ନୂଆଦିଲ୍ଲୀ,୬।୪: ଭାରତରେ ଦେଖାଦେଇଥିବା କରୋନା ସଙ୍କଟର ମୁକାବିଲା ଲାଗି ଭାରତୀୟ ମେଡିକାଲ ରିସର୍ଚ୍ଚ କାଉନସିଲ୍(ଆଇସିଏମ୍ଆର୍)ଅଣ୍ଟା ଭିଡ଼ିଛି। କିଭଳି କମ୍ ସମୟ ମଧ୍ୟରେ କରୋନା ସଂକ୍ରମିତଙ୍କୁ ଚିହ୍ନଟ କରାଯିବ ସେନେଇ ବିଦେଶରୁ ର଼୍ୟାପିଡ୍ ଆଣ୍ଟିବଡ଼ି ଟେଷ୍ଟ୍ କିଟ୍ ମଗାଯାଇଛି। ଏହା ଏପ୍ରିଲ୍ ୮ ସୁଦ୍ଧା ଭାରତରେ ପହଞ୍ଚିବ ବୋଲି କୁହାଯାଉଛି। ବିଦେଶରୁ ପ୍ରାୟ ୮ ଲକ୍ଷ ର଼୍ୟାପିଡ୍ ଆଣ୍ଟିବଡ଼ି ଟେଷ୍ଟ୍ କିଟ୍ ଅଣାଯିବ। ଏହା ପ୍ରର୍ଯ୍ୟାୟକ୍ରମେ ଭାରତକୁ ଆସିବ। ପ୍ରଥମ ପ୍ରର୍ଯ୍ୟାୟରେ ୫ ଲକ୍ଷ କିଟ୍ ଆସି ପହଞ୍ଚିବ। ଏହାପରେ ଅବଶିଷ୍ଟ କିଟ୍ ଅଣାଯିବ। ଅଧିକ ସଂକ୍ରମିତ ହୋଇଥିବା ଅଞ୍ଚଳ ଅର୍ଥାତ୍ ହଟ୍ସ୍ପଟ୍ରେ ର଼୍ୟାପିଡ୍ ଆଣ୍ଟିବଡ଼ି ଟେଷ୍ଟ୍ କିଟ୍ ଦ୍ୱାରା ଶୀଘ୍ର କରୋନା ସଂକ୍ରମିତଙ୍କୁ ଚିହ୍ନଟ କରାଯିବ। ଏହାଦ୍ୱାରା ଏକବୁନ୍ଦା ରକ୍ତ ନମୁନାରୁ ମାତ୍ର ୧୫-୨୦ ମିନିଟ୍ ମଧ୍ୟରେ କରୋନା ପଜିଟିଭ୍ଙ୍କୁ ଚିହ୍ନଟ କରାଯାଇ ପାରିବ ବୋଲି ଆଇସିଏମ୍ଆର୍ କହିଛି।
