ଅଭାବୀ ବିକ୍ରି ରୋକିବା ନେଇ ପଦକ୍ଷେପ

ନୟାଗଡ ଅଫିସ,୧୦ା୪: ଜିଲା ସଦର ମହକୁମା ନିୟନ୍ତ୍ରିତ ବଜାର କମିଟି (ଆର୍‌ଏମ୍‌ସି) ସଭାଗୃହରେ ଗୁରୁବାର ଜିଲାପାଳ ପୋମା ଟୁଡୁଙ୍କ ଅଧ୍ୟକ୍ଷତାରେ ଏକ ବୈଠକ ଅନୁଷ୍ଠିତ ହୋଇଥିଲା। ଏଥିରେ ପନିପରିବା ହୋଲସେଲର, ରିଟେଲର, ଚାଷୀଙ୍କ ସମେତ ଆର୍‌ଏମ୍‌ସି କର୍ମକର୍ତ୍ତା ଯୋଗଦେଇଥିଲେ। ଚାଷୀମାନେ କିପରି ପନିପରିବା ସୁବିଧାରେ ବିକ୍ରୟ କରିପାରିବେ ଓ ସେମାନଙ୍କ ପରିବା ବାହାରକୁ ଯାଇପାରିବ ସେ ସମ୍ପର୍କରେ ଆଲୋଚନା ହୋଇଥିଲା। ହୋଲସେଲର, ରିଟେଲର, ଚାଷୀଙ୍କ ମତାମତ ନିଆଯିବା ପରେ ଜିଲାରେ ପନିପରିବା ଅଭାବୀ ବିକ୍ରି ରୋକିବା ନେଇ ପଦକ୍ଷେପ ନିଆଯାଇଥିଲା।
ନୟାଗଡ, ଇଟାମାଟି, ସୁନାଖଳା, ରଣପୁର ଓ ଓଡ଼ଗାଁରେ ଥିବା ଆର୍‌ଏମ୍‌ସି ପ୍ରାଙ୍ଗଣରେ ଚାଷୀ ହୋଲସେଲରଙ୍କୁ ସନ୍ଧ୍ୟା ୫ଟାରୁ ରାତ୍ର ୮ଟା ମଧ୍ୟରେ ପନିପରିବା ଯୋଗାଇବେ। ହୋଲସେଲଙ୍କଠାରୁ ରିଟେଲର ସକାଳ ୫ଟାରୁ ୮ଟା ମଧ୍ୟରେ ପନିପରିବା କିଣିବେ। ପରେ ରିଟେଲରମାନେ ସ୍ଥାନୀୟ ହାଟରେ ସକାଳ ୮ଟାରୁ ଅପରାହ୍ନ ୧ଟା ପର୍ଯ୍ୟନ୍ତ ବିକ୍ରି କରିବେ। ପଞ୍ଜୀକୃତ ବ୍ୟବସାୟୀମାନେ ଏଥିପାଇଁ ପାସ୍‌ ପାଇପାରିବେ। ଜିଲା ଭିତରେ ପନିପରିବା ବ୍ୟବସାୟ କ୍ଷେତ୍ରରେ ହୋଲସେଲର, ରିଟେଲର, ଚାଷୀଙ୍କ ପାଇଁ ଗାଡ଼ି ଚଳାଚଳରେ ଅସୁବିଧା ହେବ ନାହିଁ। ଏଥିପାଇଁ ଜିଲା ପ୍ରଶାସନ ପକ୍ଷରୁ ସବୁ ପ୍ରକାର ସୁବିଧା ଯୋଗାଇ ଦିଆଯିବ ବୋଲି ଜିଲାପାଳ ଓ ଏସ୍‌ପି ପ୍ରତିଶ୍ରୁତି ଦେଇଛନ୍ତି । ବୈଠକରେ କିଛି ଚାଷୀ କହିଥିଲେ, ଗାଁରେ ବିକ୍ରି କଲେ ପୋଲିସଠାରୁ ମାଡ ଖାଇବାକୁ ପଡୁଛି। ପନିପରିବା ଜିଲା ବାହରକୁ ଯାଉନି। ବାଇଗଣ କିଗ୍ରା ପ୍ରତି ୧ଟଙ୍କାରେ ବିକ୍ରି କରିବାକୁ ପଡୁଛି। ଏହାଦ୍ୱାରା କିଣା ଓ ଯାତାୟାତ ଖର୍ଚ୍ଚ ମଧ୍ୟ ମିଳୁନି। ଏଣୁ ଅଧିକାଂଶ ଚାଷୀ ଜମିରେ ପରିବା ଛାଡି ଦେଉଛନ୍ତି । ନୟାଗଡ ହୋଲସେଲର ଦର୍ଶାଇଥିଲେ ସେମାନଙ୍କ ପନିପରିବା ଭୁବନେଶ୍ୱର, ଗଣିଆ, ଖଣ୍ଡପଡା ଓ ଭାପୁର ଯାଇ ପାରୁନି। ଓଡଗାଁ ହୋଲସେଲର କହିଲେ ଭଞ୍ଜନଗର, ବୁଗୁଡା, ଆସିକା, ବ୍ରହ୍ମପୁରକୁ ପନିପରିବା ପଠାଯାଇ ପାରୁନି। ରଣପୁର ଓ ସୁନାଖଳା ହୋଲସେଲରଙ୍କ କହିବା କଥା, ଚାନ୍ଦପୁର, ବାଲୁଗାଁ ଓ ଭୁବନେଶ୍ୱରକୁ ପନିପରିବା ପଠାଯାଇ ପାରୁନି। ଗାଡି ନେଇ ଯିବାବେଳେ ଅସୁବିଧା ହେଉଛି। ଫେରିଲା ବେଳେ ପୋଲିସ ଛାଡୁନି। ସମସ୍ତଙ୍କ ଅଭିଯୋଗ ଶୁଣିବା ପରେ ପନିପରିବା ଗାଡିକୁ ପୋଲିସ ଅଟକାଇବ ନାହିଁ ବୋଲି ପ୍ରତିଶ୍ରୁତି ଦିଆଯାଇଛି। ତେବେ ପାସ୍‌ ଦେଖାଇ ବ୍ୟବସାୟ କରିବାକୁ କୁହାଯାଇଛି । ବାହାର ଜିଲାରେ ପୋଲିସ ଅଟକାଇଲେ କଣ୍ଟ୍ରୋଲ ରୁମ୍‌କୁ ଯୋଗାଯୋଗ କରିବାକୁ କୁହାଯାଇଛି। ଅନ୍ୟମାନଙ୍କ ମଧ୍ୟରେ ଏସ୍‌ପି ପ୍ରତ୍ୟୁଷ ଦିୱାକର, ଉପଜିଲାପାଳ ଲଗ୍ନଜିତ ରାଉତ, ଜିଲା ମୁଖ୍ୟ କୃଷି ଅଧିକାରୀ ସୁବ୍ରତ ମିଶ୍ର, ସହକାରୀ ଉଦ୍ୟାନ କୃଷି ଅଧିକାରୀ ଅଜିତ କୁମାର ନାୟକ, ଆର୍‌ଏମ୍‌ସି ସମ୍ପାଦକ ସୁଦାମ ଚରଣ ଜେନା ପ୍ରମୁଖ ଉପସ୍ଥିତ ଥିଲେ।

