ମିଲର ଅପେକ୍ଷାରେ ଚାଷୀ: ଖରା କାକରରେ ମଣ୍ଡିରେ ପଡ଼ିଛି ଧାନ

ନୟାଗଡ ଅଫିସ,୨୧ା୨: ଖରା କାକରରେ ମଣ୍ଡିରେ ପଡିରହିଛି ଧାନ। କେଉଁଠି ଦୁଇଦିନ ତ ଆଉ କେଉଁଠି ୩ଦିନ ହେଲା ଚାଷୀ ଧାନବସ୍ତା ଜଗି ରହିଛି। ହେଲେ ମିଲରଙ୍କ ଦେଖା ମିଳୁନି। ଏଭଳି ଅବ୍ୟବସ୍ଥା ଜିଲାର ବିଭିନ୍ନ ଧାନ ମଣ୍ଡିରେ ଦେଖା ଦେଇଛି। ଏଠାରେ ନୟାଗଡ଼ ବ୍ଲକ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ଚାଲିଥିବା ଧାନମଣ୍ଡିକୁ ଉଦାହରଣ ଭାବେ ନିଆଯାଇ ପାରେ। ଜିଲା ସଦର ମହକୁମା ନିକଟରେ ଏଭଳି ଅବ୍ୟବସ୍ଥାର ସମାଧାନ ହୋଇପାରୁ ନ ଥିବାବେଳେ ଜିଲାର ଉପାନ୍ତ ଅଞ୍ଚଳରେ ଚାଷୀ କିପରି ଅସୁବିଧା ଭୋଗୁଥିବେ ତାହା ସହଜରେ ଅନୁମେୟ।

ସମ୍ପାଦକ ବଦଳିବା ଦରକାର
ଗୋଟିଏ ଗୋଟିଏ ସମବାୟ ସମିତିରେ ସମ୍ପାଦକ ଦୀର୍ଘବର୍ଷ ରହୁଥିବାରୁ ଦୁର୍ନୀତି ବଢ଼ୁଛି। ଧାନକିଣାରେ କେଳେଙ୍କାରୀ ଚାଲିଥିଲେ ମଧ୍ୟ ଏହାର ସମାଧାନ ହୋଇପାରୁନି। ଅଢ଼େଇ ଏକର ଜମିରୁ ୫୫ ବସ୍ତା ଧାନ ଆଦାୟ ହୋଇଛି। ହେଲେ ଏହାକୁ ବିକ୍ରି କରିପାରୁନି। ମିଲର ଧାନ କିଣିବାକୁ ଅଖା ଦେଇଛନ୍ତି। ମଣ୍ଡିକୁ ଧାନଆଣି ଜଗି ରହିଛି। ସେହିପରି ଗତବର୍ଷ ଧାନ ବିକିବାକୁ ଆସିଥିଲି। ହେଲେ ମୋତେ ସୁଯୋଗ ମିଳିଲାନି। ଶେଷରେ ବ୍ୟବସାୟୀଙ୍କୁ ଧାନ ବିକ୍ରି କଲି। ଅଭିଯୋଗ କଲେ ଆମ ଉପରେ ରାଗ ରଖି ହଇରାଣ କରୁଛନ୍ତି।
ବିଜୟ ବେହେରା, ଚାଷୀ, ଗଉଡସାହି, ଇଟାମାଟି

୩ଦିନ ହେଲା ଅପେକ୍ଷା
ମୋବାଇଲକୁ ମେସେଜ ଆସିଲା ଧାନ ମଣ୍ଡିକୁ ଆଣ। ୧୯ ତାରିଖରେ ମେସେଜ ଆସିବା ପରେ ସେହିଦିନ ମଣ୍ଡିକୁ ଧାନ ଆଣିଛି। ହେଲେ ମିଲରଙ୍କ ଦେଖାନାହିଁ। ସରକାରୀ ଦରରେ ଧାନ ବିକ୍ରି କରିବାକୁ ୩ ଦିନ ହେଲା ଅପେକ୍ଷା କଲୁଣି। ଦେଖାଯାଉ କେବେ ଆମଠାରୁ ମିଲର ଧାନ କିଣୁଛନ୍ତି।
ବସନ୍ତ ପୃଷ୍ଟି, ଚାଷୀ, ପ୍ରଧାନସାହି, ଇଟାମାଟି

