କଣ୍ଠଶିଳ୍ପୀମାନେ ଓଡ଼ିଶାର ପରମ୍ପରାକୁ ନ ଭୁଲନ୍ତୁ: ଶ୍ୟାମାମଣୀ

କଟକ ଜିଲା ବାଙ୍କୀ ବ୍ଲକ ଅନ୍ତର୍ଗତ ସୁବର୍ଣ୍ଣପୁର ଗ୍ରାମରେ ୧୯୩୮ ଡିସେମ୍ବର ୨୧ରେ ଜନ୍ମଗ୍ରହଣ କରିଥିଲେ ବିଶିଷ୍ଟ ଓଡ଼ିଶୀ କଣ୍ଠସଙ୍ଗୀତ ଶିଳ୍ପୀ ଡ. ଶ୍ୟାମାମଣୀ ଦେବୀ। ସେ ପିଲାବେଳେ ଘର ପିଣ୍ଡାରେ ବସି ପାଲାଗୀତ ଶୁଣିଶୁଣି ସଙ୍ଗୀତ ପ୍ରତି ଆକୃଷ୍ଟ ହୋଇଥିଲେ। ୧୨ ବର୍ଷ ବୟସରେ ସେ ଆକାଶବାଣୀ କେନ୍ଦ୍ରରେ କାମ କରିବା ଆରମ୍ଭ କରିଥିଲେ। ଶ୍ୟାମାମଣୀଙ୍କ ବଡ଼ବାପା ହେଉଛନ୍ତି କବିଚନ୍ଦ୍ର କାଳିଚରଣ ପଟ୍ଟନାୟକ। କଳା ପ୍ରତି ରୁଚି ରଖିଥିଲେ ମଧ୍ୟ ପିଲାବେଳେ ଅନେକ ବିରୋଧର ସେ ସମ୍ମୁଖୀନ ହୋଇଥିଲେ। ହେଲେ ତାଙ୍କର ଯାତ୍ରା ଅଟକି ନ ଥିଲା। ପ୍ରାୟ ୭ ଦଶନ୍ଧି ଧରି ଓଡ଼ିଶୀ ସଙ୍ଗୀତରେ କଣ୍ଠଦାନ କରି ଦେଶ ବିଦେଶରେ ସେ ପ୍ରସିଦ୍ଧି ଲାଭ କରି ସାରିଲେଣି। ୧୯୫୮ରେ ଦେଶର ପ୍ରଥମ ରାଷ୍ଟ୍ରପତି ଡ. ରାଜେନ୍ଦ୍ର ପ୍ରସାଦଙ୍କ ଠାରୁ ପୁରସ୍କୃତ ହୋଇଥିବା ଶ୍ୟାମାମଣୀ ଏବେସୁଦ୍ଧା ଅନେକ ପୁରସ୍କାରର ଅଧିକାରୀ ହୋଇସାରିଲେଣି। ଓଡ଼ିଶା ସଙ୍ଗୀତ ନାଟକ ଏକାଡେମୀର ୨୦୧୭ ବର୍ଷ ନିମନ୍ତେ ସର୍ବୋଚ୍ଚ ସମ୍ମାନ ତଥା ‘କବି ସମ୍ରାଟ ଉପେନ୍ଦ୍ର ଭଞ୍ଜ ସମ୍ମାନ’ ପାଇବାକୁ ସେ ମନୋନୀତ ହୋଇଛନ୍ତି। ଡ.ଶ୍ୟାମାମଣୀଙ୍କ ସହ ଧରିତ୍ରୀର ସ୍ବତନ୍ତ୍ର ସାକ୍ଷାତକାର।

ରାଜ୍ୟର ଏକ ମର୍ଯ୍ୟାଦାଜନକ ସମ୍ମାନ ପାଇବାକୁ ମନୋନୀତ ହୋଇଛନ୍ତି। କିପରି ଅନୁଭବ ହେଉଛି?
-ଖୁସି ଲାଗୁଛି। ହେଲେ ଅତ୍ୟଧିକ ଖୁସି ନୁହେଁ। ପିଲାବେଳୁ ମୋ ଗୁଣ ହିଁ ସେମିତି। ଖୁସି ଖବରରେ ଅଧିକ ଖୁସି ହୁଏନି କିମ୍ବା ଦୁଃଖ ଖବର ମୋତେ ଅଧିକ ମ୍ରିୟମାଣ କରେନି। ତଥାପି କଳା ପାଇଁ ପୁରସ୍କୃତ ହେବା ଜଣେ କଳାକାର ପାଇଁ ବଡ଼ କଥା। ରାଜ୍ୟବାସୀଙ୍କର ଭଲପାଇବା ପାଇଲି। ଆଜିପର୍ଯ୍ୟନ୍ତ ମିଳିଥିବା ସମସ୍ତ ସମ୍ମାନକୁ ମୁଁ ସମ୍ମାନ ଜଣାଏ।

