ଆଡ୍‌ମିନିଷ୍ଟ୍ରେଟିଭ ବ୍ଲକ୍‌, କ୍ୱାର୍ଟର୍ସ ନିର୍ମାଣରେ ଦୁର୍ନୀତି ଗନ୍ଧ

ଭୁବନେଶ୍ୱର,୨୮-୮: ପ୍ରାଣୀ ଉଦ୍ୟାନ ନନ୍ଦନକାନନକୁ ଲାଗିଛି ଦୁର୍ନୀତିର ଛିଟା। ଆଡ୍‌ମିନିଷ୍ଟ୍ରେଟିଭ ବ୍ଲକ୍‌ ଓ କ୍ୱାର୍ଟର୍ସ ନିର୍ମାଣକୁ ନେଇ ବ୍ୟାପକ ଅନିୟମିତା ହୋଇଥିବା ପଦାକୁ ଆସିଛି। ଖୋଲା ଟେଣ୍ଡର ନ କରି ବିଏସ୍‌ଏନ୍‌ଏଲ୍‌ ସିଭିଲ ଓ୍ବିଙ୍ଗ୍‌କୁ ମନଇଚ୍ଛା ଠିକା ଦେବା ସହ କାମ କରିବା ପୂର୍ବରୁ ଆଗୁଆ ବିଲ୍‌ ପ୍ରଦାନ କରାଯାଇଛି। ସେହିଭଳି ଇପିଏଫ୍‌ ସଂକ୍ରାନ୍ତ ମାମଲାରେ ମଧ୍ୟ ନନ୍ଦନକାନନର ଲକ୍ଷ ଲକ୍ଷ ଟଙ୍କା ଅର୍ଥ ଅଯଥା ଖର୍ଚ୍ଚ ହେଉଥିବା ଜଣାପଡିଛି। ନନ୍ଦନକାନନ ବୈଠକର ପ୍ରୋସିଡିଂ, ବିଏସ୍‌ଏନ୍‌ଏଲ୍‌ ଓ୍ବେବ୍‌ସାଇଟ୍‌ ଓ ହସ୍ତଗତ କିଛି ତଥ୍ୟକୁ ତର୍ଜମା କଲେ ନନ୍ଦନକାନନରେ ବହୁ କୋଟି ବରବାଦ ହୋଇଥିବା ଜଣାପଡୁଛି।
ଗତ ମେ’ ୧ରେ ନନ୍ଦନକାନନ ସୋସାଇଟିର ୨୬ତମ ଜେନେରାଲ ବଡି ମିଟିଂ ଅନୁଷ୍ଠିତ ହୋଇଥିଲା। ଏହାର ପ୍ରୋସିଡିଂ ଅନୁସାରେ ନନ୍ଦନକାନନର ଆଡମିନିଷ୍ଟ୍ରେଟିଭ ବ୍ଲକ ଏବଂ ୧୬ ଷ୍ଟାଫ କ୍ୱାର୍ଟର୍ସ ପାଇଁ ବିଏସ୍‌ଏନ୍‌ଏଲ୍‌କୁ ୩ କୋଟିରୁ ଅଧିକ ଟଙ୍କା ଦିଆଯାଇଛି। ତେବେ ୨୫ତମ ଜେନେରାଲ ବଡି ମିଟିଂରେ ଅନୁମୋଦନ ଲାଭ କରିଥିବା ପ୍ରକଳ୍ପର ଆକ୍ସନ ଟେକେନ ରିପୋର୍ଟ(ଏଟିଆର୍‌)ରେ ପୃଷ୍ଠା-୧ର ୪ ନମ୍ବର ପଏଣ୍ଟରେ ଉଲ୍ଲେଖ ରହିଛି ଯେ, ରେଞ୍ଜର, ଫରେଷ୍ଟର ଓ ଫରେଷ୍ଟ ଗାର୍ଡଙ୍କ ଆବାସିକ ଗୃହ (ଜି+୨) ବିଏସ୍‌ଏନ୍‌ଏଲ୍‌ ଦ୍ୱାରା ନିର୍ମାଣ ଚାଲିଛି। ସେହିପରି ପୃଷ୍ଠା ୭ ଓ ୮ରେ ଆଡମିନିଷ୍ଟ୍ରେଟିଭ ବ୍ଲକ ନିର୍ମାଣ ପାଇଁ ନନ୍ଦନକାନନ ସୋସାଇଟି ଫଣ୍ଡ୍‌ରୁ ୮କୋଟି ୯ଲକ୍ଷରୁ ଊର୍ଦ୍ଧ୍ୱ ଟଙ୍କାର