ନୂଆଦିଲ୍ଲୀ,୫ ।୭: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ସ୍ୱାସ୍ଥ୍ୟମନ୍ତ୍ରୀ ସତ୍ୟେନ୍ଦ୍ର ଜୈନ ଗିରଫ ଓ ଏମସିଡି ନିର୍ବାଚନକୁ ନେଇ ଭାଜପାକୁ ଟାର୍ଗେଟ କରିଛନ୍ତି । ମଙ୍ଗଳବାର କେଜରିୱାଲ ବିଧାନସଭାରେ କହିଛନ୍ତି ଏମାନେ ଫଣ୍ଡର କାନ୍ଦ କାନ୍ଦୁଛନ୍ତି । ଆମର ସମସ୍ତ ଫଣ୍ଡ ନେଇଗଲେ । ହେଲେ ଏବେ କେନ୍ଦ୍ରର ଅଧିନକୁ ଆସିଗଲା ଏମସିଡି, ଏବେ ସେଠାରେ ଲୋ ଫଣ୍ଡ, ସେଣ୍ଟରଠାରୁ ନେଇଆସ ଭଳି ଫଣ୍ଡ, ଏବେବି ଏମାନେ କର୍ମଚାରୀଙ୍କୁ ତାଙ୍କର ସମ୍ପୂର୍ଣ୍ଣ ଦରମା ଦେଉ ନାହାନ୍ତି ।
କେଜରିୱାଲ କହିଛନ୍ତି, ଅମିତାଭ ବଚ୍ଚନଙ୍କର ଗୋଟିଏ ଫିଲ୍ମ ଆସିଥିଲା ଦିୱାର । ସେଥିରେ ଅମିତାଭ କହୁଥିଲେ , ମୋ ପାଖରେ ଧନ ଅଛି, ଦୌଲତ ଅଛି, ବଙ୍ଗଲା ଅଛି.. ଆଉ ଏତିକି ବେଳେ ଶଶି କପୁର କହୁଥିଲେ ମୋ ପାଖରେ ମା’ ଅଛି । ସେମିତି ଆଜି ଭାଜପା କହୁଛି ମୋ ପାଖରେ ଇଡି ଅଛି, ଇନକମ ଟାକ୍ସ, ସିବିଆଇ ଅଛି । ହେଲେ ଦିଲ୍ଲୀର ଜନତା କହୁଛନ୍ତି ଆମ ପାଖରେ ଆମ ପୁଅ କେଜରିୱାଲ ଅଛି ।
ସତ୍ୟେନ୍ଦ୍ର ଜୈନଙ୍କ ଗିରଫକୁ ନେଇ କେଜରିୱାଲ କହିଛନ୍ତି, ଦେଶରେ ଗୋଟିଏ କଳା ଦିନ ଥିଲା । ଯେତେବେଳେ ଜୈନ ଗିରଫ ହୋଇଥିଲେ । ହେଲେ ଏବେବି ଲୋକେ ତାଙ୍କ ଉପରେ ବିଶ୍ୱାସ କରୁଛନ୍ତି । କହୁଛନ୍ତି ସେ ସଚ୍ଚୋଟ ।