ସଙ୍ଗୀତ ଦୁନିଆରେ ଏତେ ବର୍ଷର ଯାତ୍ରା କିପରି ରହିଛି?
-ବହୁତ ଲମ୍ବା ଯାତ୍ରା। ସ୍ବର୍ଗତ ଅକ୍ଷୟ ମହାନ୍ତିଙ୍କ ଠାରୁ ଆରମ୍ଭ କରି ବମ୍ବେ ଯାଇ ଅନେକ ନାମୀଦାମୀ ସଙ୍ଗୀତକାରଙ୍କ ସହ କାର୍ଯ୍ୟ କରିଛି। ବିଭିନ୍ନ ଭାଷାର ଗୀତରେ କଣ୍ଠଦାନ କରିଛି। ଓଡ଼ିଆ ଚଳଚ୍ଚିତ୍ରରେ ମଧ୍ୟ ଗୀତ ଗାଇବାର ସୁଯୋଗ ପାଇଛି। ଏପରି କି ପାରାଦୀପ ପୋର୍ଟ, ହୀରାକୁଦ ଡ୍ୟାମ୍‌, ରାଉରକେଲା ଷ୍ଟିଲ ପ୍ଲାଣ୍ଟଠାରୁ ଆରମ୍ଭ କରି ଓଡ଼ିଶାର ଅନେକ ପ୍ରମୁଖ ସ୍ଥାନର ଉଦ୍‌ଘାଟନୀ ଉତ୍ସବରେ ଗୀତ ଗାଇଛି।

ସବୁଠାରୁ ସ୍ମରଣୀୟ ମୁହୂର୍ତ୍ତ କ’ଣ?
– ଯେବେ ଦେଶର ଶ୍ରେଷ୍ଠ କଣ୍ଠଶିଳ୍ପୀ ଲତା ମଙ୍ଗେସକରଙ୍କୁ ଭେଟିଥିଲି, ତାହା ମୋ ପାଇଁ ସବୁଠାରୁ ସ୍ମରଣୀୟ ମୁହୂର୍ତ୍ତ। ତାଙ୍କ ପାଦ ଛୁଇଁବା ମୋ ପାଇଁ ସ୍ବପ୍ନ ଭଳି ଥିଲା। ସବୁବେଳେ ତାଙ୍କ ପାଦ ଛୁଇଁବାକୁ ସୁଯୋଗ ଖୋଜୁଥିଲି। ହେଲେ ଦିନେ ତାଙ୍କୁ ତାଙ୍କ ବାସଭବନରେ ଭେଟିବାର ଅପୂର୍ବ ସୁଯୋଗ ମିଳିଲା। ସେଦିନ ତାଙ୍କ ପାଦ ଛୁଉଁଛୁଉଁ ଭୋଭୋ କରି କାନ୍ଦି ଉଠିଥିଲି।

ଓଡ଼ିଶୀ ଗୀତ ଗାଉଥିବା ଆଗାମୀ ପିଢ଼ିର କଣ୍ଠଶିଳ୍ପୀଙ୍କ ପାଇଁ ବାର୍ତ୍ତା କ’ଣ ଦେବେ?
-ଏବେ ଗୀତ ପ୍ରତି ରୁଚି ରଖୁଥିବା ଯୁବପିଢ଼ି ଦ୍ୱନ୍ଦ୍ୱରେ ରହୁଛନ୍ତି। ଗୀତ ଦୁନିଆ ଏବେ ବିଶାଳ ହେଲାଣି। ବିଭିନ୍ନ ପ୍ରକାରର ଗୀତ ତିଆରି ହେଉଛି। ଫ୍ୟୁଜନ କରାଯାଉଛି। ହେଲେ ଯିଏ ଯେଉଁ ଗୀତ ଗାଉନା କାହିଁକି ଓଡ଼ିଶାର ମୂଳ ପରମ୍ପରାକୁ ଭୁଲି ନ ଯାଉ। ଏହା ହିଁ ଆମର ପରିଚୟ।


Enter your email to get our daily news in your inbox.

All Right Reserved By Dharitri.Com

ରାଜ୍ୟରେ ୩,୧୩୬ ଏମ୍‌ଏସ୍‌ଏମ୍‌ଇ ବନ୍ଦ

ଭୁବନେଶ୍ୱର,୧୫ା୧୦(ବ୍ୟୁରୋ):କୋଭିଡ୍‌-୧୯ ବ୍ୟବସାୟିକ ବାଣିଜ୍ୟକୁ ବିଶେଷଭାବେ ପ୍ରଭାବିତ କରିଛି। ଏହି ମହାମାରୀ ଯୋଗୁ ଷ୍ଟାର୍ଟଅପ୍‌ଗୁଡ଼ିକ ସର୍ବାଧିକ କ୍ଷତି ସହିଛନ୍ତି। ଦୀର୍ଘ ୬ମାସ ଧରି ବ୍ୟବସାୟ ବନ୍ଦ ଯୋଗୁ...