ଅଭିଯୋଗ କେହି ଶୁଣୁ ନାହାନ୍ତି
ଏଠାରେ ୨ ଜଣ ମିଲର ଧାନ କିଣୁଛନ୍ତି। ପ୍ରଥମେ କିଛିଦିନ ଭଲରେ ଧାନ କିଣିଲେ। ପରେ ମିଲର ମନଇଚ୍ଛା କାରବାର କରୁଛନ୍ତି। ଧାନମଣ୍ଡି ପାଇଁ ଉଦ୍ଦିଷ୍ଟ ବାରରେ ଆଉ ମିଲର ଆସୁନାହାନ୍ତି। ବୁଧବାର ଏଠାରେ ଧାନ କିଣିବାର ଥିଲା। ହେଲେ ଗୁରୁବାର ହେଲାଣି, ମିଲରଙ୍କ ଦେଖା ନାହିଁ। ଫୋନ କଲେ ଉତ୍ତର ମିଳୁଛି, ଅପେକ୍ଷା କରିଥାନ୍ତୁ ଆମେ ଯାଉଛୁ। ଏଠାରେ ଚାଷୀ ସମସ୍ୟା ବୁଝିବାକୁ କେହି ନାହାନ୍ତି।
ଦୀପକ ନାୟକ, କୃଷକ ସଙ୍ଗଠନ ସଭାପତି, ଇଟାମାଟି

ମଣ୍ଡିରେ ମିଳୁନି ସର୍ବନିମ୍ନ ସୁବିଧା
୪ ଏକର ଜମି ଚାଷକରି ୧୦୦ ବସ୍ତା ଧାନ ପାଇଛି। ହେଲେ ବିକିବାର ସୁବିଧା ପାଉନି। ମଣ୍ଡିକୁ ଆସିଲେ ପିଇବାକୁ ପାଣି ମଳୁନି। ଖରା କାକରରୁ ରକ୍ଷା ପାଇଁ ଧାନ ଉପରେ ଘୋଡାଇବାକୁ ପଲିଥିନ ମିଳୁନି। ବସିବାର ମଧ୍ୟ ସୁବିଧା ନାହିଁ। ଚାଷୀଙ୍କୁ ସର୍ବନିମ୍ନ ସୁବିଧା ନ ଦେଇ ମଣ୍ଡିକୁ ଧାନ ବିକ୍ରି କରିବାକୁ ଆସ ବୋଲି କୁହାଯାଉଛି।
ଭିକାରୀ ଲେଙ୍କା, ଚାଷୀ, ଇଟାମାଟି

ଟୋକନ ମିଳୁନି, ଧାନ ଧରି ବସିଛି
ମୋର ୪ ଏକର ଓ ସେବା ସୂତ୍ରରେ ୫ଏକର ଏପରି ମୋଟ ୯ ଏକର ଜମି ରହିଛି। ଟୋକନ ପାଇବା ପାଇଁ ୧ମାସରୁ ଊର୍ଦ୍ଧ୍ୱ ହେବ ଆବେଦନ କରିଛି। ହେଲେ ଟୋକନ ମିଳୁ ନ ଥିବାରୁ ଧାନ ବିକିପାରୁନି। ମୋ ଭାଇ ଚାଷ କରିନି। ସେ କିନ୍ତୁ ଧାନ ବିକ୍ରି କରିବାର ସୁବିଧା ପାଇ ସାରିଲାଣି। ଜମି ପାଇଁ ସାର ମଧ୍ୟ ପାଇଛି। ହେଲେ ମୋ ପାଇଁ ସରକାରୀ ସୁବିଧା ସାତସପନ।
ଶରତ ଚନ୍ଦ୍ର ମହାପାତ୍ର, ଚାଷୀ, ଖଟେଇସାହି, ଇଟାମାଟି

