Posted inଜାତୀୟ

୧୦୦ ଲକ୍ଷ କୋଟିରେ ଭିତ୍ତିଭୂମି ବିକାଶ

ନୂଆଦିଲ୍ଲୀ,୧୭ା୮, (ପି.ଟି./ଆଇଏଏନ୍‌ଏସ୍‌): ଭାରତର ୭୩ତମ ସ୍ବାଧୀନତା ଦିବସ ଗୁରୁବାର ଦେଶବ୍ୟାପୀ ପାଳିତ ହୋଇଯାଇଛି। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କ୍ରମାଗତ ଷଷ୍ଠଥର ପାଇଁ ତ୍ରିରଙ୍ଗା ଉତ୍ତୋଳନ କରି ଦେଶବାସୀଙ୍କୁ ଉଦ୍‌ବୋଧନ ଦେଇଛନ୍ତି। ଧଳା କୁର୍ତ୍ତା ପାଇଜାମା ପରିହିତ ଓ ମୁଣ୍ଡରେ ହଳଦିଆ ରଙ୍ଗର ପଗଡ଼ି ଭିଡ଼ିଥିବା ମୋଦି କେତେକ ନୂଆ ଘୋଷଣା କରିଛନ୍ତି। ପ୍ରଧାନମନ୍ତ୍ରୀଙ୍କ ୯୩ ମିନିଟ ଅଭିଭାଷଣର ମୁଖ୍ୟାଂଶ:

