ଜୋହାନ୍ସବର୍ଗ,୮।୫(ପି.ଟି.): ଦକ୍ଷିଣ ଆଫ୍ରିକା ପ୍ରଥମଶ୍ରେଣୀ କ୍ରିକେଟର ସୋଲୋ ଏନ୍କ୍ୱେନି କରୋନା ଭାଇରସ୍ ଟେଷ୍ଟରେ ପଜିଟିଭ୍ ବୋଲି ଜଣାପଡିଛି। ୨୫ ବର୍ଷୀୟ ଏହି କ୍ରିକେଟର ମଧ୍ୟ ଏକାଧିକ ସ୍ବାସ୍ଥ୍ୟଗତ ସମସ୍ୟ ଦେଇ ଗତି କରି ଆସୁଛନ୍ତି। ସେ ଏବେ ସ୍କଟଲାଣ୍ଡର ଆବେରଡିନ୍ରେ ଅଛନ୍ତି ଓ ଟୁଇଟ୍ କରି କରୋନା ଭାଇରସ୍ରେ ସଂକ୍ରମିତ ହୋଇଥିବା କଥା ଜଣାଇଛନ୍ତି। ତୃତୀୟ କ୍ରିକେଟର ଭାବେ ଏନ୍କ୍ୱେନି ସଂକ୍ରମିତ ହୋଇଛନ୍ତି। ତାଙ୍କୁ ପୂର୍ବରୁ ପାକିସ୍ତାନର ଜାଫର ସର୍ଫରାଜ ଓ ସ୍କଟଲାଣ୍ଡର ମାଜିଦ୍ ହକ୍ ମଧ୍ୟ କରୋନା ଭାଇରସ୍ରେ ପଜିଟିଭ ବୋଲି ଜଣାପଡିଥିଲା।
ଗତବର୍ଷ ବ୍ରିଟେନ ଚିକିତ୍ସା ପାଇଁ ଗ୍ରେଟ୍ ବ୍ରିଟେନ ଯାଇଥିଲି। ୧୦ ମାସ ଧରି ସ୍ନାୟବିକ୍ ଅସୁସ୍ଥା କାରଣରୁ ଚିକିତ୍ସିତ ହେଉଥିଲି। ମୋତେ ଟିବି ହୋଇଛି ଓ ମୋ ଲିଭର ମଧ୍ୟ ଫେଲ୍ମାରିଛି। ଏବେ କରୋନା ଭାଇରସ ଦ୍ୱାରା ସଂକ୍ରମିତ ହୋଇଛି। ମୋ ସହିତ ଏପରି କାହିଁକି ହେଉଛି ତାହା ଜାଣିପାରିନାହିଁ ବୋଲି ଏନ୍କ୍ୱେନି ଟୁଇଟ୍ କରି ଜଣାଇଛନ୍ତି। ୨୦୧୨ରେ ସେ ଦକ୍ଷିଣ ଆଫ୍ରିକା ପାଇଁ ୧୯ ବର୍ଷରୁ କମ୍ ବର୍ଗରେ ଖେଳିଥିଲେ। ଇଷ୍ଟର୍ନ ପ୍ରୋଭିନ୍ସ ପାଇଁ ଖେଳିବାକୁ ସେ ଚୁକ୍ତିବଦ୍ଧ ହୋଇଥିଳେ ଓ ଓ୍ବାରିୟର୍ସ ତରଫରୁ ଫ୍ରାଞ୍ଚାଇଜି କ୍ରିକେଟ ଖେଳିଥିଲେ। ସେ ଆମେରିଡିନସାୟାର ତରପରୁ ପେସାଦାର କ୍ରିକେଟ ଖେଳି ଆସୁଥିଲେ। ଆମେରଡିନ ରୟାଲ ଇନ୍ଫର୍ମାରୀରେ ସେ ଇଣ୍ଟୋନସିଭ କେୟାର ୟୁନିଟ୍ରେ ରହୁଛନ୍ତି।