ତାଲା ପକାଇ ଚାଲିଗଲେ କର୍ମଚାରୀ
ଗଣମାଧ୍ୟମ ପ୍ରତିନିଧିଙ୍କୁ ଦେଖି ସମ୍ପାଦକ ଚାଲିଗଲେ। ଏହା ପରେ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ତାଲା ଝୁଲିଲା। ଚାଷୀ ଧାନ ବିକ୍ରି କରିବାକୁ ଆସି ଜମା ହୋଇ ରହିଥିଲେ। ଅଧିକାଂଶ ଚାଷୀ କହିଥିଲେ ଏହା ନିତିଦିନିଆ ସମସ୍ୟା। ସମିତି ସବୁବେଳେ ଖୋଲେନି। ଅଭିଯୋଗ କଲେ ସମିତିରେ ତାଲା ଝୁଲେ। ଆମେ ସମିତି ସମ୍ପାଦକଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରିଥିଲୁ। ହେଲେ ସେ ଆମକୁ କିଛି ନ କହି ଏଡାଇ ଯାଇଥିଲେ।

ଏ ସମ୍ପର୍କରେ ଜିଲା ଯୋଗାଣ ଅଧିକାରୀ ଦେବବ୍ରତ ମହାପାତ୍ରଙ୍କୁ ପଚାରିବାରୁ ସେ ଇଟାମାଟି ପ୍ରାଥମିକ କୃଷି ସମବାୟ ସମିତିରେ ଧାନ କିଣାରେ ଯେଉଁ ଅବ୍ୟବସ୍ଥା ଦେଖାଦେଇଥିବା ଅଭିଯୋଗ ହେଉଛି ତାହାର ତଦନ୍ତ କରି ପଦକ୍ଷେପ ନେବେ ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଜିଲାପାଳଙ୍କ ଜନ ଅଭିଯୋଗ ଶୁଣାଣି: ମାତ୍ର ୯୦ଟି ଅଭିଯୋଗରେ ସୀମିତ, ପ୍ରଚାର ଅଭାବ ନା ସମାଧାନ ଉପରୁ ତୁଟିଲାଣି ଭରସା

ଥୁଆମୂଳ ରାମପୁର, ୧୬।୧୧ (ଦୁର୍ଗା କୀର୍ତ୍ତି): କଳାହାଣ୍ଡି ଜିଲାର ଅତି ଦୁର୍ଗମ ତଥା ଆଦିବାସୀ ବହୁଳ ଥୁଆମୂଳ ରାମପୁର ବ୍ଲକ ବୈଠକ ସଭା ଗୃହ ଠାରେ ସୋମବାର…

ଆଦର୍ଶ ଶିକ୍ଷକ ସୁନ୍ଦର ମୋହନ ସିଂ ସମ୍ବର୍ଦ୍ଧିତ: ସମାଜ ପ୍ରତି ଅବଦାନକୁ ପ୍ରଶଂସା

ମହାକାଳପଡ଼ା,୧୬।୧୧(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ବଉଳକଣୀସ୍ଥିତ ପ୍ରେମଚାନ୍ଦ ବିଦ୍ୟାପୀଠର ପ୍ରାକ୍ତନ ଛାତ୍ର ତଥା ରାଜ୍ୟସ୍ତରୀୟ ମୁଖ୍ୟମନ୍ତ୍ରୀ ଶିକ୍ଷା ପୁରସ୍କାରପ୍ରାପ୍ତ ଆଦର୍ଶ ଶିକ୍ଷକ ସୁନ୍ଦର…

ଅମିତାଭ, ଅଭିଷେକ ବଚ୍ଚନଙ୍କୁ ହତ୍ୟା ଧମକ, ଦିଆଗଲା ଏଭଳି ଚେତାବନୀ

ମୁମ୍ବାଇ,୧୬ା୧୧: ଗ୍ୟାଙ୍ଗଷ୍ଟର ଗୋଲ୍ଡି ଧିଲୋନ୍‌ଙ୍କଠାରୁ ମେଗାଷ୍ଟାର ଅମିତାଭ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ହତ୍ୟା ଧମକ ମିଳିଛି। ନିକଟରେ ଦିଲ୍ଲୀ ପୋଲିସ ଗୋଲ୍ଡି ଗ୍ୟାଙ୍ଗ୍‌ର ୨ ସଦସ୍ୟ…

