Posted inଖେଳ

ଆରମ୍ଭ ହେଲା ଓସିଏ ନିର୍ବାଚନ ପ୍ରକ୍ରିୟା: ଦାୟିତ୍ୱ ଗ୍ରହଣ କଲେ ମାଖନଲାଲ

କଟକ ଅଫିସ,୨୭ା୮- ଓଡ଼ିଶା କ୍ରିକେଟ ଆସୋସିଏଶନ(ଓସିଏ)ର ନିର୍ବାଚନ ଅଧିକାରୀ ଭାବେ ସୋମବାର ଦାୟିତ୍ୱ ଗ୍ରହଣ କରିଛନ୍ତି ବିହାରର ପୂର୍ବତନ ନିର୍ବାଚନ କମିଶନର ମାଖନଲାଲ ମଜୁମଦାର। ମାଖନଲାଲଙ୍କୁ ଓସିଏ କାର୍ଯ୍ୟାଳୟ ପରିସରରେ ସ୍ବାଗତ ସମ୍ବର୍ଦ୍ଧନା ଦିଆଯାଇଥିଲା। କାର୍ଯ୍ୟକାରୀ କମିଟି ଅଧ୍ୟକ୍ଷ ଧୀରେନ ପଲାଇ ତାଙ୍କୁ ସ୍ବାଗତ ଜଣାଇଥିଲେ। ଏଥିସହ ସୋମବାରଠାରୁ ଓସିଏର ନିର୍ବାଚନ ପ୍ରକିୟା ଆରମ୍ଭ ହୋଇଯାଇଛି। ପ୍ରଥମ ଦିବସରେ ମାଖନଲାଲ ଓସିଏର ସମ୍ବିଧାନ ଯାଞ୍ଚ କରିବା ସହ ସୁପ୍ରିମକୋର୍ଟ ଓ କମିଟି ଅଫ ଆଡମିନଷ୍ଟ୍ରେଟର (ସିଓଏ)ରୁ ଆସିଥିବା ସମସ୍ତ ରିପୋର୍ଟ ଦେଖିଛନ୍ତି । ମଙ୍ଗଳବାରଠାରୁ ନିର୍ବାଚନ ପ୍ରକ୍ରିୟା ତ୍ୱରାନ୍ବିତ ହେବ । ବିହାର କ୍ୟାଡର ୧୯୬୬ ବ୍ୟାଚ୍‌ର ଆଇଏଏସ ଅଧିକାରୀ ହେଉଛନ୍ତି ମାଖନଲାଲ ।
ସେପ୍ଟେମ୍ବର ୧୪ ତାରିଖ ମଧ୍ୟରେ ଓସିଏ କର୍ମକର୍ତ୍ତା ନିର୍ବାଚନ ହେବାର ଆଶା ଏବେ ମଜବୁତ ହୋଇଛି। ନିର୍ବାଚନ ଅଧିକାରୀ ମାଖନଲାଲ ମଧ୍ୟ ନିଜ ପ୍ରତିକ୍ରିୟାରେ କହିଛନ୍ତି ଯେ, ନିର୍ଦ୍ଧାରିତ ତାରିଖ ମଧ୍ୟରେ ନିର୍ବାଚନ ଶେଷ କରିବାକୁ ଚେଷ୍ଟା କରାଯିବ । ଏବେ ନିର୍ବାଚନ ନେଇ ଓସିଏର ସ୍ଥିତି କଣ ରହିଛି ତାହା ଜଣାନାହିଁ । ସମସ୍ତ କାଗଜପତ୍ର ଯାଞ୍ଚ କରିବା ପରେ ପର୍ଯ୍ୟାୟ କ୍ରମେ ସମସ୍ତ ପଦକ୍ଷେପ ଗ୍ରହଣ କରାଯିବ ବୋଲି ସେ କହିଥିଲେ । କ୍ଲବ କିମ୍ବା ଓସିଏର ଅନ୍ୟ ପ୍ରସଙ୍ଗ ସମ୍ପର୍କରେ ପଚାରିଥିଲେ ମଧ୍ୟ ସେ ସମ୍ପର୍କରେ କୌଣସି ସ୍ପଷ୍ଟ ଉତ୍ତର ମାଖନଲାଲ ଦେଇ ନଥିଲେ । ଅନ୍ୟପକ୍ଷରେ ମାଖନଲାଲ ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ସୋମବାର ଏଠାରେ ଉପସ୍ଥାପନ କରିଥିଲେ । ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ)ର ସମ୍ବିଧାନରେ ଥିବା ଏକ ନିୟମକୁ ନେଇ ମାଖନଲାଲ କହିଛନ୍ତି ଯେ, ନିର୍ବାଚନର ଅଳ୍ପ ଦିନ ପୂର୍ବରୁ ସଦସ୍ୟତା ପ୍ରଦାନ କରାଯାଇ ପାରିବ ନାହିଁ । ଯଦି ଏଭଳି ହୁଏ ତେବେ ସଦସ୍ୟତା ପ୍ରଦାନ ଦିନଠାରୁ ନିର୍ବାଚନ ଆଉ ୩ମାସ ଘୁଞ୍ଚିଯିବ । ଏଣୁ ଓସିଏର ସମ୍ବିଧାନରେ ଯେଉଁ ମାନଙ୍କୁ ସଦସ୍ୟ ଭାବେ ପୂର୍ବରୁ ଗ୍ରହଣ ହୋଇଛି ଏବେ ସେମାନଙ୍କୁ ନେଇ ନିର୍ବାଚନ ପ୍ରକ୍ରିୟା ଆଗକୁ ବଢ଼ିବ ବୋଲି ସେ କହିଛନ୍ତି । ସୂଚନା ଥାଉକି, ଓସିଏର ନୂତନ ସମ୍ବିଧାନରେ ସଦସ୍ୟ ସଂଖ୍ୟା ଏବେ ୭୩ ରହିଛି। ଏହା ମଧ୍ୟରେ ୩୦ଟି ଜିଲା, ୨୦ଟି କ୍ଲବ, ୧୦ଟି ସ୍କୁଲ, ୫ଟି କଲେଜ ରହିଛି। ଏହାଛଡ଼ା ଭୁବନେଶ୍ୱର, ରାଉରକେଲା, ରେଲୱେ, ପାରାଦୀପ, କିଟ୍‌ ରହିଥିବା ବେଳେ ଖେଳାଳି ଭାବେ ସାମିଲ ହୋଇଛନ୍ତି ୩ ଅନ୍ତର୍ଜାତୀୟ ଖେଳାଳି ଶିବ ସୁନ୍ଦର ଦାସ, ସଞ୍ଜୟ ରାଉଳ ଓ ଦେବାଶିଷ ମହାନ୍ତି । କାର୍ଯ୍ୟକାରୀ କମିଟି ଅଧ୍ୟକ୍ଷ ଧୀରେନ ଏ ସମ୍ପର୍କରେ କୁହନ୍ତି, ଅକ୍ଟୋବର ୨୨ରେ ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ)ର ନିର୍ବାଚନ ହେବ । ଏହା ପୂର୍ବରୁ ସେପ୍ଟେମ୍ବର ୧୪ ମଧ୍ୟରେ ରାଜ୍ୟ ସଂଘର ନିର୍ବାଚନ ଶେଷ କରିବାକୁ ନିର୍ଦ୍ଦେଶ ରହିଛି । ଅତିବେଶୀରେ ସେପ୍ଟେମ୍ବର ୨୦ ମଧ୍ୟରେ ଓସିଏର ନିର୍ବାଚନ ଶେଷ ହୋଇଥିବ ବୋଲି ଧୀରେନ କହଛନ୍ତି।
ଅପେକ୍ଷାରେ ରହିଲେ ୧୫୨ କ୍ଲବ
କ୍ରିକେଟ ଖେଳୁଥିବା କିମ୍ବା କ୍ରିକେଟକୁ ପ୍ରୋତ୍ସାହିତ କରୁଥିବା କ୍ଲବଙ୍କୁ ସଦସ୍ୟତା ଦିଆଯିବା ଉଚିତ ବୋଲି ସିଓଏର ନିଷ୍ପତ୍ତି ପରେ ଓସିଏରେ ସଦସ୍ୟତା ପାଇଁ ଆବେଦନ କରିଛନ୍ତି ମୋଟ ୧୫୨ କ୍ଲବ। ରାଜ୍ୟର ସମସ୍ତ ଜିଲାରୁ କ୍ଲବମାନେ ଏହି ଆବେଦନରେ ସାମିଲ ହୋଇଛନ୍ତି । କ୍ଲବମାନଙ୍କୁ ସଦସ୍ୟତା ପ୍ରଦାନ କରାଯିବା ନେଇ ଗଠିତ ହୋଇଥିବା ୫ଜଣିଆ ଯାଞ୍ଚ କମିଟିର ବୈଠକ ସୋମବାର ଅନୁଷ୍ଠିତ ହୋଇଥିଲା । ଏହି କମିଟି ଅଧ୍ୟକ୍ଷ ଶିବ ପ୍ରସାଦ ତ୍ରିପାଠୀ କହିଛନ୍ତି ଯେ, ଯାଞ୍ଚ ପ୍ରକ୍ରିୟା ସଫଳପୂର୍ଣ୍ଣ ଭାବେ ଶେଷ ହୋଇଛି । ଆଗାମୀ ନିର୍ବାଚନ ପରେ ସାଧାରଣ ପରିଷଦ ଗଠନ ହେଲେ ଉକ୍ତ କ୍ଲବଗୁଡ଼ିକଙ୍କ ସଦସ୍ୟତା ନେଇ ବିଚାର କରାଯିବ । ଏଣୁ ସିଧାସଳଖ କହିବାକୁ ଗଲେ ସଦସ୍ୟତା ଆଶାୟୀ ନୂତନ କ୍ଲବ ଗୁଡ଼ିକ ଏବେ ନିର୍ବାଚନରେ ଭାଗ ନେଇ ପାରିବେ ନାହିଁ । ନିର୍ବାଚନ ଶେଷ ହୋଇ ଫଳାଫଳ ଘୋଷଣା ପର୍ଯ୍ୟନ୍ତ ଏମାନଙ୍କୁ ଅପେକ୍ଷା କରିବାକୁ ପଡ଼ିବ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ହେଜେଲ୍‌ଙ୍କୁ କଫି ଡେଟ୍‌ରେ ନେବାକୁ ତିନି ବର୍ଷ ଅପେକ୍ଷା କରିଥିଲେ ଯୁବରାଜ

