ଭୋପାଳ,୨୫।୭: ମଧ୍ୟପ୍ରଦେଶ ରତ୍ଲାମ୍ର ତାଲ୍ ଅଞ୍ଚଳରେ ଆଣ୍ଠୁଆ ଗୋପାଳ କ୍ଷୀର ପିଇବା ନେଇ ଚର୍ଚ୍ଚା ହେଉଛି। ଏହି ଘଟଣା ଏବେ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି। ଖବର ପ୍ରଚାରିତ ହେବା ପରେ ଆଣ୍ଠୁଆ ଗୋପାଳ ଥିବା ପରିବାରଙ୍କ ଘରେ ଶ୍ରଦ୍ଧାଳୁଙ୍କ ଗହଳି ବଢ଼ିବାରେ ଲାଗିଛି। ସମ୍ପୃକ୍ତ ପରିବାର ଅନୁସାରେ ଏହି ମୂର୍ତ୍ତି ଜଣେ ମହାତ୍ମା ସିବନୀ ମାଲଓ୍ବାରେ ବାସ କରୁଥିବା ଅର୍ଚ୍ଚନା ଜଲଜ ଜୀଙ୍କୁ ଦେଇଥିଲେ। ପରେ ଅର୍ଚ୍ଚନା ସମ୍ପୃକ୍ତ ପରିବାର ସଦସ୍ୟଙ୍କୁ ଏକ ୩ ଦିନିଆ ଉତ୍ସବ ପାଇଁ ଏହି ଚମତ୍କାରୀ ମୂର୍ତ୍ତି ପ୍ରଦାନ କରିଥିଲେ। ଉତ୍ସବ ଶେଷ ହେବା ପରେ ଏହି ମୂର୍ତ୍ତି ଅର୍ଚ୍ଚନାଙ୍କୁ ଫେରାଇ ଦିଆଯିବ ବୋଲି ସମ୍ପୃକ୍ତ ପରିବାର ପକ୍ଷରୁ କୁହାଯାଇଛି। ତେବେ ଏବେ ଏହି ଘଟଣାକୁ ନେଇ ଚର୍ଚ୍ଚା ଜୋର୍ ଧରିଛି।