୧. ଭିତ୍ତିଭୂମି ପାଇଁ ୧୦୦ ଲକ୍ଷ କୋଟି ଟଙ୍କାର ପୁଞ୍ଜିନିବେଶ: ଦେଶର ବିକାଶ ପାଇଁ ଅତ୍ୟାଧୁନିକ ଭିତ୍ତିଭୂମି ନିର୍ମାଣ ଗୁରୁତ୍ୱପୂର୍ଣ୍ଣ। ଏଥିପାଇଁ କେନ୍ଦ୍ର ସରକାର ଆଧୁନିକ ବନ୍ଦର, ରାଜପଥ, ରେଲଓ୍ବେ, ବିମାନବନ୍ଦର, ହସ୍ପିଟାଲ ଓ ଶିକ୍ଷାନୁଷ୍ଠାନ ପ୍ରତିଷ୍ଠା କ୍ଷେତ୍ରରେ ୧୦୦ ଟ୍ରିଲିୟନ୍‌ ଟଙ୍କା ନିବେଶ କରିବେ। ଏଥିଯୋଗୁ ଆସନ୍ତା ୫ ବର୍ଷରେ ଭାରତୀୟ ଅର୍ଥନୀତିକୁ ପ୍ରାୟ ଦୁଇଗୁଣା ଅର୍ଥାତ୍‌ ୫ ଟ୍ରିଲିୟନ୍‌ ଡଲାରରେ ପହଞ୍ଚାଇବା ଲକ୍ଷ୍ୟ ପୂରଣ ହେବ। ୨୦୧୪ରେ ବିଶ୍ୱବ୍ୟାଙ୍କ ର଼୍ୟାଙ୍କିଙ୍ଗ୍‌ରେ ଇଜ୍‌ ଅଫ୍‌ ଡୁଇଙ୍ଗ୍‌ ବିଜ୍‌ନେସ୍‌ କ୍ଷେତ୍ରରେ ୧୯୦ ରାଷ୍ଟ୍ର ମଧ୍ୟରୁ ଭାରତ ୧୪୨ତମ ସ୍ଥାନରେ ରହିଥିବାବେଳେ ଚଳିତବର୍ଷ ୭୭ତମ ସ୍ଥାନକୁ ଉଠିଛି। ବ୍ୟବସାୟରେ ସହଜତା କ୍ଷେତ୍ରରେ ବିଶ୍ୱର ୫୦ ବୃହତ୍‌ ଅର୍ଥନୀତି ମଧ୍ୟରେ ସ୍ଥାନିତ ହେବା ପାଇଁ ଏହି ସଂସ୍କାର ଭାରତକୁ ସହାୟକ ହେବ ବୋଲି ପ୍ରଧାନମନ୍ତ୍ରୀ ପ୍ରକାଶ କରିଛନ୍ତି।
୨. ଜଳ ଜୀବନ ମିଶନ ପାଇଁ ୩.୫ ଟ୍ରିଲିୟନ୍‌ ଟଙ୍କା: ଦେଶର ଅଧା ଘରେ ପାଇପ୍‌ ଯୋଗେ ପାଣି ପହଞ୍ଚତ୍ ପାରୁନାହିଁ। ସମସ୍ତ ଘରକୁ ପାଇପ୍‌ ପାଣି ପହଞ୍ଚାଇବା ଲକ୍ଷ୍ୟ ନେଇ ସରକାର ଜଳ ଜୀବନ ମିଶନ ଗଠନ କରିବାକୁ ଯାଉଛନ୍ତି। ଏହି ଯୋଜନାରେ ୩.୫ ଟ୍ରିଲିୟନ୍‌ ଟଙ୍କା ନିବେଶ କରାଯିବ। ଏହି ମିଶନକୁ ସଫଳ ପାଇଁ ଉଭୟ କେନ୍ଦ୍ର ଓ ରାଜ୍ୟ ସରକାର ମିଳିତ ଭାବେ କାର୍ଯ୍ୟ କରିବେ।
୩. ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ ପ୍ରତିଷ୍ଠା: ପ୍ରତିରକ୍ଷା କ୍ଷେତ୍ରକୁ ଅଧିକ ମଜଭୁତ କରିବା ପାଇଁ ଦେଶରେ ଚିଫ୍‌ ଅଫ୍‌ ଡିଫେନ୍ସ ଷ୍ଟାଫ୍‌ (ସିଡିଏସ୍‌) ପ୍ରତିଷ୍ଠା କରାଯିବ। ସିଡିଏସ୍‌ ତିନିସେନାର ମୁଖ୍ୟ ଭାବେ କାର୍ଯ୍ୟ କରିବା ସହ ଦେଶର ସଶସ୍ତ୍ର ବଳକୁ ଏକ ପ୍ରଭାବଶାଳୀ ନେତୃତ୍ୱ ପ୍ରଦାନ କରିବ। ପ୍ରକାଶ ଯେ, ୧୯୯୯ କାର୍‌ଗିଲ୍‌ ଯୁଦ୍ଧ ପରେ ଦେଶର ନିରାପତ୍ତା ବ୍ୟବସ୍ଥାରେ ଥିବା ବ୍ୟବଧାନକୁ ଯାଞ୍ଚ କରିବା ପାଇଁ ଏକ ଉଚ୍ଚସ୍ତରୀୟ କମିଟି ଗଠନ କରାଯାଇଥିଲା। ପ୍ରତିରକ୍ଷାମନ୍ତ୍ରୀଙ୍କ ଏକକ ସାମରିକ ଉପଦେଷ୍ଟା ଭାବେ କାର୍ଯ୍ୟ କରିବା ଲାଗି ସିଡିଏସ୍‌ ନିଯୁକ୍ତି ସକାଶେ ଉକ୍ତ କମିଟି ପରାମର୍ଶ ଦେଇଥିଲା। ୨୦୧୨ରେ ଚିଫ୍‌ ଅଫ୍‌ ଷ୍ଟାଫ୍‌ କମିଟିର ସ୍ଥାୟୀ ଅଧ୍ୟକ୍ଷ ପଦ ସୃଷ୍ଟି ପାଇଁ ନରେଶ ଚନ୍ଦ୍ର ଟାସ୍କ ଫୋର୍ସ ସୁପାରିସ କରିଥିଲା। ଏହାକୁ ଏକ ମନ୍ତ୍ରୀସ୍ତରୀୟ ଗୋଷ୍ଠୀ ବିଶ୍ଳେଷଣ କରୁଛନ୍ତି।
୪. ଅନୁଚ୍ଛେଦ ୩୭୦ ଉଚ୍ଛେଦ: ସମ୍ବିଧାନର ଅନୁଚ୍ଛେଦ ୩୭୦ ଉଚ୍ଛେଦ କରି ଜମ୍ମୁ-କଶ୍ମୀରକୁ ଦୁଇଟି କେନ୍ଦ୍ରଶାସିତ ଅଞ୍ଚଳରେ ପରିଣତ କରିବା ପାଇଁ ନିଆଯାଇଥିବା ନିଷ୍ପତ୍ତିର ଯଥାର୍ଥତା ସମ୍ପର୍କରେ ପ୍ରଧାନମନ୍ତ୍ରୀ ମୋଦି ସ୍ବାଧୀନତା ଦିବସରେ ଅବତାରଣା କରିଛନ୍ତି। ସେ କହିଛନ୍ତି, ଏନ୍‌ଡିଏ ସରକାର କ୍ଷମତାକୁ ଆସିବାର ୧୦ ସପ୍ତାହ ମଧ୍ୟରେ ଟ୍ରିପଲ୍‌ ତଲାକ୍‌ ଏବଂ ଜମ୍ମୁ-କଶ୍ମୀରକୁ ସ୍ବତନ୍ତ୍ର ମାନ୍ୟତା ପ୍ରଦାନକାରୀ ଅନୁଚ୍ଛେଦ ୩୭୦କୁ ହଟାଇବା ପାଇଁ ନୂଆ ଆଇନ ଆଣିଛନ୍ତି। ‘ଗୋଟିଏ ଦେଶ ଗୋଟିଏ ସମ୍ବିଧାନ’ ଏବେ ବାସ୍ତବରେ ପରିଣତ ହୋଇଛି। ଏଥିପାଇଁ ଭାରତ ଗର୍ବିତ। ଏହି ୩୭୦ ଏକ ଅସ୍ଥାୟୀ ବ୍ୟବସ୍ଥା ଥିଲା। ଏହା ଯଦି ଏତେ ଜରୁରୀ ଥିଲା ତେବେ ବିଗତ ୭୦ ବର୍ଷରେ ପୂର୍ବ ସରକାରଗୁଡ଼ିକ ଏହାକୁ କାହିଁକି ସ୍ଥାୟୀ କଲେ ନାହିଁ ବୋଲି ମୋଦି ବିରୋଧୀଙ୍କୁ ଟାର୍ଗେଟ କରି ପ୍ରଶ୍ନ କରିଛନ୍ତି।