ବ୍ୟୟ ଅଟକଳ ହୋଇଥିବାବେଳେ ୨୦୧୭-୧୮ରେ ବିଏସ୍‌ଏନ୍‌ଏଲ୍‌କୁ ୨କୋଟି ଟଙ୍କା ଦିଆଯାଇଥିବା ଦର୍ଶାଯାଇଛି। ଅନ୍ୟପକ୍ଷରେ ୨୦୧୯-୨୦୨୦ ବାର୍ଷିକ ବଜେଟରେ ବି୫ ଆଇଟମ୍‌ରେ ୧୬ ଷ୍ଟାଫ୍‌ କ୍ୱାର୍ଟର୍ସ (୪ ରେଞ୍ଜ ଅଫିସର, ୪ ଫରେଷ୍ଟର ଓ ୮ ଫରେଷ୍ଟ ଗାର୍ଡ) ନିର୍ମାଣ ପାଇଁ ବିଏସ୍‌ଏନ୍‌ଏଲ୍‌କୁ ୧ କୋଟି ୧୧ ଲକ୍ଷରୁ ଊର୍ଦ୍ଧ୍ୱ ଟଙ୍କା ଦିଆଯାଇଥିବା ଦର୍ଶାଯାଇଛି। ଅର୍ଥାତ୍‌ ଆଡମିନିଷ୍ଟ୍ରେଟିଭ ବ୍ଲକ ଓ ୧୬ ଷ୍ଟାଫ୍‌ କ୍ୱାର୍ଟର୍ସ କାମ ବାବଦକୁ ୨୦୧୯ ମେ’ ୧ ସୁଦ୍ଧା ବିଏସ୍‌ଏନ୍‌ଏଲ୍‌କୁ ୩ କୋଟିରୁ ଅଧିକ ଟଙ୍କା ଦିଆଯାଇଛି। କିନ୍ତୁ ବିଏସ୍‌ଏନ୍‌ଏଲ୍‌ ୱେବ୍‌ସାଇଟରୁ ଭିନ୍ନ ତଥ୍ୟ ଦେଖିବାକୁ ମିଳିଛି। ନନ୍ଦନକାନନ ଆଡମିନିଷ୍ଟ୍ରେଟିଭ୍‌ ବ୍ଲକ୍‌ ନିର୍ମାଣ ପାଇଁ ବିଏସ୍‌ଏନ୍‌ଏଲ୍‌ ଗତ ଏପ୍ରିଲ ୧୧ରେ ମୃତ୍ତିକା ପରୀକ୍ଷା ନିମନ୍ତେ ୧୧ ଲକ୍ଷ ୯ ହଜାର ୨୫୦ ଟଙ୍କାର ଟେଣ୍ଡର ଡାକିଛି। ଅର୍ଥାତ୍‌ କିଛି କାମ ନ ହୋଇ ମଧ୍ୟ ବିଏସ୍‌ଏନ୍‌ଏଲ୍‌କୁ ବର୍ଷେ ତଳୁ ୨ କୋଟି ଟଙ୍କା ଦିଆଯାଇଛି। ସେହିପରି ଗତ ଫେବୃୟାରୀ ୧୪ରେ ୬ ରେଞ୍ଜ ଅଫିସର୍ସ କ୍ୱାର୍ଟର୍ସ ଓ ମାର୍ଚ୍ଚ ୫ରେ ୮ ଫରେଷ୍ଟର ଓ ୧୨ ଗାର୍ଡ କ୍ୱାର୍ଟର୍ସ ନିର୍ମାଣ ପାଇଁ ବିଏସ୍‌ଏନ୍‌ଏଲ ଟେଣ୍ଡର ଆହ୍ବାନ କରିଛି। ଅର୍ଥାତ୍‌ ଉକ୍ତ କାମ ଆରମ୍ଭ ନ ହେବା ପୂର୍ବରୁ ବିଏସ୍‌ଏନ୍‌ଏଲ୍‌କୁ ୧ କୋଟିରୁ ଊର୍ଦ୍ଧ୍ୱ ଟଙ୍କା ଦିଆସରିଛି। ଆହୁରି ପୁଣି ୱେବ୍‌ସାଇଟରୁ ୩ ପର୍ଯ୍ୟାୟରେ ମୋଟ ୨୪ ଷ୍ଟାଫ୍‌ କ୍ୱାର୍ଟର୍ସ (୬ ରେଞ୍ଜର, ୬ ଫରେଷ୍ଟର, ୧୨ ଗାର୍ଡ) ପାଇଁ ଟେଣ୍ଡର ଡକାଯାଇଥିବା ତଥ୍ୟ ମିଳୁଛି। କିନ୍ତୁ ନନ୍ଦନକାନନ କର୍ତ୍ତୃପକ୍ଷ ଗତ ମେ’ ଜେନେରାଲ ବଡି ମିଟିଂରେ ୨୪ଟି ବଦଳରେ ୧୬ କ୍ୱାର୍ଟର୍ସ କଥା ଉଲ୍ଲେଖ କରିବା ବଡ଼ ଅନିୟମିତତାର ସୂଚନା ଦେଉଛି।
