ତାଳଚେର, ୨୧ା୭(ନି.ପ୍ର.) – କଣିହାଁ ସ୍ଥିତ ଏନ୍ଟିପିସିର ମୁଖ୍ୟ ମହାପ୍ରବନ୍ଧକ ରମେଶବାବୁ ଭିଙ୍କ କାର୍ଯ୍ୟନିର୍ବାହୀ ନିର୍ଦ୍ଦେଶକ (ଇଡି) ଭାବେ ପଦୋନ୍ନତି ହୋଇଛି। ଗତ ୧୭ରେ ସେ ନୂତନ ଦାୟିତ୍ୱ ଗ୍ରହଣ କରିଛନ୍ତି । ଗତ ମାର୍ଚ୍ଚ ୨୦ରେ ସେ କଣିହାଁ ପ୍ରକଳ୍ପରେ ଗ୍ରୁପ ଜେନେରାଲ ମ୍ୟାନେଜର ଭାବେ ଯୋଗ ଦେଇଥିଲେ। ପରେ ସିଜିଏମ ପଦବୀକୁ ପଦୋନ୍ନତି ହୋଇଥିଲା। ରମେଶ ଦୀର୍ଘ ୩୨ବର୍ଷ ଧରି ଏନ୍ଟିପିସିର ବିଭିନ୍ନ ପ୍ରକଳ୍ପରେ ଇରେକ୍ସନ, ମେକାନିକାଲ, ଅପରେଶନ ଆଦି ବିଭାଗରେ ସଫଳତାର ସହ କାମ କରି ଆସିଛନ୍ତି। ଅଧିକାରୀ, କର୍ମଚାରୀ, ଶ୍ରମିକ ପ୍ରତିନିଧିମାନେ ତାଙ୍କୁ ଶୁଭେଚ୍ଛା ଜଣାଇଥିଲେ ।
