ଜୁନାଗଡ,୨୧।୮(ଡି.ଏନ.ଏ.)-କଳାହାଣ୍ଡି ଜିଲା ଜୁନାଗଡ ସହରସ୍ଥିତ ସରସ୍ବତୀ ଶିଶୁ ମନ୍ଦିରଠାରେ ମଙ୍ଗଳବାର ଏକ ବିଜ୍ଞାନ ମେଳା ପ୍ରଦର୍ଶିତ ହୋଇଯାଇଛି। ବିଦ୍ୟାଳୟ ପ୍ରଧାନଚାର୍ଯ୍ୟ ନିରଞ୍ଜନ ପାଢୀଙ୍କ ଅଧ୍ୟକ୍ଷତାରେ ଉଦ୍ଘାଟନୀ ସମାରୋହରେ ମୁଖ୍ୟଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସଭାପତି ତଥା ସାମାଜିକ କର୍ମୀ ଦୁର୍ଗା ପ୍ରସାଦ ନାଏକ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି ସମ୍ପାଦକ ବିନାୟକ ଯୋଷୀ, ଅଭିଭାବକ ଲକ୍ଷ୍ମୀ ନାରାୟଣ ବାଣୁଆ ପ୍ରମୁଖ ଯୋଗଦେଇଥିଲେ। ଜ୍ଞାନବିଜ୍ଞାନ ମେଳାରେ ଛାତ୍ରୀଛାତ୍ରମାନେ ୩୧୬ଟି ପ୍ରକଳ୍ପ ପ୍ରଦର୍ଶନ କରିଥିଲେ। ସେହିପରି ୨୧ଜଣ ବିଚାରକ ଭାବେ ଦାୟିତ୍ୱ ତୁଲାଇଥିଲେ। ଅପରାହ୍ନରେ ଉଦଯାପନୀ ସମାରୋହରେ ମୁଖ୍ୟଅତିଥି ଭାବେ ଏବିଇଓ ନବକିଶୋର ପାଢି, ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟି କୋଷାଧ୍ୟକ୍ଷ ରାଜ କିଶୋର ପଟ୍ଟନାୟକ ପ୍ରମୁଖ ଯୋଗଦେଇଥିଲେ। ବରିଷ୍ଟ ବିଭାଗରେ ଜ୍ୟୋତି ରଞ୍ଜନ ପଣ୍ଡା, ଶିବ ସାହୁ, ରାମ ପ୍ରକାଶ ଯୋଷୀ, ଦିବସ କୁମାର ନାୟକ, ଅଖିଲେଶ ଦାଶ, ରଞ୍ଜିତ ସାହୁ, ଆଦର୍ଶ ପ୍ରଧାନ, ଆଶିଷ ତରାଇ, ଶ୍ୱେତପଦ୍ମା ଅଗସ୍ତି, ସ୍ମୃତିରେଖା ରାଉତ ଓ କନିଷ୍ଟ ବିଭାଗରେ ଅଦ୍ୱେତ ପଣ୍ଡା, କେଶବ ପ୍ରକାଶ ଯୋଷୀ, ପ୍ରତ୍ୟୁଷ ପଣ୍ଡା, ହେମାଙ୍ଗିନୀ ଦଣ୍ଡସେନା ପ୍ରମୁଖ ଛାତ୍ରୀଛାତ୍ର କୃତକାର୍ଯ୍ୟ ହୋଇଛନ୍ତି। ସେମାନଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା। କାର୍ଯ୍ୟକ୍ରମକୁ ହେମନ୍ତ କୁମାର ପ୍ରଧାନୀ ପରିଚାଳନା କରିଥିଲେ। ସେହିପରି ସନ୍ତୋଷ କୁମାର ସାହୁ, ଉମାକାନ୍ତ ଗୁରୁ, ଧର୍ମେନ୍ଦ୍ର ବାଗ, ଲଲାଟେନ୍ଦୁ ଘି, ଦୁଷ୍ମନ୍ତ ଖଡିକାର, ଫଗନୁ ନାଏକ, ସୋମ୍ୟରଞ୍ଜନ ଖମାରୀ, ଦାମୋଦର ଟୋଲଟିଆ ପ୍ରମୁଖ ଗୁରୁଜୀ ସହଯୋଗ କରିଥିଲେ।
