ହିିଞ୍ଜିଳିକାଟୁ,୩ା୩(ଡି.ଏନ୍.ଏ): ଗଞ୍ଜାମ ଜିଲା ହଞ୍ଜିଳି ଥାନା ସୋମପୁର ଗ୍ରାମରେ ମଙ୍ଗଳବାର ପୂର୍ବାହ୍ନରେ ପାହାଡ଼ରୁ ପଥର ଫୁଟା ପାଇଁ ବ୍ୟବହୃତ ଡିଟୋନେଟର ବିସ୍ଫୋରଣ ଘଟି ୩ ନାବାଳକ ଆହତ ହୋଇଛନ୍ତି। ସେମାନେ ହେଲେ ବାଦଲ ଗାୈଡ(୧୦), ନାରାୟଣ ଗାୈଡ(୧୨), ଶ୍ରୀଧର ଗାୈଡ(୧୦)।
ପ୍ରକାଶ ଯେ, ସୋମପୁର ନିକଟସ୍ଥ ପାହାଡ଼ରୁ ପଥର ଫଟା ପାଇଁ ଡିଟୋନେଟର ବ୍ୟବହୃତ ହେଉଥିଲା। ଜଣେ ବ୍ୟକ୍ତିଙ୍କ ଘରେ ଏହିସବୁ ବିସ୍ଫୋରକ ସାମଗ୍ରୀ ରଖାଯାଇଥିଲା। ତେବେ ବାଦଲ, ନାରାୟଣ ଏବଂ ଶ୍ରୀଧର ଖେଳିବା ପାଇଁ ଉକ୍ତ ବିସ୍ଫୋରକ ସାମଗ୍ରୀ ଆଣିଥିଲେ। ଡିିଟୋନେଟରକୁ ଡ୍ରାଏ ବ୍ୟାଟେରି ସେଲ ସହ ସେମାନେ ସଂଯୋଗ କରିଥିଲେ। ଫଳରେ ବିସ୍ପୋରଣ ଘଟିଥିଲା। ସେମାନଙ୍କ ଶରୀରର ବିଭିନ୍ନ ସ୍ଥାନରେ ଆଘାତ ଲାଗିଛି। ଗୁରୁତର ଅବସ୍ଥାରେ ସେମାନଙ୍କୁ ହଞ୍ଜିଳିକାଟୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ଅଧିକ ଚିକିତ୍ସା ପାଇଁ ସେମାନଙ୍କୁ ବ୍ରହ୍ମପୁର ବଡ଼ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ଖବର ପାଇଁ ପୋଲିସ ପହଞ୍ଚି ବିଭିନ୍ନ ସ୍ଥାନରେ ଅନୁସନ୍ଧାନ ଚଳାଇଛି।