ଓଡ଼ିଶା ଫେରିବ କେନ୍ଦ୍ରୀୟ ପଣ୍ୟାଗାର କାର୍ଯ୍ୟାଳୟ

ଭୁବନେଶ୍ୱର,୧୯।୮(ବ୍ୟୁରୋ) :କେନ୍ଦ୍ରୀୟ ପଣ୍ୟାଗାର ନିଗମର ଆଞ୍ଚଳିକ କାର୍ଯ୍ୟାଳୟ ଓଡ଼ିଶା ଫେରିବ ବୋଲି ଜଣାପଡିଛି। ହାଇକୋର୍ଟ ଏନେଇ ସ୍ଥଗିତାଦେଶ ଦେବା ପରେ ଖାଦ୍ୟ ଯୋଗାଣ ମନ୍ତ୍ରୀ ରଣେନ୍ଦ୍ର...

ଅସ୍ଥାୟୀ ଆଶ୍ରୟସ୍ଥଳ ଦେଇଛି ଆହାର

କେନ୍ଦୁଝର, ୩୧ା୩ (ନରେଶ ପଟ୍ଟନାୟକ)-କରୋନା ପାଇଁ ସମଗ୍ର ବିଶ୍ୱ ବର୍ତ୍ତମାନ ଆତଙ୍କିତ ଅବସ୍ଥାରେ। ଏହା ଚାରିଆଡ଼େ ତାହାର କାୟା ବିସ୍ତାର କରିବାରେ ଲାଗିଛି। ସମଗ୍ର ବିଶ୍ୱରେ...

ଭତାରୁ ବଁଚିତ୍‌ ଅଟେଁନ, ସୁରୁସିଂ

ଲାଠୋର, ୨୧।୧ (ଡି.ଏନ୍‌.ଏ.)- ବଲାଙ୍ଗୀର ଜିଲା ତୁରେକେଲା ବ୍ଲକ ଢୋଲମାନ୍ଦଲ ପଁଚେତ୍‌ ସଦର ଗଁାର ବିଧବା ମହିଲା ଅଟେଁନ ମାଝି ଆର ତୁରେକେଲାର ସୁରୁସିଂ ମଲ୍ଲିକକଁର...

ବେଆଇନ ବାଣ କାରଖାନାରେ ଚଢ଼ାଉ,୩ ଗିରଫ

ଆସିକା,୧୦ା୯(ଡି.ଏନ୍‌.ଏ.)- ଗଞ୍ଜାମ ଜିଲା ଆସିକା ଥାନା ନଳବଣ୍ଟା ଗ୍ରାମରେ ବେଆଇନ ଭାବେ ଚାଲିଥିବା ୭ ବାଣ କାରଖାନା ଉପରେ ପୋଲିସ ସୋମବାର ଚଢ଼ାଉ କରିଥିଲା। ସେଠାରୁ...

ଆଜି ବନ୍ଦ ଡାକରା

ଭୁବନେଶ୍ୱର,୮।୧(ବ୍ୟୁରୋ):ରାସ୍ତାରେ ଗାଡ଼ି ଗଡ଼ିବନି। ଦୋକାନ ବଜାର, ବ୍ୟାଙ୍କ, ଶିକ୍ଷାନୁଷ୍ଠାନ ବନ୍ଦ ହେବ। ୧୨ ଦଫା ଦାବି ନେଇ କେନ୍ଦ୍ରୀୟ ଟ୍ରେଡ ୟୁନିୟନ ପକ୍ଷରୁ ବୁଧବାର ଦେଶବ୍ୟାପୀ...

ଦାଦାବଟି ଆଦାୟ ଅଭିଯୋଗ: ଯୁବ କଂଗ୍ରେସ ନେତା ଗିରଫ

କଟକ ଅଫିସ, ୯ା୧୨: ଖ୍ରୀଷ୍ଟ ମହାବିଦ୍ୟାଳୟ ଓ ବକ୍ସିବଜାର ଅଞ୍ଚଳରେ ଆତଙ୍କରାଜ ଚଳାଇବା ଏବଂ ଦାଦାବଟି ଆଦାୟ କରିବା ଅଭିଯୋଗରେ କ୍ୟାଣ୍ଟନମେଣ୍ଟ ଥାନା ପୋଲିସ ଯୁବ...

ମଧ୍ୟାହ୍ନଭୋଜନ ଟଙ୍କା ଖାଇଗଲେ ପ୍ରଧାନ ଶିକ୍ଷକ

ବାସୁଦେବପୁର,୮ା୩: ଭଦ୍ରକ ଜିଲା ବାସୁଦେବପୁର ବ୍ଲକ କାନ୍ତିପୁର ୟୁପି ସ୍କୁଲର ମଧ୍ୟାହ୍ନ ଭୋଜନ ଟଙ୍କା ହଡ଼ପ ଅଭିଯୋଗରେ ଭାରପ୍ରାପ୍ତ ପ୍ରଧାନ ଶିକ୍ଷକ ଅରୁଣ କୁମାର ନାୟକଙ୍କୁ...

Advertisement


Archives

Model This Week

Why Dharitri