ନୂଆଦିଲ୍ଲୀ,୨୬।୯: ଦେଶରେ ଏବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଶଂସକଙ୍କ ସଂଖ୍ୟା ସବୁଠୁ ଅଧିକ। ତାଙ୍କ ପଛକୁ ରହିଛନ୍ତି ଭାରତୀୟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି। କ୍ରିକେଟରୁ କିଛିଦିନ ଦୂରେଇ ରହିଥିବା ଧୋନିଙ୍କ ଲୋକପ୍ରିୟତା ପୂର୍ବଭଳି ଅତୁଟ ରହିଛି। ୟୁଗୋଭ ସଂସ୍ଥା ପକ୍ଷରୁ କରାଯାଇଥିବା ସର୍ଭେରୁ ଏଭଳି ତଥ୍ୟ ସାମ୍ନାକୁ ଆସିଛି। ନରେନ୍ଦ୍ର ମୋଦିଙ୍କ ପ୍ରଶଂସକଙ୍କ ସଂଖ୍ୟା ୧୫.୬୬% ରହିଥିବା ବେଳେ ଧୋନିଙ୍କ ଫ୍ୟାନ ୮.୫୮% ରହିଛି। ଧୋନିଙ୍କ ପଛକୁ ବ୍ୟାବସାୟୀ ରତନ ଟାଟା(୮.୦୨%), ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମା(୭.୩୬%), ବିଶ୍ୱର ଅନ୍ୟତମ ଧନୀ ବିଲ ଗେଟ୍ସ(୬.୯୬%), ବଲିଉଡ୍ ସୁପରଷ୍ଟାର୍ ଅମିତାଭ ବଚ୍ଚନ(୬.୫୫%), ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର(୫.୮୧%), ଭାରତୀୟ ଅଧିନାୟକ ବିରାଟ କୋହଲି(୪.୪୬%), ବଲିଉଡ୍ ଷ୍ଟାର୍ ଶାହାରୁଖ ଖାନ(୩.୬୩%), ଚୀନର ସିନେ ଷ୍ଟାର ଜ୍ୟାକି ଚାନ(୩.୪୪%), ବୌଦ୍ଧ ଗୁରୁ ଦଲାଇଲାମା(୩.୩୫%), ଫୁଟବଲର୍ ଖ୍ରୀଷ୍ଟିଆନ ରୋନାଲ୍ଡୋ(୨.୮୫%), ବଲିଉଡ୍ ଷ୍ଟାର୍ ସଲମାନ ଖାନ(୨.୫୯%), ଫୁଟବଲର ଲିଓନେଲ ମେସି(୨.୩୨%), ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ(୨.୦୬%), ଚୀନର ପ୍ରସିଦ୍ଧ qବ୍ୟବସାୟୀ ଜ୍ୟାକ ମା(୧.୭୧%), ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ(୧.୪୩%), ପୋପ ଫ୍ରାନ୍ସିସ(୧.୩୪%) ଓ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ(୧.୨୭%) ରହିଛନ୍ତି।
