ଭଞ୍ଜନଗର,୧୫।୬(ଡି.ଏନ.ଏ.)-ଜଗନ୍ନାଥପ୍ରସାଦ ବ୍ଲକ ବିଡ଼ିପୁରସ୍ଥିତ ତେନ୍ତୁଳିଆ ଶାସନ ଦେବସ୍ଥାନ କଲେଜରୁ ଶୁକ୍ରବାର ରାତିରେ ଚୋରି ହୋଇଛି । ଦୁର୍ବୃତ୍ତମାନେ ଅଫିସ୍ କବାଟ ଭାଙ୍ଗି ଗୋଟିଏ କମ୍ପ୍ୟୁଟର, ଗୋଟିଏ ଟିଭି ଓ ଇନଭଟର ଚୋରାଇ ନେଇଛନ୍ତି। ଶନିବାର ସକାଳେ କଲେଜ କର୍ମଚାରୀ ପହଞ୍ଚିବା ପରେ ଚୋରି ସମ୍ପର୍କରେ ଜାଣିବାକୁ ପାଇଥିଲେ। ଏହାପରେ କଲେଜ ଅଧ୍ୟକ୍ଷ ପ୍ରଭାକର ଶତପଥୀ ଜଗନ୍ନାଥପ୍ରସାଦ ଥାନାରେ ଘଟଣା ସମ୍ପର୍କରେ ଲିଖିତ ଭାବେ ଅଭିଯୋଗ କରିଥିଲେ । ଅପରାହ୍ନରେ ସାଇଣ୍ଟିଫିକ୍ ଟିମ୍ ଓ ସନ୍ଧାନୀ କୁକୁର ଆସି ଘଟଣାର ତଦନ୍ତ କରିଛି । ଖୁବଶୀଘ୍ର ଅଭିଯୁକ୍ତ ଚିହ୍ନଟ ହୋଇଯିବେ ବୋଲି ପୋଲିସ ଆଶା ରଖିଛି । କଲେଜରେ ସିସିଟିଭି କ୍ୟାମେରା ବ୍ୟବସ୍ଥା ଥିତ୍ବାବେଳେ ଚୋରି ହୋଇଥିବା ରୁମ୍ରେ ଏହି ବ୍ୟବସ୍ଥା ନଥିଲା ।
