କରୋନା ଛୁଟିକୁ ନେଇ ଚିନ୍ତାରେ ଶିକ୍ଷା ବିଭାଗ: ଦଶମ ପିଲାଙ୍କୁ ମିଳିପାରେ ଅନ୍‌ଲାଇନ ଶିକ୍ଷା

ଭୁବନେଶ୍ୱର,୬ା୪(ବ୍ୟୁରୋ): ବିଶ୍ୱବ୍ୟାପୀ ମହାମାରୀର ରୂପ ନେଇଥିବା କରୋନା ବର୍ତ୍ତମାନ ସବୁକିଛି ଓଲଟପାଲଟ କରିଦେଇଛି। ସାଧାରଣ ଅବସ୍ଥା ଦେଇ କିଛି ଗତି କରୁନାହିଁ। ଏହାକୁ ରୋକିବା ଲାଗି ଏପ୍ରିଲ ୧୪ ତାରିଖ ପର୍ଯ୍ୟନ୍ତ ସମ୍ପୂର୍ଣ୍ଣ ଦେଶକୁ ଲକ୍‌ ଡାଉନ ଘୋଷଣା କରିଦିଆଯାଇଛି। ଆଗକୁ ଏହି ଭାଇରସ ଯୋଗୁ ଦେଶକୁ ଆହୁରି ଅଧିକ ସମୟ ଲକ୍‌ଡାଉନ ରଖାଯିବ ନା କେନ୍ଦ୍ର ସରକାର ଦେଇଥିବା ସମୟ ସୁଦ୍ଧା ସବୁକିଛି ବାସ୍ତବ ସ୍ଥିତିକୁ ଫେରିବ ତାହା ମଧ୍ୟ କହିବା ଅସମ୍ଭବ ହୋଇପଡ଼ିଛି। ଏହା ମଧ୍ୟରେ ଛାତ୍ରୀଛାତ୍ରଙ୍କ ଭବିଷ୍ୟତକୁ ନେଇ ସମସ୍ତ ଅଭିଭାବକ ଚିନ୍ତାରେ ପଡ଼ିଯାଇଛନ୍ତି। ନୂଆକରି ଦଶମ ଶ୍ରେଣୀରେ ପାଦ ଦେବାକୁ ଥିବା ଛାତ୍ରୀଛାତ୍ରମାନଙ୍କ ଭବିଷ୍ୟତକୁ ନେଇ ଅଭିଭାବକମାନେ ଅଧିକ ଚିନ୍ତାରେ ଅଛନ୍ତି। ଏ ପର୍ଯ୍ୟନ୍ତ ୯ମ ଶ୍ରେଣୀ ପିଲାଙ୍କ ଗୋଟିଏ ପରୀକ୍ଷା ଶେଷ ହୋଇପାରିନାହିଁ। ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ସବୁ ପିଲାଙ୍କ ପାଇଁ ଅଲ୍‌ ପାସ୍‌ ଲାଗୁ ହେବ ବୋଲି ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇ ନ ଥିଲେ ମଧ୍ୟ ସ୍କୁଲ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏହା ଘୋଷଣା କରିସାରିଛନ୍ତି। ହେଲେ ୯ମ ଶ୍ରେଣୀ ପିଲାଙ୍କ କ୍ଷେତ୍ରରେ ଅଲ୍‌ ପାସ୍‌ ବ୍ୟବସ୍ଥା ଲାଗୁ ହେବନାହିଁ ବୋଲି ମନ୍ତ୍ରୀ ସୂଚନା ଦେଇଛନ୍ତି। କିନ୍ତୁ ଏବେଠାରୁ ୯ମ ଶ୍ରେଣୀ ପିଲାଙ୍କୁ କିପରି ଅନ୍‌ ଲାଇନରେ ପାଠ ପଢ଼ାଯାଇପାରିବ ସେନେଇ ବିଭାଗ ଚିନ୍ତା କରିବା ଆରମ୍ଭ କରିଛି। ଏନେଇ ଗଣଶିକ୍ଷା ମନ୍ତ୍ରୀ ଆଗ୍ରହ ପ୍ରକାଶ କରିଥିବା ବେଳେ ଖୁବ୍‌ଶୀଘ୍ର ନିଷ୍ପତ୍ତି ନିଆଯିବ ବୋଲି ସେ ସୂଚନା ଦେଇଛନ୍ତି।
