ ବିପଜ୍ଜନକ ଖୁଣ୍ଟ

ଭୁବନେଶ୍ୱର,୧୩।୮(ବ୍ୟୁରୋ): ବାତ୍ୟା ଫନୀରେ ରାଜଧାନୀରେ ଶହ ଶହ ବିଦ୍ୟୁତ୍‌, ଟେଲିଫୋନ୍‌ ଓ କେବୁଲ ଖୁଣ୍ଟ ଭାଙ୍ଗିପଡିଥିବାବେଳେ ଆଉକିଛି ନଇଁଯାଇ ଝୁଲି ରହିଥିଲା। ବିଦ୍ୟୁତ୍‌ କର୍ମଚାରୀମାନେ ତରବରିଆ ଭାବେ ମରାମତି କରି ବିଦ୍ୟୁତ୍‌ ସଂଯୋଗଦେଇଥିଲେ। କେତେକ ସ୍ଥାନରେ ଅସ୍ଥାୟୀ ଭାବେ ମରାମତି କରାଯାଇଥିଲା। ଟେଲିଫୋନ୍‌ ଓ କେବୁଲ ଖୁଣ୍ଟ ମରାମତି ମଧ୍ୟ ସେହିଭଳି କରାଗଲା। ଏସବୁ ଖୁଣ୍ଟଗୁଡିକ ପ୍ରାୟ ପାଖାପାଖି ଥିବାରୁ କର୍ମଚାରୀମାନେ ପରସ୍ପରକୁ ଟ୍ୟୁବ୍‌, ଦଉଡ଼ି କିମ୍ବା ତାରରେ ବାନ୍ଧି କାମ ଚଳାଇଥିଲେ। ଏବେ ପର୍ଯ୍ୟନ୍ତ ସେହି କାମଚଳା କାର୍ଯ୍ୟରେ ଅଧା ଉପୁଡା, ଝୁଲି ରହିଥିବା ଖୁଣ୍ଟରେ ସେବା ଯୋଗାଣ ଚାଲିଛି। ସହରର ଅଧିକାଂଶ ସ୍ଥାନରେ ବିଦ୍ୟୁତ୍‌ ଜନିତ ବିପଦର ଆଶଙ୍କା ଦେଖିବାକୁ ମିଳୁଛି। ବହୁ ସ୍ଥାନରେ ବିଦ୍ୟୁତ୍‌ ତାର ମୁଣ୍ଡରେ ବାଜିବା ଭଳି ସ୍ଥିିତିରେ ରହିଛି। ଏବେ ବର୍ଷାଦିନ ହୋଇଥିବାରୁ କେତେକ ଖୁଣ୍ଟ ଚାର୍ଜ ହୋଇଯାଉଥିବାବେଳେ ଆଉ କେତେକ ଖୁଣ୍ଟ କେତେବେଳେ ବି ଉପୁଡ଼ି ଯାଇପାରେ। ବାରମ୍ବାର ଅଭିଯୋଗ ସତ୍ତ୍ୱେ ବିଭାଗୀୟ ଅଧିକାରୀ ଓ କର୍ମଚାରୀମାନଙ୍କ ଚେତାପଶୁନି। ଏଭଳି ଦାୟିତ୍ୱହୀନତା ପାଇଁ କେତେବେଳେ ବି ଜୀବନ ଯିବାର ଭୟ ଏବେ ସହରବାସୀଙ୍କୁ ଘାରିଛି। ନୟାପଲ୍ଲୀ ଥାନା ଏକାମ୍ରଭିଲ୍ଲା କଲୋନୀରେ ଏଭଳି ବିପଜ୍ଜନକ ସ୍ଥିତି ଦେଖିବାକୁ ମିଳିଛି।
ଜୟଦେବବିହାର ବିଜୁପଟ୍ଟନାୟକ କଲେଜ ଛକରୁ ଏକାମ୍ରପାର୍କ ଅଭିମୁଖେ ଗଲେ ବାଟରେ ଡାହାଣ ପାର୍ଶ୍ୱରେ ଏକାମ୍ର ଭିଲ୍ଲା କଲୋନୀକୁ ରାସ୍ତା ଯାଇଛି। କଲୋନୀର ପ୍ରବେଶ ପଥ ରାସ୍ତା ଉପରକୁ ଝୁଲି ରହିଛି ଏହି ବିପଜ୍ଜନକ ଜିଆଇ ଖୁଣ୍ଟ। ଉକ୍ତ ଖୁଣ୍ଟରେ କେବୁଲ ଓ ଅନ୍ୟାନ୍ୟ ତାର ବଣ୍ଡଲ୍‌ ଗୁଡ଼ାହୋଇ ରହିଛି। ଉପୁଡି ପଡିବା ଅବସ୍ଥାରେ ରହିଥିବା ଏହି ଖୁଣ୍ଟକୁ ଟ୍ୟୁବ୍‌ ଓ ଦଉଡ଼ି ସହାୟତାରେ ବିଦ୍ୟୁତ୍‌ ଖୁଣ୍ଟରେ ବାନ୍ଧି ରଖାଯାଇଛି। କୌଣସି ମୁହୂର୍ତ୍ତରେ ବି ଉପୁଡିପଡ଼ିବାର ସମ୍ଭାବନା ରହିଛି। ଏହାକୁ ଲାଗି ବିଦ୍ୟୁତ୍‌ ଖୁଣ୍ଟ ରହିଛି। ବିଦ୍ୟୁତ୍‌ ତାର ଉକ୍ତ ଜିଆଇ ଖୁଣ୍ଟରେ ଲାଗିଯାଇଛି। ଅଧିକାଂଶ ସମୟରେ ଖୁଣ୍ଟଟି ବିଦ୍ୟୁତ୍‌ ଚାର୍ଜ ହୋଇ ରହୁଥିବା ସ୍ଥାନୀୟ ଲୋକେ କହିଛନ୍ତି। ପ୍ରତିଦିନ ଛୋଟ ଛୋଟ ପିଲା ସେହିବାଟ ଦେଇ ସ୍କୁଲ ଯାଉଛନ୍ତି। କିଏ କେତେବେଳେ ଧରିଦେବ କହିହେଉ ନାହିଁ। ସେହିବାଟ ଦେଇ କଲୋନୀବାସୀ ଯାଉଛନ୍ତି। ବର୍ଷା ଓ ପବନ ହେଉଥିବାରୁ କେତେବେଳେ ଯେ କାହା ଉପରେ ଉପୁଡି ପଡିବ ତାହା ବି କହିହେଉନାହିଁ। ଲୋକେ ଭୟରେ ଯାତାୟାତ କରୁଥିବାବେଳେ ଅଭିଭାବକମାନେ ପିଲାଙ୍କୁ ଏକୁଟିଆ ସ୍କୁଲ୍‌ କିମ୍ବା ବାହାରକୁ ଛାଡ଼ିବାକୁ ଡରୁଛନ୍ତି। ଯଦି କେହି ପିଲା ଖେଳିବାକୁ ଚାଲିଯାଉଛି ତେବେ ବାପାମା’ଙ୍କ ଚିନ୍ତା ବଢ଼ୁଛି। ଏହା ନିକଟରେ ଏକ ଖୋଲା ଡ୍ରେନ୍‌ ମଧ୍ୟ ରହିଛି। କିଛିଦିନ ତଳେ ସାଲିଆସାହିର ଏକ ଖୋଲା ଡ୍ରେନ୍‌ରେ ଭାସିଯାଇ ଜଣେ ବୃଦ୍ଧାଙ୍କ ମୃତ୍ୟୁ ଘଟିଥିଲା। ସେହି ସମୟରେ ବିଏମ୍‌ସି ଅଧିକାରୀ, ସ୍ଥାନୀୟ ନେତା ବିପଜ୍ଜନକ ସ୍ଥିତିରେ ଥିବା ଏକାମ୍ର ଭିଲ୍ଲାର ଉକ୍ତ ଖୁଣ୍ଟ ଓ ଖୋଲା ଡ୍ରେନ୍‌କୁ ବୁଲି ଦେଖି ତୁରନ୍ତ ମରାମତି ହେବ ବୋଲି କହିଥିଲେ। କିନ୍ତୁ ଏହାପରେ ଆଉ କାହାର ଦେଖା ନାହିଁ ବୋଲି କଲୋନୀବାସୀ କହିଛନ୍ତି। ଏ ନେଇ ବିଦ୍ୟୁତ ବିଭାଗ କର୍ମଚାରୀଙ୍କୁ ଜଣାଇ ଆସୁଥିଲେ ମଧ୍ୟ ଏହା ତାଙ୍କର ଦାୟିତ୍ୱ ନୁହେଁ ବୋଲି କହୁଛନ୍ତି। ତେଣୁ ଲୋକେ ଅସନ୍ତୋଷ ପ୍ରକାଶ କରିବା ସହ ଆଗକୁ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

