ମୁମ୍ବାଇ: ବଲିଉଡ୍ ନାୟିକା ତଥା କ୍ରିକେଟର ବିରାଟ କୋହଲିଙ୍କ ସ୍ତ୍ରୀ ଅନୁଷ୍କା ଶର୍ମା ବିବାହ ପରଠାରୁ ବଡ ପରଦାଠାରୁ ଦୂରେଇ ରହିଥିବା ଦେଖାଯାଏ। ହେଲେ ସେ ସୋସିଆଲ ମିଡିଆରେ ସବୁବେଳେ ଥାଆନ୍ତି ଆକ୍ଟିଭ। ନିକଟରେ ସେ ତାଙ୍କ ଇନଷ୍ଟାଗ୍ରାମରେ ଏମିତି ଏକ ଭିଡିଓ ଶେୟାର କରିଛନ୍ତି ଯାହା ଆଲୋଚନାର ପରିସରକୁ ଆସିଯାଇଛି। ଉକ୍ତ ଭିଡିଓରେ ସେ ମୁମ୍ବାଇରେ ହେଉଥିବା ଲଗାଣ ବର୍ଷା ଓ ଏହାଦ୍ୱାରା ଉପୁଜିଥିବା ଟ୍ରାଫିକ ଜାମ୍ ସମସ୍ୟାକୁ ଦେଖାଇଛନ୍ତି। ଆଉ କିଛି ଫଟୋରେ ମଧ୍ୟ ଗାଡି ଗୁଡିକ ଲମ୍ବା ଧାଡିରେ ଠିଆ ହୋଇଥିବା ସେ ଦେଖାଇବାକୁ ଚାହିଁଛନ୍ତି। କେବଳ ସେତିକି ନୁହେଁ ଏହି ଟ୍ରାଫିକ୍ ଜାମ୍ ସମୟରେ ଲୋକେ କିଭଳି ଅସୁବିଧାର ସମ୍ମୁଖୀନ ହୁଅନ୍ତି ତାକୁ ଦେଖାଇବାକୁ ଯାଇ ସେ କାନ୍ଦିବାର ଅଭିନୟ କରି ଭିଓିଡଟି ପୋଷ୍ଟ କରିଛନ୍ତି। ହୁଏତ ମଜାଦାର ଢଙ୍ଗରେ ସେ ଏହି ଭିଡିଓଟି ତିଆରି କରିଛନ୍ତି। ହେଲେ ଜଣେ ସେଲିବ୍ରିଟି ବି ମୁମ୍ବାଇ ବର୍ଷାରୁ ବାଦ୍ ଯାଏ ନାହିଁ ତାହା ମଧ୍ୟ ଦେଖିବାକୁ ମିଳିଛି।
