ଓସିଏ ଭୋଟର୍‌ ତାଲିକାକୁ ନେଇ ବିବାଦ

ବ୍ରହ୍ମପୁର ଅଫିସ୍‌,୧୫ା୯-ଅନେକ ବର୍ଷ ପରେ ଓଡ଼ିଶା କ୍ରିକେଟ ଆସୋସିଏଶନ୍‌(ଓସିଏ) ନିର୍ବାଚନ ହେବାକୁ ଯାଉଛି । ଆସନ୍ତା ୨୭ତାରିଖରେ ନିର୍ବାଚନ ହେବ। ଏଥିରେ ମୋଟ ୭୩ଜଣ ଭୋଟର୍‌ଙ୍କ ନାମ ପ୍ରକାଶ କରାଯାଇଛି। ଭୋଟର୍‌ ହେବା ପାଇଁ ବିଭିନ୍ନ ସଂଘ ଏବଂ ଅନ୍ୟାନ୍ୟ ସଂସ୍ଥାଗୁଡ଼ିକରୁ ଆବେଦନ କରାଯାଇଥିଲେ ମଧ୍ୟ ମାତ୍ର ୭୩ ନାମକୁ ହିଁ ସ୍ବୀକୃତି ମିଳିଛି । ଗଞ୍ଜାମ ଜିଲା କ୍ରିକେଟ ସଂଘ(ଜିଡିସିଏ) ତରଫରୁ ସମ୍ପାଦକ ଅଶୋକ କୁମାର ସାହୁଙ୍କ ନାମ ଭୋଟର୍‌ ତାଲିକାରେ ରହିଛି । ଏହାକୁ ନେଇ ବିବାଦ ଦେଖାଦେଇଛି। କାରଣ ଜିଡିସିଏ ପଦାଧିକାରୀଙ୍କୁ ନେଇ ପୂର୍ବରୁ ଅନେକ ବିବାଦ ସୃଷ୍ଟି ହୋଇଥିଲା। ଏଣୁ ଭୋଟର୍‌ ତାଲିକାରେ ଅଶୋକଙ୍କ ନାମକୁ ଚ୍ୟାଲେଞ୍ଜ କରିଛନ୍ତି ସଭାପତି ରମେଶ ଚନ୍ଦ୍ର ପାତ୍ର। ଏନେଇ ସେ ଲିଖିତ ଭାବେ ଓସିଏ ନିର୍ବାଚନ ଅଧିକାରୀ ଏମ୍‌.ଏଲ୍‌.ମଜୁମଦାର୍‌, ବିସିସିଆଇ ପାଇଁ ସୁପ୍ରିମ୍‌କୋର୍ଟ ପକ୍ଷରୁ ନିଯୁକ୍ତ ଆମିକଶ୍‌କ୍ୟୁରୀ ପି.ଏସ୍‌. ନରସିଂହାଙ୍କୁ ଜଣାଇଛନ୍ତି ।
ଚିଠିରେ ସଭାପତି ରମେଶ ଉଲ୍ଲେଖ କରିଛନ୍ତି, ଜିଡିସିଏର ଅଧିକାଂଶ ସଦସ୍ୟ ଏବଂ ପ୍ରତିଷ୍ଠାତା ଓ ଆଜୀବନ ସଦସ୍ୟମାନେ ତାଙ୍କ ନାମକୁ ଭୋଟର୍‌ ତାଲିକାରେ ଯୋଡ଼ିବାକୁ ଓସିଏକୁ ପ୍ରସ୍ତାବ ଦେଇଛନ୍ତି। ପୂର୍ବରୁ ସଂଘ ପଦାଧିକାରୀଙ୍କ ନାମକୁ ନେଇ ବିବାଦ ସୃଷ୍ଟି ହୋଇଥିଲା। ଏ ସମ୍ପର୍କିତ ଏକ ମାମଲା ଆଡିସିନାଲ୍‌ ସିନିୟର୍‌ ସିଭିଲ ଜଜ୍‌ଙ୍କ କୋର୍ଟରେ ରୁଜୁ ହୋଇଥିଲା। ଶୁଣାଣି ପରେ ସଂଘ ସଭାପତି ଭାବେ ରମେଶଙ୍କ ନାମକୁ ସ୍ବୀକୃତି ମିଳିଥିଲା।
ଅନ୍ୟପଟେ ଗତ ବର୍ଷ ଜୁଲାଇରେ ସଂଘ ପଦାଧିକାରୀ ନିର୍ବାଚନ ଅନୁଷ୍ଠିତ ହୋଇଥିଲା। ହେଲେ ଏହି ନିର୍ବାଚନକୁ ନେଇ ପୁଣି ଥରେ ବିବାଦ ସୃଷ୍ଟି ହୋଇଥିଲା ।
ମତଦାନ ହୋଇଥିଲେ ମଧ୍ୟ ଫଳାଫଳ ଶୁଣାଣି ଉପରେ ରୋକ୍‌ ଲଗାଇଥିଲେ ଜିଲା ଜଜ୍‌ କୋର୍ଟ। ଏଯାଏ ନିର୍ବାଚନ ଫଳ ଘୋଷଣା ହୋଇନାହିଁ। ଏଭଳି ସ୍ଥଳେ ଅଶୋକଙ୍କ ନାମ ଓସିଏ ଭୋଟର୍‌ ତାଲିକାରେ କେମିତି ରହିଲା ବୋଲି ସେ ପ୍ରଶ୍ନ ଉଠାଇଛନ୍ତି । ଜିଡିସିଏ ପକ୍ଷରୁ କେବଳ ସେ ହିଁ ଭୋଟର୍‌ ତାଲିକାରେ ରହିପାରିବେ ବୋଲି ରମେଶ ନିଜ ଚିଠିରେ ଉଲ୍ଲେଖ କରିଛନ୍ତି । ଏପରିକି ଜିଡିସିଏ ପଦାଧିକାରୀଙ୍କୁ ନେଇ ବିଭିନ୍ନ କୋର୍ଟରେ ରୁଜୁ ହୋଇଥିବା ମାମଲା ଏବଂ ତାର ଶୁଣାଣିଗୁଡ଼ିକର ନକଲ ସେ ନିଜ ଦାବିପତ୍ର ସହ ଯୋଡ଼ିଛନ୍ତି। ଏଥି ସହ ଓସିଏର ପୂର୍ବ ପଦାଧିକାରୀଙ୍କୁ ମଧ୍ୟ ସେ ଏହି ମାମଲାରେ ସମାଲୋଚନା କରିଛନ୍ତି।
