ଧର୍ମଶାଳା,୧୮ା୧୦(ଡି.ଏନ୍.ଏ.): ଯାଜପୁର ଜିଲା ଧର୍ମଶାଳା ତହସିଲରେ ଚଳିତ ବର୍ଷ ଫନିବାତ୍ୟାରେ କ୍ଷତିଗ୍ରସ୍ତ ୬୨୭୯ ଜଣ ଗୃହକର୍ତ୍ତାଙ୍କୁ ଗୁରୁବାର ସୁଦ୍ଧା ୨କୋଟି ୭ଲକ୍ଷ ୭ହଜାର ୩ଶହ ଟଙ୍କା ତହସିଲ ପକ୍ଷରୁ ବ୍ୟାଙ୍କ ଜରିଆରେ ବଣ୍ଟନ କରାଯାଇଛି ବୋଲି ଧର୍ମଶାଳା ତହସିଲଦାର ସରୋଜ କୁମାର ପଣ୍ଡା ସୂଚନା ଦେଇଛନ୍ତି। ଏହି ତହସିଲ ଅଧିନସ୍ଥ ୧୧ଟି ସର୍କଲର ୬ହଜାର ୩୦୪ଜଣ କ୍ଷତିଗ୍ରସ୍ତଙ୍କୁ ଯାଜପୁର ଜିଲାପାଳ ରଞ୍ଜନ ଦାସ ଗତ ମାସ ୨୯ତାରିଖର ଅନୁମୋଦନ କ୍ରମେ ୨କୋଟି ୮ଲକ୍ଷ ୭୮ହଜାର ୧୦୦ଟଙ୍କା ମଞ୍ଜୁର କରିଥିଲେ। ନାକପୋଲ ସର୍କଲର-୫ଜଣ, ତଳଗଡ଼-୫ଜଣ, ଆରୁହା-୩ଜଣ, ଶ୍ରୀନଗର-୮ଜଣ, ବଳରାମପୁର(୨) ସର୍କଲର- ୪ଜଣ ମୋଟ ୨୫ଜଣଙ୍କ ପାଶ୍ ବୁକ ନମ୍ବର ଭୁଲ ଥିବାରୁ ସେମାନଙ୍କ ପାଇଁ ମଞୁର ହୋଇଥିବା ଏକଲକ୍ଷ ୭୦ହଜାର୮୦୦ଟଙ୍କା ପାଇବାକୁ ବାକି ଅଛି ବୋଲି ତହସିଲଦାର ସୂଚନା ଦେଇଛନ୍ତି। ଫନି ବାତ୍ୟାରେ ୩୩୯୨ କଚାଘର, ୩୩୮ଟି କୁଡ଼ିଆ ଘର,୧୯୭୪ଟି ଗୁହାଳ କ୍ଷତିଗ୍ରସ୍ତ ହୋଇଥିଲା ବୋଲି ଧର୍ମଶାଳା ତହସିଲଦାର ପଣ୍ଡା ସୂଚନା ଦେଇଥିଲେ।