ବମ୍ବେ: ଭାରତୀୟ କ୍ରିକେଟର ଯୁବରାଜ ସିଂହଙ୍କ ପତ୍ନୀ ହେଜେଲ୍‌ କିଚଙ୍କ ଆଜି ‘ହାପି ଓ୍ବାଲା ବର୍ଥ ଡେ’ ଅର୍ଥାତ ଜନ୍ମଦିନ। ପେସାରେ ଜଣେ ମଡେଲ ତଥା...

ଷ୍ଟୋଇନିସଙ୍କ ବିବିଏଲ୍‌ ରେକର୍ଡ

ମେଲବୋର୍ନ, ୧୨।୧ (ପି.ଟି.)-ଅଷ୍ଟ୍ରେଲିଆର ଘରୋଇ ଟି୨୦ ପ୍ରତିଯୋଗିତା ବିଗ୍‌ ବାସ୍‌ ଲିଗ୍‌ (ବିବିଏଲ୍‌) ଇତିହାସରେ ସର୍ବାଧିକ ବ୍ୟକ୍ତିଗତ ସ୍କୋର ମାର୍କସ ଷ୍ଟୋଇନିସ ସଂଗ୍ରହ କରିଛନ୍ତି। ମେଲବୋର୍ନ...

ନେଟ୍‌ ସେସନ ଆରମ୍ଭ କଲା ଭାରତୀୟ ଦଳ, ଖେଳାଳିଙ୍କୁ ସ୍ବାଗତ କଲେ କୋଚ୍‌ ଶାସ୍ତ୍ରୀ

ଚେନ୍ନାଇ,୨।୨: ଆସନ୍ତା ୫ ତାରିଖରୁ ଇଂଲଣ୍ଡ ବିପକ୍ଷରେ ଆରମ୍ଭ ହେବାକୁ ଯାଉଥିବା ୪ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ ପାଇଁ ଭାରତୀୟ ଦଳର ଖେଳାଳିମାନେ ମଙ୍ଗଳବାରଠାରୁ...