ଉପରେ ଅଧିକାରକୁ ନେଇ ଅନେକ ବର୍ଷ ହେଲା ବିବାଦ ଲାଗି ରହିଛି। ପୂର୍ବରୁ ଏ ସମ୍ପର୍କରେ ଏକ ମାମଲା ବ୍ରହ୍ମପୁର ଆଡିସିନାଲ୍‌ ସିନିୟର୍‌ ସିଭିଲ ଜଜ୍‌ଙ୍କ କୋର୍ଟରେ ଚାଲିଥିଲା।
୨୦୧୮ ଫେବୃୟାରୀ ୨୮ରେ କୋର୍ଟ ଏହାର ରାୟ ଶୁଣାଇଥିଲେ। ୨୦୦୫ ମାର୍ଚ୍ଚ ୬ରେ ସଂଘର ଯେଉଁ ପଦାଧିକାରୀମାନେ ରହିଥିଲେ, ସେମାନେ ପୁନଃ ସେହି ପଦବୀଗୁଡ଼ିକରେ ରହିବେ ବୋଲି କୋର୍ଟ ରାୟ ଦେଇଥିଲେ। ଏଥି ସହ ପୁଣି ଥରେ ନିର୍ବାଚନ କରିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ। କୋର୍ଟଙ୍କ ନିର୍ଦ୍ଦେଶ ପରେ ଜିଡିସିଏ ନିର୍ବାଚନ ପାଇଁ ୨୦୧୮ ଜୁଲାଇରେ ବିଜ୍ଞପ୍ତି ପ୍ରକାଶ ପାଇଥିଲା । ଏହାକୁ ଚ୍ୟାଲେଞ୍ଜ କରି ନିର୍ବାଚନକୁ ସ୍ଥଗିତ ରଖିବା ପାଇଁ ୨୦୧୮ ଜୁଲାଇରେ ସଭାପତି ରମେଶ ପାତ୍ର ଏବଂ ପୂର୍ବତନ ସମ୍ପାଦକ ଡବ୍ଲୁ.ଭି. ରାଜା ଜିଲା ଜଜ୍‌ କୋର୍ଟରେ ଏକ ମାମଲା ଦାଏର କରିଥିଲେ। ନିର୍ବାଚନ ଜାରି ରଖିବାକୁ କୋର୍ଟ ନିର୍ଦ୍ଦେଶ ଦେଇଥିଲେ। କିନ୍ତୁ ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ନିର୍ବାଚନ ଫଳାଫଳ ଘୋଷଣା ଉପରେ ଅଙ୍କୁୁଶ ଲଗାଇଥିଲେ । ଜୁଲାଇ ୨୨ରେ ନିର୍ବାଚନ ହୋଇଥିଲା। ୧୧ ପଦବୀ ଥିଲେ ମଧ୍ୟ ୧୦ଜଣ ପ୍ରାର୍ଥୀପତ୍ର ଦାଖଲ କରିଥିଲେ ।
ଏଯାଏ ଏହି ନିର୍ବାଚନର ଫଳ ଘୋଷଣା ହୋଇନାହିଁ ।
ସମ୍ପର୍କରେ ସମ୍ପାଦକ ଅଶୋକ ସାହୁଙ୍କୁ ପଚାରିବାରୁ ଗତ ୧୧ତାରିଖରେ ଜିଡିସିଏର ଏକ୍‌ଜିକ୍ୟୁଟିଭ୍‌ କମିଟି ବୈଠକ ଅନୁଷ୍ଠିତ ହୋଇଥିଲା। ଏଥିରେ ଜିଡିସିଏ ପକ୍ଷରୁ ମୋ ନାମକୁ ଭୋଟର୍‌ ତାଲିକାରେ ରଖିବାକୁ ନିଷ୍ପତ୍ତି ନିଆଯାଇଥିଲା। ଏ ସମ୍ପର୍କରେ ଓସିଏକୁ ଅବଗତ କରାଯାଇଥିଲା। ତଦନୁଯାୟୀ ଓସିଏ ଭୋଟର୍‌ ତାଲିକାରେ ମୋ ନାମ ରହିଛି। ଅନେକ ବର୍ଷ ହେଲା ଗଞ୍ଜାମ ଜିଲାରେ କ୍ରିକେଟ ଶିବିର ଆୟୋଜନଠାରୁ ଖେଳାଳି ଚୟନ ଦିଗରେ କାର୍ଯ୍ୟ କରିଛି। ଜିଲାରେ କ୍ରିକେଟ ସହ ସମ୍ପୃକ୍ତ ପ୍ରତ୍ୟେକ ବ୍ୟକ୍ତି ଏ କଥାକୁ ଅନୁଭବ କରିଛନ୍ତି ବୋଲି ସେ କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଋଷିକୂଲ୍ୟା ଶଯ୍ୟାରେ ମଙ୍ଗୋଲିଆ ପକ୍ଷୀ

