ବ୍ରହ୍ମପୁର ଅଫିସ,୧୯ା୫-ବ୍ରହ୍ମପୁର ବିଶ୍ୱବିଦ୍ୟାଳୟରେ ଚାଲିଥିବା ସ୍ନାତକୋତ୍ତର ଦ୍ୱିତୀୟ ସେମିଷ୍ଟର ପରୀକ୍ଷା ପ୍ରଶ୍ନପତ୍ରରେ ତ୍ରୁଟି ହୋଇଥିବା ଅଭିଯୋଗ ହୋଇଛି। ଶନିବାର ଗଣିତ ବିଭାଗ ‘ଆଡଭାନ୍ସ କାଲକୁଲେଶନ’ ବିଷୟରେ ସମସ୍ତ ପ୍ରଶ୍ନ ସିଲାବସ ବାହାରୁ ପଡିଥିବା ଜଣାପଡିଛି ା ପରୀକ୍ଷା ଆରମ୍ଭର ୩ ଦିନ ମଧ୍ୟରେ ଦ୍ୱିତୀୟ ସେମିଷ୍ଟର ଦୁଇ ଦୁଇଟି ପ୍ରଶ୍ନପତ୍ରରେ ସିଲାବସ ବାହାରୁ ପ୍ରଶ୍ନ ଆସିଥିବା ଅଭିଯୋଗ ହୋଇଛି ା ଏହା ସତ୍ତ୍ୱେ କର୍ତ୍ତୃପକ୍ଷଙ୍କ ନୀରବତା ବିଦ୍ୟାର୍ଥୀଙ୍କ ଭବିଷ୍ୟତ ପ୍ରତି ପ୍ରଶ୍ନବାଚୀ ସୃଷ୍ଟି କରୁଛି ା
ଦୁଇ ଦୁଇଟି ପରୀକ୍ଷାରେ ପୁରୁଣା ସିଲାବସରୁ ପ୍ରଶ୍ନ ପଡିଥିଲେ ମଧ୍ୟ ଏଯାଏ ଘଟଣାର ଯାଞ୍ଚ ତଥା ଅନୁସନ୍ଧାନ ପାଇଁ କମିଟି ଗଠନ ହୋଇ ନ ଥିବା ସୂଚନା ମିଳିଛି। ଅନ୍ୟପଟରେ ଛାତ୍ରୀଛାତ୍ରଙ୍କ ଭବିଷ୍ୟତ ପ୍ରତି ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଚିନ୍ତା କରିବା ପରିବର୍ତ୍ତେ ଭୁଲକୁ ଘୋଡାଇବାକୁ ଯାଇ ପରସ୍ପର କାଦୁଅ ଫିଙ୍ଗାକୁ ନେଇ ଏବେ ଚର୍ଚ୍ଚା ଜୋର ଧରିଛି।
ବିଶ୍ୱବିଦ୍ୟାଳୟର ପିଛା ଛାଡୁନି ସମସ୍ୟା ା ପୂର୍ବରୁ ପରୀକ୍ଷା ପାଇଁ ତାରିଖ ନିର୍ଦ୍ଧାରଣକୁ ନେଇ ଛାତ୍ରୀଛାତ୍ର ଓ ବିଦ୍ୟାଳୟ କର୍ତ୍ତୃପକ୍ଷଙ୍କ ମଧ୍ୟରେ ଟଣା ଓଟରା ହୋଇଥିବା ବେଳେ ଏବେ ସେମିଷ୍ଟର ପରୀକ୍ଷା ଆରମ୍ଭ ପରେ ପୁରୁଣା ସିଲାବସ ପ୍ରଶ୍ନକୁ ନେଇ ଅସନ୍ତୋଷ ଦେଖାଦେଇଛି ା ପରୀକ୍ଷା ଆରମ୍ଭ ହେବାର ୩ ଦିନ ମଧ୍ୟରେ ଦ୍ୱିତୀୟ ସେମିଷ୍ଟରର ଦୁଇଟି ଦୁଇଟି ବିଷୟ ପ୍ରଶ୍ନପତ୍ରରେ ପୁରୁଣା ସିଲାବସ ପ୍ରଶ୍ନ ପଡିଥିବା ଅଭିଯୋଗ ହୋଇଛି ା ଗୁରୁବାର ପରୀକ୍ଷାର ଆରମ୍ଭ ଦିନ ଅର୍ଗାନିକ କେମିଷ୍ଟ୍ରି ପେପରରେ ପୁରୁଣା ସିଲାବସରୁ ପ୍ରଶ୍ନ ପଡିଥିବା