କାନବେରା, ୨୭ା୨ (ପି.ଟି.)- ଚଳିତ ଆଇସିସି ମହିଳା ଟି୨୦ ଟୁର୍ନାମେଣ୍ଟରେ ଅଷ୍ଟ୍ରେଲିଆ ୮୬ରନରେ ବାଂଲାଦେଶକୁ ହରାଇ ଦେଇଛି। ଦଳକୁ ସହଜ ବିଜୟ ଦେବାରେ ଆଲିସା ହିଲି (୮୩ ରନ) ଓ ବେଥ୍ ମୁନି (୮୧*) ଙ୍କର ବିଶେଷ ଭୂମିକା ରହିଛି। ପ୍ରଥମ ଉଇକେଟରେ ଏହି ଦୁଇ ଖେଳାଳିଙ୍କ ମଧ୍ୟରେ ୧୫୧ରନର ପାର୍ଟନରଶିପ୍ ହୋଇଥିଲା। ମହିଳା ଟି୨୦ ବିଶ୍ୱକପ୍ରେ ଯେକୌଣସି ଉଇକେଟରେ ଅଷ୍ଟ୍ରେଲିଆର ଏହା ହେଉଛି ସବୁଠାରୁ ବଡ଼ ପାର୍ଟନରଶିପ୍। ଟସ୍ ହାରି ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ୧ ଉଇକେଟ ବିନିମୟରେ ୧୮୯ ରନ କରିଥିଲା, ଯାହାକି ଟୁର୍ନାମେଣ୍ଟର ସର୍ବୋଚ୍ଚ ସ୍କୋର। କଷ୍ଟସାଧ୍ୟ ବିଜୟ ଲକ୍ଷ୍ୟ ପିଛା କରି ବାଂଲାଦେଶ ନିର୍ଦ୍ଧାରିତ ଓଭରରେ ୯ ଉଇକେଟ ବିନିମୟରେ ୧୦୩ ରନ କରିବାରେ ସକ୍ଷମ ହୋଇଥିଲା।
ସଂକ୍ଷିପ୍ତ ସ୍କୋର
ଅଷ୍ଟ୍ରେଲିଆ: ୨୦ ଓଭରରେ ୧୮୯/୧ (ଆଲିସା ହିଲି-୮୩, ବେଥ୍ ମୁନି-୮୧*, ସଲ୍ମା ଖାତୁନ-୧/୩୯)।
ବାଂଲାଦେଶ : ୨୦ ଓଭରରେ ୧୦୩/୯ ( ଫର୍ଗାନା ହୋକ୍ ପିଙ୍କି-୩୬, ମେଗାନ ସ୍କଟ୍-୩/୨୧, ଜେସ୍ ଜୋନାସେନ୍-୨/୧୭)।