ଗଞ୍ଜାମ,୨୧ା୧(ଡି.ଏନ୍‌.ଏ.): ଗଞ୍ଜାମ ସହର ପୋତାଗଡ଼ ନିକଟସ୍ଥ ଋଷିକୂଲ୍ୟା ନଦୀ ବାଲୁକା ଶଯ୍ୟାରେ ଗତ କିଛିଦିନ ହେବ ଶହଶହ ମଙ୍ଗୋଲିଆ ପକ୍ଷୀ ଦେଖିବାକୁ ମିଳୁଛି। ହିମାଳୟଠାରେ ଅତ୍ୟଧିକ...

ଭାରତ ବନ୍ଦ ପ୍ରଭାବରେ ବ୍ୟାଙ୍କ କାରବାରରେ ୭୦ କୋଟି କ୍ଷତି

ବ୍ରହ୍ମପୁର ଅଫିସ,୩୧।୩: ବ୍ରହ୍ମପୁର ସହରରେ ୨ ଦିନିଆ ଭାରତ ବନ୍ଦ ପ୍ରଭାବରେ ଜାତୀୟ ବ୍ୟାଙ୍କଗୁଡିକର କାରବାରରେ କ୍ଷତି ସହିବାକୁ ପଡିଛି। ଏହି ଦୁଇ ଦିନ ମଧ୍ୟରେ...