ଅଭିଯୋଗ ହୋଇଥିଲା ା ଶନିବାର ଦ୍ୱିତୀୟ ସେମିଷ୍ଟର ପରୀକ୍ଷାର ଦ୍ୱିତୀୟ ଦିନରେ ଅନୁଷ୍ଠିତ ଗଣିତ ‘ଆଡଭାନ୍ସ କାଲକୁଲେଶନ’ ପେପରରେ ପୁରୁଣା ସିଲାବସ ପ୍ରଶ୍ନ ଆସିଥିବା ଦୃଷ୍ଟିକୁ ଆସିଛି। ଏହାପରେ ଛାତ୍ରୀଛାତ୍ରଙ୍କ ମଧ୍ୟରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ା ବିଷୟର ସମ୍ପୂର୍ଣ୍ଣ ୮୦ ମାର୍କ ସିଲାବସ ବାହାରୁ ହୋଇଥିବାରୁ ଛାତ୍ରୀଛାତ୍ରମାନେ ପୁନଃ ପରୀକ୍ଷା କରାଇବାକୁ ଦାବି କରିଛନ୍ତି ା
ଏନେଇ ଛାତ୍ରୀଛାତ୍ରମାନେ ପରୀକ୍ଷା ନିୟନ୍ତ୍ରକଙ୍କୁ ଲିଖିତ ଭାବେ ଜଣାଇଛନ୍ତି ା
ଅନ୍ୟପକ୍ଷରେ ଦୁଇ ଦୁଇଟି ପରୀକ୍ଷା ପ୍ରଶ୍ନପତ୍ରରେ ସିଲାବସ ବାହାରୁ ପ୍ରଶ୍ନ ଆସିଥିବା ବେଳେ ସ୍ନାତକୋତ୍ତର ପରିଷଦ ଅଧ୍ୟକ୍ଷ ପରୀକ୍ଷା ନିୟନ୍ତ୍ରକ ଓ କୁଳପତିଙ୍କ ଉପରକୁ ଦାୟିତ୍ୱ ଠେଲି ଦେଇଛନ୍ତି ା ଏ ସମ୍ପର୍କରେ ସ୍ନାତକୋତ୍ତର ପରିଷଦ ଅଧ୍ୟକ୍ଷ ପ୍ରଫେସର ଦେବୀ ପ୍ରସନ୍ନ ପଟ୍ଟନାୟକଙ୍କୁ ଯୋଗାଯୋଗ ବେଳେ କହିଛନ୍ତି, ଗଣିତ ପରୀକ୍ଷା ପ୍ରଶ୍ନପତ୍ରରେ ତ୍ରୁଟି ତଥା ଆଉଟ ଅଫ ସିଲାବସ ନେଇ କୌଣସି ଅଭିଯୋଗ ପାଇନାହିଁ ା ଏ ଦିଗରେ ପରୀକ୍ଷା ନିୟନ୍ତ୍ରକ ଅଧିକ ଜାଣିଥିବେ ା ପରୀକ୍ଷାରେ ହୋଇଥିବା ତ୍ରୁଟି ସମ୍ପର୍କରେ ଯାଞ୍ଚ ପାଇଁ କମିଟି ଗଠନ କୁଳପତିଙ୍କ ଦାୟିତ୍ୱ ବୋଲି ସେ କହିଛନ୍ତି ା ଏ ସମ୍ପର୍କରେ କୁଳପତି ଓ ପରୀକ୍ଷା ନିୟନ୍ତ୍ରକଙ୍କ ସହ ଯୋଗାଯୋଗ କରାଯାଇଥିଲେ ମଧ୍ୟ ହୋଇପାରି ନ ଥିଲା ା କର୍ତ୍ତୃପକ୍ଷଙ୍କ ଖାମଖିଆଲ ନୀତି ଯୋଗୁ ପ୍ରତି ବର୍ଷ ଛାତ୍ରୀଛାତ୍ରମାନେ ନାନା ସମସ୍ୟାରେ ପଡୁଥିବା ଦେଖିବାକୁ ମିଳୁଛି ା ପରୀକ୍ଷା ଫଳ ପ୍ରକାଶନ ବିଳମ୍ବକୁ ନେଇ କିମ୍ବା ଫଳ ତ୍ରୁଟିକୁ ନେଇ ଛାତ୍ରୀଛାତ୍ର ଆନ୍ଦୋଳନକୁ ଓହ୍ଲାଉଥିବା ମଧ୍ୟ ନଜିର ରହିଛି ା