ଓଡ଼ିଆ ମିଡିୟମରେ ଦଶମ ଶ୍ରେଣୀ ବୋର୍ଡ ପରୀକ୍ଷା ଦେଇଥିବା ପିଲାମାନଙ୍କ ଖାତା ମୂଲ୍ୟାୟନ ଏ ପର୍ଯ୍ୟନ୍ତ ଶେଷ ହୋଇନାହିଁ। ଗୋଟିଏ ଦିନ ଖାତା ଦେଖା ହେବା ପରେ ଏହାକୁ ସ୍ଥଗିତ ରଖାଯାଇଛି। ଏଥର ଖାତା ଦେଖା ୨୦ଦିନ ହେବ ବୋଲି ଘୋଷଣା କରାଯାଇଥିଲା। ତେଣୁ ପରିସ୍ଥିତି ସ୍ବାଭାବିକ ହେବା ପରେ ଦଶମ ଖାତା ମୂଲ୍ୟାୟନ ଆରମ୍ଭ ହେବ। ସେହି ଅନୁଯାୟୀ ୯ମ ଶ୍ରେଣୀ ପିଲାଙ୍କ ଗୋଟିଏ ପରୀକ୍ଷା ହେବା ସହିତ ସେମାନଙ୍କ ଖାତା ମୂଲ୍ୟାୟନ ହୋଇ ପାସ୍‌ ଏବଂ ଫେଲ୍‌ ତାଲିକା ପ୍ରକାଶ ପାଇବ। ହେଲେ ପରିସ୍ଥିତିକୁ ଦେଖି ଏବେଠାରୁ ମନ୍ତ୍ରୀ ଦାଶ ଦଶମକୁ ଆସିବାକୁ ଥିବା ପିଲାମାନଙ୍କୁ ଏବେଠାରୁ ଅନ୍‌ଲାଇନରେ ପାଠ ପଢ଼ାଇବା ଦିଗରେ ଚିନ୍ତା ଆରମ୍ଭ କରିଛନ୍ତି। ଏନେଇ ସେ ଗଣଶିକ୍ଷା ସଚିବଙ୍କ ପରାମର୍ଶ ଲୋଡିଥିବା ବେଳେ ଚୂଡାନ୍ତ ନିଷ୍ପତ୍ତି ହୋଇନାହିଁ। ଯଥାଶୀଘ୍ର ଏହା ଉପରେ ଚୂଡାନ୍ତ ନିଷ୍ପତ୍ତି ନିଆଯିବ ବୋଲି ସେ କହିଛନ୍ତି।
ଅନ୍ୟପକ୍ଷରେ ସିବିଏସ୍‌ଇରେ ପଢୁଥିବା ଦଶମ ଶ୍ରେଣୀ ପିଲାମାନଙ୍କୁ ଏବେଠାରୁ ଅନ୍‌ଲାଇନରେ ପାଠ ପଢ଼ାଯାଉଥିବା ଜଣାପଡିଛି। ଏନେଇ ପୁରୀ ଡିଏଭି ସ୍କୁଲ ଅଧ୍ୟକ୍ଷ ସଙ୍ଗୀତା ପଟ୍ଟନାୟକଙ୍କୁ ପଚାରିବାରୁ ସେ କହିଛନ୍ତି ଯେ, ତାଙ୍କ ସ୍କୁଲରେ ଯେଉଁ ପିଲାମାନଙ୍କ ପାଠପଢ଼ାରେ କିଛି ଦ୍ୱନ୍ଦ୍ୱ ରହୁଛି ସେମାନେ ଶିକ୍ଷକମାନଙ୍କ ସହ ଯୋଗାଯୋଗ କରି ସମସ୍ୟା