ଦାଦାପୁଅ ଭାଇଙ୍କ ଗଳା କାଟି ହତ୍ୟା: ଅଭିଯୁକ୍ତ ଥାନାରେ ଅଟକ

ବୁଗୁଡ଼ା,୨୭ା୧୦(ଡି.ଏନ.ଏ.)-ଗଞ୍ଜାମ ଜିଲା ବୁଗୁଡ଼ା ସହର ଉପକଣ୍ଠ ବେତାରସିଙ୍ଗରେ ଶୁକ୍ରବାର ବିଳମ୍ବିତ ରାତିରେ ଦାଦାପୁଅ ଭାଇଙ୍କ ଗଳା ଓ ପେଟରେ ଛୁରି ଭୁସି ବଡ଼ବାପା ପୁଅ ହତ୍ୟା...

ବାଇକ୍‌ ଦୁର୍ଘଟଣାରେ ଯୁବକଙ୍କ ଜୀବନ ଗଲା

ଦିଗପହଣ୍ଡି,୨୫ା୧୦(ଡି.ଏନ୍‌.ଏ.)-ଦିଗପହଣ୍ଡି ବ୍ଲକ ଭୀଷ୍ମଗିରି – ଫାଶୀଗୁଡ଼ା ରାସ୍ତାରେ ରବିବାର ୨ ବାଇକ୍‌ ମୁହଁାମୁହିଁ ଧକ୍କା ହେବାରୁ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଜଣେ...

ପୋଲିସ ପରିଚୟ ଦେଇ ଲୁଟିନେଲେ ସୁନାଚେନ, ମୁଦି

ବ୍ରହ୍ମପୁର ଅଫିସ,୬ା୭-ବ୍ରହ୍ମପୁର ସହରରେ ପୋଲିସ ପରିଚୟ ଦେଇ ଲୁଟେରାମାନେ ବରିଷ୍ଠ ନାଗରିକଙ୍କଠାରୁ ସୁନାଗହଣା ଲୁଟି ନେଉଛନ୍ତି। ଗୋଟିଏ ପରେ ଗୋଟିଏ ଏପରି ଘଟଣା ଘଟୁଥିଲେ ମଧ୍ୟ...

ମିଶନ ରାଣୀ ପର୍ବ ଆରମ୍ଭ

ବ୍ରହ୍ମପୁର ଅଫିସ,୧୯ା୧୧- ବ୍ରହ୍ମପୁର କୁଇନ ମିଶନ କ୍ୟାଥଲିକ ଚର୍ଚ୍ଚରେ ଯୀଶୁଙ୍କ ମା’ ମେରିଆଙ୍କ ନବଦିନ ବ୍ୟାପୀ ମିଶନ ରାଣୀ ପର୍ବ ସୋମବାରରୁ ଆରମ୍ଭ ହୋଇଛି। ଅନ୍ତିମ...

ଗଳାକାଟି ହତ୍ୟା ଘଟଣା: କୋର୍ଟରେ ହତ୍ୟାକାରୀଙ୍କ ଆତ୍ମସମର୍ପଣ

ବ୍ରହ୍ମପୁର ଅଫିସ,୧୩ା୧୨- ବ୍ରହ୍ମପୁର ରେଳଷ୍ଟେଶନ ୪ ନମ୍ବର ପ୍ଲାଟଫର୍ମରେ ଜଣେ ଯୁବକଙ୍କ ଗଳା କାଟି ହତ୍ୟା କରାଯାଇଥିଲା। ପୋଲିସ ଅଭିଯୁକ୍ତ ବି. ବୁଲା ଦୋରାଙ୍କୁ ଧରିପାରି...

ଦିଗପହଣ୍ଡିିରେ କଂଗ୍ରେସର ବାଜିମାତ: ଅଧ୍ୟକ୍ଷ ହେଲେ ପ୍ରଫୁଲ୍ଲ ପଣ୍ଡା

ଦିଗପହଣ୍ଡି,୨୬।୩(ଡି.ଏନ୍‌.ଏ.): ଗଞ୍ଜାମ ଜିଲା ଦିଗପହଣ୍ଡି ଏନ୍‌ଏସି ନିର୍ବାଚନ ଫଳାଫଳ ପ୍ରକାଶ ପାଇଛି। କଂଗ୍ରେସ ପ୍ରାର୍ଥୀ ପ୍ରଫୁଲ୍ଲ ପଣ୍ଡା ଅଧ୍ୟକ୍ଷ ଭାବେ ନିର୍ବାଚିତ ହୋଇଛନ୍ତି। ସେ ତାଙ୍କର...

Advertisement
Archives

Model This Week