କଥାରେ ଅଛି ଗାଁ ପରିମଳ ଧୋବା ତୁଠରୁ। ଏହାକୁ ଅକ୍ଷରେ ଅକ୍ଷରେ ପାଳନ କରିଛନ୍ତି ନୟାଗଡ଼ ଜିଲା ସଦର ବ୍ଲକ ବାଲୁଗାଁ ପଞ୍ଚାୟତର କଣ୍ଟାବଣିଆ ଗ୍ରାମବାସୀ। ଗ୍ରାମବାସୀଙ୍କ ଏକତା ଏହି ଗ୍ରାମକୁ ବର୍ତ୍ତମାନ ସ୍ବଚ୍ଛ ଗ୍ରାମ ରୂପେ ପରିଗଣିତ କରିଛି। ଗ୍ରାମରେ ଥିବା ୪ଟି ପୋଖରୀକୁ ଦେଖିଲେ ଜଣାପଡ଼େ ଏ ଗାଁ କେତେ ସୁନ୍ଦର ତଥା ପରିଷ୍କାରପରିଚ୍ଛନ୍ନ। ଖାଲି ଗାଁ ପୋଖରୀ ନୁହେଁ, ଗ୍ରାମର ପରିବେଶ, ଗ୍ରାମକୁ ଯିବା ପାଇଁ ଥିବା ପ୍ରବେଶ ପଥ ଜଣେ ବାଟୋଇକୁ ଗାଁର ସ୍ବଚ୍ଛତା ବିଷୟରେ ଜଣାଇଦିଏ। ଖାଲି ଯେ ସ୍ବଚ୍ଛତା ବଜାୟ ରଖିଛନ୍ତି ତାହା ନୁହେଁ, ଗ୍ରାମବାସୀ ଏକଜୁଟ ହୋଇ ଗ୍ରାମରେ ବିଭିନ୍ନ ପର୍ବପର୍ବାଣିକୁ ମଧ୍ୟ ଧୁମ୍ଧାମ୍ରେ ପାଳନ କରନ୍ତି। ଗ୍ରାମରେ ଜନ୍ମାଷ୍ଟମୀ ଓ ଦୋଳପୂର୍ଣ୍ଣିମା ପାଳନ ହେଉଥିବା ବେଳେ ପଣାସଂକ୍ରାନ୍ତି ଧୁମ୍ଧାମ୍ରେ ପାଳନ କରାଯାଏ। ଏହି ପର୍ବପର୍ବାଣି ଗ୍ରାମବାସୀଙ୍କ ମଧ୍ୟରେ ଥିବା ଏକତା ଓ ଭାଇଚାରା ସମ୍ପର୍କକୁ ଜଣାଇଦିଏ। ଗ୍ରାମର ପ୍ରତ୍ୟେକଙ୍କ ଘରେ ଶୌଚାଳୟ ଥିବା ବେଳେ ଲୋକମାନେ ଏହାକୁ ବ୍ୟବହାର କରୁଛନ୍ତି। ଗାଁର ସ୍ବଚ୍ଛତା ବଜାୟ ରଖିଥିବାରୁ ଏହି ଗ୍ରାମକୁ ୪ ଫେବୃୟାରୀ ୨୦୧୫ ମସିହାରେ ଖୋଲା ମଳମୁକ୍ତ ଗ୍ରାମ ଭାବେ ଘୋଷଣା କରାଯାଇଛି। ଗ୍ରାମକୁ ପ୍ରବେଶ କରିବାବେଳେ ଆପଣଙ୍କୁ ସ୍ବାଗତ କରିବ ପ୍ରବେଶ ପଥ ତୋରଣ। ତାହା ସାଙ୍ଗଙ୍କୁ ଗ୍ରାମ ରାସ୍ତାକଡ଼ରେ ଲାଗିଥିବା ଗଛ ଆପଣଙ୍କୁ ବିମୋହିତ କରିବ। ଗ୍ରାମରେ ଯଦି କେହି ବାହାରେ ମଳତ୍ୟାଗ କରନ୍ତି ତାହାହେଲେ ତାଙ୍କୁ ୧୦୦୦ ଟଙ୍କା ଜରିମାନା ଦେବାକୁ ପଡ଼ିବ। ବେଢ଼ାସାହି, ଜେନାସାହି, ତୋଟାସାହି ଗଳି ଗ୍ରାମର ୭ ସାହିରେ ୨୬୨ ପରିବାର ବସବାସ କରୁଥିବା ବେଳେ ଜନସଂଖ୍ୟା ୧୨୫୪। ସମସ୍ତଙ୍କ ଘରେ ଶୌଚାଳୟ ରହିଛି। ଗ୍ରାମରେ ୧୮ ମହିଳା ସ୍ବୟଂ ସହାୟିକା ଗୋଷ୍ଠୀ (ଏସ୍ଏଚ୍ଜି) ଥିବାବେଳେ ସେମାନେ ଜିଆ ଖତ ଓ ଅନ୍ୟାନ୍ୟ କାର୍ଯ୍ୟ କରି ସ୍ବାବଲମ୍ବୀ ହୋଇଥିବା ଅଙ୍ଗନୱାଡ଼ି କର୍ମୀ ମଞ୍ଜୁଳା ମହାନ୍ତି କହିଛନ୍ତି। ଗ୍ରାମର ଲୋକମାନେ ଶୌଚାଳୟ ବ୍ୟବହାର କରୁଛନ୍ତିି କି ନାହିଁ ତାହାକୁ ପ୍ରତି ମାସରେ ଯାଇ ତଦାରଖ କରନ୍ତି ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗର ଅଧିକାରୀମାନେ। ଗ୍ରାମବାସୀ ସକାଳୁ ଘର ଓଳାଇ ଅଳିଆ ପାଇଁ ଉଦ୍ଦିଷ୍ଟ ଥିବା ଡଷ୍ଟବିନ୍ରେ ଏହାକୁ ପକାନ୍ତି। ପରେ ଏହାକୁ ସଂଗ୍ରହ କରି ଏକାଠି ରଖାଯାଏ। ସହରରେ ବସବାସ କରୁଥିବା