ନିଜ ଭେହିକିଲରେ ହେବ ଛତୁ ବ୍ୟବସାୟ

ଜିଲାରେ ଛତୁ ଚାଷ ବଢ଼ି ଚାଲିଛି। ଛତୁ ବ୍ୟବସାୟୀମାନେ ଝାରସୁଗୁଡା, ଉମରକୋଟ, ଭବାନୀପାଟଣା, ଭୁବନେଶ୍ୱର, ବାଲୁଗାଁ, ଚାନ୍ଦପୁର, ଭଞ୍ଜନଗର, ଗଞ୍ଜାମ, ବ୍ରହ୍ମପୁର, ଭୁବନେଶ୍ୱରକୁ ଛତୁ ପଠାଉଥିଲେ। ସେଠାରୁ ଛତୁ ମଞ୍ଜି କିଣି ଆଣୁଥିଲେ। ହେଲେ କରୋନା ଯୋଗୁ ଛତୁ ଉପତ୍ାଦନ ସାଙ୍ଗକୁ ଦାମ୍‌ କମିଚାଲିଛି। ବାହାରକୁ ଛତୁ ଯାଇପାରୁନି କି ମଞ୍ଜି ଆସିପାରୁନି। ଏପରିସ୍ଥଳେ ଛତୁ ଚାଷୀଙ୍କୁ ପାସ୍‌ ଯୋଗାଇ ଦିଆଯିବ ବୋଲି ପ୍ରଶାସନ ପକ୍ଷରୁ କୁହାଯାଇଛି। ସେମାନେ ଜିଲା ବାହାରକୁ ଛତୁ ପଠାଇ ପାରିବେ ଓ ଛତୁ ମଞ୍ଜି ଆଣିପାରିବେ । ତେବେ ବ୍ୟବସାୟୀ ନିଜ ଭେହିକିଲରେ ଛତୁ ବ୍ୟବସାୟ କରିବାକୁ ପଡିବ।


Enter your email to get our daily news in your inbox.

All Right Reserved By Dharitri.Com

ମହାନଦୀରେ ବନ୍ୟାଜଳ ପ୍ରବାହିତ, ୩ ବ୍ଲକର ଲୋକେ ଆତଙ୍କିତ

କେନ୍ଦ୍ରାପଡ଼ା ଅଫିସ,୧୬।୮: ମହାନଦୀରେ ବନ୍ୟାଜଳ ପ୍ରବାହିତ ହେତୁ କେନ୍ଦ୍ରାପଡ଼ା ଜିଲାର ମହାକାଳପଡ଼ା, ଗରଦପୁର ଓ ମାର୍ଶାଘାଇ ବ୍ଲକର ୩୦ରୁ ଊର୍ଦ୍ଧ୍ୱ ଗ୍ରାମରେ ପାଣି ପଶିଛି। ଏହି...