କରୋନା ମୁକାବିଲା: ୩.୪୯ ଲକ୍ଷ ଲୋକଙ୍କ ସ୍ବାସ୍ଥ୍ୟାବସ୍ଥା ବୁଝିଲାଣି ଗଞ୍ଜାମ ଜିଲା ପ୍ରଶାସନ, ୨୨୧ଜଣଙ୍କ କୋଭିଡ୍‌ ଟେଷ୍ଟିଙ୍ଗ ରିପୋର୍ଟକୁ ଅପେକ୍ଷା

ଛତ୍ରପୁର, ୨୫/୪(ଡିଏନଏ )- ଗଞ୍ଜାମ ଜ଼ିଲାରେ ଶୁକ୍ରବାର ସୁଦ୍ଧା ୧୦୭୪ ଜଣଙ୍କ ସ୍ବାବ ପରୀକ୍ଷା କରାଯାଇଛି। ଏଥିରୁ ୮୫୩ ଜଣଙ୍କ ରିପୋର୍ଟ ଆସିଥିବାବେଳେ କେହି ପଜିଟିଭ୍‌...

ଓଡ଼ିଶା ପର୍ଯ୍ୟଟନକୁ ସାହା ‘ରୋଡ୍‌ ଟ୍ରିପ୍‌’

ଭୁବନେଶ୍ୱର,୪। ୮(ବ୍ୟୁରୋ): କରୋନା ସ୍ଥିତି ସୁଧୁରିବା ପରେ ଓଡ଼ିଶା ପ୍ରତି ପର୍ଯ୍ୟଟକଙ୍କୁ ଆକୃଷ୍ଟ କରିବାକୁ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ‘ସଡକ ପଥେ ପର୍ଯ୍ୟଟନ’ କାର୍ଯ୍ୟକ୍ରମ...

ମୋତିଆବିନ୍ଦୁ ଲେନ୍‌ସ ର଼୍ୟାକେଟ୍‌ ସକ୍ରିୟ

କଟକ ଅଫିସ, ୭।୧: କଟକରେ ମୋତିଆବିନ୍ଦୁ ଲେନ୍‌ସ ର଼୍ୟାକେଟ୍‌ ସକ୍ରିୟ। ମୋତିଆବିନ୍ଦୁରେ ଆକ୍ରାନ୍ତ ରୋଗୀମାନଙ୍କୁ ସରକାର ମାଗଣାରେ ଏହି ଲେନ୍‌ସ ଯୋଗାଇଦେବା ବ୍ୟବସ୍ଥା କରିଛନ୍ତି। କିନ୍ତୁ...

ରେଳଧାରଣାରୁ ପୋଲିସ ଡିଏସ୍‌ପିଙ୍କ ସ୍ତ୍ରୀଙ୍କ ମୃତଦେହ ଉଦ୍ଧାର

ବ୍ରହ୍ମପୁର ଅଫିସ , ୪।୬ – ସରକାରୀ ରେଳବାଇ ଥାନା (ଜିଆର୍‌ପି) ଅନ୍ତର୍ଗତ ଗୋପାଳପୁର ଓଭର ବ୍ରିଜ ତଳ ଦେଇ ଯାଇଥିବା ରେଳଧରଣାରୁ ବୁଧବାର ରାତ୍ର...

ପୁରୀରେ ହାଜତ ମୃତ୍ୟୁକୁ ନେଇ ପୋଲିସ-ଜନତା ମୁହାଁମୁହିଁ: ଏନ୍‌ଏଚ୍‌ଆର୍‌ସି ଗାଇଡଲାଇନ୍‌ ଅନୁଯାୟୀ ତଦନ୍ତ ହେବ ବୋଲି କହିଲେ ଏସ୍‌ପି

ପୁରୀ ଅଫିସ, ୧୯।୧୧: ହାଜତ ମତ୍ୟୁକୁ ନେଇ ପୁରୀରେ ଗୁରୁବାର ଉତ୍ତେଜନା ଦେଖାଦେଇଛି। ପୋଲିସ ମାଡ଼ରେ କେ. ରମେଶଙ୍କ ମୃତ୍ୟୁ ହୋଇଥିବା ସମ୍ପର୍କୀୟ ଅଭିଯୋଗ କରିବା...

ମା’ଙ୍କ ଅନ୍ତିମ ସଂସ୍କାରରେ ଯୋଗ ଦେବାକୁ ଜେଲ୍‌ରୁ ବାହାରିଲେ ପୁଞ୍ଜିଲାଲ୍‌

ବଲାଙ୍ଗୀର ଅଫିସ,୧୨।୧: ବହୁଚର୍ଚ୍ଚିତ ପାଟଣାଗଡ଼ ପାର୍ସଲ ବୋମା ବିସ୍ଫୋରଣ ମାମଲାର ଅଭିଯୁକ୍ତ ପୁଞ୍ଜିଲାଲ ମେହେରଙ୍କ ମା’ ଇନ୍ଦୁମତୀ ମେହେର(୭୨)ଙ୍କ ଶୁକ୍ରବାର ରାତିରେ ବଲାଙ୍ଗୀର ଭୀମଭୋଇ ମେଡିକାଲ...

୨ ହଜାରରୁ ଊର୍ଦ୍ଧ୍ୱ ନମୁନାର ରାପିଡ୍‌ ଟେଷ୍ଟ

ଭୁବନେଶ୍ୱର, ୨୧ା୪ବ୍ୟୁରୋ): ରାଜଧାନୀକୁ ସଂକ୍ରମଣ ମୁକ୍ତ ଲକ୍ଷ୍ୟ ନେଇ ବିଏମ୍‌ସି ପକ୍ଷରୁ ରାପିଡ୍‌ ଟେଷ୍ଟ ଚାଲିଛି। ଏହି ଅଭିଯାନର ୩ୟ ଦିନ ସୋମବାରରେ ଭୁବନେଶ୍ୱରରୁ ୨ହଜାରରୁ...

ବାହାର ଦେଶକୁ କରୁଥିଲେ ବଜ୍ରକାପ୍ତା ଚୋରାଚାଲାଣ: ବନ୍ଧା ହେଲେ ପ୍ରଧାନଶିକ୍ଷକ

ଖୁଣ୍ଟୁଣୀ,୧ା୭(ଡି.ଏନ୍‌.ଏ)-ଆଠଗଡ଼ ବନଖଣ୍ଡରେ ବଜ୍ରକାପ୍ତା ଚୋରାଚାଲାଣ ଅଭିଯୋଗରେ ମୁଖ୍ୟ ଅଭିଯୁକ୍ତଙ୍କୁ ଖୁଣ୍ଟୁଣୀ ବନାଞ୍ଚଳ ପକ୍ଷରୁ ଗିରଫ କରାଯାଇ ବୁଧବାର କୋର୍ଟଚାଲାଣ କରାଯାଇଛି। ସେ ହେଲେ ବଡ଼ମ୍ବା ଥାନା...

Advertisement
Archives

Model This Week