ଦିଗପହଣ୍ଡି,୨୪ା୧୧(ଡି.ଏନ୍.ଏ.)-ଗଞ୍ଜାମ ଜିଲା ଦିଗପହଣ୍ଡି ବ୍ଲକ ଗୌଡଗଁା ପଞ୍ଚାୟତ ଦାଉଣି ଗଁା ଛକରେ ଶନିବାର ଅପରାହ୍ନରେ ଯାତ୍ରୀବାହୀ ବସ୍ ମାଡିଯିବାରୁ ଜଣେ ନାବାଳକଙ୍କ ମୃତ୍ୟୁ ଘଟିଛି। ସେ ହେଲେ ଗୋପୀନାଥପୁର ଗ୍ରାମର ସାରଥି ସାହୁଙ୍କ ପୁଅ ଜ୍ୟୋତି ଓରଫ ସୁଲୁ (୫)। ପ୍ରକାଶ ଯେ, ବ୍ରହ୍ମପୁରରୁ ଭ୍ରମରପୁର ଭାୟା ଦିଗପହଣ୍ଡି ଦେଇ ଯାଉଥିବା କନକଦୁର୍ଗା (ନଂ. ଟିଏନ୪ବି-୨୬୩୩) ନାମକ ଘରୋଇ ବସ୍ରେ ସାରଥି, ତାଙ୍କ ସ୍ତ୍ରୀ ଓ ପୁଅ ଘରକୁ ଫେରୁଥିଲେ। ଅପରାହ୍ନ ପ୍ରାୟ ସାଢେ ୩ଟାରେ ଦାଉଣୀ ଗଁା ଛକରେ ବସ୍ ପହଞ୍ଚତ୍ଥିଲା। ଜ୍ୟୋତି ତାଙ୍କ ବାପା ବସ୍ରୁ ଓହ୍ଲାଉଥିବାବେଳେ ଛାଡିଦେଇଥିଲା। ଜ୍ୟୋତି ତଳେ ପଡିଯିବାରୁ ଚକା ଚଢିଯାଇଥିଲା। ତାଙ୍କୁ ଉଦ୍ଧାର କରି ଗୌଡଗଁା ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଘଟଣାପରେ ଚାଳକ ଫେରାର ହୋଇଯାଇଥିବାବେଳେ ଗ୍ରାମବାସୀ ମୃତଦେହ ରଖି ରାସ୍ତାରୋକୋ କରିଥିଲେ। କେ. ନୂଆଗଁା ପୋଲିସ ପହଞ୍ଚତ୍ ବୁଝାଶୁଝା କରିବା ପରେ ଅବରୋଧ ହଟିଥିଲା। ପରେ ପୋଲିସ ମୃତଦେହ ଜବତକରି ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ ଡାକ୍ତରଖାନା ପଠାଇଛି।
