କରୋନାକୁ ନିଷ୍କ୍ରିୟ କରିବ ପ୍ରୋଟିନ

ବେଜିଂ,୨୮ା୫: ଚାଇନା ଏବଂ ଆମେରିକାର ଗବେଷେକମାନେ ମିଳିତ ଭାବେ ବ୍ୟାକ୍ଟେରିଆ ଦ୍ୱାରା କ୍ଷରିତ ୨ ପ୍ରୋଟିନ ଚିହ୍ନଟ କରିଛନ୍ତି, ଯାହା କରୋନା ଭୂତାଣୁ, ଡେଙ୍ଗୁ ଏବଂ ଏଚ୍‌ଆଇଭି ସମେତ ବିଭିନ୍ନ ଭୂତାଣକୁ ନିଷ୍କ୍ରିୟ କରିପାରେ। ଏହି ଅଧ୍ୟୟନ ସମ୍ପର୍କିତ ଏକ ନିବନ୍ଧକୁ ଆଧାରକରି ସରକାରଙ୍କ ଦ୍ୱାରା ପରିଚାଳିତ ଗ୍ଲୋବାଲ ଟାଇମ୍ସ ମଙ୍ଗଳବାର କହିଛି ଯେ, ଏହି ଫଳାଫଳ ଭବିଷ୍ୟତରେ ବ୍ରଡ୍‌-ସ୍ପେକ୍ଟ୍ରମ୍‌ ଆଣ୍ଟିଭାଇରାଲ ଔଷଧ ବିକାଶ ପାଇଁ ରାସ୍ତା ଦେଖାଇବ, ଯଦ୍ଦ୍ବାରା ଭୂତାଣୁ ଜନିତ ରୋଗ ଯୋଗୁ ସୃଷ୍ଟି ହେଉଥିବା କ୍ଲିନିକାଲ ଭାର ହ୍ରାସ ହୋଇପାରେ। ଭାଇରସ୍‌କୁ ପ୍ରତିହତ କରିବା ପାଇଁ ନିର୍ଦ୍ଦିଷ୍ଟ ଟିକା ଏବଂ ଆଣ୍ଟିଭାଇରାଲ ଔଷଧ ବିକାଶ ସାଧାରଣତଃ ବହୁତ ସମୟସାପେକ୍ଷ। ଠିକ୍‌ ସମୟରେ ନୂଆ ଭାଇରାଲ ରୋଗକୁ ବ୍ୟାପିବାରୁ ରୋକିବା ପାଇଁ ବ୍ରଡ୍‌-ସ୍ପେକ୍ଟ୍ରମ୍‌ ଆଣ୍ଟିଭାଇରାଲ ଔଷଧ ଗୁରୁତ୍ୱପୂର୍ଣ୍ଣ ହୋଇପାରେ ବୋଲି ନିବନ୍ଧରେ କୁହାଯାଇଛି।
ଗବେଷକମାନେ ପ୍ରଥମେ ଏଡିଶ ଏଜିପ୍ଟି ମଶାଙ୍କ ଅନ୍ତନଳୀରୁ ଏକ ମୃତ୍ତିକା ଜୀବାଣୁ ଚିହ୍ନଟ କରିଥିଲେ। ଏହାପରେ ସେମାନେ ଉକ୍ତ ଜୀବାଣୁର ଚରିତ୍ର ବର୍ଣ୍ଣନା କରିବା ପାଇଁ ସମ୍ପୂର୍ଣ୍ଣ ଜୀବାଣୁ ଜିନୋମ୍‌କୁ ପର୍ଯ୍ୟାୟକ୍ରମ କରି ଦୁଇଟି ପ୍ରୋଟିନ ଚିହ୍ନଟ କରିଥିଲେ। ତାହା ଡେଙ୍ଗୁ ଭୂତାଣୁ, ଏଚ୍‌ଆଇଭି ଏବଂ କରୋନା ସମେତ ଅନେକ ଭୂତାଣୁକୁ ଫଳପ୍ରଦ ଭାବେ ଦୁର୍ବଳ କରିପାରେ ବୋଲି ନିବନ୍ଧରେ ଦର୍ଶାଯାଇଛି। ଦୁଇ ପ୍ରୋଟିନ୍‌ରେ ଲିପେଜ୍‌ (ଏକ ପ୍ରକାର ପ୍ରୋଟିନ, ଯାହା ଅଗ୍ନାଶୟ, ପେଟ ଓ ପାଟିରୁ ଉତ୍ପନ୍ନ ହୁଏ। ଖାଦ୍ୟ ହଜମ ଏବଂ ରକ୍ତରେ ଶର୍କରା ନିୟନ୍ତ୍ରଣରେ ଏହା ସାହାଯ୍ୟ କରେ)ର ପ୍ରଭାବ କ୍ଷେତ୍ର ରହିଛି ବୋଲି ନିବନ୍ଧରୁ ଜଣାପଡ଼ିଛି। କିଛି ଲିପେଜ୍‌ ଦ୍ୱାରା ଶକ୍ତିଶାଳୀ ଆଣ୍ଟିଭାଇରାଲ କାର୍ଯ୍ୟକଳାପ ସୃଷ୍ଟି ହେଉଥିବା ପ୍ରମାଣ ରହିଛି। ଉଦାହରଣ ସ୍ବରୂପ ଲିପୋପ୍ରୋଟିନ ଲିପେଜ୍‌ କିମ୍ବା ହେପାଟିକ୍‌ ଟ୍ରାଇଗ୍ଲାଇସେରାଇଡ୍‌ ଲିପେଜ୍‌ ହେପାଟାଇଟିସ୍‌ ସି ଭୂତାଣୁ ସଂକ୍ରମଣକୁ ଦୁର୍ବଳ କରିପାରେ ବୋଲି ୨୦୧୦ରେ ହୋଇଥିବା ଏକ ଅଧ୍ୟୟନରୁ ଜଣାପଡ଼ିଛି। ସେହିପରି ୨୦୧୭ରେ ଅନ୍ୟ ଏକ ଅଧ୍ୟୟନ ଦର୍ଶାଇଛି ଯେ, ନାଜା ମୋସାମ୍ବିକା ସାପ ବିଷରୁ ବିଚ୍ଛିନ୍ନ କରାଯାଇଥିବା ‘ଫସ୍‌ଫୋଲିପେଜ୍‌ ଏ୨’ ହେପାଟାଇଟିସ୍‌ ସି, ଡେଙ୍ଗୁ ଏବଂ ଜାପାନିଜ ଏନ୍‌ସେଫାଲାଇଟିସ୍‌ ଭୂତାଣୁକୁ ନିଷ୍କ୍ରିୟ କରିବାରେ ସଫଳ ହେଉଛି।
ଉପରୋକ୍ତ ଅନୁସନ୍ଧାନରେ ସିଙ୍ଗୁଆ ୟୁନିଭର୍ସିଟି ଏବଂ ବେଜିଂର ମିଲିଟାରି ମେଡିକାଲ ସାଇନ୍ସ ଏକାଡେମୀ, ଦକ୍ଷିଣ ଚାଇନାର ଶେନଝେନସ୍ଥିତ ରୋଗ ନିରାକରଣ ଏବଂ ନିୟନ୍ତ୍ରଣ କେନ୍ଦ୍ର ଏବଂ ଆମେରିକାର କନେକ୍ଟିକଟ୍‌ ବିଶ୍ୱବିଦ୍ୟାଳୟର ଗବେଷକ ଦଳ ଅଂଶଗ୍ରହଣ କରିଥିଲେ।


