ବର୍ମିଂହାମ,୫।୭: ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯାଇଥିବା ଏଜବାଷ୍ଟନ ଟେଷ୍ଟରେ ଇଂଲଣ୍ଡ ଟେଷ୍ଟ ଟିମ୍ର ପୂର୍ବ ଅଧିନାୟକ ତଥା ବ୍ୟାଟ୍ସମ୍ୟାନ୍ ଜୋ ରୁଟ୍ ପୁଣି ଏକ ଶତକ ନିଜ ନାମରେ କରିଛନ୍ତି। ଭାରତ ଦେଇଥିବା ଟାର୍ଗେଟର ପିଛା କରି ରୁଟ୍ ଟେଷ୍ଟ କ୍ୟାରିୟରର ୨୮ତମ ଶତକ ପୂରଣ କରିଛନ୍ତି। ଏହି ମାମଲାରେ ସେ ବିଶ୍ୱର ଶୀର୍ଷ ଖେଳାଳି ପାଲଟିଛନ୍ତି।
ରୁଟ୍ ୧୩୬ ବଲ୍ରେ ଶତକ ମାରିଥିଲେ। ଏପରିକି ମ୍ୟାଚ୍ରେ ସେ ୧୭୩ ବଲ୍ରେ ଅପରାଜିତ ୧୪୨ ରନ୍ର ଇନିଂସ ଖେଳିଥିଲେ। ଏଥିରେ ୧୯ ଚୌକା ଏବଂ ୧ ଛକା ଥିଲା। ନିଜର ଉଲ୍ଲେଖନୀୟ ପ୍ରଦର୍ଶନରେ ରୁଟ୍ ଭାରତୀୟ ବୋଲରଙ୍କୁ ଘାଇଲା କରିବା ସହ ଇଂଲଣ୍ଡକୁ ବିଜେତା କରିବାରେ ପ୍ରମୁଖ ଭୂମିକା ଗ୍ରହଣ କରିଥିଲେ।
ଟେଷ୍ଟ କ୍ରିକେଟରେ ବର୍ତ୍ତମାନର ଶ୍ରେଷ୍ଠ ୪ ବ୍ୟାଟ୍ସମ୍ୟାନ(ଫାବ୍୍-୪) ତାଲିକାରେ ରୁଟ୍ ପ୍ରଥମ ସ୍ଥାନରେ ପହଞ୍ଚିଛନ୍ତି। ଏହି ମାମଲାରେ ସେ ଅଷ୍ଟ୍ରେଲିଆର ଅଭିଜ୍ଞ ଷ୍ଟିଭ୍ ସ୍ମିଥ୍ ଏବଂ ଫର୍ମରେ ନ ଥିବା ଭାରତୀୟ ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କୁ ପଛରେ ପକାଇଛନ୍ତି।
୧-ଜୋ ରୁଟ୍- ୨୮ ଟେଷ୍ଟ ଶତକ
୨-ଷ୍ଟିଭ୍ ସ୍ମିଥ୍-୨୭ ଟେଷ୍ଟ ଶତକ
୩-ବିରାଟ କୋହଲି-୨୭ ଟେଷ୍ଟ ଶତକ
୪-କେନ୍ ଓ୍ବିଲିୟମସନ-୨୪ ଟେଷ୍ଟ ଶତକ