ଦୂର କରୁଛନ୍ତି। ସ୍କୁଲର ଶିକ୍ଷକମାନଙ୍କୁ ମଧ୍ୟ କୁହାଯାଇଛି, କେଉଁମାନେ କେତେବେଳେ ପାଠ ପଢ଼ାଇବେ। ଏନେଇ ଶିକ୍ଷକମାନଙ୍କୁ ନେଇ ଏକ ସ୍ଲଟ୍‌ ତିଆରି ହୋଇଥିବା ସେ କହିଛନ୍ତି। ସେହିପରି ଅନ୍ୟ କେତେକ ସିବିଏସ୍‌ଇ ସ୍କୁଲ ସହ ଯୋଗାଯୋଗ କରିବା ପରେ ମଧ୍ୟ ସେମାନଙ୍କର ଅନ୍‌ଲାଇନରେ ପାଠପଢ଼ା ଚାଲିଥିବା ଜଣାପଡ଼ିଛି। କିନ୍ତୁ ଓଡ଼ିଆ ମିଡ଼ିୟମରେ ଏହା ସମ୍ଭବ ନୁହେଁ ବୋଲି ଅନେକେ ମତ ରଖୁଛନ୍ତି। ସରକାର ପୂର୍ବରୁ ସେତିକି ସୁବିଧା କରିନାହାନ୍ତି, ଯାହାଦ୍ୱାରା ବର୍ତ୍ତମାନ ହଠାତ୍‌ ଅନ୍‌ଲାଇନ ଜରିଆରେ ପିଲାଙ୍କୁ ପାଠ ପଢ଼ାଯାଇପାରିବ ବୋଲି କେତେଜଣ ଶିକ୍ଷକ ମତ ରଖିଛନ୍ତି। ଭାର୍ଗବୀ ଉଚ୍ଚ ବିଦ୍ୟାଳୟର ବିଜ୍ଞାନ ଶିକ୍ଷକ ମାନସ ମିଶ୍ର କହିଛନ୍ତି ଯେ, ଅନ୍‌ଲାଇନ ବ୍ୟବସ୍ଥା ଥିଲେ ବହୁତ ଭଲ ହୋଇଥାଆନ୍ତା। ଏମିତି ମଧ୍ୟ ଦଶମକୁ ଆସିବାକୁ ଥିବା ପିଲାଙ୍କ ପାଠପଢ଼ାରେ ବ୍ୟାପକ ସମସ୍ୟା ହେବ। ସ୍କୁଲ ଖୋଲିବା ମାତ୍ରେ ଖାତା ଦେଖା ଆରମ୍ଭ ହେବ। ତେଣୁ ଦଶମ ଶ୍ରେଣୀରେ ପଢ଼ାଉଥିବା କୌଣସି ଶିକ୍ଷକ ସ୍କୁଲରେ ରହିବେ ନାହିଁ। ତେଣୁ ଅନ୍‌ଲାଇନ ବ୍ୟବସ୍ଥା କରାଯାଇ ପାରିଲେ ବହୁତ ଭଲ ହେବ ବୋଲି ସେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ରାଜ୍ୟବାସୀଙ୍କୁ ଦୋଳପୂର୍ଣ୍ଣିମାର ଶୁଭେଚ୍ଛା ଜଣାଇଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୧୮ା୩(ବ୍ୟୁରୋ): ପବିତ୍ର ଦୋଳ ପୂର୍ଣ୍ଣିମା ଅବସରରେ ଉତ୍ସବମୁଖର ହୋଇଛି ଗାଁଠୁ ସହର। ଏହି ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ମୁଖ୍ୟମନ୍ତ୍ରୀ ଟୁଇଟ୍‌...