ଲୋକମାନେ ପୌରପରିଷଦ କର୍ମଚାରୀ ସଫା କରିବେ ବୋଲି କହି ରାସ୍ତାକୁ ଅଳିଆ ପିଙ୍ଗି ଦେଉଥିବାବେଳେ ଗ୍ରାମବାସୀଙ୍କ ଏହି ସ୍ବଚ୍ଛତା ବାସ୍ତବିକ ପ୍ରଂଶସନୀୟ। ଗ୍ରାମର ଲୋକମାନେ ଚାଷବାସ କରି ଚଳନ୍ତି। ପୂର୍ବରୁ ଚିନିକଳ ଥିବା ବେଳେ ଲୋକମାନେ ଆଖୁଚାଷ କରି ଦି’ ପଇସା ରୋଜଗାର କରୁଥିଲେ, ମାତ୍ର ବର୍ତ୍ତମାନ ଏହା ବନ୍ଦ ହୋଇ ପଡ଼ିଥିବାରୁ କମ୍ ଆଖୁ ଚାଷ ହେଉଥିବା ଗ୍ରାମବାସୀ ପ୍ରକାଶ କରିଛନ୍ତି। ଏହିଭଳି ସ୍ବଚ୍ଛ ଗ୍ରାମ ଜିଲାର ଅନ୍ୟ ଗ୍ରାମ ପାଇଁ ଆଦର୍ଶ ପାଲଟିଛି।
– ରଞ୍ଜନ କୁମାର ପ୍ରଧାନ, ନୟାଗଡ଼
Posted inଆମ ଜିଲା ଖବର, ନୟାଗଡ଼ View All
ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା
ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…
ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା
ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…
ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା
ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…
ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’
ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…
ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ
ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…
ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି
ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…
ଥାନାରେ ପଶି ପୋଲିସ ଅଧିକାରୀଙ୍କୁ ହତ୍ୟା ଉଦ୍ୟମ: ଗିରଫ ହୋଇ ଜେଲ ଗଲେ ଅଭିଯୁକ୍ତ
ଦିଗପହଣ୍ଡି,୧୬।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ଦିଗପହଣ୍ଡି ଥାନାରେ ପଶି ଏସ୍ଆଇ ରାଜ କିଶୋର ପାତ୍ର ଏବଂ ହୋମଗାର୍ଡ ଲକ୍ଷ୍ମୀକାନ୍ତ ମହାପାତ୍ରଙ୍କୁ ହତ୍ୟା ଉଦ୍ୟମ ଘଟଣାରେ ସମ୍ପୃକ୍ତ…
ସୋରଡ଼ା ବ୍ଲକରେ ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ଙ୍କ ସମୂହ ଇସ୍ତଫା:ଦରମା ପାଇଁ ଲାଞ୍ଚ ମଗାଯାଉଥିବା ଅଭିଯୋଗ ଆଣିଲେ କର୍ମଚାରୀ
ଛତ୍ରପୁର, ୧୬/୧୧(ଦିଲ୍ଲୀପ ସାମଲ ): ଗଞ୍ଜାମ ଜିଲାର ସୋରଡ଼ା ବ୍ଲକରେ କାର୍ଯ୍ୟରତ ୨୬ଟି ପଞ୍ଚାୟତର ୩୫୦ରୁ ଊର୍ଦ୍ଧ୍ୱ କମ୍ୟୁନିଟି ସପୋର୍ଟ ଷ୍ଟାଫ୍ ସମୂହ ଇସ୍ତଫା ଦେଇଛନ୍ତି। କାର୍ଯ୍ୟକ୍ଷେତ୍ରରେ…

