ମୁମ୍ବାଇ,୨୮।୬: ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନସିପି)ା କାର୍ଯ୍ୟକାରୀ ଅଧ୍ୟକ୍ଷ ସୁପ୍ରିଆ ସୁଲେ ଓ ପ୍ରଫୁଲ୍ଲ ପଟେଲଙ୍କୁ ଦାୟିତ୍ୱ ଦିଆଯିବା ପରେ ରାଜନୈତିକ ଗଳିରେ ଚର୍ଚ୍ଚା ହେଉଛି କି ଦଳ ମଧ୍ୟରେ ସବୁକିଛି ଠିକ ଚାଲିନାହିଁ। ଏହାର କିଛି ଝଲକ ବୁଧବାର ଦିଲ୍ଲୀରେ ହୋଇଥିବା ଏନସିପିର ନାଶନାଲ ଏକଜ୍ୟୁକିଟିଭ ମିଟିଂ ପୋଷ୍ଟରରେ ବି ଦେଖିବାକୁ ମିଳିଛି।
ଏନସିପି କାର୍ଯ୍ୟରତ ସଭାପତି ପ୍ରଫୁଲ୍ଲ ପଟେଲ ଏହି ସଭାର ପୋଷ୍ଟର ଶେୟାର କରିଥିଲେ। ଏଥିରେ ଏନସିପି ମୁଖ୍ୟ ଶରଦ ପାୱାର, ପଟେଲ ଏବଂ ସୁପ୍ରିୟା ସୁଲେ ଦୃଶ୍ୟମାନ ହେଉଛନ୍ତି, କିନ୍ତୁ ଅଜିତ ପାୱାର ପୋଷ୍ଟରରୁ ନିଖୋଜ ଅଛନ୍ତି। ଏହା ବ୍ୟତୀତ ଏନସିପିର ମହିଳା ଏବଂ ଯୁବ ୱିଙ୍ଗର ଏକ ବୈଠକ ମଧ୍ୟ ଅନୁଷ୍ଠିତ ହୋଇଥିଲା।
ନିକଟରେ ଏନସିପି ନେତା ଅଜିତ ପାୱାର କହିଥିଲେ ଯେ ତାଙ୍କୁ ମହାରାଷ୍ଟ୍ର ବିଧାନସଭାରେ ବିରୋଧୀଦଳର ନେତା (LOP) ରୁ ମୁକ୍ତ କରାଯିବା ସହ ଦଳର ସଂଗଠନରେ ଏକ ଭୂମିକା ଗ୍ରହଣ କରାଯିବା ଉଚିତ। ଏହା ଉପରେ ଏନସିପି ସଭାପତି ଶରଦ ପାୱାର କହିଛନ୍ତି ଯେ ଏ ବାବଦରେ କେହି ନିଷ୍ପତ୍ତି ନେଇ ପାରିବେ ନାହିଁ ଏବଂ ଦଳର ପ୍ରମୁଖ ନେତାମାନେ ଏ ବାବଦରେ ନିଷ୍ପତ୍ତି ନେବେ।
