ଜୟପୁର, ୧।୧୦ (ପି.ଟି.)- ବିଜୟ ହଜାରେ ଟ୍ରଫିର ୬ଷ୍ଠ ରାଉଣ୍ଡରେ ମଙ୍ଗଳବାର ଖେଳାଯାଇଥିବା ଏକ ମ୍ୟାଚ୍ରେ କର୍ନାଟକ ୭୪ ରନରେ ବେଙ୍ଗଲକୁ ପରାସ୍ତ କରିଛି। ଜୟପୁର ବିଦ୍ୟାଳୟ ଗ୍ରାଉଣ୍ଡରେ ଖେଳାଯାଇଥିବା ଏଲିଟ୍ ଗ୍ରୁପ୍-ସି’ର ଏହି ମ୍ୟାଚ୍ରେ ପ୍ରଥମେ ବ୍ୟାଟିଂ କରି ତାମିଲନାଡ଼ୁ ଅଧିନାୟକ ତଥା ଉଇକେଟ୍କିପର ଦିନେଶ କାର୍ତ୍ତିକ (୯୭ ରନ, ୬୨ ବଲ, ୮ଚୌକା, ୪ ଛକା)ଙ୍କ ବିସ୍ଫୋରକ ବ୍ୟାଟିଂ ସାଙ୍ଗକୁ ବିଜୟ ଶଙ୍କର (୪୧) ଓ ଶାହରୁଖ ଖଁା (୬୯)ଙ୍କ ଉପଯୋଗୀ ଇନିଂସ ବଳରେ ୫୦ ଓଭରରେ ୭ ଉଇକେଟ୍ ହରାଇ ୨୮୬ ରନ କରିଥିଲା। ବେଙ୍ଗଲ ପକ୍ଷରୁ ଅଶୋକ ଦିଣ୍ଡା ଓ ଆକାଶ ଦୀପ୍ ୨ଟି ଲେଖାଏ ଉଇକେଟ୍ ନେଇଥିଲେ। ଜବାବରେ ମଧ୍ୟକ୍ରମ ବ୍ୟାଟ୍ସମ୍ୟାନ ଶାହବାଜ ଅହମ୍ମଦ (୧୦୭)ଙ୍କ ଶତକ ସତ୍ତ୍ୱେ ବେଙ୍ଗଲ ୪୫.୩ ଓଭରରେ ୨୧୨ ରନରେ ଅଲ୍ଆଉଟ୍ ହୋଇଯାଇଥିଲା। ବିଜୟୀ ଦଳ ପକ୍ଷରୁ ବାବା ଅପରାଜିତ, କ୍ରିଷ୍ଣାମୂର୍ତ୍ତି ବିଘ୍ନେଶ, ଟି. ନଟରାଜନ ଓ ମୁରୁଗାନ ଅଶ୍ୱିନ ୨ଟି ଲେଖାଏ ଉଇକେଟ୍ ଅକ୍ତିଆର କରିଥିଲେ। ଚତୁର୍ଥ ମ୍ୟାଚ୍ରୁ ୪ର୍ଥ ବିଜୟ ସହ ତାମିଲନାଡ଼ୁ ୧୬ ପଏଣ୍ଟ ପାଇ ଗ୍ରୁପ୍-ସି’ର ଶୀର୍ଷ ସ୍ଥାନରେ ରହିଛି। ଅନ୍ୟ ଏକ ମ୍ୟାଚ୍ରେ ଗୁଜରାଟ ୭ ଉଇକେଟ୍ରେ ରାଜସ୍ଥାନ (୧୬ ପଏଣ୍ଟ)କୁ ହରାଇ ଏହି ଗ୍ରୁପ୍ରେ ୨ୟ ସ୍ଥାନ ଲାଭ କରିଛି।
