ଭୁବନେଶ୍ୱର, ୨୩।୪(କ୍ରୀଡ଼ା ପ୍ରତିନିଧି)- କାତାରର ଦୋହାଠାରେ ଚାଲିଥିବା ଏସିଆନ ଆଥଲେଟିକ୍ସ ଚାମ୍ପିୟନଶିପ୍ରେ ଓଡ଼ିଶାର ପୂର୍ଣ୍ଣିମା ହେମ୍ବ୍ରମଙ୍କ ହେପ୍ଟାଥଲନ ଇଭେଣ୍ଟ ଆରମ୍ଭ ହୋଇଛି। ସୋମବାର ଦ୍ୱିତୀୟ ଦିବସରେ ପ୍ରଥମେ ଅନୁଷ୍ଠିତ ୧୦୦ ମିଟର ହର୍ଡଲ୍ସରେ ପୂର୍ଣ୍ଣିମା ୧୩.୭୯ ସେକେଣ୍ଡ ସମୟ ନେଇ ନିଜ ୧ ନମ୍ବର ହିଟ୍ରେ ଦ୍ୱିତୀୟ ସ୍ଥାନ ଅଧିକାର କରିଛନ୍ତି। ଏଥିରୁ ତାଙ୍କୁ ୧୦୦୮ ପଏଣ୍ଟ ମିଳିଛି। ଏଥିରେ ଭାଗ ନେଇଥିବା ଭାରତର ସ୍ବପ୍ନା ବର୍ମନ ୧୪.୦୦ ସେକେଣ୍ଡ ସମୟ ନେଇ ହିଟ୍-୨ରେ ତୃତୀୟ ସ୍ଥାନରେ ରହିଛନ୍ତି। ଫଳରେ ସେ ୯୭୮ ପଏଣ୍ଟ ହାସଲ କରିଛନ୍ତି। ହେପ୍ଟାଥଲନର ଦ୍ୱିତୀୟ ଇଭେଣ୍ଟ ହାଇଜମ୍ପରେ ପୂର୍ଣ୍ଣିମା ୧.୬୮ ମିଟର କ୍ଲିୟର କରି ୬ଷ୍ଠ ସ୍ଥାନ ପାଇଛନ୍ତି। ଏଥିରୁ ସେ ୮୩୦ ପଏଣ୍ଟ ପାଇଥିବାରୁ ତାଙ୍କର ମୋଟ ପଏଣ୍ଟ ସଂଖ୍ୟା ୧୮୩୮ରେ ପହଞ୍ଚତ୍ଛି। ଏହି ଇଭେଣ୍ଟରେ କିନ୍ତୁ ସ୍ବପ୍ନା ବାଜିମାରି ୧.୮୩ ମିଟର କ୍ଲିୟନ କରିବା ସହ ପ୍ରଥମସ୍ଥାନ ଅଧିକାର କରିଛନ୍ତି। ଫଳରେ ତାଙ୍କୁ ଏଥିରୁ ୧୦୧୬ ପଏଣ୍ଟ ମିଳିଛି ଏବଂ ତାଙ୍କ ପଏଣ୍ଟ ସଂଖ୍ୟା ୧୯୯୪ ହୋଇ ଯାଇଛି। ଶଟ୍ପୁଟ ଇଭେଣ୍ଟରେ ପୂର୍ଣ୍ଣିମା ୧୧.୫୮ ମିଟର ସହ ୬୩୩ ପଏଣ୍ଟ ପାଇଥିବାବେଳେ ସ୍ବପ୍ନା ୧୨.୭୬ ମିଟର ସହିତ ୭୧୧ ପଏଣ୍ଟ ପାଇଛନ୍ତି। ସେହିପରି ୨୦୦ ମିଟରରେ ପୂର୍ଣ୍ଣିମା ୨୫.୫୫ ସେକେଣ୍ଡ ସମୟ ନେଇ ୮୩୭ ଓ ସ୍ବପ୍ନା ୨୫.୭୯ ସେକେଣ୍ଡ ସହ ୮୧୬ ପଏଣ୍ଟ ପାଇଛନ୍ତି। ୪ ଇଭେଣ୍ଟ ପରେ ଓଭରଅଲ୍ ସ୍ବପ୍ନା ୩୫୨୧ ପଏଣ୍ଟ ସହିତ ୩ୟ ଓ ପୂର୍ଣ୍ଣିମା ୩୩୦୮ ପଏଣ୍ଟ ସହ ୫ମ ସ୍ଥାନରେ ରହିଛନ୍ତି।
