କପ୍ତିପଦା,୬ା୨(ଡି.ଏନ୍.ଏ)- ଏକ ପୁରୁଣା ମାମଲାରେ ଦୋଷୀଙ୍କୁ ଗିରଫ ନ କରିବା ପାଇଁ ୫ ହଜାର ଟଙ୍କା ଲାଞ୍ଚ ନେବା ବେଳେ ମୟୂରଭଞ୍ଜ ଜିଲା କପ୍ତିପଦା ଫରେଷ୍ଟର ଶୋଭାକର ସିଂ ଗୁରୁବାର ଅପରାହ୍ନରେ ବାଲେଶ୍ୱର ଡିଭିଜନ ଭିଜିଲାନ୍ସ ଟିମ ହାତରେ ଧରା ପଡ଼ିଛନ୍ତି। କାଯର୍ୟାଳୟରେ ତାଙ୍କଠାରୁ ଲାଞ୍ଚ ଟଙ୍କା ଜବତ ହୋଇ ନ ଥିବା ବେଳେ ତାଙ୍କ ହାତ ଧୋଇବା ପରେ ରାସାୟନିକ ଲାଲି ପାଣି ବାହାରି ଥିବା ବିଭାଗ ସୂତ୍ରରୁ ଜଣାପଡ଼ିଛି ା ଲାଞ୍ଚ ଟଙ୍କା ଫରେଷ୍ଟର କାହା ହାତରେ ବାହାରକୁ ପଠାଇ ଦେଇଥିବା ଭିଜିଲାନ୍ସ ଅଧିକାରୀ କହିଛନ୍ତି। ସୂଚନା ଅନୁଯାୟୀ, ଫରେଷ୍ଟର ସିଂ ଏକ ପୁରୁଣା ମାମଲାରେ ଦୋଷୀଙ୍କୁ ଗିରଫ ନ କରିବା ପାଇଁ କପ୍ତିପଦା ଗଡସାହିର ହେମନ୍ତ କୁମାର ବେହେରାଙ୍କଠାରୁ ୧୦ ହଜାର ଟଙ୍କା ଦାବି କରିଥିଲେ ା ଅଭିଯୋଗକାରୀ ବେହେରା ଅପରାହ୍ନରେ ଫରେଷ୍ଟର ସିଂଙ୍କୁ ୫ ହଜାର ଟଙ୍କା ଅଗ୍ରୀମ ଦେଉଥିବା ବେଳେ ପୂର୍ବରୁ ପ୍ରସ୍ତୁତ ଭିଜିଲାନ୍ସ ଟିମ୍ ଚଢାଉ କରିଥିଲା ା ବାଲେଶ୍ୱର ଭିଜିଲାନ୍ସ ଏସ୍ପି ସନ୍ତୋଷ ମିଶ୍ରଙ୍କ ନିର୍ଦ୍ଦେଶକ୍ରମେ ଏହି ଚଢାଉରେ ବାରିପଦା ଡିଏସ୍ପି ଶରତ ଚନ୍ଦ୍ର ମହାପାତ୍ର, ଆଇଆଇସି ସିକନ୍ଦର ହେମ୍ରମ୍ବ, ସୁନୀଲ ଏକ୍କା ପ୍ରମୁଖ ସାମିଲ ଥିଲେ ା ଏ ସଂକ୍ରାନ୍ତରେ ବାଲେଶ୍ୱର ଭିଜିଲାନ୍ସ କେସ୍ ନଂ. ୭/୨୦୨୦, ୟୁ/ଏସ ୭ପି.ସି ରୁଜୁ କରାଯାଇ ଫରୋଷ୍ଟର ସିଂଙ୍କୁ ଗିରଫ କରାଯାଇଛି ା