୫. ଉଚ୍ଚାକାଂକ୍ଷୀ ଭାରତକୁ ପ୍ରଶଂସା: ପ୍ରଧାନମନ୍ତ୍ରୀ ମୋଦି ଉଚ୍ଚାକାଂକ୍ଷୀ ଭାରତକୁ ପ୍ରଶଂସା କରି ବିବେକୀ ନାଗରିକଙ୍କ ଉଦାହରଣ ଦେଇଛନ୍ତି। ଭାରତର ଜନସାଧାରଣ କେବଳ ନୂଆ ରେଳଷ୍ଟେଶନ ବା ବସ୍‌ ଷ୍ଟେଶନ ପ୍ରତିଷ୍ଠାର ପ୍ରସ୍ତାବରେ ଖୁସି ନୁହନ୍ତି। ସେମାନଙ୍କ ଅଞ୍ଚଳକୁ ବନ୍ଦେ ଭାରତ ଏକ୍ସପ୍ରେସ୍‌ କେବେ ଆସିବ ଜାଣିବା ପାଇଁ ଆଗ୍ରହୀ। ସେହିପରି ଏକ ନୂଆ ବିମାନବନ୍ଦର କେବେ ପ୍ରତିଷ୍ଠା ହେବ ସେନେଇ ପ୍ରଶ୍ନ କରୁଛନ୍ତି ବୋଲି ମୋଦି ଲୋକଙ୍କ ପରିବର୍ତ୍ତିତ ଆକାଂକ୍ଷାଗୁଡ଼ିକର ଅବତାରଣା କରିଛନ୍ତି। ବନ୍ଦେ ଭାରତ ଏକ୍ସପ୍ରେସ୍‌ ଏବେ ଦିଲ୍ଲୀରୁ ବାରାଣସୀ ମଧ୍ୟରେ ଚଳାଚଳ କରୁଥିବାବେଳେ ଆଉ ଗୋଟିଏ ଟ୍ରେନ୍‌ ଦିଲ୍ଲୀରୁ କଟ୍ରା ମଧ୍ୟରେ ଦୌଡ଼ିବା ପାଇଁ କାର୍ଯ୍ୟ ଚାଲିଛି।
୬. ପ୍ଲାଷ୍ଟିକ୍‌ମୁକ୍ତ ଭାରତ: ୨୦୨୨ ସୁଦ୍ଧା ଦେଶକୁ ପ୍ଲାଷ୍ଟିକ୍‌ମୁକ୍ତ କରିବା ପାଇଁ ସ୍ବାଧୀନତା ଦିବସରେ ପ୍ରଧାନମନ୍ତ୍ରୀ ଗୁରୁତ୍ୱ ଦେଇଛନ୍ତି। ଏହି ଦିଗରେ ଆସନ୍ତା ଅକ୍ଟୋବର ୨ ଗାନ୍ଧୀ ଜୟନ୍ତୀରେ ଏକ ବଡ଼ ପଦକ୍ଷେପ ନେବା ଉପରେ ସେ ସଙ୍କେତ ଦେଇଛନ୍ତି। ଥରେ ବ୍ୟବହାର ହେଉଥିବା ପ୍ଲାଷ୍ଟିକ୍‌କୁ ଆମେ ସମସ୍ତେ ବିଦାୟ କହିବାର ସମୟ ଆସିଛି। ପ୍ଲାଷ୍ଟିକ୍‌କୁ ରିସାଇକିଲ୍‌ କରି ଭିନ୍ନ କାର୍ଯ୍ୟରେ ବ୍ୟବହାରଯୋଗ୍ୟ କରିବା ସକାଶେ ନୂଆ କୌଶଳ ବିକଶିତ କରିବା ପାଇଁ ଏହି ଅବସରରେ ସେ ଷ୍ଟାର୍ଟଅପ୍‌ମାନଙ୍କୁ ଆହ୍ବାନ ଦେଇଛନ୍ତି।
୭. ଏକକାଳୀନ ନିର୍ବାଚନ: ଗୋଟିଏ ଦେଶ ଗୋଟିଏ ନିର୍ବାଚନ ଉପରେ ଗୁରୁତ୍ୱ ଦେଇଆସୁଥିବା ପ୍ରଧାନମନ୍ତ୍ରୀ କହିଛନ୍ତି, ଲୋକ ସଭା ଓ ରାଜ୍ୟ ବିଧାନସଭାଗୁଡ଼ିକ ପାଇଁ ଏକକାଳୀନ ନିର୍ବାଚନ ଭାରତକୁ ମହାନ୍‌ କରିବ। ଏହାଦ୍ୱାରା ଆର୍ଥିକ ଓ ପ୍ରଶାସନିକ ବୋଝ ହ୍ରାସ ପାଇବ। ପ୍ରକାଶ ଯେ, ସମ୍ବିଧାନରେ କେତେକ ସଂଶୋଧନ କରାଗଲେ ଏକକାଳୀନ ନିର୍ବାଚନ ସମ୍ଭବ ବୋଲି ଗତବର୍ଷ ଅଗଷ୍ଟରେ ଆଇନ କମିଶନ ପ୍ରସ୍ତାବ ଦେଇଥିଲେ। ଏହାକୁ କାର୍ଯ୍ୟକାରୀ କରିବା ପାଇଁ ସରକାର ଏକ କମିଟି ଗଠନ କରିବାକୁ ଯାଉଛନ୍ତି।
୮. ଜନସଂଖ୍ୟା ନିୟନ୍ତ୍ରଣକୁ ଗୁରୁତ୍ୱ: ଜନସଂଖ୍ୟା ବିସ୍ଫୋରଣକୁ ନେଇ ପ୍ରଧାନମନ୍ତ୍ରୀ ଚିନ୍ତାବ୍ୟକ୍ତ କରିଛନ୍ତି। ସେ କହିଛନ୍ତି, ଦେଶରେ ବଢ଼ିଚାଲିଥିବା ଜନସଂଖ୍ୟା ଆଗାମୀ ପିଢ଼ି ପାଇଁ ଚ୍ୟାଲେଞ୍ଜ ସୃଷ୍ଟି କରିଛି। ଏହି ସମସ୍ୟାର ସମାଧାନ ପାଇଁ କେନ୍ଦ୍ର ଓ ରାଜ୍ୟ ସରକାରଗୁଡ଼ିକ ମିଳିତ ଭାବେ କାର୍ଯ୍ୟ କରିବା ଆବଶ୍ୟକ। ସମାଜର ଏକ ବର୍ଗ ନିଜ ପରିବାରକୁ ଛୋଟ ରଖିବାକୁ ପସନ୍ଦ କରିଛି, ଯାହାକି ସମ୍ମାନ ପାଇବା ଯୋଗ୍ୟ। ସେମାନେ ଯାହା କରୁଛନ୍ତି, ତାହା ଦେଶଭକ୍ତିର ଏକ ଅଂଶ।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