ଆହୁରି ଆଶ୍ଚର୍ଯ୍ୟର କଥା ହେଲା ୨୦୧୮ ଏପ୍ରିଲ ୨୩ରେ ଜେନେରାଲ ବଡି ମିଟିଂ ପ୍ରୋସିଡିଂ ଅନୁସାରେ, ୧୬ଟି ଷ୍ଟାଫ୍‌ କ୍ବାର୍ଟର୍ସ ଜି+୧ ଫ୍ଲାଟ୍‌ ଭାବେ ଅନୁମତି ମିଳିଥିଲା। କିନ୍ତୁ ୨୦୧୯ ମେ’ ୧ରେ ତାହାକୁ ଜି+୨ ଉଲ୍ଲେଖ କରାଗଲା। ଅର୍ଥାତ୍‌ ଆଉ ଗୋଟିଏ ମହଲା ବଢ଼ାଇ ଦିଆଗଲା। ପୁଣି ଜେନେରାଲ ବଡ଼ି ଆଗରେ କୁହାଯାଇଛି ଯେ, ନନ୍ଦନକାନନର ସମସ୍ତ କର୍ମଚାରୀ ଚିଡ଼ିଆଖାନା ପରିଚାଳନାରେ ବ୍ୟସ୍ତ ରହୁଥିବାରୁ ବିଏସ୍‌ଏନ୍‌ଏଲ୍‌କୁ ଏହି କାମ ଦିଆଯାଇଛି ଓ ଏଥିପାଇଁ ସମସ୍ତେ ସମ୍ମତି ଦେଇଛନ୍ତି। ଏହା ସମ୍ପୂର୍ଣ୍ଣ ଭାବେ ମୁଖ୍ୟମନ୍ତ୍ରୀଙ୍କ ୫-ଟିକୁ ବିରୁଦ୍ଧାଚରଣ କରୁଛି। ନିୟମ ଅନୁସାରେ ନନ୍ଦନକାନନ ଖୋଲା ଟେଣ୍ଡର ଆହ୍ବାନ କରିଥାନ୍ତା। ଯଦି ବିଏସ୍‌ଏନ୍‌ଏଲ୍‌ ସବୁଠାରୁ କମ୍‌ ଟଙ୍କାର ଟେଣ୍ଡର ପକାଇଥାନ୍ତା ତେବେ ଠିକା କାମ ପାଇଥାନ୍ତା। ଏଥିରେ ନନ୍ଦନକାନନକୁ ଲାଭ ମିଳିଥାନ୍ତା। ନଚେତ ଓଡ଼ିଶା ସରକାରଙ୍କ ଗୃହ ନିର୍ମାଣ ସଂସ୍ଥା ଯଥା ଇଡ୍‌କୋ କିମ୍ବା ପୋଲିସ ହାଉସିଂ କର୍ପୋରେଶନ ରହିଛି। ଏସବୁ ସଂସ୍ଥାକୁ ଟେଣ୍ଡର ନ ଦେଇ ବିଏସ୍‌ଏନ୍‌ଏଲ୍‌କୁ କେଉଁ ସ୍ବାର୍ଥରେ ପୁଣି ଆଗକୁ ବହୁ କୋଟି ଟଙ୍କା ଦିଆଗଲା ତାହାକୁ ନେଇ ନାନା ପ୍ରଶ୍ନ ଉଠୁଛି।
ନନ୍ଦନକାନନ ଅର୍ଥର କିପରି ଦୁରୁପଯୋଗ କରାଯାଉଛି ତାହାର ଆଉ ଏକ ଉଦାହରଣ ରହିଛି। ୧୦ବର୍ଷ ଧରି କାମ କରୁଥିବା କାଜୁଆଲ ଲେବରମାନଙ୍କୁ ଇପିଏଫ ସୁବିଧା ଦିଆଯାଇ ନ ଥିବାରୁ ଇପିଏଫ୍‌ ଓଡ଼ିଶାଙ୍କ ତରଫରୁ ନନ୍ଦନକାନନ ବ୍ୟାଙ୍କ ଆକାଉଣ୍ଟରୁ ୨୮ ଲକ୍ଷ ୬୬ ହଜାର ଟଙ୍କା ଆଟାଚ୍‌ମେଣ୍ଟ କରାଯାଇଛି। ଆଗକୁ ମଧ୍ୟ ଆହୁରି ଆଟାଚ୍‌ମେଣ୍ଟ ହେବାରୁ ଆଶଙ୍କା ରହିଛି। କିନ୍ତୁ ନିୟମ ଅନୁଯାୟୀ ଯେଉଁ ଅଧିକାରୀଙ୍କ ଅବହେଳା ପାଇଁ ଏପରି ହେଲା ସେମାନଙ୍କଠାରୁ ହିଁ ଟଙ୍କା ଭରଣା ହେବା କଥା। ହେଲେ ନନ୍ଦନକାନନ କର୍ତ୍ତୃପକ୍ଷ ଇପିଏଫ୍‌ ସଂଗଠନ ବିରୋଧରେ ହାଇକୋର୍ଟରେ ଅପିଲ କରି ମକଦ୍ଦମା ପରିଚାଳନା ବାବଦକୁ ଟଙ୍କା ଖର୍ଚ୍ଚ କରୁଛନ୍ତି। ଏପରିସ୍ଥଳେ କ୍ରାଇମବ୍ରାଞ୍ଚ ତଦନ୍ତ ସହ ନନ୍ଦନକାନନ ସୋସାଇଟି ପାଣ୍ଠିରୁ ଅଡିଟ୍‌ ଏଜି ଓଡ଼ିଶା କିମ୍ବା ଓଡିଶା ସରକାରଙ୍କ ଅଡିଟରଙ୍କ ଦ୍ୱାରା କରାଗଲେ ପ୍ରକୃତ ଘଟଣା ପଦାକୁ ଆସିବ ବୋଲି ବୁଦ୍ଧିଜୀବୀମାନେ ମତ ଦେଇଛନ୍ତି।
ଏ ସଂକ୍ରାନ୍ତରେ ନନ୍ଦନକାନନ ଉପନିର୍ଦ୍ଦେଶକ ଜୟନ୍ତ ଦାସଙ୍କୁ ତାଙ୍କ ମୋବାଇଲ ଫୋନ୍‌ ନଂ.୯୪୩୮୯୧୮୫୭୦କୁ ମଙ୍ଗଳବାର ଅପରାହ୍ନ ୨ଟା ୨୮ରେ ଯୋଗାଯୋଗ କରାଯାଇଥିଲା। କିନ୍ତୁ ସେ ଫୋନ୍‌ ଉଠାଇ ନ ଥିଲେ। ନନ୍ଦନକାନନ ନିର୍ଦ୍ଦେଶକ ଶଶି ପଲ୍‌ କୁହନ୍ତି, ଏହା ମୋ ଦାୟିତ୍ୱ ନେବାର ପୂର୍ବର ଘଟଣା। ଅନିୟମିତତା କ’ଣ ହୋଇଛି ଦେଖୁଛି ବୋଲି ସେ କହିଛନ୍ତି।

(ଅସମାପିକା ସାହୁ)


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଆସନ୍ତାକାଲି ଭୀଷଣ ବାତ୍ୟାର ରୂପ ନେବ ଅକ୍ବାନ: ଓଡ଼ିଶାରେ ପ୍ରବଳ ବର୍ଷା! ୧୯ ତାରିଖରେ…

ଭୁବନେଶ୍ୱର,୧୬।୧୧: ବାତ୍ୟାରେ ପରିଣତ ହେଲା ଗଭୀର ଅବପାତ। ଘଣ୍ଟା ପ୍ରତି ୧୦କିମି ବେଗରେ ଆଗକୁ ବଢୁଛି। ବିଶାଖାପାଟଣା ଠାରୁ ୬୭୦ କିମି ଏବଂ ଗୋପାଳପୁରଠାରୁ ଦକ୍ଷିଣରେ ୭୯୦…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?