ବମ୍ବେ: ଟଲିଉଡ୍ର ହିଟ୍ ନାୟିକା ରଶ୍ମିକା ମନ୍ଦାନା ବଲିଉଡ୍ରେ କରିବେ ଡେବ୍ୟୁ। ମହାନାୟକ ଅମିତାଭ ବଚ୍ଚନଙ୍କ ସହ ସେ ଫିଲ୍ମ ‘ଗୁଡ ବୟ’ରେ ନଜର ଆସିବେ। ଏନେଇ ଘୋଷଣା କରିଛନ୍ତି ଏକତା କପୁର। ଏହାଛଡ଼ା ସିର୍ଦ୍ଧାର୍ଥ ମଲହୋତ୍ରାଙ୍କ ବିପକ୍ଷରେ ‘ମିଶନ ମଜନୁ’ରେ ନଜର ଆସିବେ ରଶ୍ମିକା। ଗୋଟିଏ ନୁହେଁ ଦୁଇ ଦୁଇଟି ଫିଲ୍ମରେ ସେ ବଲିଉଡ୍ରେ ଏଣ୍ଟ୍ରି କରିବାକୁ ଯାଉଥିବାକୁ ନେଇ ପ୍ରଶଂସକମାନେ ବେଶ୍ ଖୁସି ପ୍ରକାଶ କରିଛନ୍ତି।
୨୦୧୬ରେ କନ୍ନଡ ଫିଲ୍ମ‘କିରିକ ପାର୍ଟି’ ଜରିଆରେ ଅଭିନୟ ଜୀବନ ଆରମ୍ଭ କରିଥିଲେ ରଶ୍ମିକା। ପରେ ସେ ୨୦୧୮ରେ ଫିଲ୍ମ ‘ଚଲୋ’ରୁ ତେଲୁଗୁ ଡେବ୍ୟୁ କରିଥିଲେ। ଏହାଛଡ଼ା ଫିଲ୍ମ ‘ଡିଅର କୋମ୍ରେଡ୍’ରେ ବିଜୟ ଦେବରାକୋଣ୍ଡାଙ୍କ ବିପକ୍ଷରେ ତାଙ୍କ ଅଭିନୟକୁ ବେଶ ପ୍ରଶଂସା କରାଯାଇଥିଲା। ଫିଲ୍ମଟି ସେତେବେଳେ ହିଟ୍ ସାବ୍ୟସ୍ତ ହୋଇଥିଲା। ନିକଟରେ ମହେଶ ବାବୁଙ୍କ ସହ ‘ସାରିଲେରୁ ନିକେଭାରୁ’ ସହ ସହ ନଜର ଆସିଥିଲେ ରଶ୍ମିକା। ଆଗାମୀ ଦିନରେ ଅଭିନେତ୍ରୀ ରୋମାଣ୍ଟିକ ଡ୍ରାମା ‘ଭିସ୍ମା’ ରିଲିଜ ହେବ। ଏଥିରେ ଲିଡ୍ ରୋଲ୍ରେ ଅଭିନେତା ନୀତିନ ନଜର ଆସିବେ। ଏହାଛଡ଼ା ରଶ୍ମିକା ଆଲ୍ଲୁ ଅର୍ଜୁନଙ୍କ ଫିଲ୍ମ‘ଏଏ୨୦’ରେ କାମ କରୁଛନ୍ତି। ତାମିଲ, ତେଲୁଗୁ, କନ୍ନଡ ଭାଷୀୟ ଫିଲ୍ମରେ କାମ କରି ବାହାବା ସାଉଁଟିଛନ୍ତି ରଶ୍ମିକା। ଏବେ ବଲିଉଡ୍ରେ ସେ କି କମାଲ କରୁଛନ୍ତି ତାହା ଦେଖିବାକୁ ବାକି ରହିଲା।