ଭତା, ଆବାସ ଯୋଜନାରୁ ବଁଚିତ: ଭିଖ୍‌ ମାଗି ପେଟ୍‌ ପାଲୁଛନ୍‌ ସୂର୍ଯ୍ୟକାନ୍ତି

ପର୍ଲା,୧୩।୧୧(ଡି.ଏନ.ଏ.)-କଳାହାଣ୍ଡି ଜିଲା ଦଣ୍ଡପାଟ ଅଂଚଳର ଅନେକ ଗରିବ୍‌ ଦୁଖି ଭଲ ଘରଖେଁ ଅଭାବୁ ବଡ଼ା ଗୁଲଗୁଲା ହେଇ ଜୀବନ ବିତଉଛନ୍‌। କିଏ ଝାଟି ମାଟି ଘରେ...

ରାଶନ କାର୍ଡରେ ଆଧାର ସଂଯୋଗ : ବାଦ୍‌ ପଡ଼ିପାରନ୍ତି ୪୫ ହଜାର ହିତାଧିକାରୀ

ନୟାଗଡ଼ ଅଫିସ,୧୮।୯ : ନୟାଗଡ଼ ଜିଲାରେ ଜାତୀୟ ଖାଦ୍ୟ ସୁରକ୍ଷା ଆଇନ୍‌ (ଏନ୍‌ଏଫ୍‌ଏସ୍‌ଏ) ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନା (ଏସ୍‌ଏଫ୍‌ଏସ୍‌ଏସ୍‌)ରେ ରାଶନ ସାମଗ୍ରୀ ନେଉଥିବା...

ପଥର ଶିଳ୍ପକଳାର ନିଖୁଣ କାରିଗର ଭରତ

ବାହାନଗା,୧୨।୩(ଡି.ଏନ.ଏ.)-କୌଳିକ ବୃତ୍ତିକୁ ଆଦରି କାଠକାମ କରୁ କରୁ ସେ ପାଲଟିଗଲେ ଜଣେ ପଥର ଶିଳ୍ପୀ। ପାରମ୍ପରିକ କଳା ସହିତ ନିଜ ସୃଜନଶୀଳତାକୁ ମିଶାଇ ସେ ଆଜି...

ପୋଲିସ ହେପାଜତରୁ ଅଭିଯୁକ୍ତ ଚମ୍ପଟ

ବ୍ରହ୍ମପୁର ଅଫିସ,୨୩ା୫: ଟାଉନ ଥାନାରୁ ବୁଧବାର ମଧ୍ୟାହ୍ନରେ ପୋଲିସକୁ ଚକ୍‌ମା ଦେଇ ଜଣେ ଅଭିଯୁକ୍ତ ଚମ୍ପଟ ମାରିଛନ୍ତି । ସେ ହେଲେ ମହମ୍ମଦ ଇମରାନ। ଏକ...

ମିଶନ ରାଣୀ ପର୍ବ ଆରମ୍ଭ

ବ୍ରହ୍ମପୁର ଅଫିସ,୧୯ା୧୧- ବ୍ରହ୍ମପୁର କୁଇନ ମିଶନ କ୍ୟାଥଲିକ ଚର୍ଚ୍ଚରେ ଯୀଶୁଙ୍କ ମା’ ମେରିଆଙ୍କ ନବଦିନ ବ୍ୟାପୀ ମିଶନ ରାଣୀ ପର୍ବ ସୋମବାରରୁ ଆରମ୍ଭ ହୋଇଛି। ଅନ୍ତିମ...

୧୧୬୧ ଜଣଙ୍କ ୧୪ ଦିନିଆ ଆଇସୋଲେଶନ ଅବଧି ସରିଲା

ଶେରଗଡ଼,୬ା୪(ଡି.ଏନ୍‌.ଏ.)- ଶେରଗଡ଼ ବ୍ଲକକୁ ଗତ ୨୨ ତାରିଖ ପୂର୍ବରୁ ରାଜ୍ୟ ବାହାରୁରୁ ୧୧୬୧ ଜଣ ବ୍ୟକ୍ତି ଫେରିଥିଲେ। ବ୍ଲକ ପ୍ରଶାସନ ଜାଣିବା ପରେ ଗ୍ରାମପଞ୍ଚାୟତ ନୋଡାଲ...

ଅପପୁଷ୍ଟିର ଶିକାର ଶିଶୁ ଆଖିବୁଜିଲେ; ସହାୟତା ମିଳିବା ପୂର୍ବରୁ ସରିଗଲା ଆୟୁଷ

ଢେଙ୍କାନାଳ ଅଫିସ, ୧୬ା୯- ଜିଇଥିଲା ବେଳେ ଆଡ଼ଆଖିରେ ଚାହିଁ ନ ଥିବା ପ୍ରଶାସନିକ ଅଧିକାରୀ ଶେଷ ସମୟରେ ବେଶ୍‌ ତତ୍ପରତା ଦେଖାଇଲେ। ହେଲେ ସେତେବେଳକୁ ଆଉ ଆୟୁଷ...

Coronavirus Update

UTI
Archives

Model This Week

Why Dharitri

Leave a comment

Your email address will not be published. Required fields are marked *