IPL ନିଲାମୀ ପୂର୍ବରୁ ବଡ଼ ଟ୍ରେଡ୍‌: ବଦଳିବ ଶାମିଙ୍କ ଠିକଣା, ଲକ୍ଷ୍ନୌ ଛାଡ଼ି ଏହି ଦଳକୁ ଯିବେ!

ନୂଆଦିଲ୍ଲୀ,୧୬।୧୧: IPL ନିଲାମୀ ପୂର୍ବରୁ ଖେଳାଳିଙ୍କ ଅଦଳବଦଳ ପ୍ରକ୍ରିୟା ଜୋର୍‌ ଧରିବାରେ ଲାଗିଛି। ଏହି କ୍ରମରେ ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ନେଇ ଏକ ବଡ଼…

ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍‌ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…

ସେହୱାଗଙ୍କ ପୁଅ ଆର୍ଯ୍ୟବୀରଙ୍କୁ ଲାଗିଲା ବଡ଼ ଝଟ୍‌କା: ଭଲ ପ୍ରଦର୍ଶନ ସତ୍ତ୍ୱେ ଖେଳିପାରିବେନି ଅଣ୍ଡର-୧୯ ବିଶ୍ୱକପ, ଜାଣନ୍ତୁ କାରଣ…

ନୂଆଦିଲ୍ଲୀ,୧୬।୧୧: ଭାରତର ପୂର୍ବତନ ବିସ୍ଫୋରକ ଓପନର ବ୍ୟାଟର ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ନିକଟରେ ଅଣ୍ଡର-୧୯ ଏସିଆ କପରେ ନିଜର ଦମଦାର ପ୍ରଦର୍ଶନ ବଳରେ ସମସ୍ତଙ୍କ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?