ପୁଣି ବାତ୍ୟା ଆଶଙ୍କା: ଅଞ୍ଚଳବାସୀଙ୍କ ବଢିଲା ଚିନ୍ତା

ଭଞ୍ଜନଗର, ୧୬।୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୮ ଓ ୨୯ ତାରିଖରେ ଗଞ୍ଜାମ ଜିଲାରେ ସଂଘଟିତ ଭୟାବହ ବନ୍ୟାରୁ ଭଞ୍ଜନଗର ଜଳସମ୍ପଦ ବିଭାଗ କିଛି ଶିକ୍ଷା…

ବରିଷ୍ଠ ସାମ୍ବାଦିକ ନରୋତ୍ତମ ସେଲମାଙ୍କୁ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’

ରିଷିଡା,୧୬।୧୧(ସୁଶାନ୍ତ ମଲ୍ଲିକ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକର ବରିଷ୍ଠ ସାମ୍ବାଦିକ, ତଥା ସାହିତି୍ୟକ ନରୋତ୍ତମ ସେଲମାଙ୍କୁ ମର୍ଯ୍ୟାଦାଜନକ ‘ବିଜୟ ଦ୍ୱିବେଦୀ ସ୍ମୃତି ସମ୍ମାନ’ ପ୍ରଦାନ କରାଯାଇଛି। କେସିଙ୍ଗାଠାରେ…

ଶିକ୍ଷକ ନିଯୁକ୍ତି ଦାବି: ସମାଧାନ ନ ହେଲେ ସ୍କୁଲରେ ତାଲା ପକାଇବାକୁ ଗ୍ରାମବାସୀଙ୍କ ଚେତାବନୀ

ଗୁଡାରି, ୧୬।୧୧ (ପ୍ରମୋଦ କୁମାର ପତି): ଗୋଟିଏ ଶିକ୍ଷୟିତ୍ରୀଙ୍କ ଭରସାରେ ଚାଲିଛି ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢ଼ା। ବିଦ୍ୟାଳୟରେ ଆବଶ୍ୟକ ଶିକ୍ଷକ ନଥିବାରୁ ପିଲାଙ୍କ ପାଠପଢ଼ା…

ସଂସଦ ଭବନରେ ଗୁଞ୍ଜିଲା କଳାହାଣ୍ଡିର ଢାପ ନୃତ୍ୟ: କଳାକାରଙ୍କଠୁ ରାମକାଠି ନେଇ ବଜାଇଲେ ମୋଦି

ଭବାନୀପାଟଣା,୧୬।୧୧(ଉତ୍ତମ କୁମାର ଦାଶ): ଦିଲ୍ଲୀ ସଂସଦ ଭବନରେ ଜାତୀୟ ମଞ୍ଚରେ ଝଲସିଲା କଳାହାଣ୍ଡିର ପାରମ୍ପରିକ ଢାପ ନୃତ୍ୟ। ଜନଜାତୀୟ ଗୌରବ ଦିବସ ଅବସରରେ ଭବାନୀପାଟଣାର ପ୍ରତିଭା ଅନୁଷ୍ଠାନର…

ଯେଉଁଠି ପ୍ରଥମେ ଭେଟିଥିଲେ ସୋନିଆ-ରାଜୀବ, ସେହି ରେଷ୍ଟୁରାଣ୍ଟକୁ ଗର୍ଲଫ୍ରେଣ୍ଡଙ୍କ ସହ ଯାଇଥିଲେ ରାହୁଲ! ନିଜେ କଲେ ଖୁଲାସା

ନୂଆଦିଲ୍ଲୀ,୧୬।୧୧: କଂଗ୍ରେସ ସାଂସଦ ରାହୁଲ ଗାନ୍ଧୀ ତାଙ୍କ ମାଆ ସୋନିଆ ଗାନ୍ଧୀଙ୍କ ପୁସ୍ତକ ‘ବିଲଙ୍ଗିଂ: ଏ ଜର୍ଣ୍ଣି ଅଫ ଲଭ’ର ଉନ୍ମୋଚନ ଅବସରରେ ପରିବାର ସହ ଜଡ଼ିତ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?