ମାର୍କଣ୍ଡେଙ୍କୁ ଛାଡ଼ିଲା ମୁମ୍ବାଇ ଇଣ୍ଡିଆନ୍ସ

ମୁମ୍ବାଇ,୩୧।୭(ପିଟି)- ସର୍ବାଧିକ ୪ ଥର ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ) ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ (ଏମ୍‌ଆଇ) ଓ୍ବେଷ୍ଟଇଣ୍ଡିଆନ କ୍ରିକେଟର ଶେର୍ଫାନେ ରଦରଫୋର୍ଡଙ୍କ ଲାଗି ଲେଗ୍‌ ସ୍ପିନର...

ହ୍ୟାଟ୍ରିକ ସହ ୧୦ ଉଇକେଟ ନେଲେ କାଶ୍‌ବୀ

କାଡପା (ଆନ୍ଧ୍ର ପ୍ରଦେଶ),୨୬ା୨-ସ୍ଥାନୀୟ କେଏସ୍‌ଆର୍‌ଏମ୍‌ କଲେଜ ଗ୍ରାଉଣ୍ଡରେ ଅନୁଷ୍ଠିତ ଅରୁଣାଚଳ ପ୍ରଦେଶ ବିପକ୍ଷ ୧୯ବର୍ଷରୁ କମ୍‌ ମହିଳା ଦିନିକିଆ କ୍ରିକେଟ ଟ୍ରଫିର ଏକ ମ୍ୟାଚରେ ଚଣ୍ଡିଗଡ...

ଏସିସି ଅଧ୍ୟକ୍ଷ ଭାବେ ଜୟ ଶାହା ନିର୍ବାଚିତ

ନୂଆଦିଲ୍ଲୀ,୩୧।୧(ପି.ଟି.): ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ (ବିସିସିଆଇ) ସମ୍ପାଦକ ଜୟ ଶାହାଙ୍କୁ ଆଉ ଏକ ନୂଆ ଗୁରୁଦାୟିତ୍ୱ ମିଳିଛି। ସେ ଏସିଆନ୍‌ କ୍ରିକେଟ କାଉନସିଲ (ଏସିସି)ର...

ରୋନାଲ୍ଡୋଙ୍କ ହ୍ୟାଟ୍ରିକ: ଫାଇନାଲରେ ପର୍ତ୍ତୁଗାଲ

ମାଡ୍ରିଡ୍‌, ୬।୬- ଷ୍ଟାର ଖେଳାଳି କ୍ରିଷ୍ଟିଆନୋ ରୋନାଲ୍ଡୋଙ୍କ ହ୍ୟାଟ୍ରିକ ଗୋଲ ବଳରେ ପର୍ତ୍ତୁଗାଲ ୩-୧ ଗୋଲରେ ସୁଇଜରଲାଣ୍ଡକୁ ହରାଇ ଦେଇଛି। ଏହି ବିଜୟ ସହ ପର୍ତ୍ତୁଗାଲ...

୧୫ ବର୍ଷ ଧରି ରାସ୍ତାକଡ଼ରେ ପଡ଼ିରହିଥିଲେ ଏହି ଅନ୍ତରାଷ୍ଟ୍ରୀୟ କ୍ରିକେଟର; ଶେଷସମୟ ଥିଲା ଯନ୍ତ୍ରଣାଦାୟକ

ନୂଆଦିଲ୍ଲୀ,୨୨।୧: ଆଜିର ସମୟରେ ଜଣେ ଖେଳାଳି କ୍ରିକେଟରେ ବହୁତ ଟଙ୍କା ରୋଜଗାର କରିପାରିବେ। ଯଦି ଖେଳାଳି ଅନ୍ତର୍ଜାତୀୟସ୍ତରରେ ସଫଳ ହୁଅନ୍ତି ତେବେ ଟଙ୍କାର ଅଭାବ ରହି...

Advertisement
Ten Cric Info


Archives

Model This Week