ରାଞ୍ଚି,୨୦।୯: ଝାଡଖଣ୍ଡରେ ବିଧାନସଭା ନିର୍ବାଚନ ହେବାକୁ ଆଉ ଅଳ୍ପ ଦିନ ବାକି ଅଛି। ରାଜ୍ୟରେ ପୁଣିଥରେ ଶାସନ ମଙ୍ଗ ଧରିବାକୁ ସଜବାଜ ହେଉଛି ଭାରତୀୟ ଜନତା ପାର୍ଟି। କିନ୍ତୁ ଏହା ପୂର୍ବରୁ ରାଜ୍ୟ ସରକାରଙ୍କ ପୋଲ୍ ଖୋଲିଛନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ସ୍ତ୍ରୀ ସାକ୍ଷୀ। ଗୁରୁବାର ସେ ଟୁଇଟ୍ କରି କହିଥିଲେ, ରାଞ୍ଚିରେ ପ୍ରତିଦିନ ଲୋକେ ବିଦ୍ୟୁତ୍ କାଟ୍ ଅନୁଭବ କରୁଛନ୍ତି। ପ୍ରତିଦିନ ଏଠାରେ ୪ରୁ ୭ ଘଣ୍ଟା ବିଦ୍ୟୁତ୍ କାଟ୍ ହେଉଛି। ଆଜି ତ ପାଗ ଭଲ ଅଛି। କୌଣସି ଉତ୍ସବ ମଧ୍ୟ ନାହିଁ। କିନ୍ତୁ ଏଭଳି ବିଦ୍ୟୁତ୍ କାଟ୍ କାହିଁକି କରାଯାଉଛି। ଏନେଇ ସମ୍ପୃକ୍ତ ବିଭାଗର ଅଧିକାରୀ ଦୃଷ୍ଟି ଦେବାକୁ ସେ ଦାବି କରିଛନ୍ତି। ସୂଚନାଯୋଗ୍ୟ, ୨୦୧୬ରେ ଝାଡଖଣ୍ଡ ସରକାରଙ୍କ ପକ୍ଷରୁ ଲୋକଙ୍କୁ ୨୪ ଘଣ୍ଟା ବିଦ୍ୟୁତ୍ ବ୍ୟବସ୍ଥା ଯୋଗାଇ ଦେବାକୁ ପ୍ରତିଶ୍ରୁତି ଦେଇଥିଲେ।