Enter your email to get our daily news in your inbox.

All Right Reserved By Dharitri.Com

ଫିଲିପାଇନ୍ସ ଜଳସୀମାରେ ୨୨୦ ଚାଇନା ଜାହାଜ

ମାନିଲା,୨୨।୩: ଦକ୍ଷିଣ ଚାଇନା ସାଗରର ବିବାଦୀୟ ଅଞ୍ଚଳରେ ଚାଇନାର ୨୨୦ ଜାହାଜ ପଇଁତରା ମାରିବା ଘଟଣାରେ ଫିଲିପାଇନ୍ସ ଉଦ୍‌ବେଗ ପ୍ରକାଶ କରିଛି। ମାର୍ଚ୍ଚ ୭ରେ ଏହି...

ରାଜ୍ୟରୁ ପୁଣି ୭ ମୁଣ୍ଡ ନେଲା କରୋନା

ଭୁବନେଶ୍ୱର,୨୫।୯(ବ୍ୟୁରୋ): ରାଜ୍ୟରେ ଶନିବାର କରୋନା ଆଉ ୭ ଜଣଙ୍କ ଜୀବନ ନେଇଛି। ଏଥିସହ ରାଜ୍ୟରେ ମୋଟ ମୃତ୍ୟୁ ସଂଖ୍ୟା ୮,୧୭୦କୁ ବୃଦ୍ଧି ପାଇଛି। ୭ ମୃତକଙ୍କ...