ଭାଇରାଲ ହେଉଛି କରୋନା ଗୀତ: ଏକାଧିକ ହିନ୍ଦୀ ଫିଲ୍ମ ନିର୍ମାଣ ଯୋଜନାକୁ ସମାଲୋଚନା

ଭୁବନେଶ୍ୱର,୧୯।୩ (ବ୍ୟୁରୋ): ସମଗ୍ର ବିଶ୍ୱକୁ ଦୋହଲାଇ ଦେଇଛି ମହାମାରୀ କରୋନା। ସବୁଠି ଘାରିଛି ଏହି ଭୂତାଣୁ ସଂକ୍ରମଣର ଭୟ। ବୁଧବାର ସୁଦ୍ଧା ବିଶ୍ୱର ୧୬୭ ଦେଶକୁ...

ବିପଦ ସାଜିଲା ବ୍ଲୁ ଫ୍ଲାଗ୍‌ ବିଚ୍‌

ପୁରୀ ଅଫିସ,୨୯।୧୦: ବ୍ଲୁ ଫ୍ଲାଗ ବିଚ୍‌ ବାଥିଂ ଜୋନ୍‌ରେ ଗାଧୋଉଥିବାବେଳେ ବୁଡ଼ିଯାଇଥିବା ଜଣେ ଯୁକ୍ତ ଦୁଇ ଛାତ୍ରଙ୍କ ମୃତଦେହ ବୁଧବାର ହୋଟେଲ ପିଙ୍କ୍‌ ହାଉସ୍‌ ପଛ...

କୋର୍ଟ ଚାଲାଣ ହେଲେ ରୋଷଘର ଭାଙ୍ଗିଥିବା ଅଭିଯୁକ୍ତ

ପୁରୀ ଅଫିସ,୬ା୪: ଖୋର୍ଦ୍ଧା ଜିଲା ବେଗୁନିଆ ଥାନା ଅଞ୍ଚଳର ଜଗନ ମହାପାତ୍ରଙ୍କୁ ଶ୍ରୀମନ୍ଦିର ରୋଷଘର ଭାଙ୍ଗିବା ଅଭିଯୋଗରେ ବୁଧବାର କୋର୍ଟ ଚାଲାଣ କରାଯାଇଛି। ସୂଚନାଯୋଗ୍ୟ, ଜଗନ...

ରାୟଗଡ଼ା ପିଲା ପଢ଼ୁଛନ୍ତି ଆନ୍ଧ୍ର ସ୍କୁଲରେ

ରାୟଗଡ଼ା ଅଫିସ,୩୧ା୧୨: ପିଲା ଅଭାବ ଦର୍ଶାଇ ରାଜ୍ୟ ସରକାର ଅନେକ ସ୍କୁଲ ବନ୍ଦ କଲେ। ପରେ କରୋନା ଯୋଗୁ ଦୀର୍ଘ ୨ ବର୍ଷ ହେଲା ପ୍ରାଥମିକ...

୩୦ରୁ ୪୦ କିମି ବେଗରେ ବହୁଛି ପବନ, ଲାଗି ରହିଛି ବର୍ଷା

ଭୁବନେଶ୍ୱର,୫ା୧୨(ବ୍ୟୁରୋ): ବାତ୍ୟା ‘ଜଓ୍ବାଦ’ ଦୁର୍ବଳ ହେବା ପରେ ଅବପାତରେ ପରିଣତ ହୋଇ ଓଡ଼ିଶା ଉପକୂଳରେ ଘଣ୍ଟାପ୍ରତି ୧୮ କିଲୋମିଟର ବେଗରେ ଉତ୍ତର-ପୂର୍ବ ଦିଗ ଦେଇ ଗତି...

ଲାଗିବ ସିସିଟିଭି, ମରାମତି ହେବ ନାଟମଣ୍ଡପ

ପୁରୀ ଅଫିସ,୧୪।୫: ଭାରତୀୟ ପ୍ରତ୍ନତତ୍ତ୍ବ ସର୍ବେକ୍ଷଣ ସଂସ୍ଥା (ଏଏସ୍‌ଆଇ)ର ରାଜ୍ୟ ସୁପରିଣ୍ଟେଣ୍ଡେଣ୍ଟ ଅରୁଣ ମଲ୍ଲିକ ଶୁକ୍ରବାର ପୁରୀ ଆସି ଶ୍ରୀମନ୍ଦିର ପରିକ୍ରମା ପ୍ରକଳ୍ପ କାର୍ଯ୍ୟ ଓ...

ଭାଟସାହିରେ ଚୋର ଧରିବା ପାଇଁ ବୁଲିଲା ଖଟ: ଗାଁକୁ ୩ ଥର ଯାଇ ଖଟବୁଲାଳିଙ୍କୁ ଧରିପାରିଲାନି ପୋଲିସ

ନୟାଗଡ଼ ଅଫିସ,୨।୧୧: ନୟାଗଡ଼ ଜିଲା ଏସ୍‌ପିଙ୍କ କାର୍ଯ୍ୟାଳୟଠାରୁ ମାତ୍ର ୨ କିଲୋମିଟର ଦୂର ଭାଟସାହି ଗ୍ରାମରେ ଶୁକ୍ରବାର ଗ୍ରାମବାସୀ ଚୋର ଧରିବା ପାଇଁ ଖଟ ବୁଲାଇଥିଲେ।...

Advertisement
Archives

Model This Week