କରୋନା ବିରୋଧୀ ଲଢେଇ: ଜୁନ ୩୦ ଯାଏ ବଢିଲା ଆଇଟି ରିଟର୍ନ ଅବଧି, ବିନା ଚାର୍ଜରେ ବ୍ୟବହାର କରିହେବ ବିଭିନ୍ନ ଏଟିଏମ୍‌

ନୂଆଦିଲ୍ଲୀ,୨୪-୩: କରୋନା ପ୍ରତିରୋଧ ଲାଗି ଏବେ ସାରା ଦେଶରେ ଲକ୍‌ଡାଉନ ଘୋଷଣା କରାଯାଇଛି। ଏଥିଲାଗି ଦେଶର ଅର୍ଥ ବ୍ୟବସ୍ଥା ଗଭୀର ଭାବେ ପ୍ରଭାବିତ ହେଉଛି। କ୍ଷତିଗ୍ରସ୍ତ...

ଚାଇନାରେ ଓ୍ବାଇଫା ବାତ୍ୟା: ରାସ୍ତାରେ ଖେଳିଲେ ମାଛ

ବେଜିଂ,୪।୮: ଚାଇନାରେ ଓ୍ବାଇଫା ବାତ୍ୟା ଯୋଗୁ ରାସ୍ତା ଘାଟ ପାଣିରେ ଭରି ଯାଇଛି। ଫଳରେ ରାସ୍ତାରେ ବଡ଼ ବଡ଼ ମାଛ ଖେଳୁଥିବା ଦେଖିବାକୁ ମିଳିଛି। ଲୋକେ...

ଅଧିକ ଆଞ୍ଚରେ ପ୍ରସ୍ତୁତ ଖାଦ୍ୟ ଖାଇଲେ ବଢେ ହୃଦ୍‌ରୋଗ ଆଶଙ୍କା

ଅଧିକ ଆଞ୍ଚରେ ରନ୍ଧା ଖାଦ୍ୟ ଖାଇବା ଦ୍ୱାରା କ୍ୟାନସର୍‌ ଏବଂ ହୃଦ୍‌ରୋଗ ଆଶଙ୍କା ବଢ଼ିଥାଏ। ନିକଟରେ ହୋଇଥିବା ଏକ ଗବେଷଣାରୁ ଏହା ଜାଣିବାକୁମିଳିଛି।  ଏଡିନବର୍ଗ ୟୁନିଭର୍ସିଟି...

ଜୋତା-ଚପଲ ଦ୍ୱାରା ବି ହୋଇପାରେ କରୋନା ସଂକ୍ରମଣ !

ଓ୍ବାଶିଂଟନ,୨୯।୩: କରୋନା ସଂକ୍ରମଣଠାରୁ ଦୂରେଇ ରହିବା ପାଇଁ ସାରା ପୃଥିବୀରେ ବିଭିନ୍ନ ରାଷ୍ଟ୍ର ପକ୍ଷରୁ ବିଶ୍ୱ ସ୍ବାସ୍ଥ୍ୟ ସଂଗଠନ ଦ୍ୱାରା ଜାରି ହୋଇଥିବା ମାର୍ଗଦର୍ଶିକାକୁ ପାଳନ...

ଟ୍ୟାକ୍ସି ଡ୍ରାଇଭରଙ୍କ ଭାଗ୍ୟ ଖୋଲିଲା, ଲଟେରୀରେ ଜିଣିଲେ ୪୦ କୋଟି…

ଦୁବାଇ,୮।୭: ଦୁବାଇରେ ଜଣେ ଭାରତୀୟ ଟ୍ୟାକ୍ସି ଡ୍ରାଇଭରଙ୍କ ଭାଗ୍ୟ ରାତାରାତି ପରିବର୍ତ୍ତନ ହୋଇଛି। ସେ ଲଟେରୀ ଜିଣି ୪୦ କୋଟି ଟଙ୍କା ପାଇଛନ୍ତି। କେରଳର ରଞ୍ଜିତ୍‌...

ମାସ୍କ୍‌ କରୋନାଠୁ କେତେଦୂର ଦେଇ ପାରିବ ସୁରକ୍ଷା

ଓ୍ବାଶିଂଟନ,୨୨।୩: କରୋନା ସଂକ୍ରମଣରୁ ଦୂରେଇ ରହିବା ପାଇଁ ସ୍ବାସ୍ଥ୍ୟ ବିଶେଷଜ୍ଞ ବିଭିନ୍ନ ଉପାୟ ସମ୍ପର୍କରେ ପରାମର୍ଶ ଦେଉଛନ୍ତି। ସେଥିମଧ୍ୟରୁ ମାସ୍କ୍‌ର ବ୍ୟବହାର କରିବା, ନିୟମିତ ଭାବେ...

Advertisement
Archives

Model This Week